Алюминий. Акс аз бойгонӣ

Швейтсария бузургтарин харидори нахи пахта ва алюминийи тоҷик шуд

40
(Таҷдидшуда 15:26 19.02.2015)
Дар солҳои ахир Швейтсария мизони харидории нахи панба ва алюминий аз Тоҷикистонро бештар карда ва ба ин тартиб Туркияро дар мавқеъи дуввум қарор дод.

ДУШАНБЕ, 19 фев — Sputnik. 50,5% содироти коло аз Тоҷикистон ба Швейтсария сурат гирифтааст, ки дар тӯли солҳои ахир ба харидори аслии алюминий ва нахи панбаи тоҷик табдил шудааст, омадааст дар гузори Ожонси омори назди раёсати ҷумҳурии Тоҷикистон.

Шарикони аслии содироти Тоҷикистон мисли солҳои қаблӣ — Швейтсария, Туркия, Украина, Қазоқистон, Эрон ва Русия боқӣ мондаанд.

Ба ҷуз аз Швейтсария аз харидорони аслии колоҳои Тоҷикистон Туркия аст, ки 16,5% содироти кишварро соҳиб шудааст.

Ҳанӯз дар соли 2012 Туркия дар феҳрасти содиротии Тоҷикистон мавқеъи аввалро бо 36% ҳаҷми умумии содирот дошт. Он замон мизони Швейтсария аз 7% болотар набуд. Дар солҳои ахир вазъият тағйир ёфт ва ҳамакнун мизони содирот ба Швейтсария даҳҳо маротиба бештар шуд.

Хабар дода мешавад, ки дар моҳи январи соли 2015 маблағи колоҳои содиротиии Тоҷикистон ба Швейтсария $47,3 миллион шудааст, ҳарчанд Тоҷикистон аз ин кишвар ҳамагӣ ба маблағи $307,6 ҳазор коло ворид кардааст.

Ба ин тартиб ҳар ду кишвар миёни худ ба маблағи $47,6 миллион табодули коло кардаанд. Ин нишондод 8,9 маротиба аз омори ҳамин давраи соли 2014 бештар аст.

Дар моҳи январи соли 2015 аз Тоҷикистон ба маблағи $93,8 миллион колоҳо содирот шуда ба маблағи беш аз $251 миллион колоҳо ворид шудааст.

Ин дар ҳолест, ки содироти нахи панба дар моҳи январ ба 7% афзоиш ёфта 12 ҳазор тоннаро ба маблағи $14,7 миллиона ташкил медиҳад, ки нисбати ҳамин давраи соли 2014 $14,7 миллион камтар аст. Ба навиштаи хабаргузории "Авеста" ин амр ба коҳиши 22% қиммати нахи панба дар бозорҳои ҷаҳонӣ марбут аст.

Дар соли 2014 аз кишвар 86,4 ҳазор тонна нахи панба ба маблағи $132,1 миллион, ки 30,2% ва ё $57,2 миллион камтар аз омори соли 2013 мебошад.

Дар маҷмӯъи умумии табодули коло бо кишварҳои хориҷӣ ҷойи аввалро Русия соҳиб аст. Дар моҳи январи соли ҷорӣ мизони табодули коло бо ин кишвар $85 миллион шудааст.

Воридоти коло ба Тоҷикистон аз Русия муодили — 31,8%, Чин — 15,1%, Қазоқистон — 15,0%, Литва — 4,7%, Эрон — 4,3% будааст.

40
Барчаспҳо:
мизони табодули коло, Швейтсария, Тоҷикистон
Мавзуъ
Тоҷикистон содироти пахтаро 25% коҳиш дод
Сабзавот ва меваи Тоҷикистон ба бозорҳои Аврупо роҳ меёбанд
Экономический рост, архивное фото

“Шохиси озодиҳои иқтисодӣ”: Тоҷикистон 21 зина пешрафт кардааст

126
(Таҷдидшуда 18:21 07.03.2021)
Тоҷикистон дар радабандии нави “Шохиси озодиҳои иқтисоди” миёни кишварҳои дунё нисбати соли гузашта 21 зина пешрафт кардааст

ДУШАНБЕ, 7 март — Sputnik. Ин радбандӣ, ки ахиран аз ҷониби пажуҳишгоҳи Heritage Foundation ва маҷаллаи The Wall Street нашр шуд, 186 кишвари дунёро дар бар гирифтааст, ки Тоҷикистон дар он зина 134-ро ишғол мекунад.

