Ҳаракат алайҳи қудратихоҳии Толибон дар Афғонистон

“Толибон қудрат мехоҳанд, на сулҳ! Амрико моро фиреб дод” мусоҳиба бо Фаҳими Куҳдоманӣ

516
(Таҷдидшуда 15:47 17.10.2020)
Дар Афғонистон як ҷунбиши мардумие ба саҳна меояд, ки аз музокироти сулҳ миёни ҳукумату созмони террористии Толибон розӣ нест ва Амрикоро заминасози як ҷанги дигар дар минтақа медонад

ДУШАНБЕ, 17 окт — Sputnik. Ҷаҳон чашм ба Доҳа, пойтахти Қатар, ки беш аз як моҳ ба ин сӯ мизбони музокироти сулҳи байнулафғонӣ аст, дӯхтааст. Нерӯҳои амрикоӣ пойгоҳҳои худро дар Афғонистон тахлия намуда, аз хоки ин кишвар берун мешаванд. Чанде қабл Доналд Трамп, президенти Амрико, эълон дошт, ки афсару сарбозон ва техникаи низомии ин кишвар то охири соли равон пурра аз Афғонистон берун хоҳанд шуд. Ин вазъ нигаронии мардум, бахусус нерӯҳои зиддитолибро ба вуҷуд оварда, онҳоро ба гирдиҳамоиву раҳпаймоӣ ва толори ҷаласаҳо кашондааст.

Ҳамсуҳбати Sputnik Тоҷикистон Фаҳим Куҳдоманӣ, рӯзноманигор ва аз фаъолони сиёсии Афғонистон аст, ки феълан дар Шимолӣ, вилоятҳои шимоли шаҳри Кобул, яке аз мубтакирони чунин таҳаррукот аст. Дар ҳоле, ки дар Тоҷикистон, дар умум Осиёи Марказиву Иттиҳоди давлатҳои муштаракулманофеъ (ИДМ) ин интизорро доранд, ки дар Доҳа ниҳоят як тавофуқи сулҳ миёни ҳукумати Афғонистону Толибон* ба миён меояд ва кишвар ба сулҳу оромиш мерасад, аз Фаҳими Куҳдоманӣ суол кардем:

- Чӣ дар ин раванд ё музокироти сулҳ ба шумо маъқул нест?

- Ин ҷо чанд нуктаи нигаронӣ аст. Аз он чӣ ҷараён дорад, дида мешавад, ки Толибон на сулҳ, балки қудрат мехоҳанд. Он ҷо аз сулҳ мегӯянд, аммо ин ҷо бо террору ҷиноят машғуланд ва бо ДОИШ мепайванданд.

- Ин ҷое, ки мегӯед, куҷост? ДОИШ дар Шимолӣ ҳузур дорад?

- Бино ба иттилои мо, на фақат ҳузур дорад, балки дар Ғурбанд, Тагоб, Қарабоғ, Шакардара ва баъзе деҳоти дигар бо Толибон дар як ҳамоҳангӣ кор мекунад. Раҳбари “Хуросон” – и ДОИШ дуктур “Шаҳоб ал-Муҳоҷир”, аз паштунҳои тоҷикшудаи қавми харутии Саройи Хӯҷаи Куҳдоман, аз қавмҳои Гулбиддин Ҳикматёр, раиси Ҳизби исломии Афғонистон аст.

- Аммо агар сулҳ шавад, ин нигаронӣ аз миён меравад?

- Гап ҳам ин аст, ки музокироти сулҳ як марҳалаи тӯл додани фурсат шудааст, то нерӯҳои байнулмилалӣ хориҷ шаванду Толибону ДОИШ қудратро ба даст гиранд. Нигаронӣ ҳам ин аст, ки вақте нерӯҳои байнулмилалӣ бо раҳбарии Амрико ба Афғонистон омаданд, маъмурияташон мубориза бо терроризм буд. Бояд террористонро аз байн мебурданд. Мо ба онҳо бовар кардем, аммо ҳоло чаро берун мешаванд?

