Нашрияи Ҷумҳурият

Нашрияи расмии Тоҷикистон бохти ҲНИТ дар интихоботро шарҳ дод

32
(Таҷдидшуда 15:38 21.10.2015)
Як муаллиф бо исми Абдулқодир Камолов, ки аз вай шореҳи сиёсӣ ном бурда мешавад, дар сомонаи нашрияи расмии ҳукумати Тоҷикистон – “Ҷумҳурият” сабабҳои шикаст хӯрдани ҲНИТ-ро шарҳ додааст.

ДУШАНБЕ, 18 мар — Sputnik. Омилҳои беруниву дарунӣ арзи вуҷуд карданд, ки Ҳизби наҳзати исломӣ дар интихоботи парлумонӣ шикаст хӯрад, навиштааст Абдулқодир Камолов, як муаллифи "Ҷумҳурият", ки нашрия аз вай ба унвони шореҳи сиёсӣ ном мебарад.

"ҲНИТ иллатҳои асосии мағлубияташро дар интихобот, пеш аз ҳама бояд дар фаъолияти роҳбарону фаъолонаш дар маҳалҳо, инчунин тағйирёбии назари ҷомеа ба ҳаракатҳои исломгаро дар ҳошияи воқеаҳои солҳои ахири минтақавию ҷаҳонӣ бозҷӯӣ намояд", — омадааст дар матлаби ин муаллиф, ки зери унвони "Чаро мардум ба ҲНИТ овоз надод?" ба нашр расидааст.

Ба бовари муаллиф, "пеш аз ҳама омилҳои берунию даруние арзи вуҷуд карданд, ки заминаи шикасти наҳзатиҳоро дар интихобот фароҳам сохтанд".

Аз ҷумлаи омилҳои беруна аз алоқамандии ҲНИТ ба "Ихвонулмуслимин"-и Миср, таваҷҷуҳи беандоза ба Ҷумҳурии Исломии Эрон, пайдо шудани ҳаракати террористии Давлати исломӣ ёд мешавад.

"Ҳарчанд наҳзатиҳо кӯшиш карданд, ки даст доштани хешро дар ҷалбу фиристодани шаҳрвандони ҷавони тоҷик ба сафи ҳаракатҳои террористӣ, аз ҷумла ДИИШ ва "Ансоруллоҳ" инкор намоянд, ниҳодҳои масъул бо далелҳои мушаххас баръакси онро исбот намуданд ва мардумро муътақид сохтанд. Аксарияти интихобкунандагон баръало дарёфтанд, ки дар сурати овоз додан ба ҲНИТ, ба нуфуз пайдо кардани ҳизб дар ҷомеа мусоидат мекунанд ва таҳдиди гароиши эҳтимолии фарзанди ҷавони худро ба сафи ҳаракатҳои ифротию террористӣ бештар месозанд", — навиштааст муаллиф.

Дар матлаб зикр мешавад, ки "дар шароити дохилии кишвар низ наҳзатиҳо ба як қатор иштибоҳоте роҳ доданд, ки тарафҳои барои омма  пӯшидаи фаъолияти пешвоёни наҳзат ошкор шуданд".

Ба навиштаи ин нашрия, "ҳизб баҳри некуаҳволии сокинони кишвар умуман барномае надорад ва қобилияти ақлию зеҳнии дастандаркоронаш танҳо дар доираи воҳимаю ҳангомаҳое аз қабили ҳимояи ришу ҳиҷоб дар ҷомеа маҳдуд мегардад" аз иштибоҳи наҳзатиҳо мебошад.

Ба бовари муаллифи матлаби "Ҷумҳурият" аз баҳсҳои судии бозори пайвандони Муҳиддин Кабирӣ, раиси ҲНИТ дар шаҳри Турсунзода мисол оварда менависад, ки "ошкор шуд, ки роҳбарони ҲНИТ ҳар кадоме аз молу сарвати бешумор бархӯрдор аст ва ҳамаи инро аз ҳисоби маблағҳои ба номи ҳизб аз тарафи кишварҳои манфиатдор ҷудошуда, пайдо кардааст.

