Майтдинова таҳдидҳои нав ба амнияти Тоҷикистонро гуфт
(Таҷдидшуда 09:52 07.02.2021)
Директори Маркази тадқиқоти геополитикии РТСУ, доктори илмҳои таърих, профессори кафедраи минтақашиносии хориҷӣ ва сиёсати хориҷии РТСУ Гузел Майтдинова дар бораи афзоиши ҷиноятҳои экстремистӣ дар Тоҷикистон изҳори назар кардДУШАНБЕ, 7 фев — Sputnik. Додситони кулли Тоҷикистон Юсуф Раҳмон зимни суханронӣ дар нишасти хабарии ниҳоди зертобеяш оид ба афзоиши ҷиноятҳои дорои хусусияти экстремистӣ ва террористидошта давоми ва ҳамзамон аз зиёд шудани ҳамлаҳои иттилоотӣ аз берун, хабар дод.
"Шумораи ҷиноятҳои экстремистӣ 5% афзоиш ёфт, ки ин хеле зиёд аст. Асоси созмони террористӣ дар Ховари Миёна нобуд карда шуд ва қисме аз ҷангиён аз Ироқ ва Сурия ба шимоли Афғонистон ҳаракат мекунанд, бинобар ин ин як сигнали нигаронкунанда аст барои амнияти Тоҷикистон ва тамоми кишварҳои пасошӯравии Осиёи Марказӣ ",-гуфт Майтдинова, дар мусоҳиба бо Sputnik Тоҷикистон.
Ба ақидаи вай, шиддат гирифтани ташаннуҷи низомӣ Тоҷикистонро водор месозад, ки дар ин самт чораҳои муайян андешад, пеш аз ҳама, дар доираи СҲШ ва СААД дар самти Афғонистон ҳамкории хеле наздик вуҷуд дорад.
© Sputnik / Амир Исаев
"Барои таъмини камарбанди амниятӣ, пойгоҳи низомии 201-и Русия навсозӣ карда шуд, ки ин пешгирӣ аз таҳдидҳои беруна мебошад ва ҳоло зарурати навсозии системаҳои амниятӣ воқеан муҳим аст, ки ҳанӯз дар солҳои 90 ба шаклгирӣ оғоз карда буд",-илова кард сиёсатшинос.
Таҳдидҳо, аз қабили биологӣ, мушкилоти экологӣ, ҷангҳои гибридӣ ба миён меоянд, мушкилоти марзии водии Фарғона, дар сарҳади Тоҷикистону Қирғизистон, ба қадри кофӣ ҳалли худро наёфтааст.
Бо сабаби ҷамъ шудани ҷангиён дар шимоли Афғонистон ҳамлаҳои террористӣ мунтазам рух медиҳанд.
Сиёсатшинос хотиррасон кард, ки Тоҷикистон қадамҳои пешгирикунанда гирифта, соли 2014 созишномаи Афғонистон-Тоҷикистон-Чинро имзо кард ва сипас соли 2016 паймоне баст, ки Покистон низ ба он пайваст, дар бораи табодули иттилооти фаврӣ, оид ба бораи таҳкими марзи Тоҷикистону Афғонистон ва посбонии муштарак дар долони Вахон.
Он замон инчунин, дар бораи бунёди посгоҳҳо дар минтақаҳои кӯҳӣ ва Помир созиш ҳосил шуд.
Симкортҳои тоҷикӣ дар Афғонистон: чӣ Хадамоти алоқаро ба ташвиш овардааст?
"Мушкилоти амнияти иттилоотӣ низ вуҷуд дорад. Ҷангҳои шабакавӣ ба амнияти миллии ҳамаи давлатҳои Осиёи Марказӣ бештар таҳдид мекунанд, аз ин рӯ зарур аст, ки дар доираи амнияти ОБКД ва СҲШ чораҳои пешгирикунанда андешида, ин омили ҳамкорӣ таҳким ёбад",-хулоса кард коршинос.