Дуюм, 5 ҳазор зидонии толибро, ки бадтарин ва бераҳмтарин ҷинояткорони ҳатто сатҳи ҷаҳонӣ буданд, ҳукумат бо тақозои Амрико озод кард. Ҳоло онҳо ба сангарҳо рафта, ҳар рӯз сарбозу мардуми оддиро мекушанд.

Ҳаракат алайҳи қудратхоҳии Толибон дар Афғонистон
акси пешниҳодкардаи Фаҳим Куҳдоманӣ
Ҳаракат алайҳи қудратхоҳии Толибон дар Афғонистон

Севум, ҷанги дигари толибҳо, ҷанги қавмӣ буду ҳаст. Толиб як лашкари қавмиву қабилаӣ аст, ки бо мардуми тоҷик, ҳазора, ӯзбек ва ҳатто паштунҳои ватандӯст душманӣ доранд. Инҳо агар ҳукуматро бигиранд, дубора мардуми моро қатли ом мекунанд. Қабл аз ин ки чунин ҳолат пеш биёяд, мо маҷбур ҳастем, ки дар муқобили Толиб биҷангем. Чораи дигар ҳам надорем.

- Дар музокироти Доҳа чӣ аломатҳоеро мебинед, ки Толибон майл ба сулҳ надоранд?

- Адабиёти Толибон дар Доҳа хушунат аст, бо зӯру туфанг ҳарф мезананд ва инро намепӯшанд. Масалан, мехоҳанд ҳамон низоми “аморат” - и худро ба ҷои “ҷумҳурият” биншонанд. Он ҷо аз сулҳ мегӯянд, ин ҷо ба террору ҷиноят машғуланд. Дар таркиби ҳайати Толибон як зан ҳам нест ва дар музокирот ҳарфи занҳои ҷониби ҳукуматро нодида мегиранд. Ин ҳама ба он маъност, ки Толибон намехоҳанд ба тарҳи сулҳи Афғонистон ҳамроҳ шаванд, балки худ сари қудрат оянд.

Сулҳҷӯи зӯргӯй: Трамп мехоҳад, сарбозони амрикоиро ба хона орад - YouTube
Ruptly / Sputnik / dvids / FoX News / us department of defense / twitter.com/realDonaldTrump

- Ба фикри Шумо, онҳо бояд чӣ кор кунанд, ки ба шумо маъқул шаванд?

- Толибон бояд мисли Гулбуддин Ҳикматёр, раиси Ҳизби исломӣ, ба тарҳи сулҳ пайвандад, дар сиёсат ба унвони як ҳизби сиёсӣ фаъолият кунад, дар парлумон намоянда дошта бошад, талошашро барои қудрат аз роҳи муборизаи сиёсӣ - маданӣ анҷом диҳад. Нишон диҳад, ки як нерӯи сиёсии афғонӣ аст, на артиши малишаии созмонҳои истихборотии кишварҳои хориҷӣ, ки тарҳи барбодии Афғонистонро рӯи даст доранд.

- Бовар доред, ки онҳо чунин шартҳоро қабул мекунанд?

- Чорае ғайри ин надоранд. Як гуруҳ ё ҳизби сиёсӣ бояд сиёсати инсонӣ дошта бошад, на ҷинояткорона. Дар акси ҳол, сулҳ ҳам намеояд ва онҳо ҳам орзуи худро ба хок хоҳанд бурд. Мо дар канори ҳукумат хоҳем истод ва ҷангид.

- Толибон ҳукумати Кобулро як ҳукумати дастнишонда меҳисобанд. Созишномаи сулҳро ҳам бо Амрико бастанд...

- Агар Толибон ҳукумати Кобулро қабул надоштанд, бо он сари мизи музокирот наменишастанд. Ҳайате, ки дар Доҳа ҳаст, ҳайати ҳукумати Афғонистон аст, на нерӯҳои алоҳида.

- Заминаи музокироти байнулафғонӣ танҳо пас аз тавофуқи Толибону Амрико ба миён омад. Нақши Амрико дар ин ҳама таҳаввулот чӣ аст?

