Шӯрои амнияти Русия: 75% - и ҳамалоти кибериро ИМА анҷом медиҳад

193
(Таҷдидшуда 19:02 25.08.2020)
Русия бар ин аст, ки 75 дарсади ҳамаи ҳамлаҳои хакериро дар ҷаҳон Иёлоти Муттаҳидаи Амрико амалӣ мекунад

ДУШАНБЕ, 25 авг — Sputnik. ИМА ва шариконашон амалҳои ҷосусиро дар фазои киберии дигар кишварҳо бештар менамояд, изҳор дошт муовини раиси Шӯрои амнияти Русия Олег Храмов.

"Аз ҷониби дигар, Русия, Чин, Куреи Шимолӣ ва Эронро манбаъи асосии таҳдиди киберӣ эълон мекунанд", - гуфт ӯ дар мусоҳиба бо рӯзномаи "Аргументы и факты".

Ба гуфти мусоҳиб, бо чунин роҳ ИМА "симои расонаиро мақсаднок шакл медиҳад", ки барои асоснок кардани ҳар амали иғвогаронаи худ дар назари ҷамъияти ҷаҳонӣ нигаронида шудааст.

Ӯ қайд кард, ки натиҷаи "ба таври сунъӣ шиддатнок кардани авзоъи расонаӣ", ба шиддат гирифтани муносиботи байналмилалӣ рушд накардани иқтисоди ҷаҳон, таҳримҳо ва шикасти боварӣ ба рақамкунонӣ оварда мерасонад.

"Дар чунин шароит бояд барои худтаъминкунии рақамии давлатҳо ҳайрон нашуд. Ин аз талаботи таъмини амнияти соҳибихтиёрии давлат, дар асри рақамӣ бармеояд", - изҳор дошт Храмов.

Ба гуфти муовини раиси Шӯрои амният, аксари ҳамлаҳои киберӣ аз ҷониби ИМА анҷом дода мешаванд.

"Амрикоиҳо дар омори фаъолияти зарарнок дар мақоми аввал ҷой гирифтаанд: ин нишондод соли  2016- 40% ва соли 2019 - 75% - ро ташкил дод ", - гуфт ӯ.

Ба гуфти Храмов ин нишондод дар "Русия аз 2% то 7 дарсадро ташкил медиҳад".

"Ин арқоме, ки дар дастрасии озод ҳастанд ва дар Урупо ба ҳеҷ ваҷҳ расонаӣ намешаванд ба ҳар инсони бофикр бепоя будани таҳдиди сартосарии киберии Русияро нишон медиҳанд",- қайд кард мусоҳиб.

Храмов бар ин аст, ки Маскав бояд нисбат ба рушди имконоти киберии ИМА бар зидди Русия, чораандешӣ кунад.

"Аз охирин аксияҳо, метавон хабарҳои бесос дар расонаҳои Гурҷистонро моҳи октябри соли 2019 мисол овард, ки Русияро бидуни далел дар ҳамлаи киберӣ ба мақомоти давлатии ин кишвар айбдор карданд".

Ба гуфти Храмов, ба ҳамин монанд айбдориҳо нисбати Русия барои ҳамлаи киберӣ ба обектҳои тандурустии Чехия, ки бар зидди коронавирус мубориза мебаранд, буданд.  "Хакерҳои Русия" - ро ҳамчунин дар кӯшиши дарёфти дастрасӣ ба пойгоҳҳои таҳиякунандагони ваксинаи COVID -19 дар ИМА, Бритониё ва Канада, гунаҳкор мекунанд.

Храмов ҳамчунин таъсири Русияро ба интихоботи ИМА қайд кард. "Ин масъала дар муқобилияти доираҳои сиёсии Амрико чун баҳонаи хубе шуда буд", - афзуд ӯ.

Ӯ ёдрас шуд, ки президенти ИМА Доналд Трамп дар бораи оғози ҳамлаи киберии пинҳонӣ ба Ожонси пажӯҳиши интернети Русия, ки аз ҷониби мақомоти Амрико беасос чун паҳнкунандаи ахбори дахолаткунанда тасвир шуд, дастур дод.

"Далели ин ҳамлаҳоро Доланд Трамп чанде пеш ошкоро дар суҳбат бо "Вашингтон пост" иқрор шуд", - гуфт Храмов.

Дар баробари ин, бино бар гузориши тозаи нашршуда, соли 2018 президенти ИМА ба Хадамоти ҷосусии ин кишвар ба истилоҳ ЦРУ, дар алоқамандӣ ба ҳамлаҳои хакерӣ ваколатҳои баландтар дод.

Ҳамаи ин ба гуфти Храмов, ба зарурати андешидани чораҳои муҳофизатӣ, мувофиқи муқаррароти амнияти иттилоотӣ ва қонунгузории Русия таъкид менамояд.

