БПЛА Орион-Э.

"Тактикаи ҷангро дигар мекунанд": Русия соҳиби силоҳи нави зарбазан шуд

443
(Таҷдидшуда 18:39 02.11.2020)
Силоҳи мушакии идорашаванда, мухторияти баланд ва тавони убур аз низоми мудофиаи рақиб аз хусусиятҳои ҳавопаймоҳои бесарнишини “Орион” мебошанд, ки феълан низомиёни Русия аз худ карда истодаанд.

ДУШАНБЕ, 2 ноя — Sputnik. Николай Протопопов. Ба гуфтаи коршиносон, дронҳои мазкур зарфияти зарбазании артишро таҳким бахшида, ҳавопаймоии бесарнишинро ба сатҳи нав мебароранд. Дар бораи ҷанбаҳои мусбату манфии чунин дастгоҳҳо РИА Новости матлаб омода кардааст.

Дар гузориши ахири НТВ маҷмӯаи низомиро дар амал намоиш доданд, ки аз ду мошини идоракунанда ва се бесарнишини “Орион” иборат мебошад, ки зоҳиран ба навбатдории ҷангӣ оғоз кардаанд.

Маврид ба зикр аст, ки шартнома барои таъминоти бесарнишинҳои дурпарвози зарбазану иктишофиро Вазорати мудофиа моҳи август имзо карда буд.  Нахустин маҷмӯаро ба нерӯҳои таҷрибавӣ ҳанӯз баҳори соли равон дода буданд.

“Орион” метавонад дар осмон то 24 соат қарор дошта бошад. Зоҳиран он ба бесарнишини амрикоии MQ-1 Reaper монанд аст, ки чунин болҳои дарозу камбар дошта, қисмати ақибаш V- монанд мебошад.  Метавонад то 200 кило бори ҷангиро бардорад. Махсусан барои он лавозимоти ҷангии аз 25 то 100-килоӣ коркард карда шуд.

“Орион” ба гуруҳи бесарнишинҳои миёна қарор дошта, миёни бузургҳо С-70 "Охотник" ва ҷосусҳои хурд қарор дорад.  Муҳаррики бензинӣ бо тавонии 100 қувваи асп дар қисмати қафо қарор дорад. Аз ҳисоби истифодаи маводҳои омехта, сарфи назар аз андозаи назаррасаш бесарнишин ҳамагӣ ҳудуди 1 тон вазн дорад. Баландии ниҳоии парвоз 7,5 ҳазор метр ва суръаташ 200 километр дар як соатро ташкил медиҳад. Парвозро оператор бо мавҷи радиоӣ идора мекунад ва дарозии мавҷҳо то 250 километро ташкил медиҳад.

Дастгоҳ аз он ҷиҳат нодир мебошад, ки дар майдони ҷанг метавонад самаранок, сарфи назар аз монеагузориҳои радиоии рақиб, кор кунад. Низоми электронию оптикии бесарнишин имкон медиҳад, ки ҳадаф дар парвоз муайян карда шаваду тариқи низоми худкор масири парвози мушакҳои идорашавандаро дуруст кунад.

Чашму гӯши ин бесарнишин – дурбинҳои телевизионию гармибин, фосиласанҷи лазерӣ ва нишонгири он мебошад. Инчунин ҷой барои дастгоҳи наворбардории рақамӣ ва истгоҳи радиолокатсионии назоратӣ пешбинӣ шудааст.

Рушди лоиҳаи “Орион” ин бесарнишини дутоннаи зарбазани “Сириус” мебошад. Намунаи парвозии он ба гуфтаи муаллифон соли оянда омода хоҳад буд. Он бо дастгоҳи алоқаи моҳвораӣ муҷаҳҳаз хоҳад буд, ки имкон медиҳад, парвоз амалан аз ҳар нуқтаи кураи Замин идора карда шавад.

Ҳамлаи дронҳо

Солҳои охир бесарнишинҳо дар мухолифатҳои мусаллаҳона дар саросари ҷаҳон зиёд истифода мешаванд ва яке аз мисолҳои тоза даргириҳо дар Қарабоғи куҳӣ мебошад. Ба гуфтаи Алексей Леонков, коршиноси низомӣ, нерӯҳои озорбойҷонӣ самаранок бесарнишинҳоро истифода мекунанд, чун артиши Қаробоғи куҳӣ тақрибан маҷмӯаи муосири мудофиавӣ ва муборизаи радиоэлектрониро надорад.