- Нақши Амрико хеле мармуз, тақрибан мунофиқона аст. Агар ҳадаф нобудии терроризм буд, чаро дар замони худаш бо нерӯҳои муқовимат таҳти раҳбарии Аҳмадшоҳи Масъуд, ки амалан танҳо дар сангари зидди терроризм буданд, ҳамкорӣ накард, аммо ҳоло бо Толибон – пуштибонони терроризм созишнома мебандад? Амрикоиҳо 20 сол дар Афғонистон буданд. Ҳукумат ташкил шуд, занон ба кору мактаб рафтанд, демократия таҷриба мешавад, озодии баён ба вуҷуд омад, хубу бад чанд интихобот баргузор гардид. Аммо чаро имрӯз аз майдон фирор мекунад?

- Яъне Шумо мехоҳед, ки нерӯҳои амрикоӣ нараванд?

- На, онҳо тасмимашонро гирифтанд, мераванд. Суол ин аст, ки сарнавишти он ҳама дастовардҳо чӣ мешавад? Ҳамаро пеши пойи Толибон қурбонӣ мекунад. Ин барои мардуми Афғонистон хеле сахт аст. Агар чунин буд, мегузоштанд, ки мо худ 20 соли пеш ҳисоби худро бо терроризм баробар мекардем. Омаданд, моро бесилоҳ карданд... Агар сулҳ бошад, як сулҳи боиззат бошад, на ба нафъи як ҷониб, дар мавриди мо Толибон, ки ҳоло амалан аз сӯи Амрико ба Кобул баргардонда мешаванд. Амрико моро фиреб дод.

- Чаро Амрико чунин корро мекунад?

- Маълум аст, ки манифташро дар ин кор мебинад.

- Чӣ манфиат? Дар ҳоли рафтани Амрико дар Афғонистон як ҷанги дохилии дигар сар мезанад. Масалан, худи Шумо мегӯед, ки бо Толибон хоҳед ҷангид. Оё ин ҷанг ба манфиати Амрикост?

- Аввал, ин пешгӯиҳо собит мешаванд, ки Амрико аслан барои саркӯби терроризм ё ободии Афғонистон наомадааст. Дуввум, собит мешавад, ки пас аз вориди саҳна кардани Толибон ва иттиҳоди онҳо бо ДОИШ тарҳи савқ додани ин ду ба Чину Осиёи Миёна ва Эрон матраҳ аст. Пӯшида нест, ки дар сафи онҳо ҷангиёни он кишварҳо меҷанганд. Амрико меравад, аммо бо нерӯҳои ниёбатӣ ҳузур хоҳад дошт. Дар умум, Афғонистон мисли солҳои 90 – уми асри гузашта як пойгоҳи бузурги нерӯҳои ифротгарову террорист хоҳад шуд, ки ҳадафашон ҳамоно таарруз ба кишварҳои шарқу шимол ва ғарб аст.

- Амрико Толибонро ҳамеша як нерӯи афғонӣ мехонд, боре ҳам террорист нахонда буд. Ҳоло ҳукумати Афғонистонро ҳам икмол мекунад, бо Толибон низ сулҳ баст. Ин чӣ бозӣ аст?

- Ҳамин моро ба шак андохтааст. Як “сулҳе” дар роҳ аст, ки заминаи ба қудрат расидани Толибро фароҳам кунад. Ҳамин бархӯрди Амрико буд, ки толиб дубора қувват гирифт ва кор ба ин ҷо кашид, ки бо як гуруҳи террористӣ созишнома баст.

- Мегӯед, барои он ки Афғонистон барбод нашавад ва манбаъи хатар ба ҳамсоягон набошад, аввал, як сулҳи боиззат бояд шавад. Ин чӣ маъно дорад?

- Дар сатҳи байнулмилал тамоми кишварҳои ҷаҳон таҳтии раҳбари Созмони Милали Муттаҳид бояд як ҷаласаи фавқулодда бигиранд, чун мушкили терроризм ҷаҳонӣ аст, на марбут ба Афғонистон. Дунё бояд тасмим бигирад. СММ бояд як тарҳеро рӯи даст дошта бошад, ки тайи даҳ сол Толибонро аз ҳолати зиндагии ҷангҷӯёнаву террористие, ки тарбият шуданд, дубора ба зиндагии оддии маданӣ баргардонад.