Соли гузашта Тоҷикистон дар рейтинги “Шохиси озодиҳои иқтисодӣ” дар ҷойи 155 ва қабл аз он дар зинаи 122 қарор дошт. Гузоришгарон новобаста аз пешрафт Тоҷикистонро имсол низ аз сабаби сатҳи пасти молиявӣ, озодии соҳибкорӣ ва тиҷорат ба гуруҳи кишварҳои “иқтисодаш ноозод” ворид кардаанд.

Гузоришгарон гуфтаан дар соли ҷорӣ мизони озодиҳои иқтисодӣ дар Тоҷикистон 3 бал афзуда, аз 100 холи имконпазир 55,2 холро соҳиб гаштааст.

Иқтисоди Тоҷикистон ва дигар кишварҳои пасошӯравӣ 

Ҳамчунин гузоришгарон дар шарҳи мавқеи Тоҷикистон гуфтаанд, Тоҷикистон дар байни 40 кишвари минтақаи Осиё ва ҳавзаи уқёнуси Ором ҷойгоҳи 42-юмро ишғол мекунад ва нишондиҳандаҳои умумии он аз нишондиҳандаҳои миёнаи минтақа ва ҷаҳон хеле пасттаранд.

Ба гуфти гузоришгарон дар пайи ҳамагирии коронавирус иқтисоди Тоҷикистон танҳо 1 фисад поин рафт.

Гуфта мешавад, давоми солҳои нашри раддабандӣ нишондиҳандаҳои иқтисодии Тоҷикистон номусод буданд, аммо бо сабаби воридшавии маблағи муҳоҷирон аз Русия, сармоягузорӣ ва содироти канданиҳои фоиданок аз қабили тилло, сурб ва руҳ маҷмӯи маҳсулоти дохилии кишвар афзоиш ёфтааст.

Таҳиягарони гузориш ҳамчунин гуфтаанд, Тоҷикистон барои даст ёфтан ба озодиҳои иқтисодӣ, бояд қонунгузориро бознигарӣ кунад, ислоҳот дар бозори меҳнат ба вуҷуд оварад ва муҳити мусоиди сармоягузорӣ фароҳам оварад.

Дар раддабандии мазкур мақоми кишварҳои пасошуравӣ ба таври зайл аст: Эстония-8, Гурҷистон-12, Литва-15, Латвия-30, Қазоқистон-34, Арманистон-32, Озарбойҷон-38, Қирғизистон-78, Молдова-87, Белорус-88, Русия-94, Ӯзбекистон-108, Украина-127 ва Туркманистон-167.

Раҳимзода гуфт чаро COVID-19 вазъи иқтисоди Тоҷикистонро муташанниҷ накард

Гузоришгарон иқтисоди Сингапур, Зеландияи нав ва Австралияро озодтарин ва Кубаву Венесуела ва Кореяи шимолиро маҳдудтарин гуфтаанд.

126
Барчаспҳо:
радабандӣ, иқтисод, Тоҷикистон
Дмитрий Голубовский

Голубовский: Русия Тоҷикистон ва тамоми Осиёи Марказиро аз бӯҳрон берун хоҳад овард

346
Агар Русия дар солҳои наздик рушди хуби иқтисодӣ нишон диҳад, пас ба гуфтаи таҳлилгари молиявӣ Дмитрий Голубовский, ҳамаи ҳамсоягон, аз ҷумла тамоми Осиёи Марказиро аз пасаш мекашад

ДУШАНБЕ, 7 мар- Sputnik. Нархи ҷаҳонии маводщои ғизоӣ моҳи нӯҳум пай дар пай афзоиш ёфт, ки бештар аз ҳама шакар ва равғани растанӣ боло мерафт.