“Бисёри давлатҳо, ки ба бунёди низомҳои мудофиаи ҳавоӣ ва паноҳгоҳсозӣ таваҷҷуҳ намекунанд, оқибатҳои талхи ин корро дида истодаанд. Наворҳое, ки Озорбойҷон намоиш медиҳад, нишон медиҳанд, ки нерӯҳои арманӣ аз камингирӣ кам кор мебаранд. Агар бодиққат сари ин масъала таваҷҷуҳ мекарданд, бесарнишинҳо камсамар мебуданд, чун суръату тавоноии пайдо кардани ҳадаф дар онҳо маҳдуд мебошад”, - изҳор дошт Леонков дар суҳбат бо РИА Новости.

Дар баробари ин коршинос таъкид намуд, ки дар сурати корбурди муайян бесарнишинҳо ҳатто дар шароити низоми хуби мудофиаи зиддиҳавоӣ метавонанд ба рақиб хисороти ҷиддӣ расонанд.

Аз ҷумла ИМА феълан низоми дронҳоеро рушд дода истодааст, ки ҳамзамон даҳҳо дастгоҳ парвоз мекунанду низоми мудофиаи рақибро ошкор ва машғул мекунанду дастгоҳҳои радариро сӯи худ ҷалб мекунанд.

“Дар бомбафкани B-52 ҳудуди 140 адад чунин дастгоҳҳо ҷой дода мешаванд. Онҳо ҳадафҳои дурӯғинро вонамуд мекунанд. Вақте чунин гала парвоз мекунад низоми мудофиаи зиддиҳавоӣ маҷбур аст, вокуниш кунаду мавқеашро ошкор намояд. Дар ин ҳангом замоне воҳидҳо ба нерӯгирии дубора машғуланд ҳавопаймоҳои зарбазан ба ҳадафҳояшон мерасанд”, - тавзеҳ дод Леонков.

Артиши Русия чанд намуди бесарнишинҳоро кор мебарад, ки асосан барои ҷосусӣ ва муайянсозии ҳадаф пешбинӣ шудаанд. Аз ҷумла феълан дастгоҳҳои бесарнишин бетанаффус дар атрофи пойгоҳи ҳавоии низомии “Хмеймим” дар Сурия навбатдорӣ мекунанд. Бо мавриди истифода қарор додани зарбазанҳои “Орион” низомиён аз бартарияти дигаре дар ҳаво бархӯрдор шуданд.

Таъсири равонӣ

Ба гуфтаи халабони низомии хизматнишондодаи Русия, генерал – майор Владимир Попов, бартарияти муҳими бесарнишинҳо амнияти ҳайати шахсӣ мебошад, ки даҳҳо километр дуртар аз макони амалиёт ба рақиб ҳамла мекунад. Инчунин дастгоҳҳои бесарнишин самаранокии ҳавопаймоҳои ҷангиро дучанд мекунанд.

“Мисол бесарнишини хурде маҷмӯаи мушакии фаврӣ-тактикиро ошкор кард, аммо ба гумон аст, ки онро ба танҳоӣ метавонад нобуд созад. Барои ин ҳавопаймоҳо заруранд. Аммо бесарнишин метавонад чанд бомб партояд, кори воҳидро дарҳам занад, фишори равонӣ орад. Баъди ин бар асоси додаҳо аз ин бесарнишин метавонад дастгоҳи дуюм ё ҳавопаймою чархбол парвоз кунанду корро анҷом диҳанд”, - тавзеҳ дод Попов.

Бояд иқрор шуд, муваффақияти бештарро дар истифодаи дастгоҳҳои бесарнишин то ҳол амрикоиҳо ба даст овардаанд. Онҳо дронҳоро барои ҷосусӣ ҳанӯз аз солҳои 1960-ум истифода мебаранд. Дар Ветнам бесарнишинҳо ҳазорҳо парвоз анҷом доданд, ки ҳадафи асосияшон кашшофию суратгирӣ буд.  

Дар солҳои 90-уми асри гузашта Пентагон дронҳои бисёрҳадафӣ – “Predator”-ро соҳиб шуданд, ки на танҳо ҷосусӣ мекарданд, инчунин метавонистанд зарбаҳои нишонрас зананд. Ин “ҳайвон”-ҳои ҳавоӣ тақрибан дар ҳар даргирии ИМА, аз ҷумла дар Босния, Ироқ, Афғонистон, Либия ва Сурия истифода мешуданд.

