Полицейские стоят на страже возле Кабульского университета, архифное фото

Тафсилоти инфиҷори мошини дипломатҳои Русия дар Кобул

364
(Таҷдидшуда 18:00 02.12.2020)
Дар пойтахти Афғонистон мошини кормандони сафорати Русия дучори инфиҷор шудааст, ки дар пайи он касе зарари ҷиддӣ надидааст

ДУШАНБЕ, 2 дек — Sputnik. Як мошин бо дипломатҳои русро бар асари таркиши мина дар Кобул зарар дидааст, гуфт сухангӯи Вазорати корҳои хориҷии Русия, Мария Захарова.

Ба иттилои манбаъ, аз сабаби таркиш, намояндагони намояндагии дипломатии Русия зарбаи сабук гирифтанд ва хушбахтона ниёзе ба беморхона бурдан надоштанд.

Таркиши автомобили дипломатҳо дар наздикии сафорати Русия сурат гирифтааст.

Ҳанӯз дақиқ нашудааст, ки мошини ҳадафи ҳамла кадом буд: аз сафорати Русия ё нерӯҳои амниятии Афғонистон.

Деги ҷӯшони Афғонистон: аз ихроҷи нирӯҳои Амрико кӣ бурд мекунад

Захарова бо изҳори мавқеи Вазорати корҳои хориҷии Русия гуфтааст: "Мо аз ҷониби Афғонистон талаб дорем, ки ин ҳодисаро ҳамаҷониба таҳқиқ карда, барои таъмини амнияти кормандони намояндагиҳои Русия дар ҶИА чораҳои ҳамаҷониба андешанд".

Боздошти 13 полис дар Афғонистон вобаста парвандаи ҳамлаи террористӣ ба Донишгоҳи Кобул

То кунун ягон гурӯҳи террористӣ масъулияти таркиши минаи худсохтро ба дӯш нагирифтааст.

364
Барчаспҳо:
худрав, таркиш, дипломатҳо, сафорат, Афғонистон, Русия
Военные учения России и Таджикистана, архивное фото

Тоҷикистон дар радабандии байналмилалии қудрати низомӣ: Ӯзбекистон қавитар аз ҳама дар ОМ

537
(Таҷдидшуда 20:33 16.01.2021)
Тоҷикистон дар радабандии байналмилалии қудрати низомӣ мавқеашро бетағйир гузоштааст

ДУШАНБЕ, 16 янв – Sputnik. “Global Firepower” (GFP), як пойгоҳи таҳлилӣ, ки қудрати низомии кишварҳои дунёро пайгирӣ мекунад, дар радабандии ахираш нерӯҳои мусаллаҳи Тоҷикистонро миёни 138 кишвари дунё бетағйир дар мақоми 99-ум гузоштааст.

Соли гузашта низ Тоҷикистон дар ин радабандӣ дар ин мақом менишаст ва давоми як сол тағйироте ба вуҷуд наовардааст.

Гузоришгарон  ҳайати низомии кишварро 9 ҳазор арзёбӣ карда, гуфтаанд,  маблағгузорӣ ба артиш дарТоҷикистон солона 79 миллион долларо ташкил медиҳад.

Қайд карда мешавад, ки Тоҷикистон бо 20 чархбол, 253 тонк, 400 техникаи зиреҳпӯш, 80 тӯбхона ва 125 проекторҳои мушакӣ мусаллаҳ аст. Аз сабаби набудани роҳи мустақим ба баҳр, ҷумҳурӣ флоти баҳрӣ надорад.

Дар Осиёи Марказӣ қавитарин артиш аз Ӯзбекистон унвон шудааст, ки дар зинаи 51 нишаста, ҳайати низомии он 50 ҳазор ва харҷи солонааш 15 миллиард гуфта мешавад.

Қазоқистон бошад бо 125 ҳазор низомию 4 миллиард доллар хароҷоти солона ба ин соҳа дар ҷойи 62, Туркманистон  дар зинаи 86 ва Қирғизистон дар ҷойи 93 нишастаанд.

Гуфта мешавад, ҳайати шахсии Туркманистон 22 ҳазор буда, солона ба ин соҳа 800 миллион сарф мекунад ва Қирғизистон бошад 11 ҳазор низомӣ дошта харҷи солонааш 20 миллион доллар гуфта мешавад.

Мувофиқи радабандӣ ҷойи авалро Амрико, ҷойи дувумро Русия ва ҷойи севумро Чин гирифтаанд.

Ба даҳгонаи бузургтарин артишҳои ҷаҳон Ҳиндустон, Фаронса, Ҷопон, Кореяи Ҷанубӣ, Бритониёи Кабир, Туркия, Олмон, дохил шуданд. Дар радабандӣ 137 кишвари ҷаҳон баррасӣ шудаанд. Гузоришгарон, ҳангоми тартиб додани феҳрист 55 омил ба назар гирифтаанд.

Баъди артиш дохилшавӣ ба донишгоҳ осонтар мешавад: имтиёзи ММТ ба хизматкардаҳо

Қайд мешавад, ки на танҳо шумораи силоҳ, балки намудҳои он қудрати онҳо низ ҳисоб  шудаанд.

Ҳамчунин дар тартиб додани радабандӣ мавқеи ҷуғроофӣ, имкониятҳои воситаҳои нақлиётӣ, иктишофи захираҳои табиӣ, саноати маҳаллӣ ва шумораи низомиён ба назар гирфита шудааст.

Қавию дурпарвоз: силоҳи нави ҳавоии Русия чӣ гуна хоҳад буд

Артиши  Тоҷикистон дар радабандӣ соли 2019 ҷойи 94 ва қабл аз он зинаи 96-умро соҳиб шуда буд.

