Дар Пентагон аз имкони ҷанги ҳастаӣ бо Русия хабар доданд

200
(Таҷдидшуда 17:27 03.02.2021)
Ричард гуфтааст, ки пас аз пошхӯрии СССР, Пентагон имкони муқовимати мустақими низомӣ бо қудратҳоии ҳастаиро баррасӣ намекард, аммо ҳоло вазъ тағйир ёфтааст.

ДУШАНБЕ, 3 фев — Sputnik. Сардори фармондеҳии стратегии ИМА, адмирал Чарлз Ричард аз эҳтимоли ҷанги ҳастаӣ бо Русия ё Чин хабар дод. Ӯ дар ин бора дар як мақолааш барои шумораи февралии нашрияи расмии Институти баҳрии Иёлоти Муттаҳида навиштааст.

Ричард қайд мекунад, ки пас аз пошхӯрии СССР, Пентагон имкони муқовимати мустақими низомӣ бо қудратҳои ҳастаиро баррасӣ намекард, аммо ҳоло вазъ тағйир ёфтааст.

"Эҳтимоли воқеӣ вуҷуд дорад, ки бӯҳрони минтақавӣ бо Русия ё Чин метавонад ба зудӣ ба муноқиша бо истифодаи силоҳи ҳастаӣ мубаддал шавад, агар, ба ақидаи онҳо, дар сурати мағлуб шудан бо истифодаи силоҳи маъмулӣ, таҳдид ба низоми сиёсӣ ё давлат вуҷуд дорад", - гуфт Ричард.

Ба гуфтаи адмирал, истисно кардан мумкин нест, ки душмани эҳтимолӣ дар бораи истифодаи анбори ҳастаӣ қарор қабул кунад.

Минтақаҳо ошкор шуданд: флоти ҳарбии ИМА силоҳашро ба куҷо равона мекунад

Ба гуфтаи Ричард, дар ҳоле ки Вазорати мудофиаи ИМА ба мубориза бо терроризм тамаркуз кард, Русия ва Чин ба татбиқи сиёсати хашмгин шурӯъ кардаву меъёрҳои байналмилалиро бо роҳҳое, ки аз авҷи ҷанги сард ҳанӯз дида намешуд, зери шубҳа гузоштанд.

Чунин амалҳо, ба гуфтаи адмирали амрикоӣ, набояд аз ҷониби Вашингтон беҷавоб боқӣ монанд.

"Мо бояд барои ҷилавгирӣ аз таҷовузи онҳо шадидан рақобат кунем; бо гузашт кардан ба ташаббусҳои онон, мо хавфи тақвияти тасаввуроти онҳоро дар бораи он кард, ки Иёлоти Муттаҳида посух додан намехоҳад ё наметавонад, таҳрик хоҳем диҳад",-менависад Ричард.

Чаро нерӯҳои ИМА дар Шимол мақар гирифта истодаанд?

Ғайр аз он, ӯ афзоиши "ҳушёр" -и қобилиятҳои стратегии Чин ва Русияро қайд кард. Аз ҷумла, Ричард таҷдиди нерӯҳои ҳастаии Русия ва тавлиди силоҳҳои нав аз ҷониби Маскавро муфассал тавсиф кардааст.

Ин назари низомии аршади амрикоӣ дар ҳолест, ки ҳафтаи гузашта раҳбарияти Амрико ва Русия тамдиди паймони кам кардани яроқи ҳастаиро имзо карданд.

200
Барчаспҳо:
Пентагон, Чин, Русия, ИМА
Начальник Объединенного штаба Организации Договора о коллективной безопасности генерал-полковник Анатолий Сидоров

Нигарониҳои СААД аз ҳузури ҳазорон ҷангҷӯ дар марзи Тоҷикистону Афғонистон

339
(Таҷдидшуда 19:51 25.02.2021)
Фармондеҳи Ситоди муштараки Созмони аҳдномаи амнияти дастҷамъӣ эълон кард, заифии мақомоти низомии Афғонистон дар муқобила бо гуруҳҳои террористӣ ва ҳамзамон хуруҷи неруҳои низомии хориҷӣ аз ин кишвар фацат ба манфиати ДОИШ аст

ДУШАНБЕ, 25 фев — Sputnik. Анатолий Сидоров, фармондеҳи Ситоди муштараки СААД имрӯз зимни як конфронси онлайнӣ дар вазорати дифои Тоҷикистон қайд кард, ки  ҳоло шумораи ҷангҷӯёни Толибон (гурӯҳи террористии фаъолияташон дар Тоҷикистон ва Русия мамнӯъ) дар Афғонистон наздик 70 ҳазор, тахмин зада мешавад.

