Сурия. Акс аз бойгонӣ

Калиди ҳалли низоъи Сурия аз дидгоҳи Бан Ки Мун

50
(Таҷдидшуда 16:34 22.10.2015)
Дабири кулли Созмони Милали Муттаҳид Бан Ки Мун рӯзи 28 сентябр иҷлосияи 70-уми Маҷмаи умумиро бо даъват ба хатми низои Сурия оғоз бахшид. Ӯ дар паёмаш бори аввал хостори ба додгоҳи байналмилалии ҷиноӣ кашондани парвандаи ҷанги Сурия шуд.

ДУШАНБЕ, 29 сен — Sputnik. Раисҷумҳури Русия Владимир Путин ҳам бахши умдаи суханронии худ дар иҷлосияи 70-уми Маҷмаи умумии СММ-ро ба ҳаводиси ахири Ховари Миёна, аз ҷумла буҳрон ва низоъ дар Сурия бахшид, менависад РИА Новости.

Ӯ хостори ташкили як эътилофи густурдаи ҷаҳонӣ барои мубориза бо терроризм шуда, аз ҷомеи байналмилал даъват кард, ки ба ҳукумати кунунии Сурияву барои барқарор кардани сохторҳои давлатӣ дар Либия кумак кунанд ва аз ҳукумати нави Ироқ пуштибонӣ намоянд. Владимир Путин ҳамкорӣ накардан бо ҳукуматии феъли Сурия дар мубориза бо терроризмро "иштибоҳи бузург" донист.

"Билоахира бояд иқрор шуд, ки ҳоло дар Сурия ба ҷуз аз неруҳои ҳукуматию шибҳнизомиёни курд касе бо ҷангиёни "Давлати исломӣ" ва гуруҳҳои дигари террористӣ муборизаи воқеӣ намебарад", таъкид кардааст раисҷумҳури Русия.

Дар ҳамин ҳол, раиси ҷумҳурии Иёлоти Муттаҳидаи Амрико Барак Обама ҳам дар суханронии худ дар ин иҷлос гуфт, ки Вашингтон барои хатми ҷанги Сурия бо ҳама кишварҳо, аз ҷумла Русия ва Эрон омодааст, ҳамкорӣ кунад. Вале, ӯ зимни суханрониаш дар Маҷмаи кулии СММ дар Ню-Йорк рӯзи 28 сентябр гуфт, ки вазъ ба ҳеҷ сурат ба ҳолати пеш аз ҷангии Сурия бар нахоҳад гашт, навиштааст сомонаи Кохи сафед.

"Мо бояд эътироф кунем, ки баъди ин қадар қатлу хунрезиҳо бозгашт ба ҳолати  пешазҷангӣ номумкин аст", — афзудааст Обама.

Раисҷумҳури Эрон Ҳасан Руҳонӣ низ зимни суханронии худ дар ин иҷлосия пешниҳод кард, ки мубориза бо терроризм ба як санад ва қоидаи илзомовари байналмилалӣ табдил шавад ва ҳеч давлате натавонад, аз терроризм ба унвони як равиши мудохилаҷӯёна дар умури миллатҳои дигар ҳимоят кунад, менависад хабаргузории Тобнок.

"Мо омодаем, ки барои нобуди терроризм ва бистарсозӣ барои таҳаввулоти демократӣ дар минтақа кумак кунем ва иҷоза надиҳем, аслиҳа ба абзори таҳаввул табдил ёбад. Мо ҳамонгуна, ки дар Ироқ ва Афғонистон ба истиқрори демократия кумак кардем, омодаи кумак ба рушди демократия дар Сурия ҳам ҳастем. Мо аз ҳукумати аксарият бо ҳифзи ҳуқуқи ақалият дифоъ мекунем", таъкид кардааст Ҳасан Руҳон.

