Васоили кишоварзӣ

Имон Интернешнл барои сармоягузори кишоварзон $16,5 млн қарз гирифт

42
(Таҷдидшуда 16:45 11.02.2016)
Сармоягузории IFC ва шариконаш ба “Имон Интернешнл” бо пули миллӣ сурат мегирад ва ба ин тартиб созмони қарздиҳии кӯчак аз хатароти қурби асъор мехоҳад ҳифз шавад.

ДУШАНБЕ, 13 фев — Sputnik. Созмони қарздиҳии кӯчаки "Имон Интернешнл" бо пули сомонӣ қарз мегирад, ки муъодили $16,5 млн аст ва барои қарздиҳӣ дар манотиқи дуруфтода ва рустоии кишвар истифода мешавад, омадааст дар баёнияи Созмони байналмиллалии молӣ (IFC).

Аз ин миқдор маблағ 5 миллион аз ҳазинаи худи IFC, ки шомили гурӯҳи Бонки ҷаҳонӣ аст, ҷудо шуда, маблағи боқимонда аз PROPARCO, ширкати марбут ба Ожонсии рушди Фаронса ва Сандуқи ОПЕК барои рушди байналмиллалӣ (барои ин ниҳод ин нахустин сармоягузорӣ ба бахши хусусӣ аст) ихтисос шудаанд.

"Дар Тоҷикистон IFC бо истифода аз қарордод бо Бонки миллии Тоҷикистон қарзҳоро бо пули миллӣ медиҳад. Дар чорчӯби ин қарордод, қарзҳои IFC ва PROPARCO аз роҳи ҳифзи онҳо ба сурати қурббандӣ аз доллари ИМА ба сомонӣ нигаҳдорӣ мешаванд.

Дар сурати қарздиҳӣ бо пули миллӣ, ки дар бозори дохилӣ аҳён мушоҳида мешавад, ИМОН Интернешнл худро аз хатароти қурбӣ ҳифз мекунад", — омадааст дар баёния.

Аз соли 2008 бад ин сӯ IFC Имон Интернешнлро ба маблағи умумии $12,5 миллион барои афзоиши қарздиҳии тиҷорати кӯчак сармоягузорӣ кардааст. Ин сармоягузориҳо хадамоти машваратӣ барои таҳияи феҳрасти тавлидот, муъассир сохтани наҳваи танзими хатарот ва гузариш ба муъассисаи қарздиҳиро ба дунбол дошт.

42
Барчаспҳо:
сармоягузорӣ, ИМОН Интернешнл, Тоҷикистон
Мавзуъ
Сармоягузорӣ ба арсаи нақлиёт дар соли гузашта $600 миллион буд
БАБТ ба “Финка Тоҷикистон” $4 миллион қарз дод
Туристы идут в поход

БОР барои дастгирии соҳаи сайёҳии Тоҷикистон 10 миллион доллар кӯмаки бебозгашт мекунад

99
(Таҷдидшуда 12:36 14.08.2020)
Бонки Осиёгии Рушд ба Тоҷикистон барои татбиқи лоиҳаи рушди сайёҳӣ дар ҷумҳурӣ 10 миллион доллар ройгон медиҳад

ДУШАНБЕ, 14 авг — Sputnik.  Бино ба иттилои намояндагии доимии ин ташкилот дар Душанбе саозишномаи амалисозии лоиҳаи мазкур аз ҷониби Кумитаи рушди сайёҳии Тоҷикистон, Созмони ҷаҳонии сайёҳии Созмони милал ва ду ташкилоти ҷамъиятии маҳаллӣ: Фонди коҳиши камбизоатӣ ва Маркази таҳлилии “Наво” ба имзо расид.

Гуфта мешавад, Созмони ҷаҳонии сайёҳии Созмони милал (ЮНВТО) ва ду ташкилоти ҷамъиятӣ ба Кумитаи рушди сайёҳӣ дар таҳияи аввалин ҳисоби ёридиҳандаи сайёҳӣ дар Тоҷикистон, ташаккули соҳаи сайёҳии кишвар ва нақшаи рушди устувори туризм кӯмак хоҳанд кард.

Интизор меравад, қарордод давоми як сол иҷро гардад.

 Ба иттилои манбаъ, баъди барқарор шудани фаъолияти сайёҳӣ дар кишвар барои ҷамъоварии маълумот дар бораи демография, интизориҳо, фаъолият, манбаъҳои иттилоот, сатҳи қаноатбахшӣ, сохтори хароҷот ва муносибати сайёҳони хориҷӣ ва дохилӣ ба ин соҳа таҳқиқот гузаронида мешавад.

Маълумоти гирдоварда ба мустаҳкам намудани омори соҳаи туризм ва беҳтар муайян намудани саҳми сайёҳӣ ба иқтисодиёти Тоҷикистон мусоидат мекунанд.

“Нақшаи пешниҳодшаванда рушди устувори сайёҳӣ банақшагирӣ, маркетинг ва татбиқи туризмро такмил хоҳад дод, то Тоҷикистонро ҳамчун як макони умедбахши сайёҳӣ муаррифӣ кунанд”.