Ҳамзамон вай таъкид дошт, ки дар Афғонистон 4 ҳазор нафар ҷангҷӯёни ДОИШ ё гуруҳи "Давлати исломӣ" (гурӯҳи террористии фаъолияташон дар Тоҷикистон ва Русия мамнӯъ) ва 2,5 ҳазор нафар ҷангҷӯёни гурӯҳи Ҳаракати исломии Узбекистонро ҳузур доранд.

Вай хусусан қайд кард, ки террористу эстремистҳо минтақаҳои зиёди қаламрави Афғонистонро зери контроли худ гирифтаанд ва дар ин авохир бештар дар шимол, ҷануб ва ҷануб-шарқи ин кишвар фаъол шудаанд.

Гуфта шудааст, ки шумораи умумии ин гуруҳҳо дар ноҳияҳои марзӣ бо Тоҷикистон ва Турманистон ба 15 ҳазор нафар мерасад.

Дар ҳамин ҳол, фармондеҳи ситоди муштараки СААД зикр кард, ки заифии мақомоти низомии Афғонистон дар муқобила бо гуруҳҳои террористӣ ва ҳамзамон хуруҷи саросемавори неруҳои низомии хориҷӣ аз ин кишвар танҳо ба манфиати ин гуруҳҳо ва афзоиши шумораи ҷонибдоронашон мебошад.

Анатолий Сидоров, қайд кард, ки дар ин марҳила хориҷ шудани нерӯҳои хориҷӣ аз қаламрави Афғонистон боиси ташаннуҷи вазъ ва интиқоли фаъолияти террористон ба қаламрави кишварҳои сиёси Марказӣ мегардад .

Ҳамзамон фармондеҳи Ситоди муштараки СААД хабар дод, ки бо манзури вазъи нигаронкунандаи Афғонистон ин созмон дар Тоҷикистон 4 машқи низомӣ баргузор хоҳад кард.

Ёдрас мешавем, ки Тоҷикистон бо Афғонистон бештар аз 1400 километр марзи муштарак дорад, ки бештарини он дар минтақаҳои куҳистонии назораташ мушкил тул кашидааст.

339
Барчаспҳо:
ДОИШ, террористӣ, неруҳо, Тоҷикистон, Афғонистон, СААД, Анатолий Сидоров

Пас аз шикаст дар Қарабоғ Пашинян тасмим гирифтааст дар артиш ислоҳот кунад

126
Сарвазири Арманистон Никол Пашинян гуфт, ки артиши кишвараш ба ислоҳот ниёз дорад ва Русия дар ин кор ба онҳо кӯмак хоҳад кард

ДУШАНБЕ, 25 фев - Sputnik. Дар ҷаласаи ҳукумат, сарвазири Арманистон эълом дошт, ки дар кишвар раванди навсозии нерӯҳои мусаллаҳ оғоз шудааст.

Пашинян аз имзои санаде дар бораи ташкили гурӯҳи корӣ бо раҳбарии вазири дифоъ барои таҳияи ҷадвали харитаи роҳ барои ислоҳоти нерӯҳои мусаллаҳ хабар дод.

Сарвазири Арманистон инчунин илова кард, ки ин кишвар ният дорад дар соҳаи низомӣ бо Русия ҳамкории зич дошта бошад.

"Дар ин раванд мо ният дорем бо шарики рақами яки худ дар соҳаи амният - Федератсияи Русия ҳамкории наздиктар ба роҳ монем",- гуфт Пашинян.

Пашинян аз ҷанг дар Қаробоғ ва натиҷаҳои он - видео

Сиёсатмадор изҳори умедворӣ кард, ки ҳамкории Арманистон ва Русия дар соҳаҳои амният, низомӣ ва ҳарбӣ-техникӣ муассиртар хоҳад шуд.