193
Барчаспҳо:
ИМА, хатари киберӣ, ҳамла, амният, Русия
Мулоқоти Эмомалӣ Раҳмон, раисиҷумҳури Тоҷикистон, бо Муҳаммад Ҳаниф Атмар, сарпарасти Вазорати корҳои хориҷии Афғонистон

Раҳмон ҷонибдорияш аз музокироти байниафғониро баён дошт

233
(Таҷдидшуда 20:46 17.09.2020)
Эмомалӣ Раҳмон, раисиҷумҳури Тоҷикистон, дар шаҳри Душанбе бо Муҳаммад Ҳаниф Атмар, сарпарасти Вазорати корҳои хориҷии Афғонистон вазъи имрӯзаи амниятӣ ва оғози музокироти сулҳи байниафғониро баррасӣ кард

ДУШАНБЕ, 17 сен — Sputnik. Ба иттилои котиботи раисиҷумҳури Тоҷикистон, дар мавриди яке аз равандҳои калидии фазои сиёсии Афғонистон, ки имрӯзҳо диққати ҷомеаи ҷаҳониро ба худ ҷалб кардааст, яъне музокироти сулҳи Афғонистон, Эмомалӣ Раҳмон изҳор дошт, ки  Тоҷикистон мавқеи Ҳукумати Афғонистонро дар таъмини амният ва сулҳу суботи пойдор ҳамеша ҷонибдорӣ карда, аз ҳар иқдоме, ки ба ҳалли мусолиҳатомези қазияи Афғонистон мусоидат мекунад, истиқбол менамояд.  

“Дар ин робита қайд гардид, ки Тоҷикистон бо истифода аз ҳама зарфиятҳо ва имконоти мавҷуда минбаъд ҳам саъйю талош хоҳад кард, то  ҷиҳати  мусоидат ба ҳалли мушкилоти Афғонистон ва рушди иқтисодиву иҷтимоии он дар ростои манофеи мардуми бародари он саҳми худро гузорад”, - омадааст дар иттилоияи котибот.

Тибқи иттилои котиботи раисиҷумҳури Тоҷикистон, Эмомалӣ Раҳмон таъкид кард, ки  ҳамкорӣ бо Афғонистон дар сохтори сиёсати хориҷии Тоҷикистон яке аз самтҳои авлавиятнок муқаррар шудааст ва ҷониби мо ба густариши ҳамкориҳо бо ин кишвари ҳамҷавор  пайваста таваҷҷуҳи ҷиддӣ зоҳир менамояд.

Дар ҷараёни мулоқот ҷонибҳо ҳамчунин аҳаммияти пайгирии минбаъдаи масъалаҳои вобаста ба татбиқи лоиҳаҳои зерсохторӣ ва энергетикии минтақавиро, ки омили  ҷалби васеи Афғонистон ба раванди ҳамкориҳои минтақавӣ маҳсуб меёбанд, баррасӣ намудаанд.  

Баъди ҳамла: мулоқоти Ятимов бо Амруллоҳ Солеҳ ва Абдулло Абдулло дар Кобул

Ҷонибҳо инчунин зарурати таҳкиму тақвияти ҳамкориҳояшро дар самти муборизаи муштарак алайҳи хатару таҳдидҳои муосир, аз ҷумла терроризм, ифротгароӣ, гардиши ғайриқонунии маводи мухаддир ва дигар ҷиноятҳои муташаккили фаромиллӣ, инчунин дар ҷодаи мубориза бо ҳамагирии КОВИД-19 ва рафъи оқибатҳои он  қайд намудаанд.

233
Председатель ГКНБ РТ Саймумин Ятимов, архивное фото

Баъди ҳамла: мулоқоти Ятимов бо Амруллоҳ Солеҳ ва Абдулло Абдулло дар Кобул

947
Саймумин Ятимов, раиси Кумитаи давлатии амнияти милли Тоҷикистон бо мақомдорҳои баландпояи Афғонистон мулоқот кардааст

ДУШАНБЕ, 11 сен — Sputnik. Сафари раиси Кумитаи давлатии амнияти миллии Тоҷикистон аз 9 то 11 сентябр дар Кобул ҷараён дошт, хабар медиҳад “Ховар”.

Ба иттилои манбаъ, Ятимов дар сафари корияш бо муовини аввали президенти Афғонистон Амруллоҳи Солеҳ, Раиси Шӯрои Олии мусолиҳаи миллӣ Абдуллоҳи Абдулло, Раиси Парлумон Мирраҳмон Раҳмонӣ, Мушовири амнияти президент Ҳамдуллоҳи Муҳиб, раиси Раёсати умумии амнияти миллӣ Аҳмад Зиё Сироҷ, вазири корҳои хориҷӣ Ҳаниф Атмар, вазири дифоъ Асадуллои Холид ва вазири умури дохилаи Ҷумҳурии исломии Афғонистон Масъуди Андаробӣ оид ба муносибатҳои мутақобилан судманд дидору мулоқот кардааст.