Вобаста ба ин дар гузориши ахири Созмони ғизо ва кишоварзии Созмони Милали Муттаҳид (ФАО) ишора шудааст.

"Ин тамоюл акнун солҳои тӯлонӣ идома хоҳад кард",- гуфт Голубовский дар мусоҳиба бо Sputnik Тоҷикистон.

Коршинос таъкид кард, ки аз болоравии нархҳо кишварҳои камбизоат аз ҳама бештар зарар мебинанд.

"Сармоягузорон инро" гардиши олии ашёи хом меноманд. Ин ба қадри кофӣ давом хоҳад кард, ба ёд овардан лозим аст, ки вақтҳои охир чӣ қадар нафт афзоиш ёфт - нархҳо соли 1998 ба афзоиш оғоз карданд ва ҳадди аксар дар соли 2008 ба даст омад, яъне мо метавонем дар бораи 10 сол сӯҳбат кунем", - гуфт таҳлилгар.

Ба гуфтаи ӯ, моро 10-солаи болоравии нархҳои маводи ғизоӣ, металлҳо ва сӯзишворӣ интизор аст, ки ин ба даври коҳиши доллар ва инчунин ба он вобаста аст, ки амрикоиҳо таварруми ҷаҳониро ҳамчун роҳи мубориза бо сарбории йарзӣ оғоз мекунанд.

"Қарзҳо дар ҷаҳон аз ҳад зиёданд, онҳоро беқадр кардан лозим аст" гуфт ӯ.

Барои ин ду роҳ мавҷуд аст. Аввалан, эҷоди бӯҳрони қарз, вақте ки бисёр одамон муфлис мешаванд, дар ин ҳолат сарватмандон чизи зиёдеро аз даст медиҳанд. Роҳи дуюм ташкили инфлятсия мебошад, то ҳама пардохт кунанд.

Ба гуфтаи ӯ, роҳи дуввум иҷро хоҳад шуд, зеро ҳоло миқдори зиёди пул чоп мешавад.

"То ҳол мақомоти ҷаҳонӣ сенарияеро интихоб кардаанд, ки дар он ҳама мушкилот бо пул ҳал карда шаванд, аз ин рӯ нархҳо боло хоҳанд рафт. Принсипе кор хоҳад кард, ки сарватмандон бойтар ва камбизоатон фақиртар хоҳанд шуд, танҳо дар сатҳи байналмилалӣ",-илова кард таҳлилгар.

Кишварҳои камбизоат дар сурати рушд накардан боз ҳам қашшоқтар мешаванд.

Ғайр аз ин, онҳо метавонанд қисми ягон намуди блокҳои иқтисодӣ гарданд ё бо кишварҳои сарватманд шартномаҳои истисноии тиҷоратӣ банданд.

"Агар Русия рушди хуби иқтисодӣ нишон диҳад, пас ҳамаи ҳамсоягони худро ҷалб хоҳад кард. Ин омили минтақавӣ аст, иқтисоди қавӣ ҳамсояҳои худро ҷалб мекунад", - бовар дорад иқтисоддон.

Ё ҳамсояҳо ба кор меоянд - онҳо пули бештар ба даст меоранд ва ба хона мефиристанд, ё иқтисоди қавӣ ба аутсорсинг ба яке аз ҳамсояҳо каме кор медиҳад, гуфт коршинос.

"Агар нархи нафту металл афзоиш ёбад, Русия метавонад суръати хуби рушди иқтисодиро дошта бошад ва он метавонад тамоми минтақаро ба ҳам кашад", - хулоса кард Голубовский.

