Парчами Канада. Акс аз бойгонӣ

Канада таҳримоти ҷадид алайҳи Русияро эълом кард

13
(Таҷдидшуда 13:19 18.02.2015)
Нахуствазири кишвар Стивен Харпер бо қарори худ вуруди 37 нафар аз Русия ва Украинаро мамнуъ карда нисбати 17 муъассиса таҳримотро эълом кард.

ДУШАНБЕ, 18 фев — Sputnik. Канада ҷорӣ кардани таҳримот нисбати 37 шахси алоҳида ва 17 муаассисаи Русия ва Украинаро эълом кардааст, хабар медиҳад РИА Новости бо истинод ба сойти интернетии нахуствазири кишвар Стивен Харпер.

"Имрӯз нахуствазир Стивен Харпер баёнияе нашр кард, ки дар он нисбати манъи вуруди 37 нафар аз Русия ва Украина ва ҳамчунин таҳримоти иқтисодӣ нисбати 17 муассисаи русӣ ва украинӣ гуфта мешавад", — омадааст дар сойти нахуствазир.

Тибқи ин баёния, таҳримоти ҷадид посухет ба аъмоли ҷудоихоҳон дар ҳафтаи ахир дар Украина аст.

Ба "феҳрасти сиёҳи" Канада аз Русия муъовини вазири дифоъ Анатолий Антонов ва мудири кулли ширкати "Ростех" Сергей Чемезов, мотосиклрони рус Александр Залдостанов, вакили порлумон Валерий Рашкин, овозхон ва вакил Иосиф Кобзон ва хабарнигор Дмитрий Киселев шомил шудаанд.

Ҳамчунин, ин феҳраст муовини раиси ситоди нерӯҳои мусаллаҳи Русия Андрей Картаполов, контр-адмирал Валерий Куликов, генерал-майор Алексей Наумтс, контр-адмирал Александр Носатов ва генерал-лейтенант Игор Турченюкро дар бар гирифтааст.

Таҳримоти мушобеҳ алайҳи муъовини фармондеҳи ситоди ҷудоихоҳони ҶМД Эдуард Басурин, муъовини аввали раиси шӯрои Мардумии ҶМЛ Владислав Дейнего ва намояндагони дигари ҷумҳуриҳои худмухтор роҳандозӣ шудаанд.

Ба ғайр аз ин, ба феҳраст Гвардияи Миллии Казачя, баталони "Спарта" ва раҳбари он Арсений Павлов муллақаб бо "Моторола", баталони "Сомали" ва фармондеҳаш Михаил Толстих муллақаб бо "Гиви", баталони "Заря", бригадаи "Призрак", баталони "Оплот", баталони "Калмиус", баталони "Марг" шомил шудаанд. Таҳримот ҳамчунин нисбати фармондеҳи бахши "Русич" Алексей Милчаков муллақаб бо "Фритс", вазири дифоъи ҶМЛ Олег Бугров ва намояндаҳои дигари ҷудоихоҳон роҳнадозӣ шудаанд.

Ҳамакнун ба феҳрасти таҳримотии Канада ширкати давлатии нафтии "Роснефт" ворид шуда нисбати созмони ҷамъиятии "Новороссия" низ таҳримот роҳандозӣ шудаанд.

13
Барчаспҳо:
эъломи таҳримоти ҷадид алайҳи Русия ва Украина, ҳукумати Канада, Дмитрий Киселев, Сергей Чемезов, Стивен Харпер, Иосиф Кобзон, Анатолий Антонов, Канада, Украина, Русия
Мавзуъ
СММ: теъдоди қурбониён дар Украина аз 5,3 ҳазор нафар бештар шуд
Меркел: ихтилоф дар Украина ҳалли низомӣ надорад
Назарсанҷӣ: таҳримҳо ба вазъи Украина таъсири манфӣ доштанд
Президент Республики Таджикистан Эмомали Рахмон в кукурузном поле

Президент деҳқонони тоҷикро як сол аз андоз озод кард

711
(Таҷдидшуда 14:46 26.01.2021)
Раисҷумҳури Тоҷикистон Эмомалӣ Раҳмон ҳангоми ироаи паёми солона дар назди парлумони кишвар пешниҳод кард, ки кишоварзони тоҷик як сол аз андоз озод шаванд

ДУШАНБЕ, 26 янв — Sputnik. Эмомалӣ Раҳмон тамоми кишоварзони Тоҷикистонро аз пардохти андози ягонаи замин барои як сол озод кард.

Президент аз мушкил омадани соли 2021 таъкид кард ва гуфт, дар саросари ҷаҳон дар ин сол нарасоии маводи озуқаворӣ ҳис хоҳад шуд.

COVID-19 ё пинҳонкорӣ: нақшаи андоз дар Суғд иҷро нашуд

Ӯ ёдрас шуд, ки қаблан низ борҳо таъкид мекард, ки бояд соҳаи кишоварзӣ дар Тоҷикистон тақвият дода шавад.

Президент тавсиф кард, ки соли 2020 Тоҷикистон тавонист дар ин соҳа ба дастовардҳо ноил шавад. 

"Имсол ҳам бояд дар бахши кишоварзӣ заҳмати зиёде кашид", - таъкид кард вай.

Ӯ ба Ҳукумати Тоҷикистон дастур дод, ки барои пӯшонидани ин қисми буҷаи давлат чора андешад, зеро ин маблағи каме нест.

Ба гуфтаи Эмомалӣ Раҳмон, ҳаҷми яксолаи ин навъи андоз 200 миллион сомониро ташкил медиҳад.

