Маводди сӯхтӣ. Акс аз бойгонӣ

Дар Тоҷикистон арзиши сӯзишвории дизелӣ аз нархҳои ҷаҳонӣ 5% арзон аст

9
(Таҷдидшуда 17:55 04.02.2015)
Тоҷикистон, ки нархи баландтарин бензин дар миёни кишварҳои пасошӯравиро дорад, дар сатҳи ҷаҳонӣ аз ин нишондод миёни Сербия ва Лаҳистон қарор дорад.

ДУШАНБЕ, 4 фев — Sputnik. Арзиши маводи сӯхтии дизелӣ дар Тоҷикистон 5% арзонтар аз қимматҳои миёнаи ҷаҳонӣ аст, вале арзиши бензин 14% баландтар будааст, хабар медиҳад сойти назорати арзиши маводди сӯхтии чакана дар ҷаҳон www.mytravelcost.com.

Қиммати бензин дар Тоҷикистон ҳамчунон баландтарин дар миёни кишварҳои пасошӯравӣ аст ва $1,17 ё 1,04 евро барои 1 литр, ки 14% баландтар аз арзишҳои миёнаи ҷаҳонӣ ба бензин мебошад. Ба ин тартиб, Тоҷикистон аз ин нишондод дар миёни Сербия, ки дар он як литр бензин $1,18 ва Лаҳистон — $1,16 қарор дорад.

Тибқи иттилоъи ин назорат, арзиши арзонтарини бензин дар Русия сабт шудааст, ки дар он ҷо қиммати як литри ин маводди сӯхтӣ $0,50 мебошад. Сипас Қирғизистон — $0,71, Қазоқистон — $0,80, Белорус — $0,75, Озарбойҷон — $0,94, ва дар охири феҳраст Арманистон қарор дорад, ки дар он ҷо як литр бензин баробари $1,12 аст.

Дар робита ба маводди сӯхтии дизелӣ арзиши он дар Тоҷикистон баръакс 5% арзонтар аз нархҳои миёнаи ҷаҳонӣ аст ва ба ҳисоби миёна $0,88 ё 0,78 евро барои як литр аст.

Дар маҷмӯъ нархҳои арзонтарин ба бензин ва маводди сӯхтии дизелӣ дар Венесуэла, Сурия ва Арабистони Саъудӣ сабт шудааст ва гаронтарин маводди сӯхтӣ дар Норвегия, Гонконг ва Голландия аст.

Тоҷикистон комилан ба воридоти маводди сӯхтӣ бастагӣ дорад. Миқдори аслии маводди сӯхтӣ (беш аз 80%) ба Тоҷикистон аз Русия ворид мешавад ва миқдори дигар аз Туркманистон, Қазоқистон ва кишварҳои дигар воридот карда мешавад. Ба қиммати маводди схтӣ дар Тоҷикистон арзиши содиротӣ, махориҷи ҳамлу нақли он тавассути қаламрави Ӯзбекистон ва ҳамчунин аворизи гумрукӣ ва мизони молиёт, ки нисбати кишварҳои ҳаммарз бештар аст, таъсир мегузоранд.

Дар соли 2014 Тоҷикистон 580 ҳазор тонн маводи сӯхтӣ ворид кардааст, ки нисбати соли 2013 218 ҳазор тонна бештар мебошад.

9
Барчаспҳо:
коҳиши арзиши маводди сӯхти дизелӣ, Сербия, Лаҳистон, Тоҷикистон
Сомони и доллары, архивное фото

Дар 8 моҳи соли ҷорӣ ба буҷети кишвар ҳудуди 400 миллион сомонӣ камтар ворид шуд

48
(Таҷдидшуда 17:02 18.09.2020)
Вазорати молияи Тоҷикистон эълон доштааст, ки ҳаҷми умумии буҷети давлатии Тоҷикистон давоми 8 моҳи соли ҷорӣ 14 млрд. 352 миллион сомониро ташкил дод, ки 2,6% камтар аз нақшаи тасҳеҳшуда мебошад

ДУШАНБЕ, 18 сен — Sputnik. Тибқи иттилои манбаъ, дар ҳашт моҳи соли равон ба буҷети кишвар ҳудуди 400 миллион сомонӣ ё наздики 39 миллион доллар камтар маблағ ворид шудааст.

Камбудии буҷет ба коҳиши маблағи андоз аз даромад ва андоз аз фоида нисбат дода мешавад. Ҳиссаи андоз дар буҷети давлатӣ 68%-ро ташкил медиҳад.

Гуфта шудааст, ки маблағҳои пешбинишуда қариб ба ҳамаи бахшҳо ҷудо нагардиданд.

Аммо тибқи иттилои манбаъ, аз ҳама бештар маблағгузорӣ ба бахши ҳокимияти давлатӣ ва идоракунӣ, саноат ва сохтмон, фаъолияти дигари иқтисодӣ ва хизматрасониҳо кам шуд.

Дар ҳамин ҳол, ҳаҷми умумии нақшаи тасҳеҳшудаи даромади буҷет бо назардошти ҷалби маблағҳои грантӣ ба ҷойи 26,1 миллиард сомонии қаблан тибқи нақша пешбинигардида 23,6 миллиард сомонӣ муқаррар шуд.