443
Барчаспҳо:
артиш, силоҳ, дрон, Русия
Сулҳбони Русия дар долони Лочин

Аз Ангола то Тоҷикистону Югославия: сулҳбонҳои Русия дар куҷо хидмат мекунанд?

190
(Таҷдидшуда 15:36 23.11.2020)
Ҳузури низомиёни Русия дар Қарабоғи куҳӣ эҳтимолияти ҳалли низомии масъаларо ба сифр баробар карда, имкон медиҳад, ки роҳбарияти Озарбойҷону Арманистон ба мизи музокирот ва аҳолӣ ба хонаҳояшон баргарданд

ДУШАНБЕ, 23 ноя – Sputnik. Александр Хроленко. Ин далели самаранокии сиёсати хориҷии Русия ва ташкили хуби омодагии ҷангии қувваҳои мусаллаҳи Русия мебошад.

Нерӯҳои ҳомии сулҳ дар минтақаи даргир эҳтимоли амалиёти низомии ҷонибҳоро бартараф месозад. Ҳавопаймоҳои низомии қувваҳои ҳавоӣ-кайҳонии Русия интиқоли низомиён ва техникаи бригадаи савораи тирандози 15-умро идома дода истодаанд, ки кафили субот дар Қафқози ҷанубӣ мебошанд.

Дар пайи оғози амалиёт дар Степанакерт ва дигар маҳалҳои аҳолинишини Қарабоғи куҳӣ беш аз 4 ҳазор гуреза аз қаламрави Арманистон баргаштанд. Танҳо 19 ноябр бо 27 автобус зери ҳимояи сулҳбонҳо беш аз 1200 гуреза баргаштанд.

Барои ҳалли маҷмӯи масоили гуманитарӣ дар Қарабоғи куҳӣ дар ҳайати Маркази байниидоравӣ, гуруҳи Вазорати ҳолатҳои фавқулоддаи Русия ва 5 сохтори махсусгардондидашуда – тозасозӣ аз минаҳо, тиббӣ, нақлиётӣ, таъминоти тиҷорию маишӣ ва оштисозии ҷонибҳои даргир амал мекунанд.

Дидбонгоҳҳо, пайроҳадорӣ ва вазифаҳои пулис дар минтақаҳои бехатарии “Север” ва “Юг” чашмрасанд. Сулҳбонҳои Русия амнияти ҳаракати нақлиёт дар долони Лочинро таъмин мекунанд, мошинҳоро тафтиш ва интиқоли силоҳро пешгирӣ менамоянд. Бисёри вазифаҳо, сохтор ва тарзу алгоритми амалиёти Русия дар Қарабоғи куҳӣ аз чашмҳо ноаёнанд. Вазъияти Қарабоғ дар таърих бесобиқа аст ва аз низомиёни бригадаи 15-ум талаботи сангин дорад.

Хадамоти федералии амният – “ФСБ”-и Русия таъмини ҳаракати нақлиёт тариқи Арманистон миёни навоҳии ғарбии Озорбойҷон ва ҷумҳурии мухтори Нахичевонро назорат мекунад. Ин ҳаракати бемонеи шаҳрвандон, нақлиёт ва бор ба ҳарду ҷонибро фаро мегирад. Ҳукумати Русия хароҷоти марбути кори сулҳбонҳоро пардохт мекунад.

Арзиши чунин амалиёт, аз нигоҳдории  ҳайат, то истифодаи техникаю харҷи маводи сӯхт, солона садҳо миллион долларро ташкил медиҳад, аммо бехатарӣ дар Қафқози ҷанубиро наметавон бо пул нархгузорӣ кард.

Аҳамияти амалиёт бузур ва радаи он хеле баланд мебошад. Бигзор ҳайати сулҳбонҳои Русия дар Қарабоғ, тибқи меъёрҳои СММ сершумортарин ҳам набошад, аммо хеле муҳим барои ҳифзи субот дар Қафқози ҷанубӣ ва минтақаи назди Каспий мебошад.

Хориҷаи наздик

Сулҳбонҳои Русия хеле кори зиёд барои таҳкими амният дар манотиқи собиқ шӯравӣ, аз ҷумла дар Абхазистон, Осетияи ҷанубӣ, Тоҷикистон ва Приднестрове анҷом доданд. Бо вуҷуд ҳаводиси ахири фоҷиабор дар Қарабоғи куҳӣ шаҳодат медиҳад, ки зарфияти сар задани даргириҳои мусаллаҳона миёни кишварҳои ИДМ ҳанӯз боқӣ мондаанд. Барои ёфтани мисолҳои осебпазирии сулҳ дур рафтан даркор нест.

