Министр иностранных дел Таджикистана Сироджиддин Мухриддин

“Худатон рафта, бинед!” Пойгоҳи низомии Чин дар Тоҷикистон ҳаст ё нест?

799
(Таҷдидшуда 13:53 16.02.2021)
Вазири корҳои хориҷии Тоҷикистон мавҷудияти пойгоҳи низомии Чин дар қаламрави ин кишварро рад кард

ДУШАНБЕ, 16 фев — Sputnik. Сироҷиддини Муҳриддин, ки дар нишасти матбуотии ниҳодаш суҳбат мекард, дар посух ба суоли Sputnik Тоҷикистон дар бораи пойгоҳи низомии Чин дар ин кишвар гуфт, бунёди пойгоҳи низомии нави хориҷӣ дар Тоҷикистон дар нақша нест.

“Агар боваратон нест, худатон рафта бинед. Он ҷо ягон пойгоҳи низомӣ нест. Боз такрор мекунам: ягона пойгоҳи низомие, ки дар Тоҷикистон ҳаст, пойгоҳи низомии 201 – и Русия аст ва бо ягон кишвари дигар Тоҷикистон бунёди пойгоҳи нави кишварҳои хориҷиро дар нақша надорад. Албатта, ин масъала ба сохторҳои низомӣ дахл дорад, аммо ягон гап ё санаде ҳам мешуд, ҳатман тариқи сохтори сиёсӣ мегузашт. Ман ба шумо, ҳамчун роҳбари идораи сиёсии кишвар мегӯям, ки он ҷо ягон пойгоҳ нест”, - гуфт Сироҷиддини Муҳриддин.

Баҳси пойгоҳи низомии Чин дар Тоҷикистон ду – се соли ахир аз сӯи расонаҳои ғарбӣ ва ҳатто Кунгураву вазорати дифои Иёлоти Муттаҳидаи Амрико доман зада мешуд. Моҳи сентябри соли гузашта Кунгураи Амрико зимни як гузориш иддао карда буд, ки Пекин дар 12 кишвар, ба шумули Тоҷикистон, дар садади эҷоди сохторҳои низомии Артиши миллии озодибахши Чин ва густариши нуфузи низомии хеш аст.

Алъон ин кишвар фақат дар кишвари Ҷибутии Африқо пойгоҳи низомии тамомайёр дорад.

Қабл аз ин “Вашингтон пост”, нашрияи маъруфи амрикоӣ, моҳи феврали соли 2019 дар як матлаб иддао карда буд, ки дар шаҳраки Мурғоби Вилояти мухтори Кӯҳистони Бадахшони Тоҷикистон низомиёни чинӣ будубош доранд ва ҳузури худро пинҳон медоранд.

Моҳи марти соли 2018 Гуруҳи бӯҳрони Аврупо ва Осиёи Марказӣ, мақарраш дар Брюссел, низ дар такя ба мақомоти маҳаллии Бадахшон гузориш дода буд, ки дар Мурғоб, ҷое, ки марзҳои се кишвар – Тоҷикистон, Афғонистон ва Чин наздик мешаванд, як “маркази зиддитеррористии муштараки Тоҷикистону Чин” фаъолият мекунад.

Ин иддаоҳо бо ин далел тақвият меёфт, ки дар маҳалли мавриди назар чандин иншооти низомӣ сохта шуда, низомиёни чинӣ дар онҳо кору фаъолият доранд.

Мақомоти Афғонистон: Чин бояд барои ҷосусиаш узрхоҳӣ кунад

Мақомоти Тоҷикистон ва Чин ба таври мукаррар борҳо мавҷудияти як пойгоҳи низомӣ дар Мурғобро рад кардаанд, аммо инро пӯшида надоштаанд, ки он ҷо воқеан марзбонони тоҷику чинӣ ҳузур доранд.

Вазири корҳои хориҷии Тоҷикистон низ гуфт, кишвараш бо ҳама кишварҳои шарики худ дар масоили мубориза алайҳи терроризму экстремизм, ҷинояткории фаромилливу сайберӣ ва ғайра, ҳамкориҳои дуҷонибаву чандҷониба дорад ва ин корро махфиёна анҷом намедиҳад.

“Ин ягон махфият надорад. Мо бо Ҷумҳурии мардумии Чин низ чунин ҳамкориҳоро дорем. Машқҳои муштараки низомӣ мегузаронем. Дар ҳифзи марзҳо низ ҳамкорӣ мекунем. Ин масъалаи кушода аст”, - гуфт Сироҷиддини Муҳриддин.

Вазир афзуд, Эмомалӣ Раҳмон, раҳбари Тоҷикистон дар бораи вазнин будани вазъи марзҳо бо Афғонистон дар нишастҳои байнулмилалӣ ошкор мегӯяд ва кишвараш дар ин марз бо даҳҳо кишвари дунё ҳамкорӣ дорад.