Нақшаи тасҳеҳшудаи хароҷоти умумии буҷети давлатӣ дар ҳаҷми 26 млрд сомонӣ муқаррар шудааст, ки аз нақшаи аввалия 400 миллион сомонӣ камтар аст.

Дар назар буд, ки рӯйпӯш кардани касри буҷет аз ҳисоби ҷалби маблағҳои ниҳодҳои молиявии байнулмлалӣ амалӣ мешавад.

Мувофиқи нақшаи тасҳеҳшудаи Вазорати молия, касри буҷети давлатӣ дар соли равон 3,1 миллиард сомонӣ ё беш аз 300 миллион доллар ё худ 3,7% аз ҳаҷми ММД-ро ташкил хоҳад дод.

48
Барчаспҳо:
миллион, сомонӣ, Вазорати молия, пул, Тоҷикистон
Терминал оплаты банковскими картами и денежные купюры, архивное фото

Бонки марказии Русия аз интиқоли рекордии пул ба кишварҳои ИДМ хабар дод

439
(Таҷдидшуда 00:50 19.09.2020)
Бонки марказии Русия эълон кард, ки нисбат ба соли 2018 интиқоли рекордии пул ба хориҷ аз кишвар мушоҳида шудааст

ДУШАНБЕ, 18 сен — Sputnik. Бонки марказии Русия эълон кардааст, ки нисбат ба ду соли қабл интиқоли рекордии пул ба хориҷ аз кишвар ба қайд гирифта шудааст, иттилоъ додааст рӯзномаи “Ведемости”.

Таъкид шудааст, ки дар моҳи июли соли 2020 шаҳрвандони Русия ба хориҷ аз кишвар 837 миллион доллар интиқол додаанд. Дар ҳамин ҳол, қисми аксари маблағ аз ҷумла 686 миллион доллар ба кишварҳои ИДМ интиқол дода шудаанд.

152 миллион доллари боқимонда ба кишварҳои хоириҷи дур интиқол дода шудааст.

Ҳангоми таҳияи омор мутахассисони Бонки марказии Русия аз маълумотҳои ширкатҳои Western Union, "Золотая корона", "Юнистрим", Contact, Blizko (то моҳи апрели соли 2020), инчунин интиқол тариқи "Почта России"-ро истифода карданд.

Ёдарс мешавем, ки ҳаҷми интиқоли пул ба хориҷ аз кишвар дар моҳи март коҳиш ёфта буд ва дар моҳи апрели 2020 ба 302 миллион доллар расида буд.

Ба коҳиш ёфтани интиқоли пул пандемияи вируси корона, басташавии марзҳо дар тамоми ҷаҳон, ҷорӣ намудани қарантина ва қатъи фаъолияти баъзе аз корхонаҳо, таъсир расонд.

Ба ҳамин хотир аксари муҳоҷирони меҳнатӣ дар Русия бекор монданд.  

439
Барчаспҳо:
хориҷ, Бонки марказии Русия, рекорд, муҳоҷирон, интиқоли пул, Русия
Парламентские выборы в Таджикистане

Мастчоҳ ба интихоботи президентӣ омодааст: ифтитоҳи 35 участкаи интихоботӣ дар ноҳия

0
(Таҷдидшуда 19:39 18.09.2020)
Мақомоти ноҳияи Мастчоҳ ҷидди ба интихоботи президентӣ омодагӣ гирифтааст. Дар ноҳия 35 участкаи интихоботӣ таъсис дода шудааст

ДУШАНБЕ, 18 сен — Sputnik. Бино бар иттилои дафтари матбуоти мақомоти вилояти Суғд, дар ноҳияи Куҳистони Мастчоҳ ба баргузории интихоботи Президенти Тоҷикистон, ки санаи 11-уми октябри соли 2020 баргузор мегардад, омодагӣ гирифтааст.

Президент Таджикистана Эмомали Рахмон
© Официальная страница пресс-службы президента РТ в Facebook.

Бино ба иттилои​ Ҳотамбек Аҳмадзода, роҳбари дастгоҳи раиси ноҳияи Кӯҳистони Мастчоҳ​ омодагиҳо ба интихоботи президентӣ дар сатҳи зарурӣ ба роҳ монда шуда, маводи иттилоотӣ дастраси аҳолӣ ва шиору овезаҳо дар гӯшаву роҳравҳо ва ҷойҳои ҷамъиятӣ насб гардидаанд.

Гуфта шудааст, ки дар ноҳияи Куҳистони Мастчоҳ як ҳавза ва 35​ участкаи интихоботӣ таъсис дода шудааст.

Шумораи умумии интихобкунандагон дар ҳавзаи №39-и ноҳияи Кўҳистони Мастчоҳ 14987 нафар буда, аз инҳо 429 нафарашон бори аввал дар интихобот ширкат мекунанд.

Мутобиқи қарори муштараки Маҷлиси миллӣ ва Маҷлиси намояндагони Маҷлиси Олии Ҷумҳурии Тоҷикистон аз 6 августи соли 2020 интихобот дар Тоҷикистон 11 октябри соли ҷорӣ баргузор хоҳад шуд.

0
Барчаспҳо:
мақомот, таъсис, участкаҳо, Интихоботи президентӣ, интихобот, Тоҷикистон