Барчаспҳо:
Президенти Тоҷикистон 1 март бо Мирраҳмон Раҳмонӣ мулоқот мекунад
ДУШАНБЕ, 27 фев — Sputnik. Маҷлиси намояндагони Тоҷикистон мегӯяд, нимаи дуюми имрӯз раиси Вулуси Ҷиргаи Шӯрои миллӣ - парлумони Ҷумурии Исломии Афғонистон Мирраҳмон Раҳмонӣ ба Тоҷикистон меояд.
Ба иттилои котиботи Маҷлиси намояндагон, дар назар аст, ки имрӯз Раҳмонӣ бо Сироҷиддин Муҳриддин, вазири умури хориҷии Тоҷикистон мулоқот кунад.
Мулоқоти раиси парлумони Афғонистон бо раисиҷумҳури Тоҷикистон 1 март дар назар аст.
Гуфтушунид бо Маҳмадтоир Зокирзода, раиси Маҷлиси намояндагон, Завқӣ Завқизода, вазири рушди иқтисод ва савдо ва Юсуф Раҳмон, додситони кулли Тоҷикистон аз бандҳои дигари барномаи сафари Мирраҳмон Раҳмонӣ ба Тоҷикистон мебошад.
Хабаргузории "Ховар" аз қавли котиботи Маҷлиси намояндагон хабар додааст, ки дар доираи сафари расмӣ ҳайати меҳмонон аз Осорхонаи миллии Тоҷикистон ва Кохи Наврӯз низ дидан хоҳанд кард.
Ин сафар дар ҳолест, ки масоили амниятӣ аз мавзӯъҳои меҳварии муносиботи Тоҷикистону Афғонистон мебошанд. Дар пасманзари таҷаммӯи бархе аз гуруҳҳои ҷангҷӯён дар шимоли Афғонистон мақомоти тоҷик азм доранд, ҳифзи марз бо ин кишварро таҳким бахшанд.
Барчаспҳо:
Ҳамлаи ҳавоии ИМА ба Сурия бо фармони Байден: талафот ҳаст
(Таҷдидшуда 12:46 26.02.2021)
Президенти ИМА, Ҷо Байден дар посух ба се ҳамлаи ҷангиён ба иншооти истифодашавандаи ИМА амр дод ба ҳадафҳои гурӯҳҳои тарафдори Эрон дар Сурия зарбаи мушакӣ занадДУШАНБЕ, 26 фев - Sputnik. Амрико ба Сурия ҳамлаи ҳавоӣ ба як бинои марбут ба низомиёни тарафдори эрониро, ки аз Димишқ пуштибонӣ мекунад, оғоз кард, навиштааст Politico бо такя ба сухангӯи Вазорати дифои ин кишвар.
Маълум шудааст, ки фармони партоби мушакро худи президент Ҷозеф Байден додааст.
Рӯзномаи Washington Post бо такя ба як манбааш дар маъмурияти Амрико хабар медиҳад, ки дар натиҷаи ҳамлаи ҳавоӣ чанд нафар кушта шуданд.
Вазири мудофиаи ИМА Ллойд Остин гуфт, ки низомиёни ИМА ба маълумоти иктишофии ҷониби Ироқ такя мекунанд ва ба дурустии зарба эътимод доранд.
Манбаъ қайд кард, ки ин зарба характери мудофиавӣ дошт ва посух ба се ҳамла ба артиши ИМА аз ҷониби ҷангиён дар моҳи феврали соли 2021 буд.
Гуфта мешавад, амалиёти низомӣ ба пешгирии ҳамлаҳои оянда ба пойгоҳи ИМА равона шуда, он бидуни ширкати шарикони Вашингтон дар эътилофи низомӣ гузашт.
"Мо онҳоро нодида гирифтем": Ғарб комёбии низомии Русияро дар Сурия эътироф кард
Дар навбати худ, сухангӯи Пентагон Ҷон Кирби гуфт, ки ҳадафи ҳамлаи амрикоиҳо объектҳои гузаргоҳи марзӣ дар шарқи Сурия буд, ки онро гурӯҳҳои мусаллаҳ истифода кардаанд.
