Президент Таджикистана Эмомали Рахмон говорит по телефону, архивное фото

Занги Раҳмон ба Ғанӣ баъди ҳамлаҳои террористӣ ва ваъдаи пуштибонӣ

331
Эмомалӣ Раҳмон, раисиҷумҳури Тоҷикистон, дар пайи ҳамлаҳои ахири террористӣ дар Афғонистон ба раисиҷумҳури ин кишвар, Ашраф Ғанӣ занг зада, пуштибонияшро аз иқдоми Ҳукумат баён намудааст

ДУШАНБЕ, 4 ноя — Sputnik. Тибқи иттилои котиботи раисиҷумҳури Тоҷикистон, Эмомалӣ Раҳмон ба Муҳаммад Ашраф Ғанӣ паёми ҳамдардӣ фиристода, ҳамчунин суҳбати телефонӣ анҷом додаст.

Раҳмон ба Ғанӣ гуфтааст, хабари фоҷеабори ба ҳалокат расидан ва ҷароҳати вазнин бардоштани теъдоди зиёди шаҳрвандони кишвар бар асари ҳамлаҳои золимонаи ахири террористон, аз ҷумла ба Донишгоҳи Кобул ва болои нерӯҳои давлатии Афғонистон дар вулусволии Имом Соҳиби вилояти Қундуз, боиси андӯҳи беандозаи мо гардид.

"Тоҷикистон ин амалҳои ғайриинсонии нерӯҳои аҳриманиро қатъиян маҳкум намуда, зарурати бетаъхири тақвияти муборизаи қотеонаро бо ҳама гуна зуҳуроти терроризм ва ифротгароӣ дар сатҳҳои мухталиф муҷаддадан таъкид менамояд", - изҳор доштааст раисиҷумҳури Тоҷикистон.

Манбаъ афзуд, ки Эмомалӣ Раҳмон зимни суҳбати телефонӣ аз раванди музокироти сулҳи  байниафғонӣ истиқбол намуда, таъкид дошт, ки Тоҷикистон талошҳои пайвастаи Ҳукумати Афғонистонро ҷиҳати таъмини амният ва сулҳу субот дар кишвар пурра ҷонибдорӣ менамояд.

Эмомалӣ Раҳмон омодагии Тоҷикистонро оид ба пуштибонӣ аз иқдомҳои Ҳукумату мардуми ин кишвари дӯст ҷиҳати истиқрори сулҳу субот ва бозсозии иқтисодии мамлакат баён доштаст.

Ба иттилои котибот, зимни суҳбати телефонӣ ҷонибҳо инчунин оид ба таҳкими ҳамкории дуҷониба дар соҳаи амниятӣ ҷиҳати тақвияти муборизаи беамони муштарак алайҳи хатару таҳдидҳои минтақавӣ ва ҷаҳонӣ, решакан кардани ҳамагуна зуҳуроти терроризм, ифротгароӣ ва қочоқи маводи мухаддир табодули афкор карданд.

331
Барчаспҳо:
ҳамдардӣ, Тоҷикистон

Путин: рӯйдодҳои Қарабоғи Кӯҳӣ ва Қирғизистон вазъияти СААД - ро мушкил кард

272
Президенти Русия Владимир Путин вазиъяти СААД - ро дар пасманзари тазоҳурот ва рухдодҳо дар як қатор кишварҳои аъзо арзёбӣ кард

ДУШАНБЕ, 2 дек – Sputnik. Рухдодҳо дар Қарабоғи Кӯҳӣ, Қирғизистон ва Белорус вазъият дар миқёси Созмони Аҳдномаи Амнияти Дастаҷамъӣ (СААД) - ро вазнин кард, гуфт Владимир Путин.

Раҳбари Русия қайд кард, ки моҳҳои охир вазъият дар миқёси СААД ноором буд.

"Вазъ дар фазо дар доираи масъулияти СААД бидуни мушкил набуд ва дар маҷмӯъ ноором буд. Ман муноқишаи мусаллаҳонаро, ки моҳи сентябр дар Қарабоғи Кӯҳӣ бо кишварҳои узви СААД, инчунин рӯйдодҳои пасазинтихоботии Белорусро, ки бо фишори бесобиқаи беруна рӯ ба рӯ шуданд ва вазъи дохилии сиёсии Қирғизистонро дар назар дорам", - гуфт Путин.

Эмомалӣ Раҳмон дар нишасти СПАД ширкат мекунад

Ёдрас мешавем, ки рӯзи 2 декабр таҳти раёсати Русия нишасти навбатии сарони кишварҳои узви СААД баргузор шуд. Ба далели ҳамагирии коронавирус ин бор ҷаласа дар шакли видеоӣ ё маҷозӣ баргузор гардид.