537
Разбитые армянские гаубицы у дороги в Физули

Арманистон сабаби шикасташ дар Қарабоғи Кӯҳиро гуфт

582
(Таҷдидшуда 20:46 14.01.2021)
Сабабҳои асосии шикасти Арманистон дар ҷанг бо Озарбойҷон дар Қарабоғи Кӯҳӣ эълон шуданд

Номзади мухолифин ба мансаби сарвазирии Арманистон, Вазген Манукян гуфт, ки чаро ин кишвар дар муноқишаи мусаллаҳона бо Озарбойҷон дар Қарабоғи Кӯҳӣ пирӯз нашуд.

Яке аз хатогиҳои калидӣ, ба гуфтаи Манукян, амали нодурусти сарвазири кунунии Арманистон Никол Пашинян буд.

Ӯ қайд кард, ки сарвазир дар бораи вазъияти фронт тасаввуроти зиёде надошт. Вай имкон дошт, ки на танҳо муноқишаро пешгирӣ кунад, балки мавқеи асосии худро нигоҳ дорад, гуфт Манукян дар сӯҳбат бо РБК.

Вай натиҷаи муноқишаи солҳои 1992-1994 дар Қарабоғи Кӯҳиро ёдовар шуд.

"Дар солҳои ҷанги якуми Қарабоғ, солҳои 1992-1994, вақте ки мо Озарбойҷонро шикаст додем, ин ба мо кӯмак кард, ки Абулфаз Элчибей сарварӣ кунад. Он гоҳ истилоҳи "инқилоби ранга" вуҷуд надошт, аммо ӯ шахсе буд, ки маҳз ба чунин ақидаҳо пойбанд буд", - гуфт мухолиф.

Ба гуфтаи ӯ, ҳоло "Озарбойҷон аз он истифода кард, ки мо Элчибейи худро дорем".

Манукян аз номувофиқии мансаб ба сарвазири кунунии Арманистон гуфт.

Алиев гуфт, ки кӯшиши вайрон кардани созишномаи Қарабоғ вуҷуд дорад

"Дар пайи "инқилобҳои ранга" асосан одамони қобилиятнок ба қудрат меоянд, ки барои сарварии ҳукумат омода нестанд",- гуфт ӯ ва илова кард, ки Пашинян ҷомеаро ба "гузашта ва ҳозира" тақсим кард.

Амалиёти мусаллаҳона дар Қарабоғи Кӯҳӣ аз соли 1987 инҷониб авҷ гирифтааст.

Ахиран он 27 сентябри 2020 дубора миёни Арманистону Озарбойҷон сар зад. Маълум нест, ки кадом кишвар аввалин шуда ҷангро оғоз кардааст, аммо давлатҳо бо иттиҳоми тирпарронӣ ҳамдигарро муттаҳам мекунанд.

Муноқишаи ахир беш аз як моҳ давом кард ва бо дахолати президенти Русия Владимир Путин боздошта шуд.

Тадбири асосии оташбас имзои созишномае буд, ки баргардонидани қаламравҳои ишғолкардаи Арманистон ба Озарбойҷонро пешбинӣ мекунад.

Ин санад шаби 9 ба 10 ноябр имзо шуд ва аз ҳамон лаҳза амалиёти ҷангӣ дар Қарабоғи Кӯҳӣ қатъ шуд.

Шартҳои риояи созишномаҳоро посдорони сулҳи Русия назорат мекунанд.

Метр ба метр: чӣ гуна посдорони сулҳи Русия Степанакертро бехатар мекунанд - видео

Онҳо инчунин ба гурезагон кӯмак мерасонанд, корҳои безараргардонии минаро анҷом медиҳанд ва инфрасохтори шаҳрҳои маҳаллиро барқарор мекунанд.

582
В московском Музее Востока открылась выставка В тени вершин

Ифтитоҳи намоишгоҳи саноати дастӣ ва маҳсулоти кишоварзии Афғонистон дар Душанбе

0
(Таҷдидшуда 20:10 16.01.2021)
Намоишгоҳи саноати дастӣ ва маҳсулоти кишоварзии Афғонистон дар шаҳри Душанбе баргузор шуд

ДУШАНБЕ, 16 янв — Sputnik. Маҳсулоти 27 ширкати афғонистонӣ ва корҳои дастии афғонҳои муқими Тоҷикистон дар 40 ғурфаи ин намоишгоҳ арза шудааст, иттилоъ додааст АМИТ  “Ховар”.

Бино бар иттилои манбаъ, ширкатҳои афғонистонӣ дар ин намоишгоҳ колоҳое монанди саноати дастӣ, фарши дастбоф, зарфҳои суфолӣ ва мисӣ, либосҳои суннатӣ ва маҳсулоти кишоварзиро дар маърази диди умум қарор додаанд.

Муҳаммадзоҳир Ағбар, сафири Афғонистон дар Душанбе дар маросими ифтитоҳи ин намоишгоҳ гуфт, ки дар ояндаи наздик низ намоишгоҳи сангҳои қимматӣ ва нимақиматии кишвараш дар пойтахти Тоҷикистон баргузор мешавад.

Вай таъкид кард, ки баргузории чунин намоишгоҳҳо мӯҷиби тақвияти ҳамкориҳои иқтисодӣ ва тиҷории Афғонистону Тоҷикистон хоҳад шуд.

Сафирон ва масъулони теъдоде аз кишварҳои хориҷии муқими Душанбе, намояндагони утоқи саноат ва бозаргонии Тоҷикистон ва фаъолони бахши хусусии ин кишвар аз намоишгоҳи саноати дастӣ ва маҳсулоти кишоварзии Афғонистон боздид карданд.

0
Барчаспҳо:
баргузор, саноат, Душанбе, намоишгоҳ, Афғонистон