"Ҳамла паёми возеҳе медиҳад, ки президент Байден барои ҳимояи контингенти амрикоӣ ва шарикони эътилофи мо амал хоҳад кард",-гуфт Кирби.
Дар ҷараёни амалиёт ҷангҷӯёни амрикоӣ ба ҳафт ҳадаф бомбаи дақиқи 500-фунтӣ партофтаанд.
Барчаспҳо:
Зодрӯзи Дона Баҳромов ва ифтитоҳи Маҷмааи тандурустии "Истиқлол": имрӯзи таърих
(Таҷдидшуда 14:58 02.03.2021)
Рӯзи 4 - уми март дар Белорус - Рӯзи милитсия таҷлил мешавад. Дар ин рӯз дар шаҳри Душанбе маҷмааи тандурустии "Истиқлол" ифтитоҳ шудРӯзи 4 март дар ҷаҳон чӣ рух дод
Соли 1789 аввалин Конститутсия ИМА ба ҳукми амал даромад.
Рӯзи 4 март дар Тоҷикистон чӣ рух дод
Соли 2010 дар ҷаласаи Мачлиси миллии Маҷлиси Олии Ҷумҳурии Тоҷикистон Қонуни Ҷумҳурии Тоҷикистон «Дар бораи ворид намудани тағйирот ба Қонуни ҶТ «Дар бораи санадҳои меъёрӣ-ҳуқуқӣ» баррасӣ карда шуд.
Соли 2012 дастаи мунтахаби Тоҷикистон оид ба футбол барои иштирок дар даври ниҳоии Ҷоми КФО-2012 ба пойтахти Непал- шаҳри Катманду сафар кард.
Соли 2013 палатаи поёнии Парлумони Тоҷикистон қарор кард, ки ба лоиҳаи Қонуни ҶТ «Дар бораи мубориза бо терроризм» тағйирот ворид намояд.
Соли 2014 дар Маҷмааи давлатии «Кохи Борбад» маросими кушодашавии 16-умин намоиш-ярмаркаи армуғон ва сайёҳии «Тоҷикистон-2014» баргузор гардид.
Соли 2015 дар шаҳри Маскав ҷаласаи навбатии комиссияи байниҳукуматии Тоҷикистону Россия оид ба ҳамкории иқтисодӣ-тиҷоратӣ баргузор гардид.
Соли 2016 Президент Эмомалӣ Раҳмон дар ноҳияи Фирдавсии шаҳри Душанбе дар маросими ботантана Маҷмааи тандурустии "Истиқлол"- ро ифтитоҳ намуд.
Соли 2017 дар Маркази исмоилияи шаҳри Душанбе маросими ифтитоҳи Рӯзҳои фарҳанги Ҷопон баргузор гардид, ки ду рӯз идома ёфт.
Соли 2019 дар бо қарори Ҳукумати Ҷопон собиқ Вазири корҳои хориҷии Ҷумҳурии Тоҷикистон Талбак Назаров барои саҳми арзандааш дар рушду таҳкими муносибатҳои дуҷониба байни Тоҷикистон ва Ҷопон бо мукофоти давлатии ин кишвар – Ордени Тулӯи офтоб дараҷаи I сарфароз гардонида шуд.
Соли 2020 Президенти Федератсияи футболи Тоҷикистон Рустами Эмомалӣ узви Кумитаи иҷроияи Шӯрои Олимпии Осиё (Olympic Council of Asia) интихоб гардид.
Ҷашнҳои рӯзи 4 март
- Дар Белорус — Рӯзи милитсия.
Рӯзи 4 март кӣ ба дунё омадааст
Соли 1875 -нависандаи тоҷик, равшанфикр ва рӯзноманигор Маҳмудхоҷа Беҳбудӣ.
Соли 1936 - рӯзноманигор Тулфор Қадамов.
Соли 1947 - доктори илмҳои биологӣ Сафарбек Раҳимов.
Соли 1949 - ҳофиз, ҳунарманди халқии Тоҷикистон Дона Баҳромов.
Соли 1957 – рӯзноманигор Ҳуринисо Ализода.
Барчаспҳо: