Шӯҳрат Қудратов. Акс аз бойгонӣ

Зойиров: Шӯҳрат Қудратов мумкин аст то Соли нав озод шавад

15
(Таҷдидшуда 12:43 18.12.2014)

ДУШАНБЕ, 18 дек — Sputnik. Раҳматилло Зойиров, вакили дифои Шӯҳрат Қудратов баъд аз анҷоми рӯзи аввали мурофиа ба хабарнигорон гуфт, мумкин аст Қудратов то Соли нав ба озодӣ барояд.

Оҷонсии "Озодагон" менависад, Зойров гуфтааст, дар мурофиаи баъдӣ аз додгоҳ "дархост хоҳанд кард, ки Қудратовро авф намояд".

Зойиров ҳамчунин афзудааст, ки зерҳимояаш ҳеч кадоме аз иттиҳомотро напазируфтааст.

Шӯҳрат Қудратов, ки худ дар гузашта фаъолияти вакилии дифоъро анҷом медод, дар моҳи июл бо иттиҳоми фасоди молӣ аз ҷониби оҷонсии коррупсия боздошт шуд. Қудратов ҳамчунин яке аз вакилони дифои Зайд Саидов буд.

Қудратов аз рӯи ду моддаи Кодекси ҷиноии Тоҷикистон — 320 (додани пора) ва 247 (қаллобӣ) муттаҳам мешавад. Қаблан вакили дифои вай гуфта буд, аз додгоҳ талаб хоҳанд кард, ки парванда аз рӯи моддаи 320 қатъ шавад. Чун гуноҳи зерҳимояаш аз рӯи ин модда тасдиқи худро наёфтааст. Ба гуфтаи Зойиров, исботи гуноҳ ва бегуноҳии Қудратов аз рӯи ин модда мушкил аст, бинобар ин дархост хоҳанд кард, ки парвандаи гирифтани пора куллан қатъ шавад.

Радиои Озодӣ менависад, Қудратов дар аввалин ҷаласаи додгоҳӣ ҳеч яке аз иттиҳомотро, ки айбдоркунандаи давлатӣ зидди ӯ матраҳ мекунад, қабул накардааст. Ин дар ҳолест, ки айбдоркунанда бар асоси аризаи "шахси ҷабрдида" Тӯрабек Охунов — бародари Ҷӯрабек Охунов — раиси боздоштшудаи ширкати "Мовароуннаҳр" гуфт, Қудратов зимни созишномае бо Ҷӯрабек Охунов аз ӯ дар ҳаҷми 500 доллари амрикоӣ моҳона мегирифт, аммо тирамоҳи соли 2012 аз Охуновҳо 10 ҳазор доллар тараб карда, аз онҳо билохира 8 ҳазор доллар  гирифтааст. Аммо дертар ҳазор долларро баргардонида, ҳаф ҳазори боқимондаро ба манфиати худ истифода кардааст.

Ин додугирифт баъд аз он иттифоқ афтодааст, ки зидди раиси ширкати "Мовароуннаҳр" парвандаи ҷиноӣ боз шуда, қарор буд, Шӯҳрат Қудратов аз ҳуқуқҳои ӯ дифоъ кунад.

Айбдоркунандаи давлатӣ дар ин маврид Қудратовро аз рӯи моддаи 247-и Кодекси ҷиноӣ, яъне қаллобӣ айбдор кард, аммо бино бар ҳозир нашудани Тӯрабек Охунов дар толори муҳокима, баррасии ин иттиҳом ба вақти дигар вогузор шуд.

15
Барчаспҳо:
порагирӣ, мурофиа, қаллобӣ, додгоҳи Душанбе, "Мовароуннаҳр", Тӯрабек Охунов, Ҷӯрабек Охунов, Раҳматилло Зойиров, Шӯҳрат Қудратов, Зайд Саидов, Душанбе, Тоҷикистон
Символ СНГ, архивное фото

Расонаҳои кишварҳои ҳамсуд ҳамкорияшонро дар Маскав баррасӣ мекунанд

14
(Таҷдидшуда 13:48 18.09.2017)
Масоили ҳамкории расонаҳо ва хабаргузориҳои кишварҳои узви Иттиҳодияи давлатҳои муштаракулманофеъ дар Маскав баррасӣ карда хоҳанд шуд

ДУШАНБЕ, 18 сен — Sputnik. Ба гузориши хабаргузории ТоҷикТА, фардо, 19 сентябр дар Маскав дар чорчӯби ройзании вазоратҳои умури хориҷа масоили ҳамкории расонаии кишварҳои ҳамсуд баррасӣ карда хоҳанд шуд.

Бино ба иттилоъи дафтари равобити умумии Кумитаи иҷроияи ИДМ, дар чорчӯби ин ройзанӣ намояндагони ниҳодҳои умури хориҷаи кишварҳои ҳамсуд масоили густариши ҳамкорӣ дар миёни расонаҳову хабаргузориҳо дар заминаҳои табодули иттилоъот ва омодасозии коршиносони расонаӣ, ҳамоҳангсозии исторҳо дар созмонҳои байналмилалӣ (СММ, ЮНЕСКО, САҲА) ва дар ҳошияҳои нишастҳои расонаиро баррасӣ хоҳанд кард.

Дар ин ройзанӣ ҳамчунин масоили ҳамроҳии расонаҳо бо ниҳодҳои умури хориҷа, аз ҷумла дар умури афкори умумӣ ва расонаҳо, созмони додани тадобири расонаӣ, диплумосии диҷитолӣ, ҳамоҳангсозии фаъолияти тавзеҳдиҳии бунгоҳҳои бурунмарзӣ табодули тарҷуба мекунанд.