Дар сатҳи Афғонистон агар Толибон сулҳ мехоҳанд, бояд аз ҷангу хушунат даст бардоранд, биёянд, ба ҳукумат идғом шаванд. Масалан, курсиҳои ҳукуматро ба даст оранд, нерӯҳояшон ба сафи Неруҳои мусаллаҳи Афғонистон пайванданд, минҳайси як ҳизби сиёсӣ ба фаъолият пардозанд.

- Ҷолиб ин аст, ки ҳоло шиорҳои зиддитолибӣ аз Шимолӣ (Парвон, Панҷшер, Кописо ва Куҳдоман (як қисмати вилояти Кобул)) баланд мешаванд. Чаро?

- Солҳои ҳукуматаш (1996 – 2001) Толибон дар Шимолӣ ҷиноят ва зулми зиёд кард, сиёсати “замини сӯхта” – ро ба роҳ андохт. Вақте Шимолиро гирифтанд, ҳазорҳо инсони моро  ба шаҳодат расонданд. Хонаҳои моро оташ заданд. Боғҳову токистонҳои моро аз бех буриданд. Ҳатто ба ҳайвони хонагиву сагҳои Шимолӣ раҳм накарда, онҳоро тирборон карданд.

Аз сӯи дигар, онҳо як уқдаи таърихӣ бо мардуми Шамолӣ доранд. Ин ихтилофот реша дар ихтилофоти қавмии гузашта дорад. Онҳо бар ин фикранд, ки Шимолӣ танҳо монеаи расидани онҳо ба қудрат буду ҳоло ҳам ҳаст.

- Хуб, Шумо чӣ тур мубориза мекунед? Бо дасти холӣ?

- Феълан муборизаи мо сиёсиву маданӣ аст. Мардумро огоҳ мекунем, музоҳира, гирдиҳамоӣ, раҳпаймоӣ, маҷлисҳои афроди саршиносро ба роҳ андохтаем, то як зеҳният ба вуҷуд ояд. Мардуми мо, аксаран ҷавонон, зеҳнияти зиддитеррористӣ ва ангезаи муборизаро доранд. Як ҷумбиши мардумие дар ҳоли шакл гирифтан аст, ки ҳадафаш мубориза бо Толибону ДОИШ аст.

То ҳол ҳеҷ кишваре аз доияи зиддитолибӣ аланӣ ҳимоят накардааст. Мо аз кишварҳои сулҳдӯст ва зидди террорист мехоҳем, ки мардуми Афғонистонро танҳо нагузоранд.

*созмони террористии мамнӯъ дар Тоҷикистону Русия

516
Барчаспҳо:
Толибон, сулҳ, ҷанг, Афғонистон
Президент Республики Таджикистан Эмомали Рахмон встретился с командующим Центральным командованием вооруженных сил США генералом Кеннетом Ф. Маккензи

Раҳмон ва генерал Маккензӣ амнияти Тоҷикистону Афғонистонро баррасӣ карданд

380
(Таҷдидшуда 00:01 23.10.2020)
Ҷонибҳо атрофи вазъи кунунӣ дар Афғонистон мубодилаи афкор намуда, раванди музокироти сулҳро муҳокима карданд

ДУШАНБЕ, 22 окт – Sputnik. Президенти Тоҷикистон Эмомалӣ Раҳмон бо фармондеҳи Фармондеҳии Марказии Қувваҳои Мусаллаҳи ИМА генерал Кеннет Ф. Маккензӣ, ки бо сафари корӣ дар Тоҷикистон қарор дорад, дидору мулоқот кард.

Бино ба гузориши котиботи раисиҷумҳур, дар рафти мулоқот як қатор масъалаҳои ҳамкориҳои Тоҷикистону Иёлоти Муттаҳидаи Амрико, бахусус дар соҳаи амниятӣ, баррасӣ гардиданд.

Дар ин зимн ба мавзӯъҳои мубрами таъмини сулҳу суботи минтақавӣ ва хатару таҳдидҳои глобалии амниятӣ таваҷҷуҳи хосса зоҳир карда шуд.