Суханронии Владимир Путин дар нишасти СААД - пахши мустақим

Дар ин нишаст президенти Белорус Александр Лукашенко, кишвардори Қазоқистон Қосим - Ҷомарт Тоқаев, иҷрокунандаи вазифаи президенти Қирғизистон Талант Мамитов, сарвазири Арманистон Никол Пашинян ва дабири кулли СПАД Станислав Зас ширкат карданд.

272
Барчаспҳо:
Қарабоғи Кӯҳӣ, Русия, Қирғизистон, суханронӣ, Владимир Путин, сарони кишварҳои аъзои СААД
Боевик Хамза Вазиристани, один из организаторов терактов в Афганистане

Ҷазои фаврӣ: ташкилкунандаи ҳамлаи хунини Ғазнии Афғонистон дар амалиёти ҳавоӣ кушта шуд

237
(Таҷдидшуда 14:20 02.12.2020)
Дар натиҷаи ҳамлаи ҳавоӣ ба яке аз минтақаҳои шаҳри Ғазнии Афғонистон, ҳафт ҷангӣ нобуд ва миқдори зиёди силоҳҳо аз байн бурда шуданд

ДУШАНБЕ, 2 дек — Sputnik. Вазорати дифои Афғонистон мегӯяд, созмондиҳандаи ҳамлаи террористӣ дар Ғазнӣ, ки дар пайи он 31 нафар кушта шуд, дар натиҷаи ҳамлаи ҳавоӣ ба шаҳр дар минтақаи Ҷиро нобуд карда шуд.

Тибқи иттилои вазорат, ба ҷуз Ҳамза Вазиристонӣ, ҳафт ҷангҷӯи дигар кушта ва миқдори зиёди силоҳу муҳимоти ҷангӣ нобуд карда шуданд.

Ҳамлаи террористӣ дар Ғазнӣ рӯзи 29 ноябр дар наздикии пойгоҳи нерӯҳои мусаллаҳи Афғонистон рух дод.

Пас аз тирпарронӣ, як маводи тарканда, ки дар мошини дар наздикии он қароргирифта гузошта шуда буд, таркид.

Тибқи маълумоти беморхонаи маҳаллӣ, 31 нафар фавтида ва 24 нафар ҷароҳат бардоштанд.

Ёдовар мешавем, ки дар аввали моҳи ноябр, ҳангоми ҳамлаи миномётӣ ба яке аз ноҳияҳои Ғазнӣ, беш аз ҳашт ғайринизомӣ кушта шуданд.

Деги ҷӯшони Афғонистон: аз ихроҷи нирӯҳои Амрико кӣ бурд мекунад

Тибқи иттилои Ваҳидуллоҳ Ҷумъа, раҳбари пулиси ин қаламрав, дар минтақаи истиқоматии Нуробод се гулӯлаи миномёт таркид, ки бар асари он  ҳафт ғайринизомӣ маҷрӯҳ шуданд.

237
Барчаспҳо:
қатл, таркиш, ҳамла, Ғазнӣ, Афғонистон
Национальный банк Таджикистана

Бонки миллӣ бо як қарор фонди қарзии хурди “Файзи Сурхоб”-ро барҳам дод

0
(Таҷдидшуда 01:43 04.12.2020)
Раёсати Бонки миллии Тоҷикистон ахиран аз барҳамхурии боз як ташкилоти қарзии хурд хабар дод

ДУШАНБЕ, 4 дек — Sputnik. Раёсати Бонки миллии Тоҷикистон аз барҳамхурии ташкилоти қарзии хурди  “Файзи Сурхоб” хабар дод.

Национальный банк Таджикистана
© Фото : Пресс-служба президента Таджикистана

Бино бар иттилои дафтари матбуоти Бонки милли Тоҷикистон, раёсати Бонк бо қарори навбатӣ таҳти №156 дар асоси моддаи 26 Қонуни Ҷумҳурии Тоҷикистон “Дар бораи ташкилотҳои маблағгузории хурд” ва моддаҳои 8, 9 ва 12 Қонуни Ҷумҳурии Тоҷикистон “Дар бораи барҳамдиҳии ташкилотҳои қарзӣ” иҷозатномаи ФҚХ “Файзи Сурхоб” бозхонд карда шуд.

Бонки миллӣ қайд намудааст, ки қарори раёсат дар бораи барҳамдиҳии ихтиёрӣ санаи аз 01 декабри соли равон қабул шудааст.

Ин ниҳод сабаби бозхонди иҷозатномаи ташкилоти қарзиро шарҳ надодааст.

Беш аз 22 миллиард: Нуралиев дороии ҳамаи ташкилотҳои молиявии кишварро гуфт

Ёдовар мешавем, Раёсати Бонки миллии Тоҷикистон ахиран бо як қарор иҷозатномаи ташкилоти қарзии хурди “Имконият Ховар”-ро бозхонд кард.

0