Социальная сеть Фейсбук, архивное фото

Маҳдудияти озодии баёнро дар Тоҷикистон ба Украина рабт медиҳанд

16
(Таҷдидшуда 09:53 03.12.2014)
Дар ҷумҳурӣ раванди гусатариши маҳдудияти расонаҳо дар ҳоли рушд аст, мегӯянд хабарнигорон. Омбудсмени тоҷик бошад, ба ин нуқта розӣ нест ва иддао дорад, ки худи журналистон меъёрҳои касбиро риоя намекунанд.

ДУШАНБЕ, 19 ноя — Sputnik. Бештар шудани маҳдудияти озодии баён дар ВАО-и Тоҷикистон ба ҳаводиси Украина алоқаманд аст, иттилоъ медиҳад РИА Новости дар такя ба суханони раиси Анҷумани миллии васоити ахбори оммаи Тоҷикистон (АМВАОТ) Нуриддин Қаршибоев.

Айни замон дар Душанбе конфронси дурӯза дар бораи вазъи озодии матбуот, ки рӯзи гузашта оғоз гардида буд, идома дорад. Аснои нишаст масоили марбут ба озодии сиёсӣ, ҳуқуқӣ ва иҷтимоии ВАО баррасӣ мешавад.

"Тайи ду соли ахир дар Тоҷикистон вобаста ба воқеаҳои Украина ва "Баҳори араб" бештар шудани маҳдудиятҳо дар самти озодии баён ба назар мерасад. Мақомоти давлатӣ ба фишори бевоситаи матбуот даст заданд",- изҳор дошт Қаршибоев.

Тибқи иттилои Радиои Озодӣ, сарвари АМВАОТ қайд кард, ки дар кишвар маҳдудияти дастрасӣ ба интернет ва дигар манбаи ахбор эҳсос мешавад, ҳарчанд кафолати дастрасӣ ба онро қавонини дохилӣ ва байнулмилалӣ додаанд.

"Дар Тоҷикистон бо дастури як одам дастрасӣ ба ҳамаи сомонаҳо масдуд мегардад",- гуфт Қаршибоев. Ӯ дар ин маврид ба моҳи октябри соли равон ишора кард, ки беш аз садҳо сомона баста шуданд.

Аммо Зариф Ализода, ваколатдори ҳуқуқи инсон дар Тоҷикистон (омбудсмени тоҷик) ба рушди озодии баён дар Тоҷикистон бовар дошта, изҳор кард, ки дар бархе ҳолатҳо худи журналистон меъёрҳои касбиро риоя намекунанд ва мушкил эҷод мекунанд, менависад сомонаи  СА-News.

"Мо чунин меҳисобем, ки ҳар гуна маҳдудият дар ростои озодии ВАО тариқи қонунг бояд амалӣ шавад… Вақтҳои ахир бархе аз расонаҳо иттилоъи носаҳеҳу носанҷидаро ба нашр мерасонанд, ки он боиси нақзи меъёрҳои касбӣ мегардад",-афзуд ваколатдори ҳуқуқи инсон дар Тоҷикистон.

Дар ҷадвали (рейтинги) таҳқиқии созмони Freedom House, ки моҳи майи соли равон ба нашр расонид, Тоҷикистон аз ҷиҳати озодии баён дар мақоми 175 қарор гирифт. Дар гузориш ҶТ ба гурӯҳи кишварҳое ворид гардидааст, ки ВАО дар он ҷо озод нест. Соли 2013 Тоҷикистон дар як чунин ҷадвали озодии баён ҷои 172-юмро ишғол карда буд.

16
Барчаспҳо:
Тоҷикистон, Украина, баҳори араб, ВАО, озодии баён, омбудсмен, Ализода, Қаршибоев
Символ СНГ, архивное фото

Расонаҳои кишварҳои ҳамсуд ҳамкорияшонро дар Маскав баррасӣ мекунанд

14
(Таҷдидшуда 13:48 18.09.2017)
Масоили ҳамкории расонаҳо ва хабаргузориҳои кишварҳои узви Иттиҳодияи давлатҳои муштаракулманофеъ дар Маскав баррасӣ карда хоҳанд шуд

ДУШАНБЕ, 18 сен — Sputnik. Ба гузориши хабаргузории ТоҷикТА, фардо, 19 сентябр дар Маскав дар чорчӯби ройзании вазоратҳои умури хориҷа масоили ҳамкории расонаии кишварҳои ҳамсуд баррасӣ карда хоҳанд шуд.