Ҷонибҳо ҳамчунин атрофи вазъи кунунӣ дар Афғонистон мубодилаи афкор анҷом дода, раванди музокироти сулҳро дар ин кишвари ба мо ҳамҷавор муҳокима карданд.

Раҳмон таъкид карда, ки ҷараёни рушди вазъият дар Афғонистони ҳамсоя пайваста дар маркази диққат қарор дорад ва Тоҷикистон аз талошҳои Ҳукумати Афғонистон дар самти истиқрори сулҳу суботи пойдор дар кишвар ҳамеша ҷонибдорӣ менамояд.

Манбаъ афзуда, ки дар ҷараёни суҳбат ҷонибҳо, ҳамчунин, роҷеъ ба дигар ҷанбаҳои муносибатҳои Тоҷикистон ва Иёлоти Муттаҳидаи Амрико ибрози ақида намуда, алоқамандиашонро ба таҳкиму тақвияти ҳамкориҳояшон дар самти муборизаи муштарак алайҳи хатару таҳдидҳои муосир, аз ҷумла терроризм, ифротгароӣ, гардиши ғайриқонунии маводи мухаддир ва дигар ҷиноятҳои муташаккили фаромиллӣ қайд кардаанд.

380
Барчаспҳо:
Эмомалӣ Раҳмон, ИМА, мулоқот, дидор, Тоҷикистон
Участники акции протеста в Бишкеке. Протестующие аннулировать итоги парламентских выборов.

Жеенбеков дар Бишкек ҳолати изтирорӣ эълон кард

296
(Таҷдидшуда 20:05 09.10.2020)
Сооронбой Жеенбеков, раисиҷумҳури Қирғизистон дар пайи бетартибиҳои рӯзҳои охир дар шаҳри Бишкек, пойтахти кишвар ҳолати изтирорӣ эълон кард

ДУШАНБЕ, 9 окт — Sputnik. Сооронбой Жээнбеков дар  Бишкек аз 9 то 21 октябр ҳолати изтирорӣ эълон намуд, хабар дод РИА Новости.

Манбаъ афзуд, аз соати 20:00-и 9 октябр то соати 8-и субҳи 21 октябр дар пойтахти Қирғизистон вазъи изтирорӣ хоҳад буд.

Таъкид шудааст, ки ҳолати мазкур дар пайи бетартибиҳо ва таҳдиду зӯроварӣ нисбати одамон эълон шуда, ҳадафи он истисноан ҳифзи манфиат, ҳаёт ва саломатии шаҳрвандон мебошад.

Коменданти пойтахт, ноиби вазири умури дохилии Қирғизистон, Алмосбек Орозалиев таъйин гардидааст.

Комендатураи Бишкек ҳуқуқ пайдо кард, ки даромаду баромад аз шаҳрро бандад, соати комендантӣ роҳандозӣ кунад, ҳаракати воситаҳои нақлиётро маҳдуд созад, чорабиниҳои оммавиро манъ кунад, воридшудаҳо ба шаҳрро берун созад, низоми махсуси фаъолияти корхонаҳоро таъмин намояду ВАО-ро назорат барад.

Дар Қирғизистон 4 октябри соли равон бо иштироки 56,5%-и раъйдиҳандагон интихоботи парлумонӣ баргузор шуд. Дар пайи эълони натиҷаҳои интихобот мавҷи эътирозҳо сар зад.

Баъдтар Комиссияи марказии интихоботи Қирғизистон натиҷаҳои раъйдиҳиро бекор карда, таъкид карда буд, ки санаи интихоботи ҷадид дар ояндаи наздик эълон хоҳад шуд.

296
Заместитель председателя Совета безопасности РФ Дмитрий Медведев

75 соли СММ: мушкилоти кӯҳна, чолишҳои нав ва ҳалли масъалаҳои глобалӣ

0
Созмони Милали Мутаҳид имсол аз 75 - уми солгарди таъсисёбӣ ҷашн мегирад. Дар ин робита сомонаи RT матолиби калони Дмитрий Медведевро нашр намудаст

ДУШАНБЕ, 24 окт – Sputnik. Рӯзи 24 октябр СММ аз солгарди ттаъсисёбии худ ҷашн мегирад. Дар ин робита Дмитрий Медведев муовини роҳбари Шӯрои бехтарии Федератсияи Русия аз бурду бохт ва лоиҳаҳои бузурги ин созмон ибрози назар намуд.