Заседание Совета безопасности Азербайджана
Пресс-служба президента Азербайджана

Имрӯз раисиҷумҳури тозаинтихоби Молдова, Майя Санду изҳороти барномавӣ дар бораи зарурияти хуруҷи нерӯҳои Русия аз Приднестровяро дод. Шояд ӯ фаромӯш карда бошад, ки ин ягона минтақа дар қаламрави Аврупои шарқӣ мебошад, ки баъди вуруди сулҳбонҳо дар соли 1992 бар асоси созишномаи дахлдор, амалиёти низомӣ қатъ гардид ва тайи 28 сол дигарбора сар назад.

Дар Приднестрове гуруҳи фаврии низомиёни Русия қарор доранд. Яке аз вазифаҳои асосии ин гуруҳ ҳифзи захираҳои бузурги аслиҳаи куҳна (беш аз 20 ҳазор тон) дар наздикии маҳалли аҳолинишини Колбасна мебошад. Дар оғози солҳои 90-уми асри 20 ба ин ҷо лавозимоти ҷангии нерӯҳои шӯравӣ аз Олмон, Маҷористон ва Лаҳистон ворид карда шуданд. Нобудсозии аслиҳа дар он ҷо ғайриимкон мебошад ва берун овардани он низ мушкилзо аст, чун ҳудуди 2500 вагонро талаб мекунад ва зиёда аз 57 дарсади ин лавозимот қобили интиқол нестанд. Агар нерӯҳои Русия хориҷ шаванд, вазъ дар Молдова ба маънои аслаш таркишзо хоҳад шуд. Ба умеди созандагӣ хоҳем буд.

Инчунин самаранокии кори сулҳбонҳои Русияро дар минтақаи Осиёи Марказӣ метавон мисол овард. Маврид ба зикр аст, ки Русия, Қазоқистон, Ӯзбекистон ва Қирғизистон соли 1993 созишнома дар бораи нерӯҳои муштараки сулҳбонро имзо карданд, ки такягоҳи субот бар минтақа шуданд. Он замон ба ҳайати нерӯҳои муштараки сулҳбон дивизияи 201-уми Русия ва воҳидҳои Қазоқистон, Ӯзбекистон ва Қирғизистон шомил гардиданд. Бо талоши муштараки сулҳбонҳо даргирии мусаллаҳона дар Тоҷикистон хомӯш карда шуд. Дар ҷумҳурӣ гуруҳи фаврии марзбонии Хадамоти федералии амният – “ФСБ”-и Русия боқӣ монданд ва соли 2005 дар заминаи дивизияи 201-ум дар Тоҷикистон пойгоҳи 201-уми низомии Русия ташкил карда шуд, ки моҳиятан сулҳбон мебошад.

Русия чун узви доимии Шӯрои амнияти СММ бо дигар аъзо масъули сулҳ дар сайёра мебошад. Даргириҳои байналмилалӣ ва байнихудиро дар қаламрави собиқ шӯравӣ пешгирию бартараф мекунад, дар ҳайати сулҳбонҳои СММ ва СААД дар хориҷи дур низ иштирок мекунад.

Аз Югославия то Ангола

Сулҳбонҳои Русия аз таҷрибаи бузург бархӯрдор буда, тасодуфӣ нест, ки аз рӯи теъдоди нозирони низомӣ дар СММ, Русия ба даҳгонаи аввал шомил мебошад.

Чунин амалиёт шартан ба ду навъ – ҳифзи субот ва водорсозии маҷбурӣ ба сулҳ ҷудо мешаванд. Вобаста ба вазъ дар минтақаи таҳти назорат амалиёту вазифаҳои сулҳбонҳо метавонанд тағйир ёбанд. Аз ҷумла моҳи августи соли 2008 амалиёти ҳифзи сулҳ дар минтақаи мухолифатҳои Гурҷистону Осетия моҳиятан ба амалиёт барои водорсозии Гурҷистон ба сулҳ мубаддал шуд.

Низомиёни Русия аз соли 1992 зимни амалиёти СММ барои ҳифзи сулҳ дар Югославия (1992 – 2003 годы) таҷрибаи байналмилалӣ гирифтанд, ки он он ҷо ҳайати сулҳбонҳои Русия 1600 нафарро ташкил медод. Чунин рисолатҳо баъдан дар Ангола, Либерия, Мозамбик, Кот-д’Ивуаре, Руанда, Бурунди, Эфиопия, Судон, ҷумҳурии Чад ва Ҷумҳурии Африқои Марказӣ низ амалӣ шуд.