Зимнан, Эмомалӣ Раҳмон, раисҷумҳури Тоҷикистон имрӯз ҳангоми ироаи паёми солана дастур дод, ки Кодекси андози Тоҷикистон такмил дода шавад.

Президент мӯҳлат дод, ки то моҳи март Кодекси нави андоз омода гардад. Вай афзуд, ки дар кодекси нав ба дастгирии соҳибкорон диққати бештар дода шавад.

711
Барчаспҳо:
деҳқон, андоз, Эмомалӣ Раҳмон, Тоҷикистон
Президент Республики Таджикистан Эмомали Рахмон

Раҳмон гуфт, баъзе сарони кишварҳои ИДМ аз пушташ механдиданд: шарҳ дод, ки чаро

960
(Таҷдидшуда 13:41 26.01.2021)
Эмомалӣ Раҳмон, раисиҷумҳури кишвар гуфт, сатҳи боғу токпарвариро барои рушди иқтисоду зиндагӣ бештар кард, ва аз деҳқонон даъват кард, ки ба ҳеҷ кас гӯш надиҳанд ва талош барои беҳбуд кунанд

ДУШАНБЕ, 26 янв — Sputnik. Раисиҷумҳури кишвар ин нуктаро зимни паёми солонааш ба парлумон изҳор дошта гуфт, вақте барномаи рушди боғу токпарвариро қабул кард, ҳатто баъзе сарони кишварҳои ИДМ аз пушташ хандиданд.

Ӯ гуфт, вақте дастур дод, ки талу теппаҳоро боғзор кунанд, баъзе сарони кишварҳои ИДМ ба ӯ хандида гуфтаанд: "Раҳмон дигар кор надорад талу теппаҳоро боғу токпарварӣ мекунад".

Бонки миллӣ гуфт, чаро нархи равғану шакар қиммат шуд: боз гарон мешавад

Ба гуфти президент, ин талошҳояш буд, ки самар доданд ва танҳо дар замони соҳибистиқлолӣ дар кишвар зиёда аз 112 ҳазор гектар боғу токзори нав бунёд гардидааст, ки ҳоло дар ҳифзи амнияти озуқавории мамлакат, бо ҷойи кор таъмин намудани аҳолӣ, рушди содирот ва бо ашёи хом таъмин кардани саноати хӯрокворӣ нақши назаррас бозида истодааст.

Ӯ гуфт, дастураш ва талошҳои деҳқонону боғдорон буд, ки ба ин сатҳ расид.

Раисиҷумҳур мисол оварда гуфт, дар замони Шӯравӣ дар самти Душанбе-Хатлон талу теппаҳо чизе надошт.

"Чизе набуд ҳатто ошхонае набуд. Имрӯз бубинед чигуна обод шудааст. Маҳсули ин боғот ба хориҷа содирот мешавад".

Ба таъкиди ӯ, натиҷаи заҳмати софдилонаи кишоварзон ва чораҳои амалинамудаи Ҳукуматро мо имрӯз дар фаровонии маҳсулоти истеҳсоли худӣ дида истодаем.

Раҳмон аз пандемияву буҳрон гуфт: ҷаҳон чунинро тайи сад сол ёд надош

Вобаста ба ин, роҳбарони вилоятҳо ва шаҳру ноҳияҳо, хоҷагиҳои деҳқонӣ, ҳар як кишоварз ва ҳар як оиларо зарур аст, ки истифодаи самараноки замин, пеш аз ҳама, заминҳои наздиҳавлигиву президентӣ, захира кардану истифодаи тухмиҳои аълосифат ва бо ҳамин роҳ гирифтани то се ҳосилро, махсусан, дар соли 2021 таъмин намоянд, гуфт президенти кишвар.

960

Интиқоди тунди Жириновский аз Туркия: наравед ба он ҷо

0
(Таҷдидшуда 20:07 26.01.2021)
Владимир Жириновский, раиси Ҳизби либерал-демократи Русия аз сафар ба "кишвари маккор" - Туркия, ҳушдор дод

ДУШАНБЕ, 26 янв — Sputnik. Раиси Ҳизби либерал-демократи Русия, Владимир Жириновский макони истироҳат - Туркияро кишвари "маккортарин" номид.

"Ба Туркия наравед, маккортарин кишвар аст", - изҳор дошт Жириновский.

Бо чунин суханон Жириновский ҳамлаи мусаллаҳона ба чор шаҳрванди Русияро шарҳ дод. Ин ҳамла дар кӯчаи Бешикташи шаҳри Истамбул ба вуқӯъ пайвастааст.

Як марди кӯчарӯб ба ду зан ва як марди русиягӣ ҳамла кардааст. Гуфта мешавад, ки ӯ аз ҷиҳати равонӣ бемор будааст.

Шаҳрвандони Русия ҷароҳатҳои гуногун бардоштанд. Сокинони маҳаллӣ ба захмиён кумаки аввалия расонида ва баъдтар онҳо бистарӣ карда шуданд.

Яке аз замхиёнро ба зудӣ аз бемористон ҷавоб хоҳанд дод, чун вазъи саломатии ӯ хуб арзёбӣ мешавад.

Жириновский: Тоҷикистон ва Арманистон бояд ба ҳайати Русияи Бузург ҳамроҳ шаванд

Ёдрас мешавем, ки чанде пеш нархномаи истироҳат барои шаҳрвандони Русия дар Туркия дар қиёс бо соли 2020, то 15 дарсад боло рафт.

Коршиносон пешгӯӣ мекунанд, ки ин нархнома боз ҳам гаронтар хоҳад шуд. Ногуфта намонад, ки 90 дар сади истироҳаткунандагон Анталияро интихоб мекунанд.

0
Барчаспҳо:
Русия, Туркия, Владимир Жириновский