Бино ба иттилоъи дафтари равобити умумии Кумитаи иҷроияи ИДМ, дар чорчӯби ин ройзанӣ намояндагони ниҳодҳои умури хориҷаи кишварҳои ҳамсуд масоили густариши ҳамкорӣ дар миёни расонаҳову хабаргузориҳо дар заминаҳои табодули иттилоъот ва омодасозии коршиносони расонаӣ, ҳамоҳангсозии исторҳо дар созмонҳои байналмилалӣ (СММ, ЮНЕСКО, САҲА) ва дар ҳошияҳои нишастҳои расонаиро баррасӣ хоҳанд кард.

Дар ин ройзанӣ ҳамчунин масоили ҳамроҳии расонаҳо бо ниҳодҳои умури хориҷа, аз ҷумла дар умури афкори умумӣ ва расонаҳо, созмони додани тадобири расонаӣ, диплумосии диҷитолӣ, ҳамоҳангсозии фаъолияти тавзеҳдиҳии бунгоҳҳои бурунмарзӣ табодули тарҷуба мекунанд.

14
Барчаспҳо:
кишварҳои ҳамсуд, хабаргузорӣ, расонаҳо, ройзанӣ, Иттиҳодияи кишварҳои муштаракулманофеъ
Мавзуъ
Анҷумани байналмиллалии расонаҳо дар Маскав оғоз гардид
Фазои атрофи кураи замин. Акс аз бойгонӣ

Маҷаллаи “Илм ва Ҷомеаи” Академияи улуми Тоҷикистон ба нашр мерасад

169
Муассиси маҷалла Раёсати Академияи илмҳои Ҷумҳурии Тоҷикистон ва сармуҳаррири он доктори илмҳои фалсафа Ҳафиз Бобоёров аст.

ДУШАНБЕ, 29 май — Sputnik. Бо ташаббуси президенти Тоҷикистон, Эмомалӣ Раҳмон ва президенти Академияи илмҳои кишвар, академик Фарҳод Раҳимӣ маҷаллаи академии илмию оммавӣ бо номи "Илм ва Ҷомеа" бо қарори Раёсати АИ ҶТ аз таърихи 14 — уми сентябри соли 2015, таҳти рақами 80 таъсис дода шудааст.

"Ин маҷалла бо мақсади ташвиқу тарғиби дастовардҳои олимони АУ, ҷиҳати баланд бардоштани ҷаҳонбинии илмӣ ва тафаккури техникии ҷомеа, нишон додани роҳҳои татбиқи дастовардҳои илмӣ дар иқтисодиёт, иҷтимоиёт, маориф, фарҳанг ва мусоидат ба рушди илми ватанӣ нашр мегардад",- иброз дошт сухангӯи АУ ҶТ Шервони Умриддин.

Ба қавли ӯ, ҳадаф аз таъсис додани ин маҷалла нашри мақолаю маводҳои илмии олимону донишмандони тоҷик, бозтоби дастовардҳои илмии ҷаҳониён, ошкор кардани мушкилоти ҷаҳони муосир ва ба донишомӯзи ҷалб намудани ҷавонон, мусоидат кардан ба ҳалли мушкилоти мубрами Тоҷикистон, минтақа ва ҷаҳон ба шумор меравад.

Маҷаллаи академии илмию оммавии "Илм ва Ҷомеа" 17 декабри соли 2015 аз тарафи Вазорати фарҳанг ба қайд гирифта шудааст ва дар як сол чор маротиба бо забонҳои тоҷикӣ, русӣ ва англисӣ нашр хоҳад шуд.