Ҳар амалиёт хусусиятҳои худро дорад, ки аз шиддати даргирӣ, хатари муқовимати мусаллаҳона, теъдоди нерӯҳои дахлдор, шароити ҳамлу нақл, тафаккури сокинони маҳаллӣ ва шароити тиббӣ вобаста мебошад.

Низомиёнро зарур аст, ки фавран ба вазъ мутобиқ шаванд, пайвата дар ҳоли омодагии ҷангӣ қарор дошта бошанд. Ҷойивазкунии муқаррарӣ ҳар ним сол як бор рух медиҳад, ки санҷиши сангин барои омодагии ҷисмию равонии низомиён мебошад. Ҳайати нозирон тақрибан бесилоҳ мебошанд, сулҳбонҳо бештар бо силоҳи сабук мусаллаҳ мебошанд.

Сулҳбонҳои Русия соли равон дар ҳайати 9 амалиёти СММ хидмат мекунанд. Сахари ғарбӣ (MINURSO), Ҷумҳурии Африқои Шумолӣ (MINUSCA), Ҷумҳурии демократии Конго (MONUSCO), дар Кипр (UNFICYP), дар Судон (UNISFA), дар Косово (UNMIK), дар Судони ҷанубӣ (UNMISS), дар шарқи наздик (UNTSO), дар Колумбия (UNVMC).

Бузургтарин амалиёти сулҳбонии СММ ва Иттиҳоди Африқо дар Судон роҳандозӣ шудааст, ки беш аз 20 ҳазор низомиро дар бар мегирад. Сарфи назар аз ҷуғрофиёи экзотикӣ, ин кори вазнин бо хатари доимӣ барои ҷон мебошад. Ҳамасола дар сайёра ҳудуди 100 сулҳбонҳо ба ҳалокат мерасанд, ки баштарашон зимни ҳамлаҳои ҳадафмандона кушта мешаванд.

190
Барчаспҳо:
ҷангу сулҳ, сулҳ, ҷаҳон, СММ, Русия
Учения Центр-2019 в Таджикистане

Низомиёни Русия дар Тоҷикистон таҷрибаи ҷангии андӯхта дар Сурияро тамрин мекунанд

152
(Таҷдидшуда 14:42 20.11.2020)
Низомиёни пойгоҳи 201-уми Русия дар Тоҷикистон таҷрибаҳои нави ҷангиро, ки дар Сурия андӯхта шудаанд, дар размоиш татбиқ мекунанд. Дар ин тамринот ҳамчунин имконоти силоҳу техника санҷида мешавад

ДУШАНБЕ, 20 ноя — Sputnik. Низомиёни Русия ва Тоҷикистон дар размоиши муштарак, ки рӯзи ҷумъа дар тамрингоҳҳои Лоҳур, Самбулӣ ва Ҳарб-Майдон оғоз шуд, таҷрибаи ҷангии андӯхта дар Сурияро тамрин мекунанд.

Дар ин бора зимни оғози размоиш, генерал-лейтенант Юрий Петров, ноиби фармондеҳи нерӯҳои ҳавзаи марказии низомии Русия хабар дод.

 “Шароити размоиш хеле наздик ба ҷангӣ хоҳанд буд. Дар назар аст, ки шеваҳои нави ҷангӣ, ки дар Сурия андӯхта шудааст, тамрин карда шаванд”, - изҳор дошт Юрий Петров.

Ӯ афзуд, ки размоиш ба таҳкими амалиёти муштарак ва муносибати якхела ба гузарондани амалиёти низомӣ бо назардошти шароити иқлимию географӣ равона гардидаанд, ки омодагии баланди низомиён ва руҳияи устуворро талаб мекунанд.

Дар котиботи Ҳавзаи марказии низомӣ хабар доданд, ки низомиён дар марҳилаҳои размоиш амнияти иншооти муҳим, иҳотагирии гуруҳҳои ғайриқонунии мусаллаҳ ва пешгирии ҳамлаи онҳоро тамрин мекунанд. Дар анҷоми размоиш оташкушоии маҷмӯӣ барои нобуд кардани рақиби шартӣ дар назар аст.