БОР моҳи октябри соли 2019 лоиҳаи Рушди сайёҳиро барои кӯмак ба рушди соҳаи туризм дар асоси стандартҳои байналмилалӣ тасдиқ намуда буд.

Таъкид мешавад,  ин нахустин лоиҳаи БОР дар самти сайёҳии Тоҷикистон мебошад.

99
Барчаспҳо:
рушди соҳаи сайёҳӣ, кумак, БОР, Тоҷикистон
Таджикские сомони и рубли, архивное фото

Бонки миллӣ арзиши рубл, доллар ва евроро барои имрӯз эълон кард

325
Бонки миллии Тоҷикистон арзиши сомониро нисбат ба асъори хориҷӣ барои имрӯз, 14 август эълон кард. Тибқи овезаҳои бонкҳо қурби 1000 рубли русӣ, нисбат ба нишондодҳои аввали ҳафта каме поин рафтааст

ДУШАНБЕ, 14 авг — Sputnik. Тибқи нишондоди Бонки миллии Тоҷикистон арзиши 1 рубли русӣ барои имрӯз 0.1397 сомонӣ  ва дар бозори нақд бошад 0.1430 сомонӣ нишон дода шудааст.

Ин ниҳод қурби миёнаи фурӯши 1 доллари ИМА дар муассисаҳои қарзии Тоҷикистонро аз  10.3135 то 10.3200 сомонӣ арзёбӣ кардааст. 

Бонки миллӣ қурби миёнаи фурӯши 1 евроро аз 12.2091 то 12.5000 сомонӣ арзёбӣ кардааст, ки нисбат ба ҳафтаи гузашта гаронтар шудааст.

Дар бонкҳои дигари кишвар, аз ҷумла “Бонки Эсхата” нишондоди асъор  нисбат ба дигарон каме болотар нишон дода шудааст.

Ин бонк хариду фурӯши 1 рублро имрӯз аз 0,1425 то 0,1460 сомонӣ муқаррар шудааст.

Дар “Спитаменбонк” бошад арзиши 1 рубл аз 0.141 то 0.146 ва дар “Алифбонк” бошад 1 рубл аз 0,1425 то 0,1470 сомонӣ нишон дода шудааст.

Бонки миллӣ гуфт дар беқурбшавии сомонӣ ва болоравии арзиши доллар кӣ гунаҳгор аст

БМТ огоҳ менамояд, ки “берун аз сарбонк, филиал, марказҳои хизматрасонии бонкӣ, нуқтаи интиқоли пул ва банкомату терминалҳо анҷом додани амалиёти мубодилавӣ қатъиян манъ аст ва риоя накардани талаботи мазкур аз ҷониби шахсони воқеӣ қонуншиканӣ ба ҳисоб рафта, сабаби ба ҷавобгарии маъмурӣ ва ҷиноятӣ кашидан мегардад”.


325
Барчаспҳо:
евро, доллар, рубл, сомонӣ, арзиши асъор, Бонки Миллӣ, Тоҷикистон
Новая эстакада в Душанбе

Бе ҳуҷҷати ронандагӣ ва бо суръати баланд: садама дар эстакадаи Душанбе - видео

0
Ронандаи 30 - сола, ки воситаи нақлиёташро бо суръати баланд меронд, нахуст ба монеасанги канори роҳ ва сипас ба поясутуни симчӯб бархӯрда автомашинаашро чаппа кард

ДУШАНБЕ, 14 авг — Sputnik. Раёсати Вазорати умури дохили дар шаҳри Душанбе, навор аз як садамаи нақлиётӣ дар эстакадаи пойтахтро шарҳ дод. Навори мазкур чанде пеш ба шабакаҳои иҷтимоӣ роҳ ёфт ва мавриди баҳси корбарон қарор гирифт.

Зимнан, кормандони пулис ронандаи автомашинаеро, ки пас аз бархӯрдан ба монеасанги канори роҳ ва поясутуни симчӯб чаппа шуда буд, дастгир намуданд.

Дастгиршуда Оев Қосими 30 - сола, сокини шаҳри Душанбе буда, санаи 13-уми август, тақрибан соатҳои 15:00 дақиқа ҳангоми ҳаракат аз кӯчаи Н.Махсум ба тарафи кӯчаи Б.Ғафуров дар рӯ ба рӯи истгоҳи воситаҳои нақлиёти мусофирбар, аз уҳдаи идораи воситаи нақлиёт набаромада, ба монеасанги (бардюр) канори роҳ ва сипас ба бетони поясутуни симчӯб бархӯрда, автомашинаи худро чаппагардон кард.

Садама дар шоҳроҳи Душанбе-Хуҷанд: ВУД аз қурбонии ҳодиса гуфт

Манбаъ меафзояд, дар садамаи мазкур касе осеби ҷиддӣ надид.

Зимни пурсиш маълум гардид, ки  ронанда бидуни ҳуҷҷати ронандагӣ худравашро бо суръати ниҳоят баланд идора мекард, ки дар натиҷа ба садама дучор шуд.

РВУД дар шаҳри Душанбе мегӯяд, вобаста ба ҳолати мазкур маводҳои лозима тартиб дода шуда, таҳқиқ дар ин самт ҷараён дорад.

0