126
Барчаспҳо:
ислоҳот, артиш, Никол Пашинян, Арманистон
День 26 февраля нац

Истеҳсоли "Волксваген" ва шомил шуданиТоҷикистон ба САҲА: имрӯзи таърих

0
(Таҷдидшуда 18:47 25.02.2021)
Рӯзи бисту шашуми феврал, Рӯзи байналмилалии фориғболӣ мебошад. Дар ин рӯз раҳбари ансамбли фолклории "Помир", фалаксарои маъруф Соҳиба Давлатшоева ба дунё омадааст

Рӯзи 26 феврал дар ҷаҳон чӣ рух дод

Соли 1936 дар Олмон нахустин автомобили "халқӣ"- "Волксваген" истеҳсол карда шуд.

Соли 2017 дар намоишгоҳи техникӣ-коммуникатсионӣ дар Барселона тамғаи навкардашудаи телефони Nokia 3310 ба  тамошо гузошта шуд.

Рӯзи 26 феврал дар Тоҷикистон чӣ рух дод

Соли 1995 аввалин маротиба дар Тоҷикистони соҳибистиқлол интихоботи парлумонӣ баргузор гардид.

Соли 1992 Тоҷикистон ба САҲА ҳамроҳ шуд.

Соли 2010 дар Душанбе маросими ботантанаи мукофотонидани барандагони стипендияи ба номи Дмитрий Менделеев баргузор гардид.

Соли 2014 дар ҷаласаи Шӯрои Маҷлиси миллии Маҷлиси Олии Ҷумҳурии Тоҷикистон лоиҳаи қарорҳои Маҷлиси миллии Маҷлиси Олии Ҷумҳурии Тоҷикистон "Оид ба ворид намудани тағйирот ба Қонуни конститутсионии Ҷумҳурии Тоҷикистон "Дар бораи мақомоти прокуратураи Ҷумҳурии Тоҷикистон" баррасӣ карда шуд

Соли 2016 ташаббусҳои муштараки Тоҷикистону Нидерландия муҳокима карда шуданд.

Соли 2016 дар Ню-Йорк ташаббуси Тоҷикистон дар масъалаи рӯзномаи ҷаҳонии оби тоза муҳокима карда шуд.

Соли 2009 дар Кохи Ваҳдати пойтахт бо ширкати Эмомалӣ Раҳмон ба муносибати 1310-солагии Имоми Аъзам конфронси ҷумҳуриявии илмӣ-амалӣ таҳти унвони "Мероси Имоми Аъзам ва фарҳанги миллӣ" баргузор гардид.

Ҷашнҳои рӯзи 22 январ дар Тоҷикистон ва ҷаҳон

Соли 2014 Консепсияи пешрафти инноватсионии комплекси агросаноатии Ҷумҳурии Тоҷикистон тасдиқ карда шуд.

Соли 2016 Қоҳир Расулзода дар ноҳияи Восеи вилояти Хатлон дар маросими пардабардорӣ аз нимпайкараи марҳум генерал-майор Рустам Амакиев, собиқ фармондеҳи Воҳиди таъйиноти махсуси зиддитеррористии "Алфа"-и Кумитаи давлатии амнияти миллии Ҷумҳурии Тоҷикистон иштирок кард.

Ҷашнҳои рӯзи 26 феврал

  • Рӯзи байналмилалии фориғболӣ.

Рӯзи 26 феврал кӣ ба дунё омадааст

Меҳрӣ Абдуллоева (1931) – раққоса, Ҳунарпешаи шоистаи Тоҷикистон.

Карим Абдулов (1939-2011) – доктори илми таърих, профессор, нависанда, Корманди шоистаи Тоҷикистон.

Зебо Давлатшоева (1969) – рассом.

Соҳиба Давлатшоева (1970)- сароянда, Ҳунарпешаи шоистаи Тоҷикистон.

Наргиси Карим (1975)- шоира.

Усмон Раҷабов (1950)- меъмор.

Раиса Савина (1925) – доктори илми тиб, профессор.

Нозим Сафаров (1939) – доктори илми таърих.

Ҷамшеди Саъдулло (1961)- публисист.

Абдувадуд Файзиев (1942)- актёри театр.

Аҳмад Юсуфов (1928 – 1987) – доктори илми тиб, профессор.

0
Барчаспҳо:
ҷаҳон, ҷашн, Тоҷикистон