Аз ҷумла, дигар бозору тиҷоратгоҳҳои Муҳиддин Кабирӣ, ширкатҳои сохтмонии ӯ, хонаҳои бешумораш дар шаҳри Душанбе ва сарваташ дар қаламрави Туркия, таҳсилу истиқомати оила ва фарзандонаш дар ҳудуди ин кишвар, боигарии муовинони ӯ дар шаҳри Душанбе ва зодгоҳҳои онҳо, хонаҳои боҳашамати меросмонда аз пешвои марҳуми ҲНИТ Абдуллои Нурӣ ва бинои мағозаи "Олами кӯдакон", ки аз ҷониби писараш ба маблағи 2 миллиону 800 ҳазор доллари ИМА фурӯхта шуд, сири ҷанги бародаркуш ва "мубориза" — ҳои имрӯзаи ҲНИТ- ро кушоданд, ки ин ҳама сиёсатҳо баҳри манфиати шахсӣ будааст, на аз ин бештар".

Гӯё иштибоҳи дигари наҳзатиҳоро "Нури наҳзат" ифшо кардааст. Дар нашрия навишта шудааст, ки "новобаста аз он, ки муаллифонашон киҳо буданд, пардаро аз рӯи хислатҳои ахлоқии алоҳида аъзои наҳзат бардоштанд. Роҳбарони ҲНИТ бошанд, ба ҷои  маҳкум кардани чунин аъмоли бад, ба ҳимояи онҳо бармехестанд. Ҳол он ки мардуми дар шаҳру ноҳияи истиқоматдоштаи ин бадкорон, аз ин корҳои бад дарак доштанд. Ҳимояи пешвоёни наҳзат дар қалби мардум нисбати ҳизб ҳисси нафратро бедор мекард".

Анҷумани ҲХДТ. Акс аз бойгонӣ
Официальная страница пресс-службы президента РТ в Facebook

Омили дигари мағлубияти наҳзатиҳоро дар бардурӯғ будани теъдоди аъзоёнаш шарҳ додааст: "ҲНИТ ба сифрҳои бардурӯғ дар бораи теъдоди 40 ҳазораи аъзояш бовар кард. Дар сурате, ки ин рӯйхатҳо ҳама бардурӯғ буданд.

"Раисони бахшҳои маҳаллӣ дар рӯйхатҳо аксаран занону духтарони хонавода ва хешовандони худ, инчунин ҷавононеро навиштаанд, ки дар муҳоҷирати меҳнатӣ қарор доранд. Аксарияти афроди дар ин рӯйхатҳо зикршуда, аз узви наҳзат будани худ хабар надоштанд ва надоранд",-омадааст дар матлаби "Ҷумҳурият".

Муаллифи матлаб пешниҳод мекунад, ки "иқдоми беҳтарин барои наҳзатиҳо ҳамин аст, ки мардонавор мағлубияти хешро бипазиранд, берун аз худ гунаҳгор наҷӯянд, назди ҳар созмони бегонаи хориҷӣ дар хусуси "фишор" — у "тақаллуб" — у "шаффофият" — у ғайра бечораномаҳо набаранд, зеро ин даъвоҳо суде барои онҳо намеоранд". Ва бо чунин ҷумла "наҳзатиҳо агар ба тавфиқи ҳизб дар маъракаҳои сиёсии минбаъда умед дошта бошанд, бояд нахуст ба ислоҳи  ноқисиҳое оғоз кунанд, ки дар ин навишта зикрашон рафт", матлабро ба итмом расондааст.