Аммо тибқи гузориши сомонаи СММ дабири кулли ин созмони ҷаҳонӣ таъкид кардааст, ки низои Сурия аз сӯи қудратҳову рақибҳои минтақавӣ идора мешавад ва калиди ҳалли сиёсии ин ҷанг дар дасти Русия, Амрико, Арабистони Саудӣ, Туркия ва Эрон аст.

"Низои Сурия аз сӯи қудратҳову рақибҳои минтақавӣ идора мешавад ва калиди ҳалли сиёсии ин ҷанг дар дасти Русия, Амрико, Арабистони Саудӣ, Туркия ва Эрон мебошад. То даме  ки яке аз ин кишварҳо бо дигарӣ ба созиш наоянд, интизор шудани тағйироте дар масъалаи Сурия бефоида мебошад", — изҳор доштааст, Бан Ки Мун.

Низои Сурия бо беш аз 200 000 қурбонӣ ва миллионҳо беҷошудааш як мавзӯи асосии Маҷмаи умумист ва ин дар ҳолест ки раҳбарони ҷаҳон роҳҳои хатми ин низоъро меҷӯянд.

50
Барчаспҳо:
Сурия, низоъ, ИМА, созиш, иҷлосия, Туркия, СММ, иҷлосияи 70-уми Маҷмаи умумии СММ, СММ, Ҳасан Руҳонӣ, Бан Ки Мун, Владимир Путин, Барак Обама, Туркия, Сурия, Эрон, ИМА, Русия
День 5 октября

Ҷашнҳои рӯзи 5 октябр дар Тоҷикистон ва ҷаҳон

210
(Таҷдидшуда 18:07 04.10.2020)
Рӯзи 5 октябр дар Тоҷикистон Рӯзи забони давлатӣ, рӯзи ҷаҳонии муаллим, рӯзи байналмилалии кормандони кофтукови ҷиноӣ ва дар Португалия рӯзи ташкилёбии ҷумҳурӣ таҷлил мешавад

Рӯзи 5 октябр дар ҷаҳон чӣ рух дод

Соли 1502 Хрисофор Колумб Косто-Рикаро кашф намуд.

Соли 1823 дар Англия нахустин маҷаллаи тиббӣ бо номи "Лансет" ба нашр оғоз намуд.

День 4 октября
© Sputnik / Стас Этвеш / Вишнякова Мария

Соли 1864 аз таъсири тундбод дар Калкутта беш аз 300 киштӣ нобуд  ва тақрибан 80 ҳазор нафар одамон  ҳалок шуданд.

Соли 1963 дар Тоҷикистон Ҳафтаи фарҳанги Қазоқистон  оғоз гардид.

Соли 2000 олимон муайян карданд, ки бо гузашти 14 сол аз садамаи Чернобил ва радиатсияи бавуҷудомада ҳанӯз ҳам дар растаниҳои ҳудуди зарардидаи Украина раванди аз меъёр зиёди мутатсияи генӣ (дигаргуншавӣ ва ё вайроншавии хромосомаҳо ва генҳо) ба назар мерасад.

Соли 2006 дар Чин автобусҳои махсусе пайдо шуданд, ки барои иҷрои ҳукми қатл истифода мешуданд.

Соли 2016 дар Брюссел нишасти вазирони кишварҳои Аврупо ва Осиёи Марказӣ, инчунин конференсия бахшида ба мавзӯи Афғонистон баргузор гардид.

Рӯзи 5 октябр дар Тоҷикистон чӣ рух дод

Соли 2004 Тоҷикистон ба Интерпол пайваст.

Соли 2011 бо иштироки Президенти Ҷумҳурии Тоҷикистон Эмомалӣ Раҳмон сохтмони калонтарин масҷид дар шаҳри Душанбе расман оғоз шуд.