346
Барчаспҳо:
бӯҳрон, иқтисод, Тоҷикистон, Русия
День 8 марта

Зодрӯзи Қоҳир Расулзода, Раҳмондӯсти Қурбониён ва Рӯзи Модарон: имрӯзи таърих

0
(Таҷдидшуда 19:15 06.03.2021)
Рӯзи 8 март - Рӯзи байналмилалии занон, дар Тоҷикистон – Рӯзи Модар, дар Малайзия – Рӯзи султон ва зимнан Рӯзи байналмилалии гурда мебошад

Рӯзи 8 март дар ҷаҳон чӣ рух дод

Соли 1759 Парлумони Порис "Энсиклопедия"-и Дени Дидроро маҳкум намуд.

Соли 1873 дар самти шимолу ғарби Канада фурӯши маҳсулоти спиртӣ манъ карда шуд.

Соли 1920 конгресси миллии Сурия истиқлолияти мамлакатро эълон намуд.

Соли 1950 Иттиҳоди Шӯравӣ расман дар бораи мавҷуд будани бомбаи атомии худ хабар дод.

Соли 1973 дар раъйпурсии Ирландияи Шимолӣ 59% овоздиҳандагон барои нигоҳдории ин қисм дар ҳайати Британияи Кабир овоз доданд.

Соли 1914 дар Иттиҳоди Шӯравӣ аввалин шумораи маҷаллаи "Работнитса" нашр шуд.

Соли 2013 расонаҳо хабар доданд, ки  роҳбарияти осорхонаи Британия ба Осохонаи миллии Тоҷикистон нусхаи 6 нигораи коллексияи ганчинаи Амударёро туҳфа намуданд.

Рӯзи 8 март дар Тоҷикистон чӣ рух дод

Соли 2011 дар мулоқоти Президент Эмомалӣ Раҳмон ва сарвазири вақти Покистон Юсуф Ризо Гелонӣ масоили ҳамкории тиҷоратӣ-иқтисодӣ, илмӣ-техникӣ, фарҳангӣ ва амниятии Тоҷикистону Покистон баррасӣ гардиданд.

Соли 2011 Эмомалӣ Раҳмон дар шаҳраки дипломатии Исломобод дар маросими гузоштани санги асоси таҳкурсии бинои нави Сафорати Ҷумҳурии Тоҷикистон дар Покистон иштирок намуд.

Соли 2017 Эмомалӣ Раҳмон дар ҷашни Рӯзи модар чун анъанаи накӯи баҳорӣ ва рамзи иди Наврӯзи байналмилалӣ бо Иҷрокунандаи вазифаи раиси шаҳри Душанбе Рустами Эмомалӣ ва Сомони Эмомалӣ дар ҳашари умумии ниҳолшинонӣ дар пойтахт иштирок карданд.

Ҷашнҳои рӯзи 8 март

  • Рӯзи байналмилалии занон.
  • Дар Тоҷикистон – Рӯзи Модар.
  • Дар Малайзия – Рӯзи султон.
  • Рӯзи байналмилалии гурда.

Рӯзи 8 март дар Тоҷикистон кӣ ба дунё омадааст

Соли 1944 - ҳунарманди мардумии Тоҷикистон Раҳмондусти Қурбониён.

Соли 1948 - раиси Кумитаи ҳифзи муҳити зисти назди Ҳукумати Ҷумҳурии Тоҷикистон Хурсандмурод Зикиров.

Соли 1950 - шоира Хосият Вализода.

Соли 1956 - собиқ фармондеҳи Горди Президенти Тоҷикистон Ғаффор Мирзоев.

Соли1960 - овозхон Латофат Давлатова.

Соли 1961 - сарвазири Тоҷикистон Коҳир Расулзода.

 Премьер-министр Таджикистана Кохир Расулзода
Премьер-министр Таджикистана Кохир Расулзода на заседании правительства 2021

Соли 1978 - устоди варзиши байналмилалӣ Рауф Ҳикматов.

Соли 1981 - сароянда Баҳриддин Бегов.

0
Барчаспҳо:
Тоҷикистон, Ҷаҳон, ҷашн