Матолиби калони Дмитрий Медведевро сомонаи RT мунташир намудааст.

Новобаста аз мушкилоту бӯҳрон, ки СММ ва кишварҳои аъзои он давоми чанд даҳсола  рӯбарӯ гардиданд, маҳз ба туфайли механизмҳои байналмилалии ҳуқуқӣ ва сиёсӣ, ки дар Оиномаи созмон дарҷ шудаанд, боиси сар назадани ҷанги сеюми ҷаҳонӣ шуд.

Аммо, ҳамоно на ҳама кишварҳо аз ин мушкилоте, ки асрҳои XX ва XXI оварданд, дарси ибрат гирифтанд.

Хотиррасон мекунам, ки вақте Созмони Милали Муттаҳид таъсис ёфт, давлатҳои таъсисдиҳанда, аз ҷумла ИҶШС, рисолати худро гузоштанд. Он аз се принсип иборат аст - талош барои ҷаҳони устувор ва амн, таблиғи ғояи ҳуқуқи инсон ва ташкили низоми одилонаи ҷаҳонӣ.

Аммо пас аз як соли таъсисёбии ин созмон, муттаҳидони дирӯза дар эътилофи зидди Гитлер, ки ба халқҳо озодӣ оварданд, худро дар паҳлӯҳои муқобили баррикадаҳои Ҷанги Сард қарор доданд. Ҳоло тасаввур кардан ғайриимкон аст, ки қариб 40 сол мо дар шароити таҳдиди ҳаррӯзаи ҷанги атомӣ, нобудшавии худи инсоният зиндагӣ мекардем.

СММ ба Тоҷикистон барои мубориза бо оқибатҳои пандемия 60 миллион доллар медиҳад

Сохторҳои СММ барои барқарор кардани сулҳ дар тамоми ҷаҳон корҳои зиёдеро анҷом доданд. Ҳамин тариқ, яке аз вазифаҳои муҳимтарини СММ халъи силоҳ, коҳиш ва нест кардани тамоми захираҳои силоҳи қатли ом мебошад. Дар Конфронси оид ба халъи силоҳ, ки соли 1978 бо қарори Иҷлосияи якуми махсуси Ассамблеяи Генералии Созмони Милали Муттаҳид таъсис ёфтааст, як қатор созишномаҳои бунёдии байналмилалӣ таҳия ва қабул карда шуданд, ки ба таъмини амнияти халқҳо, паст кардани шиддати байналмилалӣ ва эҷоди эътимоди байни давлатҳо дар соҳаи корбурди силоҳи ҳастаӣ равона карда шудаанд. Дар ин раванд ИҶШС нақши махсус дошт. Имрӯз мо бояд фавран корро дар ин самт идома диҳем. Умедворем, ки нишасти шахсии кишварҳои "панҷгонаи ҳастаӣ", ки Русия пешниҳод кардааст, дар Шӯрои Амнияти СММ барои баррасии мушкилоти мубрами башар баргузор мешавад. Масъалаи тамдиди Шартнома оид ба чораҳо оид ба минбаъд коҳиш ва маҳдуд кардани силоҳҳои стратегии ҳуҷум (START III) низ ҳалли фавриро талаб мекунад. Мо инчунин мавқеъро дар мавриди тамдиди ин санади муҳим таҳия кардем.

Ҳамзамон, на танҳо кам кардани силоҳи мавҷударо таъмин кардан, балки хатари таҳдидҳои навро ба ҳадди ақал расонидан зарур аст. Дар ин замина, Русия ба ҷойгиркунии системаҳои нави мушакӣ дар Аврупо ва минтақаҳои дигар мораторий эълон кард. Мо ба қадамҳои мутақобилаи шарикони ғарбии худ умедворем.

