Доллар

Сарватмандтарин президент дар ҷаҳон кист?

45
(Таҷдидшуда 15:20 12.03.2015)
Дар феҳрасти раисони ҷумҳур, ки маошашон баландтарин аст, президенти ИМА Барак Обама бо $400 ҳазор ҳуқуқи солона дар ҷойгоҳи аввал қарор дорад. Ин феҳрастро бо $22 ҳазор ҳуқуқи солона раҳбари Чин Си Тсзинпин анҷом медиҳад.

ДУШАНБЕ, 12 мар — Sputnik. Веб-сомонаи тиҷоратии CNN Money феҳрасти маоши раҳбарони 12 кишвари ҷаҳонро мунташир кард, ки ба бархе аз онҳо бӯҳрони иқтисодӣ таъсир гузоштааст.

Дар садри ин феҳрат раиси ҷумҳури ИМА Барак Обама қарор дорад, ки солиёна $400 ҳазор маош пайдо мекунад. Зикр шудааст, ки маоши раиси ҷумҳур дар Амрико аз замони Ҷорҷ Буш ду маротиба афзоиш ёфтааст. Ба ҷуз аз ин, Обама барои масрафоташ $50 ҳазор мегирад, ки аз он андоз ситонида намешавад.

Нахуствазири Канада Стефан Харпер бо маоши солиёнаи $260 ҳазор дар мавқеъи дуввум аст ва ҷойгоҳи севвумро садри аъзами Олмон Ангела Меркел бо маоши $ 234, 400 ҳазор касб кардааст. Таҳиякунандагони феҳраст зикр мекунанд, ки маоши Маркел ва вазиронаш дар авоили моҳи март 2,2% афзоиш дода шуд.

Раиси ҷумҳури Африқои Ҷанубӣ Якоб Зуму бо $223,500 ҳазор дар мавқеъи чаҳорум ва дар ҷойгоҳи панҷум нахуствазири Бритониё Дэвид Кэмерон қарор доранд. Нахуствазири Бритониё солиёна $214,782 ҳазор дарёфт мекунанд, ки ба ин маблағ ҳуқуқи узвияташ дар порлумон низ шомил мебошад.

Ҷойгоҳи шашумро дар феҳрасти маошҳо нахуствазири Ҷопон, ки дар як сол $202, 700 ҳазор маош мегирад, касб кардааст. Раиси ҷумҳури Фаронса Франсуа Олланд дар ҷойи ҳафтум қарор дорад — $194, 251 ҳазор. Вале CNN Money зикр мекунад, ки агар Олланд дар соли 2012 тасмим намегирифт, ки маошаш 30% коҳиш дода шавад, вай дар ин феҳраст мавқеъи баландтареро мегирифт. Агар ин тасмим намебуд, таъкид мекунанд таҳиякунандагони феҳраст, вай феълан $274, 522 ҳазор дарёфт мекард.

Президенти Русия Владимир Путин, ки бо $136 ҳазор ҷойгоҳи ҳаштумро дорад, қаблан тасмим гирифта буд, ки ба далели бӯҳрон дар кишвари худ маоши раиси ҷумҳурро 10% коҳиш дода буд, менависад нашрияи интернетӣ.

Дар ҷойи нӯҳум ва даҳум нахуствазири Италия Маттео Рентси ($124, 600 ҳазор) ва раиси ҷумҳури Бразилия Дилма Русеф ($120 ҳазор) қарор доранд.

Нахуствазири Ҳиндустон Нарендра Моди ҷойгоҳи ёздаҳумро бо $30,300 ҳазор касб кардааст.

Дар ниҳояти ин феҳраст раиси ҷумҳури Чин Си Тсзинпин қарор дорад, ки кишвари дорои иқтисоди дуввум дар ҷаҳонро раҳбарӣ мекунад. Бо дарназардошти афзоиши маошаш дар авоили соли ҷорӣ ба 60% ҳоло ҳуқуқаш $22 ҳазор мебошад.