День 3 октября
© Sputnik / Стас Этвеш / Вишнякова Мария

Соли 2012 Владимир Путин ва Эмомалӣ Раҳмон дар шаҳри Душанбе шаш санадро ба имзо расонданд. Аз ҷумла Созишнома дар бораи мақом ва шартҳои ҳузури пойгоҳи низомии Русия дар Тоҷикистон. Бар асоси ин созишнома пойгоҳи Русия то соли 2042 дар Тоҷикистон фаъолият хоҳад кард.

Соли 2016 дар шаҳри Кӯлоб Эмомалӣ Раҳмон дар расми ифтитоҳи Маҷмааи Нишон ва Парчами давлатии Ҷумҳурии Тоҷикистон иштирок намуд.

Ҷашнҳои рӯзи 5 октябр 

  • Дар Ҷумҳурии Тоҷикистон Рӯзи забони давлатӣ. Дар гузашта Рӯзи забон 22 июл таҷлил мегардид, аммо соли 2009 баъди қабули қонун “Дар бораи забони давлатии ҷумҳурии Тоҷикистон” он ба панҷуми октябр гузаронда шуд.
  • Рӯзи умумиҷаҳонии муаллим.
  • Рӯзи байналмилалии кормандони кофтуков.
  • Дар Португалия рӯзи ташкилёбии ҷумҳурӣ.

Рӯзи 5 октябр дар Тоҷикистон кӣ ба дунё омадааст

Эмомалӣ Раҳмон (1952) – райиси ҷумҳури Тоҷикистон, Қаҳрамони Тоҷикистон.

Сулаймон Анварӣ (1946) – адабиётшинос.

Анушервон Бикасиён (1955) -ҳайкалтарош, Ходими шоистаи ҳунариТоҷикистон, дорандаи Ҷойизаи давлатии ба номи Рӯдакӣ.

Облоқул Бозоров (1932) – доктори илми фалсафа, профессор.

Ҳабибулло Имоддӣ (1937) – нависанда.

Ақназар Қурбонмаҳмадов (1940) – доктори илми фалсафа, профессор.

Мансур Муллоев (1923 – 1997) – доктори илми ҳуқуқ, профессор, Ходими шоистаи ҳунари Тоҷикистон, дорандаи Ҷойизаи давлатии ба номи Рӯдакӣ.

Раҳмон Набиев (1930 – 1993) – арбоби давлатӣ.

Ҳасан Наққош (1925 – 1986) – шоир ва адабиётшиноси арабтабор.

Фаррух Неъматзода (1959) – рассом.

Юсуф Нуралиев (1936) – доктори илми тиб, профессор.

Ҷумъағозии Кирей (1929)- ҳайкалтарош.

Xӯрақули Аҷиб (1950) - шоири узбакзабони Тоҷикистон, мутарҷим.

Фурқати Саид (1967) – сароянда, Ҳунарпешаи шоистаи Тоҷикистон.

Ҳошим Раҳим (1908 – 1993) – адабиётшинос, мутарҷим, Ходими шоистаи илми Тоҷикистон.

Қурбоналӣ Яъқубов (1949) – найнавоз, Ҳунарпешаи шоистаи Тоҷикистон.

Саидқул Билолов (1953) – сароянда, оҳангсоз, Ҳунарпешаи мардумии Тоҷикистон

естер Алан Артур - 21-умин президенти ИМА (1829).
Рамазан Қодиров – райиси ҷумҳури Чеченистон, Қаҳрамони Русия (1976).

210
Барчаспҳо:
Ҷаҳон, ҷашн, Тоҷикистон
Символ СНГ, архивное фото

Расонаҳои кишварҳои ҳамсуд ҳамкорияшонро дар Маскав баррасӣ мекунанд

15
(Таҷдидшуда 13:48 18.09.2017)
Масоили ҳамкории расонаҳо ва хабаргузориҳои кишварҳои узви Иттиҳодияи давлатҳои муштаракулманофеъ дар Маскав баррасӣ карда хоҳанд шуд

ДУШАНБЕ, 18 сен — Sputnik. Ба гузориши хабаргузории ТоҷикТА, фардо, 19 сентябр дар Маскав дар чорчӯби ройзании вазоратҳои умури хориҷа масоили ҳамкории расонаии кишварҳои ҳамсуд баррасӣ карда хоҳанд шуд.