Дар бисёр қисматҳои ҷаҳон, ошӯбҳои хунин ҳамоно идома доранд ва ҳамарӯза одамони зиёд қурбон мешаванд. Ба ин масъалаҳо бояд ҳаман баҳои ҳуқуқӣ дода шавад ва хулосаи мушаххаси Шӯрои Амнияти СММ имкон медиҳад, ки ҳақро аз ноҳақ фарқ кард, кӣ таҷовузкор аст ва кӣ қурбонии таҷовуз. Дар акси ҳол, дар шароити пур кардани иттилооти тақаллубӣ, ҳақиқат дар паси тасвири зебои телевизионӣ ё паёмҳо дар шабакаҳои иҷтимоӣ пинҳон мемонад.

Ҳеҷ як созмони дигари байналмилалӣ, чӣ расад ба иттифоқҳои низомӣ, монополияи мақомоти оинномавии СММ-ро дар ифодаи иродаи ҷомеаи ҷаҳонӣ такон дода наметавонад.

Кӯча мерӯфтаму 120 рубл маош мегирифтам: тарҷумаи ҳоли Дмитрий Медведев

Сенарияи маъмулии дахолати ғайриқонунӣ ба корҳои дохилии давлатҳо такрори худро идома медиҳад: ҷудошавӣ дар ҷомеа, дастгирӣ ва мусаллаҳ кардани оппозисиюн барои сарнагун кардани ҳукумати кунунӣ бо истиноди расмӣ ба арзишҳои демократӣ. Соли 2003 як эътилофи байналмилалӣ бо роҳбарии Иёлоти Муттаҳида, ки як қатор кишварҳои НАТО-ро дар бар мегирифт, ба Ироқ ҳамла кард. Бо баҳонаи мубориза бо терроризми байналмилалӣ ва ҷустуҷӯи силоҳи қатли ом президенти қонунии кишвар Саддом Ҳусейн сарнагун ва қатл карда шуд, "давлати авторитарӣ" нест карда шуд ва як "воқеан демократӣ" ба вуҷуд омад. Аз ин чӣ баромад - ҳама медонанд. Мисоли дигар он аст, ки аз соли 2012 инҷониб ИМА дар ҳамкорӣ бо кишварҳои НАТО ба шӯришиён дар Сурия дастгирии пинҳонии низомӣ мерасонад. Ин танҳо ба хунрезиҳои азим ва бӯҳрони дохилӣ дар ин кишвар оварда расонд.

Гузашта аз ин, кӯшиши паст кардани нуфузи СММ ва ба ҷойи он таъсис додани "Ҷомеаи миллатҳои демократӣ", боиси нигаронии махсус мебошад. Ин гуна ғояҳо инсониятро муттаҳид намекунанд, балки тақсим мекунанд, ба афзоиши шиддати байналмилалӣ мусоидат мекунанд ва дар ниҳоят ба низоъҳои мустақим оварда мерасонанд.

Таназзули кунунии иқтисодии ҷаҳонӣ, ки дар натиҷаи пандемияи ҷаҳонӣ ба амал омадааст, давлатҳоро маҷбур мекунад, ки арзишҳоро аз сари нав баррасӣ намуда, ба манфиати ҳифзи ҳаёт ва саломатию ҳуқуқҳои инсон, ки мавҷудияти шоиста ва бехатарро кафолат медиҳанд, афзалият диҳанд.

Расулзода унвонии Дмитрий Медведев барқияи шодбошӣ ирсол намуд

Тарс аз эҳёи "супердавлати" тоталитарӣ, ба мисли Олмони фашистӣ, ҳукуматҳои бисёр кишварҳоро (пеш аз ҳама аврупоӣ) пас аз ба охир расидани Ҷанги Дуюми Ҷаҳон маҷбур кард,то соҳибихтиёрии миллии худро ба таври назаррас маҳдуд кунанд ва ваколатҳои худро ба сатҳи ватанӣ супоранд. Ин таҷриба хеле фарқ кард.

Дар ин кор набояд се ҳолатро фаромӯш кард.