45
Барчаспҳо:
рӯйхати президентҳои сарватмандтарин, ҳақмузди солона, маоши президентҳо, таҳияи феҳрасти маоши руасои ҷумҳур, CNN Money, Ангела Меркел, Франсуа Олланд, Си Тзинпин, Владимир Путин, Барак Обама, Бритониё, Фаронса, Олмон, ИМА, Русия
Мавзуъ
Маош, идрорпулӣ ва ҳуқуқи бознишастагӣ дар моҳи сентябр афзоиш меёбанд
Работа инвестиционной компании, архивное фото

Рушди иқтисод коҳиш ёфт: коронавирус ба соҳаҳои иқтисоди миллӣ таъсир расонд

52
(Таҷдидшуда 16:02 03.08.2020)
Вазири рушди иқтисод ва савдои Тоҷикистон иттилоъ дод, ки ҳаҷми маҷмӯи маҳсулоти дохилӣ дар шашмоҳаи якуми соли равон 32,4 млрд. сомонӣ ва рушди воқеии он 3,5 фоизро ташкил дод, ки нисбат ба ҳамин давраи соли гузашта 4 банди фоизӣ кам аст

ДУШАНБЕ, 3 авг — Sputnik. Завқӣ Завқизода, вазири рушди иқтисод ва савдои Тоҷикистон, имрӯз зимни нишасти матбуотӣ таъкид кард, ки таҳлили натиҷаҳои рушди иҷтимоию иқтисодӣ дар нимсолаи якум нишон дод, ки пандемияи коронавирус дар ҷаҳон ба соҳаҳои иқтисоди миллӣ низ бетаъсир намонд.

 “Дар шаш моҳи якуми соли 2020 хизматрасонии пулакӣ ба аҳолӣ нисбат ба ҳамин давраи соли гузашта 14 фоиз, дар ҳаҷми умумии тақрибан 2 миллиард сомонӣ коҳиш ёфт”, - афзуд Завқизода.

Вазири иқтисод зикр кард, ки дар ин давра хизматрасонии пулакӣ, аз ҷумла дар меҳмонхонаҳо 45,3 фоиз, тарабхонаҳо 17,3 фоиз, мусофиркашонӣ 8,7 фоиз, аз ҷумла бо нақлиёти ҳавоӣ 57,8 фоиз ва роҳи оҳан 21,4 фоиз, гардиши савдо 5,2 фоиз, маблағгузорӣ ба сармояи асосӣ 4,6 фоиз, аз ҳисоби манбаъҳои хориҷӣ 26 фоиз, воридот 4 фоиз ва боркашонӣ 3,3 фоиз, бахусус бо нақлиёти ҳавоӣ 38 фоиз коҳиш ёфтанд.

Завқӣ Завқизода, илова кард, ки нархи ҷаҳонии пахта ба санаи 27 июли соли равон нисбат ба аввали сол 197 доллар ва алюминий 104 доллар паст шуд, ки ин ба ҳаҷми содирот бетаъсир намемонад.

Инчунин вай қайд кард, ки дар давраи ҳисоботӣ ҳаҷми воридот аз давлатҳои ҳамшарики асосии тиҷоратӣ, ба монанди Чин 18,3 фоиз, Туркия 22,2 фоиз, Япония 43 фоиз, Украина 52,3 фоиз, Эрон 11,7 фоиз кам гардид, ки сохтори онро таҷҳизоти технологӣ, ашёи хом барои саноати коркард, мошинолот ва дигар маҳсулоти зарурӣ ташкил медиҳад.

“Ҳарчанд ки пайомадҳои иқтисодии пандемияи коронавирус ба соҳаҳои иқтисоди миллӣ эҳсос мешавад, вале бо мақсади кам кардани таъсири хавфҳои эҳтимолии COVID-19 силсилаи тадбирҳо роҳандозӣ гардида истодаанд”, - гуфт вазири иқтисод.

Ҳамзамон Завқӣ Завқизода, афзуд, ки оид ба пешгирӣ ва кам намудани таъсири хавфҳои эҳтимолии пандемияи коронавирус ба иқтисоди миллӣ аз 19 марти соли 2020 нақшаи чорабиниҳо тасдиқ гардида, мавриди амал қарор дорад.