Бо назардошти консепсияҳои ягонаи таҳқиқоти байнисоҳавӣ, мақолаҳо ва маводи маҷаллаи "Илм ва Ҷомеа" аз рӯи мавзуъҳои мубрами илм ва ҷомеаи муосир ба нӯҳ бахш гуруҳбандӣ гардидаанд: "Ҷаҳони муосир" ва "Ояндашиносии равандҳо ва хатарҳои ҷаҳони муосир", "Фалсафа ва назарияҳои байнисоҳавӣ", "Ҷаҳон аз нигоҳи дигар", "Маорифпарварӣ ва ҷаҳонбинии алтернативӣ", "Дастовардҳои илму техникаи муосир", "Маориф ва рушди инсон", "Бозёфтҳои ҷавонон", "Пажуҳиш дар адаб ва ҳунар" ва "Пешниҳодҳо ва эълонҳо" мебошанд.

Муассиси маҷалла Раёсати Академияи илмҳои Ҷумҳурии Тоҷикистон ва сармуҳаррири он доктори илмҳои фалсафа Ҳафиз Бобоёров аст.

Дар маҷалла мақолаҳои илмие ҷой меёбанд, ки ба як соҳаи таҳқиқотӣ маҳдуд набуда, балки хусусияти байнисоҳавӣ дошта бошанд.

169
Барчаспҳо:
нашри маҷалла, Фарҳод Раҳимӣ
Приветственная Стелла в город Варзоб, архивное фото

Дар ноҳияи Варзоб дигар коронавирус нест?: мақомот ба муовини сарвазир чӣ иттилоъ доданд?

0
(Таҷдидшуда 12:14 03.06.2020)
Дар ҷаласаи як ҷаласа мақомоти ноҳияи Варзоб ба муовини сарвазири кишвар иттилоъ дод, ки дар ноҳияи Варзоб охирин беморони гирифтори COVID-19 табобат ёфта, аз беморхона ҷавоб шуданд

ДУШАНБЕ, 3 июн - Sputnik. Дар ин бора зимни ҷаласаи ҷамъбастии назди муовини Сарвазири мамлакат Ширин Исматуллозода, ки 2 июн дар ноҳияи Варзоб баргузор гардид, гузориш дода шудааст, иттилоъ додааст АМИТ “Ховар”.

Гуфта шудааст, ки зимни ҷаласа ба муовини сарвазири кишвар гузориш дода шуд, ки дар беморхонаи  ноҳияи Варзоб низ охирин беморони гирифтори COVID-19 табобат ёфта, ҷавоб шуданд.

Ҳамчунин дар ҷаласа таъкид гардид, ки дар пешгирии ин сироят сар аз давраи гӯшанишинӣ то бартарафкунии он раиси ноҳия, кормандони соҳаи тиб ва дигар масъулин саҳми арзанда гузоштанд.

Дар ҳамин ҳол, муовини сарвазир Ширин Исматуллозода ба мақомоти ноҳия дастур додааст, ки корҳои безараргардониро давом дода, бо аҳолӣ ҳамеша тамос шаванд.

Ҳамзамон манбаъ қайд намудааст, ки давоми чанд рӯзи охир чунин ҷаласаҳои корӣ таҳти роҳбарии Ширин Исматуллозода дар шаҳру навоҳии Турсунзода, Ҳисор, Рӯдакӣ, Шаҳринав ва Ваҳдат низ баргузор гардиданд.

Гуфта шудааст, ки дар доираи дастуру супоришҳои Президенти Тоҷикистон фаъолияти духтурони минтақавӣ, дармонгоҳҳо, касалхонаҳо ва тамоми муассисаҳои соҳаи тандурустӣ тибқи реҷаи 24 соат дар шабонарӯз фаъолият намуда, ташхис, қабул ва ҷобаҷокунии беморон зери назорати бевоситаи мутахассисон қарор дорад.

Бояд гуфт, ки тибқи  дастури Президенти Тоҷикистон Эмомалӣ Раҳмон гурӯҳи корӣ таҳти роҳбарии муовини сарвазири Ширин Исматуллозода бо мақсади таҳлили  ҳолати воқеии  пешгирӣ ва табобати бемории коронавируси навъи COVID-19 ва гузаронидани корҳои фаҳмондадиҳӣ дар шаҳру ноҳияҳои тобеи ҷумҳурӣ ба сафари корӣ баромад.

0
Барчаспҳо:
ҷавоб, беморхона, бемор, муовини сарвазир, вирус, Варзоб, Тоҷикистон