Бино ба иттилоъи дафтари равобити умумии Кумитаи иҷроияи ИДМ, дар чорчӯби ин ройзанӣ намояндагони ниҳодҳои умури хориҷаи кишварҳои ҳамсуд масоили густариши ҳамкорӣ дар миёни расонаҳову хабаргузориҳо дар заминаҳои табодули иттилоъот ва омодасозии коршиносони расонаӣ, ҳамоҳангсозии исторҳо дар созмонҳои байналмилалӣ (СММ, ЮНЕСКО, САҲА) ва дар ҳошияҳои нишастҳои расонаиро баррасӣ хоҳанд кард.

Дар ин ройзанӣ ҳамчунин масоили ҳамроҳии расонаҳо бо ниҳодҳои умури хориҷа, аз ҷумла дар умури афкори умумӣ ва расонаҳо, созмони додани тадобири расонаӣ, диплумосии диҷитолӣ, ҳамоҳангсозии фаъолияти тавзеҳдиҳии бунгоҳҳои бурунмарзӣ табодули тарҷуба мекунанд.

15
Барчаспҳо:
кишварҳои ҳамсуд, хабаргузорӣ, расонаҳо, ройзанӣ, Иттиҳодияи кишварҳои муштаракулманофеъ
Мавзуъ
Анҷумани байналмиллалии расонаҳо дар Маскав оғоз гардид
Диего Марадона

Диего Марадона номвартарин ситораи ҷаҳонии футбол даргузашт: 61 сол дошт

93
(Таҷдидшуда 22:48 25.11.2020)
Номвартарин ситораи ҷаҳонии футбол, қаҳрамони ҷаҳон дар соли 1986, Диего Марадонаи 61 - сола аз олам гузашт

ДУШАНБЕ, 25 ноя — Sputnik. Ассосиатсияи футболи Аргина дар Twitter хабари даргузашти ситораи ҷаҳонии футболро тасдиқ намуд.

Бар хабари TN, санаи 30 - юми октябр Марадонаро барои гузаштан аз ташхиси тиббӣ ба бемористон оварда буданд, зеро ӯ қаблан ҷарроҳии мағзи сар шуда буд.

Манбаъ меафзояд, Марадона рӯзи 12 уми декабр пас аз ҷарроҳии мағзи сар, аз дармонгоҳ мураххас шуда буд.

Дар ҳамин ҳол, рӯзномаи Perfil сабаби марги ситораи ҷаҳониро, аз тапидан бозмондани қалбаш рабт медиҳад. Ин манбаъ меафзояд, ки фишори хуни Марадона ба якборагӣ пас шуд ва пизишкони Ёрии таъҷилӣ натавонистанд ӯро аз чанголи марг раҳонанд.

Дар дақиқаи чорум: Роналдо аллакай ҳисоби бозии Португалия ва Марокашро боз кард

Дар робита ба даргузашти Марадона, кишвардори Аргентина Алберто Фернандес дар қаламрави кишвараш се рӯзи мотам  эълон намуд.

Диего Армандо Марадона 30 октябри соли 1960 таваллуд шудааст. Дар синни 10 солагӣ ба тими наврасони "Лос Себолитас" пайваст.

Аз соли 1977 Диего ба ҳайати тими миллӣ шомил гардид.

Бозии охирони Марадона бо тими "Ривер Плейта" санаи 25 октябри соли 1997 сурат гирифта буд. Пас аз ин бозӣ, санаи 30 - юми октябр ситораи футбол аз анҷоми "карера"- и худ хабар дод.

Ӯ аз соли 2008 то 2010 мураббии тими миллии Аргентина буд.

93
Барчаспҳо:
даргузашт, Диего Марадона