52
Барчаспҳо:
маҷмуи маҳсулоти дохилӣ, рушд, миллӣ, иқтисод, вирус, Тоҷикистон
Министр экономразвития и торговли Завки Завкизода

Вазири иқтисод: паҳлӯҳои мусбату манфии узвият ба Иттиҳодияи иқтисодии АвруОсиё меомӯзем

358
Вазири рушди иқтисод ва савдои Тоҷикистон эълон дошт, ки ҷумҳурӣ барои пайваст шудан ба Иттиҳодияи иқтисодии АвруОсиё шитоб надорад ва ҳукумат ҳоло паҳлӯҳои мусбату манфии узвият ба иттиҳодияро мавиди омӯзиш қарор додааст

ДУШАНБЕ, 3 авг — Sputnik. Завқӣ Завқизода, вазири рушди иқтисод ва савдои Тоҷикистон зимни нишасти матбуотӣ қайд кардааст, ки мақомоти кишвар ҳоло суду зиёни дигар кишварҳоро, ки ба Иттиҳоди иқтисодии АвруОсиё пайвастанд мавриди омӯзиш қарор додааст.

 Вай афзул, ки танҳо пас аз омӯзиши дақиқу мӯшикофона ва таҳлил дар бораи узвияти кишвар ба ин Иттиҳод тасмим гирифта хоҳад шуд.

Завқӣ Завқизода афзуд, ки бо назардошти таҷрибаи кишварҳои ҳамсоя тамоми паҳлӯҳои мусбату манфии узвият ба ин иттиҳодия мавриди омӯзиш қарор дода шудааст.

Зубетс гуфт, Тоҷикистон аз ҳамроҳшавӣ ба Иттиҳоди иқтисодии АвруОсиё чи фоида мебинад

“Қарор дар бораи узвият ба Иттиҳоди иқтисодии АвруОсиё ҳоло қабул нашудааст ва маълум ҳам нест, ки он кай аз ҷониби ҳукумат қабул мешавад”, - зикр кард Завқизода.

Ёдрас мешавем, ки ахиран сардори Хадамоти гумруки ҷумҳурӣ Хуршед Каримзода зимни нишасти матбуотӣ дар ин робита изҳор намуд, ки  қабл аз узвият ба ин ё он созмону иттиҳод, ҳамаи паҳлӯҳои мусбату манфии оқибати онро омӯхтан лозим аст.

“Дар яке аз бандҳои шартномаи Иттиҳоди иқтисодии Авруосиё қайд карда шудааст, ки амалиёти воридоту содироти байни кишварҳои узви Иттиҳод аз пардохти боҷи содиротӣ озод карда мешавад, лекин мо медонем, ки қисмати зиёди буҷети кишвари мо аз ҳисоби маблағи боҷи содиротӣ пур мешавад ва аз даст додани ин сарчашма мувофиқи мақсад ба назар намерасад”, - қайд кард Хуршед Каримзода.

358
Барчаспҳо:
иқтисод, Ҳукумат, АвруОсиё, пайвастан, Вазири рушди иқтисод, Тоҷикистон
День 4 августа

Ҷашнҳои рӯзи 4 август дар Тоҷикистон ва ҷаҳон

0
(Таҷдидшуда 18:49 03.08.2020)
Рӯзи чоруми август дар ИМА – Рӯзи посбони соҳил, дар Украина –Рӯзи милитсияи миллӣ ва дар ҷазираҳои Кук – Рӯзи Конститутсия таҷлил мешавад

Рӯзи 4 август дар ҷаҳон чӣ рух дод

Соли 1777 дар Лондон нахустин Сирк дар ҷаҳон кушода шуд.

Соли 1870 дар Олмон аввалин мусобиқаи байналмилалии шоҳмот баргузор гардид.

Шахматы
© CC0 / Pixabay
Шахматы

Соли 1884 дар ИМА санги аввал барои бунёди пайкараи Озодӣ гузошта шуд.

© Sputnik / Алексей Филиппов
Города мира. Нью-Йорк

Соли 1942 дар Канада дар фурӯши чой ва қаҳва маҳдудият ҷорӣ карда шуд.

День 3 августа
© Sputnik / Стас Этвеш / Вишнякова Мария

Соли 1944 аввалин санҷиши ҳавопаймоҳои реактивии Англия — Gloster Meteor гузаронида шуд.

Соли 1963 Бонки рушди Африқо таъсис ёфтааст.

Соли 1976 дар Лондон аввалин мусобиқаи чирчирак миёни дастаҳои занона баргузор гардид.