“Масалан, барномаи БОМКА – ро бо Иттиҳоди Аврупо дорем. Соли 2013 сарони Созмони паймони амнияти дастаҷамъӣ (ОДКБ) қарор карда буданд, ки ба Тоҷикистон дар ҳифзи марзҳояш бо Афғонистон, бахусус, тақвияти сохторҳо кӯмак кунанд”, - гуфт Муҳриддин.

Як гуруҳи дигар ҳам ба Муғулистон хоҳад рафт. Дар ин гуруҳ низ олимоне эъзом мешаванд, ки на фақат ҳуруфи арабиасос, балки забонҳои суғдиву бохтариро низ баладанд. Мо ин гуна нафаронро дорем. Он ҷо гап зиёд аст, афзуд вай.

Моҳи октябри соли 2016 миёни ҳукуматҳои Тоҷикистону Чин як созишнома дар бораи сохтмони бошгоҳҳои марзӣ дар марзи Тоҷикистону Афғонистон ба имзо расида буд.

Бино ба он, Чин сармоягузории ин тарҳо ба зимма гирифта, дар марзи Тоҷикистону Афғонистон се маркази фармондеҳӣ (комендатура), панҷ бошгоҳи марзӣ, панҷ посгоҳи марзӣ ва як маркази таълимӣ бунёд кардааст, ки дар имтидоди марз аз ноҳияи Шамсиддини Шоҳин дар вилояти Хатлон то Мурғоби Вилояти мухтори Кӯҳистони Бадахшонро фаро мегиранд.

799
Встреча министра МВД Таджикистана и министра МВД Ирана

Генерали тоҷик бо ҳамтои эронияш амнияту табодули иттилоъро баррасӣ кард

312
Генерал Рамазон Раҳимзода, вазири умури дохилии Тоҷикистон бо ҳамтои эронияш Абдулризо Раҳмонии Фазлӣ густариши ҳамкориҳоро дар умури амният баррасӣ намуд

ДУШАНБЕ, 24 фев – Sputnik. Тибқи иттилои ВУД, Раҳимзода ва Фазлӣ дар Кохи Сомон, бӯстонсарои шаҳрии Ҳукумат ҳамкориҳои мутақобилан судманд барои мубориза бо зуҳуроти номатлуб ва хатару таҳдидҳои замони муосирро баррасӣ кардаанд.

“Ҳамзамон дар рафти вохӯрӣ ҷонибҳо масъалаҳои таҳким бахшидани ҳамкориҳои якҷояро дар самти мубориза бар зидди терроризм, экстремизм ва мубодилаи иттилоот мавриди баррасӣ қарор доданд”, - омадааст дар иттилоияи ВУД.

Ахиран Эмомалӣ Раҳмон, раисиҷумҳури Тоҷикистон низ бо Абдулризо Раҳмонии Фазлӣ, вазири кишвари Эрон ҳолат ва дурнамои ҳамкориҳои ду кишварро дар соҳаи амниятӣ муҳокима карда буд.

Ба иттилои котиботи раисиҷумҳур, дар мулоқот зикр шуд, ки то ба имрӯз миёни кишварҳо зиёда аз 160 санади ҳамкории дуҷониба, аз ҷумла Ёддошти тафоҳум оид ба усул ва чаҳорчӯби ҳамкории дуҷониба дар соҳаи амният ба имзо расидааст, ки заминаи ҳуқуқии муносибатҳои ҷонибҳоро ташкил медиҳанд.

"Вобаста ба ин сарвари давлати Тоҷикистон таваҷҷуҳи ҷониби Эронро ба аҳамияти иҷрои фаъоли муқаррароти санади мазкур ҷалб кард", - иттилоъ дод котиботи раисиҷумҳур.

312
Барчаспҳо:
амният, Эрон, Тоҷикистон

Аз ҷобаҷогузории кадрҳо то хатарҳои нав: паёми Президент ба низомиён

1760
Эмомалӣ Раҳмон, раисиҷумҳури Тоҷикистон, рӯзи таъсисёбии Қувваҳои Мусаллаҳи ҷумҳуриро шодбош гуфта, зикр намуд, ки артиш бисту ҳашт сол қабл амалан дар ҷойи холӣ таъсис дода шуда, имрӯз ба сохтори муқтадиру боэътимод табдил ёфтааст

ДУШАНБЕ, 23 фев — Sputnik. Эмомалӣ Раҳмон дар паёми шодбошоияш гуфт, мардуми Тоҷикистон хотираи ҷавонмардонеро, ки барои барқарор намудани сохти конститутсионӣ, пойдории сулҳу субот, ҳимояи марзу буми Ватан ва ҳифзи зиндагии орому осудаи сокинони мамлакат ҷони худро нисор кардаанд, ҳаргиз фаромӯш намекунанд.

“Ман имрӯз дилпурона изҳор менамоям, ки афсарону сарбозони Қувваҳои Мусаллаҳи мо, ки дар тӯли таърихи қариб сӣ соли сипаришуда аз бисёр имтиҳону озмоишҳои сангину мураккаб сарбаландона гузаштаанд, рисолати касбӣ ва қарзи ватандӯстонаву шаҳрвандии худро минбаъд низ бошарафона иҷро мекунанд”, - изҳор дошт раисиҷумҳур.