Дар тамринот, ки аз 20 то 28 ноябр идома меёбад, аз ҷониби Русия беш аз 3 ҳазор низомӣ бо 550 воҳиди техникаи ҳарбӣ, аз ҷумла чархболҳои ҳарбӣ-нақлиётии Ми-24, Ми-8 МТВ5-1, танкҳои Т-72, мошинҳои навсозишудаи ҷангии БМП-2М, зиреҳпӯшҳои БТР-82А, БТР-80, маҷмааҳои артиллерии "Град", "Ураган", худгардҳои артиллерии "Гвоздика" ва "Акатсия"  иштирок доранд.

152
Барчаспҳо:
соҳибтаҷриба, Сурия, размоиш, Тоҷикистон-Русия
День 25 ноября

Ҷашнҳои рӯзи 25 ноябр дар Тоҷикистон ва ҷаҳон

0
(Таҷдидшуда 19:29 24.11.2020)
Рӯзи бисту панҷуми ноябр аз Рӯзи байналмилалии мубориза бо хушунат алайҳи занон ҷашн гирифта мешавад

Рӯзи 25 ноябр дар ҷаҳон чӣ рух дод

Сли 2014 Президенти Чехия Милош Земан бо сафари расмии серӯза ба Душанбе омад.

 

Президент Чешской Республики Милош Земан, архивное фото
© Sputnik
Президент Чешской Республики Милош Земан, архивное фото

 

Соли 1667 бар асари заминларза дар шаҳри Шамахии Озарбойҷон 80 ҳазор нафар ба ҳалокат расиданд.

Соли 1867  Алфред Нобел моддаи тарканда- динамитро ихтироъ кард.

 

Портрет Альфреда Нобеля. Архивное фото
© AFP 2020 / JONATHAN NACKSTRAND
Портрет Альфреда Нобеля. Архивное фото

 

Соли 1991 Ҳизби сотсиалистии Украина ба қайд гирифта шуд.

Соли 1996 СММ ба Ироқ барои фурӯхтани нафт бар ивази маводи озуқаворӣ иҷозат дод.

Соли 1918 Розике Швиммер аввалин зане шуд, ки дар тӯли таърихи дипломатияи ҷаҳонӣ сафир интихоб гардид.

Рӯзи 25 ноябр дар Тоҷикистон чӣ рух дод

Соли 2010 дар шаҳри Душанбе Президенти Ҷумҳурии Тоҷикистон Эмомалӣ Раҳмон дар ҳамоиши сарони ҳукуматҳои кишварҳои аъзои Созмони Ҳамкории Шанхай, ки дар бўстонсароии шаҳрии Ҳукумати Ҷумҳурии Тоҷикистон баргузор гардид, суханронӣ кард.

Ҷашнҳои рӯзи 24 ноябр дар Тоҷикистон ва ҷаҳон

Соли 2010 Эмомалӣ Раҳмон бо Раиси вақти Ҳукумати Федератсияи Русия Владимир Путин масоили гуногунҷанбаи Тоҷикистону Русия ва ҳамгироии ду кишвар дар таҳкими амнияту субот дар минтақаи Осиёи Марказӣ, мусоидат ба барқарорсозии иқтисодиёт ва ҳаёти осоиштаи Афғонистонро баррасӣ намуданд.

 

© Sputnik / Алексей Никольский
Президент России Владимир Путин и президент Таджикистана Эмомали Рахмон

 

Ссоли 2014 қонунҳои Ҷумҳурии Тоҷикистон дар бораи ворид намудани тағйиру иловаҳо ба қонунҳои Ҷумҳурии Тоҷикистон "Дар бораи амният", "Дар бораи мубориза бар зидди терроризм", "Дар бораи мубориза бар зидди экстремизм" ба имзо расида буданд.

Сли 2013 палатаи поёнии Парлумони Тоҷикистон Қонуни Ҷумҳурии Тоҷикистон "Дар бораи ворид намудани тағйиру иловаҳо ба Қонуни Ҷумҳурии Тоҷикистон "Дар бораи милитсия"-ро муҳокима намуд.

Ҷашнҳои рӯзи 25 ноябр

  • Рӯзи байналмилалии мубориза бо хушунат алайҳи занон.
  • Дар Ҷумҳурии Суринам-Рӯзи истиқлолият.

Рӯзи 25 ноябр дар Тоҷикистон кӣ ба дунё омад

Солҳои 1887-1943 генетики рус, ботаник ва географи Тоҷикистон Николай Вавилов.

Солҳои 1934-1984  композитор Дости Орзуев.

Солҳои 1938-2007 ходими нишондодаи Тоҷикистон Асрор Рашидов.

0
Барчаспҳо:
ҷашн, ҷаҳон, Тоҷикистон