32
Барчаспҳо:
омилҳо, ифрот, сабаб, шикаст, интиқод, интихобот, "Ҷумҳурият", ҲНИТ, парлумон, Тоҷикистон
Мавзуҳо:
ҲНИТ дар “гирдоб”-и сиёсат (31)
Символ СНГ, архивное фото

Расонаҳои кишварҳои ҳамсуд ҳамкорияшонро дар Маскав баррасӣ мекунанд

14
(Таҷдидшуда 13:48 18.09.2017)
Масоили ҳамкории расонаҳо ва хабаргузориҳои кишварҳои узви Иттиҳодияи давлатҳои муштаракулманофеъ дар Маскав баррасӣ карда хоҳанд шуд

ДУШАНБЕ, 18 сен — Sputnik. Ба гузориши хабаргузории ТоҷикТА, фардо, 19 сентябр дар Маскав дар чорчӯби ройзании вазоратҳои умури хориҷа масоили ҳамкории расонаии кишварҳои ҳамсуд баррасӣ карда хоҳанд шуд.

Бино ба иттилоъи дафтари равобити умумии Кумитаи иҷроияи ИДМ, дар чорчӯби ин ройзанӣ намояндагони ниҳодҳои умури хориҷаи кишварҳои ҳамсуд масоили густариши ҳамкорӣ дар миёни расонаҳову хабаргузориҳо дар заминаҳои табодули иттилоъот ва омодасозии коршиносони расонаӣ, ҳамоҳангсозии исторҳо дар созмонҳои байналмилалӣ (СММ, ЮНЕСКО, САҲА) ва дар ҳошияҳои нишастҳои расонаиро баррасӣ хоҳанд кард.

Дар ин ройзанӣ ҳамчунин масоили ҳамроҳии расонаҳо бо ниҳодҳои умури хориҷа, аз ҷумла дар умури афкори умумӣ ва расонаҳо, созмони додани тадобири расонаӣ, диплумосии диҷитолӣ, ҳамоҳангсозии фаъолияти тавзеҳдиҳии бунгоҳҳои бурунмарзӣ табодули тарҷуба мекунанд.

14
Барчаспҳо:
кишварҳои ҳамсуд, хабаргузорӣ, расонаҳо, ройзанӣ, Иттиҳодияи кишварҳои муштаракулманофеъ
Мавзуъ
Анҷумани байналмиллалии расонаҳо дар Маскав оғоз гардид
Фазои атрофи кураи замин. Акс аз бойгонӣ

Маҷаллаи “Илм ва Ҷомеаи” Академияи улуми Тоҷикистон ба нашр мерасад

169
Муассиси маҷалла Раёсати Академияи илмҳои Ҷумҳурии Тоҷикистон ва сармуҳаррири он доктори илмҳои фалсафа Ҳафиз Бобоёров аст.

ДУШАНБЕ, 29 май — Sputnik. Бо ташаббуси президенти Тоҷикистон, Эмомалӣ Раҳмон ва президенти Академияи илмҳои кишвар, академик Фарҳод Раҳимӣ маҷаллаи академии илмию оммавӣ бо номи "Илм ва Ҷомеа" бо қарори Раёсати АИ ҶТ аз таърихи 14 — уми сентябри соли 2015, таҳти рақами 80 таъсис дода шудааст.

"Ин маҷалла бо мақсади ташвиқу тарғиби дастовардҳои олимони АУ, ҷиҳати баланд бардоштани ҷаҳонбинии илмӣ ва тафаккури техникии ҷомеа, нишон додани роҳҳои татбиқи дастовардҳои илмӣ дар иқтисодиёт, иҷтимоиёт, маориф, фарҳанг ва мусоидат ба рушди илми ватанӣ нашр мегардад",- иброз дошт сухангӯи АУ ҶТ Шервони Умриддин.

Ба қавли ӯ, ҳадаф аз таъсис додани ин маҷалла нашри мақолаю маводҳои илмии олимону донишмандони тоҷик, бозтоби дастовардҳои илмии ҷаҳониён, ошкор кардани мушкилоти ҷаҳони муосир ва ба донишомӯзи ҷалб намудани ҷавонон, мусоидат кардан ба ҳалли мушкилоти мубрами Тоҷикистон, минтақа ва ҷаҳон ба шумор меравад.