Аз киберҷиноятҳо то низоъҳои динӣ: Раҳмон хостори омодагӣ шуд

Раисиҷумҳури Тоҷикистон илова намуд, ки имрӯзҳо, ки вазъи ҷомеаи ҷаҳонӣ, аз ҷумла минтақаи моро таҳдиду хатарҳои муосир печида гардондаанд. Ӯ дар феҳрасти таҳдидҳои муосир, қабл аз ҳама, терроризму ифротгароӣ, низоъҳои диниву мазҳабӣ, қочоқи маводи мухаддир, силоҳ, киберҷиноятҳо ва дигар ҷиноятҳои муташаккили фаромиллӣ ном бурд.

“Мо бояд ҷиҳати ба талаботи рӯз мутобиқ гардонидани сатҳи омодабошии ҷангии Қувваҳои Мусаллаҳ ҳамаи тадбирҳои заруриро амалӣ карда, бо истифода аз тамоми захираву имкониятҳо иқтидори мудофиавии мамлакатро тақвият бахшем”, - зарур хонд Эмомалӣ Раҳмон.

Ӯ риояи ҳатмии интизоми хизматӣ ва талаботи ойинномаҳои ҳарбиро таъкид карда, афзуд, ки дар ин раванд, ба масъалаи тарбия ва интихобу ҷобаҷогузории кадрҳо эътибори аввалиндараҷа дода шавад.

“Зеро иқтидор ва қобилияти ҷангии ҷузъу томҳои ҳарбӣ, пеш аз ҳама, аз сатҳи касбияти мутахассисон, яъне кадрҳои низомӣ, донишу таҷриба ва маҳорату малакаи онҳо вобаста мебошад”, - тавзеҳ дод Раҳмон.

Раисиҷумҳур дастур дод, ки дар ҷараёни омода кардан ва ҷобаҷогузории кадрҳо роҳбарони муассисаҳои таълимӣ, сохторҳои низомӣ ва мақомоти ҳифзи ҳуқуқ вазифадоранд, ки ба обутоби ҷисмониву маънавӣ, сатҳи донишу ҷаҳонбинӣ, забондонӣ, ҳисси ватандӯстӣ, одоби муошират ва дигар сифатҳои шахсиву ахлоқии кадрҳои оянда диққати ҷиддӣ диҳанд.

1760
Барчаспҳо:
Эмомалӣ Раҳмон, низомиён, Тоҷикистон
Конкурс Чакомаи Гесу в Худжанде

Мӯдарозтарин духтари Душанберо муайян карданд

0
(Таҷдидшуда 21:07 24.02.2021)
Дар Душанбе фестивали "Чакомаи гесу" ҷамъбаст гардид ва ғолибони озмун - духтарони муйдарози пойтахт муайян шуданд

ДУШАНБЕ, 24 фев — Sputnik. Имрӯз дар шаҳри Душанбе бо ташаббуси Мақомоти иҷроияи ҳокимияти давлатии шаҳр "Чакомаи гесӯ" баргузор гардид.

Дар оғози фестивал намоишгоҳи маҳсулоти ороишии  ҳунармандон, анвои гуногуни ороиши миллии занонаи аз ҷиҳати экологӣ фоидаовар ва лавозимоти марбут ба парваришу ороиши мӯйю рӯй  ба маъраз гузошта шуд.

Дар фестивал инчунин ашъори баланпоя ва суруду рақс, ривояту таронаҳои мардумӣ оид ба ҳусну таровати рӯй, ҷозибаи гесӯ, сарулибос ва ороишоти миллӣ, истифодаи маҳсулоти табиии ватанӣ дар парваришу нигоҳбини рӯйю мӯй ва муҳофизати пӯсти дасту рӯй тарғибу ташвиқ гардид.

Дар фестивали мазкур муовини Раиси шаҳри Душанбе Мавсума Муинӣ, Раиси Кумитаи занон ва оилаи назди Ҳукумати Ҷумҳурии Тоҷикистон Ҳилолбӣ Қурбонзода, ғолибони даври ноҳиявии фестивал аз ноҳияҳои пойтахт ва сокинони шаҳр  иштирок намуданд.

Мавриди зикр аст, ки давоми се соли охир фестивали мазкур дар доираи эълон гардидани солҳои 2019-2021 ҳамчун Солҳои рушди деҳот, сайёҳӣ ва ҳунарҳои мардумӣ дар тамоми қаламрави мамлакат доир  мегардад.

Рустам Эмомалӣ қарор кард: дар Душанбе фестивали "Чакомаи гесу" баргузор шавад

Дар фарҷоми Фестивал ғолибони бахшҳои он ва иштирокчиёни фаъол бо диплому сипоснома ва ҷоизаи махсуси мақомоти иҷроияи ҳокимияти давлатии шаҳри Душанбе сарфароз гардонида шуданд.

0