Ба иттилои манбаъ, дар мулоқотҳо оид ба вазъи амнияти ду кишвари дӯст ва минтақа, ҳифзи боэътимоди сарҳади давлатӣ, мубориза бо терроризм ва экстремизм, қочоқи силоҳ ва маводи мухаддир, инчунин таъмини амнияти коммуникатсионӣ ва тарҳҳои энергетикиву иқтисодӣ мубодилаи афкори судманд сурат гирифт.

Ҷонибҳо изҳор доштаанд, омодаанд, ҳамгироӣ ва муносибатҳоро дар самтҳои сиёсӣ, иқтисодӣ, фарҳангӣ ва амниятӣ тақвият ва тавсеа бахшида, ба ин васила ба сулҳу субот ва оромию осудагӣ дар минтақа мусоидат намоянд.

Таъкид шудааст, ки хотимаи ҷанг дар Афғонистон ва пешгирӣ аз фаъолияти тахрибии хадамотҳои махсус ва доираҳои манфиатдори сиёсии баъзе аз кишварҳо бо истифода аз гурӯҳҳои байналмилалии террористӣ, аз омилҳои муҳимтарини таъмини амният маҳсуб мегарданд.

Тоҷикистон ҳамла ба Амрулло Солеҳ, ноиби президенти Афғонистонро шадидан маҳкум кард

Ҷонибҳо бо ишора ба зарурати сифатии беҳтар сохтан ва ба сатҳи зарурӣ боло бурдани ҳамкории дуҷониба омодагии комили хешро ҷиҳати амалисозии тадбирҳои муассир ва мушаххас дар ин раванд изҳор доштанд.

Мулоқоти Амруллоҳи Солеҳ бо Ятимов дар ҳоле баргузор шуд, ки ду рӯзи қабл Солеҳ ҳадафи ҳамлаи террористӣ қарор гирифт. Ҳамла ба Амруллоҳ Солеҳ субҳи рӯзи 9 сентябр дар майдони Таймани Кобул сурат гирифт, ки аз он ҷон ба саломат бурд. 

Ҳукумати Тоҷикистон низ бо нашри як изҳорот ин ҳамларо шадидан маҳкум кард.

947
Барчаспҳо:
мулоқот, Моҳира Ятимова, Афғонистон, Тоҷикистон
Вице-премьер Узбекистана Уктам Барноев

Вируси сархур: бар асари COVID-19 муовини сарвазири Ӯзбекистон даргузашт

0
(Таҷдидшуда 15:39 20.09.2020)
Имрӯз дар шаҳри Тошканд бар асари вируси корона муовини сарвазири Ӯзбекистон Уктам Барноев даргузашт

ДУШАНБЕ, 20 сен — Sputnik. Имрӯз муовини сарвазири Ӯзбекистон оид ба масъалаҳои рушди аграрӣ ва ҳифзӣ амнияти ғизоӣ Уктам Барноев даргузашт, иттилоъ додааст хабаргузории UzNews.uz дар истинод ба наздикони ӯ.

Гуфта шудааст, ки муовини сарвазири Ӯзбекистон дар сини 56-солагӣ аз олам чашм пӯшид.

Тибқи иттилои расмӣ Уктам Барноев бар асари вируси корона даргузаштааст.

Таъкид шудааст, ки муовини сарвазири Ӯзбекистон дер боз аз вируси корона дар Олмон табобат мегирифт. Як ҳафта пеш ӯро ба як бемористонҳои шахсӣ дар Осиёи Марказӣ Аkfa Medline, ки дар шаҳри Тошканд воқеъ аст, интиқол доданд.

Уктам Барноев соли 1964 ба дунё омадааст. Ӯ хатмкунандаи Донишкадаи муҳандиси обёрӣ ва механизатсияи хоҷагии қишлоқи Тошкандро хатм кардааст.

Оқои Барноев дар солҳои 2000 то соли 2002 дар вазорати кишоварзӣ ва захираҳои оби Ӯзбекистон дар вазифаҳои гуногуни роҳбарикунанда кору фаъолият кардааст.   

Солҳои 2007 то 2008 Барноев ба ҳайи муовини аввали вазири кишоварзӣ ва захираҳои обӣ Ӯзбекистон кор кард. Сипас пас аз ин дар давоми ду сол Ҳокими вилояти Самарқанд кор кардааст.  Ҳамзамон ӯ соли 2016 ба ҳайси Ҳокими вилояти Бухоро низ кор кардааст.

Аз 6 июли соли 2020 ба вазифаи раиси Федератсияи аспарварӣ ва варзиш аспи Ӯзбекистон таъйин шуда буд.

0
Барчаспҳо:
Тошканд, муовини сарвазир, даргузашт, вируси корона, Ӯзбекистон