Маҷаллаи академии илмию оммавии "Илм ва Ҷомеа" 17 декабри соли 2015 аз тарафи Вазорати фарҳанг ба қайд гирифта шудааст ва дар як сол чор маротиба бо забонҳои тоҷикӣ, русӣ ва англисӣ нашр хоҳад шуд.

Бо назардошти консепсияҳои ягонаи таҳқиқоти байнисоҳавӣ, мақолаҳо ва маводи маҷаллаи "Илм ва Ҷомеа" аз рӯи мавзуъҳои мубрами илм ва ҷомеаи муосир ба нӯҳ бахш гуруҳбандӣ гардидаанд: "Ҷаҳони муосир" ва "Ояндашиносии равандҳо ва хатарҳои ҷаҳони муосир", "Фалсафа ва назарияҳои байнисоҳавӣ", "Ҷаҳон аз нигоҳи дигар", "Маорифпарварӣ ва ҷаҳонбинии алтернативӣ", "Дастовардҳои илму техникаи муосир", "Маориф ва рушди инсон", "Бозёфтҳои ҷавонон", "Пажуҳиш дар адаб ва ҳунар" ва "Пешниҳодҳо ва эълонҳо" мебошанд.

Муассиси маҷалла Раёсати Академияи илмҳои Ҷумҳурии Тоҷикистон ва сармуҳаррири он доктори илмҳои фалсафа Ҳафиз Бобоёров аст.

Дар маҷалла мақолаҳои илмие ҷой меёбанд, ки ба як соҳаи таҳқиқотӣ маҳдуд набуда, балки хусусияти байнисоҳавӣ дошта бошанд.

169
Барчаспҳо:
нашри маҷалла, Фарҳод Раҳимӣ

Мутахассисони Русия ба Қирғизистон барои мубориза бо коронавирус омаданд

0
(Таҷдидшуда 02:19 08.07.2020)
Нахуствазири Қирғизистон аз вуруди коршиносони Русия ба Бишкек, барои ироаи кумак дар заминаи мубориза бо густариши коронавирус хабар дод

ДУШАНБЕ, 8 июл — Sputnik.  Кубатбек Боронов, нахуствазири Қирғизистон аз вуруди коршиносони Русия барои ироаи кумак дар заминаи мубориза бо коронавирус хабар дод, иттилоъ додааст радиои Садои Хуросон.

Вай гуфт, коршиносони Русия ба раёсати Вячеслав Смоленский, муовини раиси ниҳоди нозири мавсум ба "Роспотребнадзор" барои кумак ба ҳамтоёни қирғиз вориди Бишкек шуданд.

Боронов афзуд, коршиносони рус ба ҳамтоёни қирғиз таҷҳизоти ташхиси коронавирус таҳвил ва иттилооте дар бораи равишҳои навини дармони бемории коронавирусро ироа медиҳанд.

Ёдрас мешавем, ки шаби шашум ба ҳафтуми июли соли равон дар Қирғизистон боз 7 маризи дигар аз коронавирус ҷон бохтанд, хабар медиҳад Sputnik Қирғизистон бо такя ба маълумоти Вазорати тандурустӣ.

Ба иттилои манбаъ, синну соли қурбониён аз 61 то 85 - сола буда, миёни онҳо ду корманди тиб, яке пизишки кӯдакон ва дигаре фелдшер қарор доштанд.

Бо илова шудани 7 ҳолати нав, теъдоди қурбониёни вируси COVID- 19 дар Қирғизистон ба 99 нафар баробар шуд.

Вазъият дар робита ба маризии коронавирус, аллахусус афзоиши ҳолатҳои фавт дар ин кишвар моҳи июл ваҳимтар гардид. Рӯзҳои 3 ва 5 - уми июл дар Қирғизистон давоми як шабонарӯз 10 нафар аз маризони коронавирус ба ҳалокат расиданд, ки ҳамчун фавти рекордӣ аз замони авҷ гирифтани ин беморӣ арзёбӣ мешавад.

0
Барчаспҳо:
Бишкек, вирус, коршиносон, Русия, Қирғизистон