Аввалан, як давлати заиф наметавонад ҳуқуқи шаҳрвандони худро таъмин кунад ва худро аз таҳдидҳои ҷаҳонӣ муҳофизат кунад. Худи намунаи ба таври фавқулодда табдил ёфтани Ҷумҳурии Веймар ба Рейхи сеюм ба таври возеҳ нишон дод. Мутаассифона, Русия низ ду маротиба дар асри гузашта (солҳои 1917 ва 1991) дар арафаи анархия ва суқути давлат буд. Ва ҳарду замон, ки фурӯпошии кишвар бо шиорҳои озодии умумӣ ва демократия ҳамроҳ буд. Ва имрӯз мо намунаҳои "давлатҳои ноком" -ро мебинем, ки қодир нестанд системаи сиёсии устувор созанд ва шаҳрвандони худро ба оянда рӯшан боварӣ кунонанд.

Сониян, барои рушди устувори инсоният гуногунандешӣ ва озодии бемаҳдуди сухан кам аст. Тавре ки дар соли 1945 ва имрӯз, миллионҳо одамон на танҳо дар кишварҳои рӯ ба тараққӣ, балки дар кишварҳои дорои иқтисодиёти рушдёфта, дар зери хатти камбизоатӣ зиндагӣ мекунанд, эҳтиёҷоти оддии худро барои худ ва оилаҳояшон бароварда наметавонанд, худро бегона ҳис мекунанд, аз дастовардҳои тамаддуни муосир канда мешаванд.

Вазифаи асосии давлат имрӯз иборат аз он аст, ки ҳар як шаҳрванд худро ҳамчун узви комилҳуқуқи ҷомеа эҳсос намояд, барои худшиносӣ имкониятҳои баробар фароҳам орад, эътибори мардум ва эътимод ба ояндаро ташаккул диҳад. Технологияҳо зуд тағир меёбанд, аммо инсон ҳамон тавре боқӣ мемонад, ки даҳҳо, садҳо ва ҳатто ҳазорҳо сол пеш буд. Дар маркази манфиатҳои ӯ ҳамеша оила, наздикон, орзуҳои ояндаи беҳтарини фарзандон мебошанд. Дар давоми садҳо сол халқҳои кишварҳои мо дар тарсу ҳарос аз душман, аз таҳдиди ногузири ҷанг зиндагӣ мекарданд. Аммо тарс ва нобоварӣ наметавонад барои сохтани ҷаҳони устувор истифода шавад. Ниҳоят тарс бояд бо умед иваз карда шавад. Ҳанӯз дар соли 1953, дабири кулли дуввуми Созмони Милали Муттаҳид, Даг Хаммаршелд гуфта буд: "Барои сохтани ҷаҳоне, ки бидуни тарсу ҳарос аз инсон, мо бояд бе тарсу ҳарос бошем. Барои сохтани ҷаҳони одил мо бояд одил бошем".

Лавров ба суол дар бораи имкони дохил шудан ба ҳукумати нав посух дод

Сеюм, ҳеҷ кадоме аз мушкилоти ҷаҳонӣ бидуни барқарор кардани волоияти ҳуқуқи байналмилалӣ дар асоси иродаи мувофиқашудаи давлатҳо ҳал намешавад. Сарчашмаи асосии ҳуқуқи байналмилалӣ шартномаи байналмилалӣ мебошад, ки онро давлатҳои соҳибихтиёр ба имзо расонидаанд. Оинномаи СММ низ ба ин категорияи маъхазҳо тааллуқ дорад.

Мо набояд фаромӯш кунем, ки СММ ҳамчун як созмоне таъсис ёфтааст, ки бояд роҳҳои ҳалли мушкилоти шадидтарини ҷаҳонро ҷӯяд ва дар посбонии манфиатҳои сулҳу амният бошад. Он барои наҷот додани наслҳои минбаъда аз балои ҷанг, тасдиқи эътимод ба ҳуқуқҳои асосии инсон, таъмини эҳтироми қонунҳои байналмилалӣ ва беҳтар намудани шароити зиндагии одамон таҳия шудааст. Дар ниҳоят, Созмони Милали Муттаҳид барои ноил шудан ба ин ормонҳои олӣ таъсис дода шудааст.

0
Барчаспҳо:
Дмитрий Медведев, СММ