Соли 1993 Парлумони Молдова оид ба ворид шудани ин кишвар ба Иттиҳоди Давлатҳои Мустақил ҳалнома қабул кард.

Рӯзи 4 август дар Тоҷикистон чӣ рух дод 

Соли 1997 Маҷлиси олии Тоҷикистон қарор "Дар бораи авфи иштирокчиёни даргириҳои сиёсӣ ва низомӣ"-ро қабул кард.

Соли 2009 миёни ҳукуматҳои Ҷумҳурии Тоҷикистон ва Фаронса Протокол оид ба сохтмони терминали нави Фурудгоҳи байналмилалии Душанбе бо маблағи 27 миллион евро ба имзо расид.

 Новый терминал душанбинского аэропорта. Архивное фото
© Sputnik
Новый терминал душанбинского аэропорта. Архивное фото

Соли 2009 дар Маҷмааи давлатии «Кохи Борбад» намоиши байналмилалии «Рушди энергетикаи Афғонистон» баргузор гардид.

Соли 2011 дар шаҳри Истаравшан дар Ҷамъияти саҳомии пўшидаи «Оби Зулол» бо иштироки Эмомалӣ Раҳмон коргоҳи нави коркарди меваю сабзавот мавриди баҳрабардорӣ қарор гирифт.

Соли 2016 Президенти Ҷумҳурии Тоҷикистон Эмомалӣ Раҳмон бо мақсади шиносоӣ бо ҷараёни иҷрои корҳои ободонӣ ба шаҳри Роғун сафари корӣ анҷом дода, ҳамчунин бо корҳои барқарорсозӣ дар Неругоҳи барқи обии «Роғун» шинос шуд.

Ҷашнҳои рӯзи 4 август

  • Дар ИМА – Рӯзи посбони соҳил.
  • Дар Украина –Рӯзи милитсияи миллӣ.
  • Дар ҷазираҳои Кук – Рӯзи Конститутсия.

Рӯзи 4 август дар Тоҷикистон кӣ ба дунё омадааст

Абдулазизова (Ҳаётова) Оиша (1921-2012) – актрисаи театр, Ҳунарпешаи шоистаи Тоҷикистон.

Бурҳониддин Баҳоваддинов (1953) – доктори илми тиб, профессор.

Андрей Волос (1955)- нависанда (зодаи Тоҷикистон).

Матлуба Ғаффорова (1954) – доктори илми тиб, профессор.

Мирзо Давлат (1953) – нависанда.

Ҷамшед Каримов (1940) –арбоби давлатӣ, доктори илми иқтисод, узви вобастаи АИ Тоҷикистон.

Ҳотам Солеҳбоев (1910-1987)- арбоби давлатӣ.

Табибӣ (Қосимов Абдулҳаким) (1935)- шоир.

Самеъҷон Уроқов (1947) – карнайнавоз, Ҳунарпешаи шоистаи Тоҷикистон.

Евгений Фала (1913 – 1988) – сарояндаи оркестр, Ҳунарпешаи шоистаи Тоҷикистон.

Рӯзи 4 август кӣ ба дунё омадааст

Барак Обама (1961)- 44-умин президенти ИМА.

Президент США Барак Обама
© Sputnik / Сергей Гунеев
Президент США Барак Обама
0
Барчаспҳо:
ҷашн, Ҷаҳон, Тоҷикистон
Мавзуъ
Ҷашнҳои рӯзи 24 июл дар Тоҷикистон ва ҷаҳон
Ҷашнҳои рӯзи 25 июл дар Тоҷикистон ва ҷаҳон
Ҷашнҳои рӯзи 28 июл дар Тоҷикистон ва ҷаҳон
Ҷашнҳои рӯзи 26 июл дар Тоҷикистон ва ҷаҳон
Ҷашнҳои рӯзи 29 июл дар Тоҷикистон ва ҷаҳон
Ҷашнҳои рӯзи 31 июл дар Тоҷикистон ва ҷаҳон
Ҷашнҳои рӯзи 1 август дар Тоҷикистон ва ҷаҳон
Ҷашнҳои рӯзи 2 август дар Тоҷикистон ва ҷаҳон
Ҷашнҳои рӯзи 3 август дар Тоҷикистон ва ҷаҳон