14
Барчаспҳо:
кишварҳои ҳамсуд, хабаргузорӣ, расонаҳо, ройзанӣ, Иттиҳодияи кишварҳои муштаракулманофеъ
Мавзуъ
Анҷумани байналмиллалии расонаҳо дар Маскав оғоз гардид
Фазои атрофи кураи замин. Акс аз бойгонӣ

Маҷаллаи “Илм ва Ҷомеаи” Академияи улуми Тоҷикистон ба нашр мерасад

169
Муассиси маҷалла Раёсати Академияи илмҳои Ҷумҳурии Тоҷикистон ва сармуҳаррири он доктори илмҳои фалсафа Ҳафиз Бобоёров аст.

ДУШАНБЕ, 29 май — Sputnik. Бо ташаббуси президенти Тоҷикистон, Эмомалӣ Раҳмон ва президенти Академияи илмҳои кишвар, академик Фарҳод Раҳимӣ маҷаллаи академии илмию оммавӣ бо номи "Илм ва Ҷомеа" бо қарори Раёсати АИ ҶТ аз таърихи 14 — уми сентябри соли 2015, таҳти рақами 80 таъсис дода шудааст.

"Ин маҷалла бо мақсади ташвиқу тарғиби дастовардҳои олимони АУ, ҷиҳати баланд бардоштани ҷаҳонбинии илмӣ ва тафаккури техникии ҷомеа, нишон додани роҳҳои татбиқи дастовардҳои илмӣ дар иқтисодиёт, иҷтимоиёт, маориф, фарҳанг ва мусоидат ба рушди илми ватанӣ нашр мегардад",- иброз дошт сухангӯи АУ ҶТ Шервони Умриддин.

Ба қавли ӯ, ҳадаф аз таъсис додани ин маҷалла нашри мақолаю маводҳои илмии олимону донишмандони тоҷик, бозтоби дастовардҳои илмии ҷаҳониён, ошкор кардани мушкилоти ҷаҳони муосир ва ба донишомӯзи ҷалб намудани ҷавонон, мусоидат кардан ба ҳалли мушкилоти мубрами Тоҷикистон, минтақа ва ҷаҳон ба шумор меравад.

Маҷаллаи академии илмию оммавии "Илм ва Ҷомеа" 17 декабри соли 2015 аз тарафи Вазорати фарҳанг ба қайд гирифта шудааст ва дар як сол чор маротиба бо забонҳои тоҷикӣ, русӣ ва англисӣ нашр хоҳад шуд.

Бо назардошти консепсияҳои ягонаи таҳқиқоти байнисоҳавӣ, мақолаҳо ва маводи маҷаллаи "Илм ва Ҷомеа" аз рӯи мавзуъҳои мубрами илм ва ҷомеаи муосир ба нӯҳ бахш гуруҳбандӣ гардидаанд: "Ҷаҳони муосир" ва "Ояндашиносии равандҳо ва хатарҳои ҷаҳони муосир", "Фалсафа ва назарияҳои байнисоҳавӣ", "Ҷаҳон аз нигоҳи дигар", "Маорифпарварӣ ва ҷаҳонбинии алтернативӣ", "Дастовардҳои илму техникаи муосир", "Маориф ва рушди инсон", "Бозёфтҳои ҷавонон", "Пажуҳиш дар адаб ва ҳунар" ва "Пешниҳодҳо ва эълонҳо" мебошанд.

Муассиси маҷалла Раёсати Академияи илмҳои Ҷумҳурии Тоҷикистон ва сармуҳаррири он доктори илмҳои фалсафа Ҳафиз Бобоёров аст.

Дар маҷалла мақолаҳои илмие ҷой меёбанд, ки ба як соҳаи таҳқиқотӣ маҳдуд набуда, балки хусусияти байнисоҳавӣ дошта бошанд.

169
Барчаспҳо:
нашри маҷалла, Фарҳод Раҳимӣ

Сафорат: дар қабристони муҳоҷирон дар Якутия ҷасади тоҷикон нест

0
Тавре намояндагони Сафорати Қирғизистон дар Русия муайян карданд, дар қабристони мазкур ҷасади нафаре аз шаҳрвандони Тоҷикистон нест

ДУШАНБЕ, 10 июл — Sputnik. "Қабристони ғайриқонунӣ"-и муҳоҷирон дар наздикии Якутск ғайриқонунӣ набудааст.

Қабрҳои дар наздикии Фабрикаи паррандапарварӣ пайдошуда дар ҳудуди қабристони мусалмонӣ қарор доранд, хабар додааст намояндаи Сафорати Қирғизистон дар Русия ба Sputnik Қирғизистон.

"Барои гӯручӯб кардани ҷасадҳо дар макони мазкур иҷозатномаи вижа низ ҳаст", - таъкид кардааст вай.

Ин ниҳод ҳамчунин, маълумот дар бораи онро, ки дар ин қабрҳо ҷасади шаҳрвандони Тоҷикистон низ хок карда шудааст, такзиб кардааст.

 

Ҳамчунин, дар ниҳоди дипломатии мазкур таъкид карданд, ки қабристони мазкурро ба тартиб меоранд: кӯчаашро таъмир карда, ҳудуи қабристонро тоза кардаанд. Оромгоҳро Раёсати мусалмонони Якутия нигоҳбонӣ мекунад.

0