Халтаи орд. Акс аз бойгонӣ

Тоҷикистон аз ИА ба маблағи 180 миллион евро кӯмакҳо гирифтааст

8
(Таҷдидшуда 16:45 11.02.2016)
Тарҳҳое, ки аз сӯйи ЕСHO сармоягузорӣ мешаванд, барои коҳиши мизони хатарот аз офоти табиӣ ва ҷилавгирӣ аз онҳо дар Тоҷикистон, Туркманистон, Ӯзбакистон, Қирғизистон ва Қазоқистон равона шудаанд.

ДУШАНБЕ, 27 мар — Sputnik. Иттиҳодияи Аврупо аз соли 1992 ба кишварҳои Осиёи Марказӣ 220 миллион евро кӯмак кардааст, ки аз ин маблағ 180 миллион ба Тоҷикистон ихтисос шудааст, омадааст дар гузориши "Шарикони рушди соли 2014", ки дар сомонаи Кумитаи амволи ҶТ мунташир шудааст.

Мудирияти кулли Комиссияи аврупоӣ дар умури кӯмакҳои изтирорӣ ва мудофиъаи шаҳрвандӣ (ECHO) дар тӯли беш аз 20 сол ба кишварҳои Осиёи Марказӣ ба маблағи 220 миллион евро кӯмакҳои мухталиф кардааст. Ҳудуди 80% ин кӯмакҳо ба Тоҷикистон рабт доштааст.

Дар гузорише, ки дар сомонаи Комитети амволи давлатии ҶТ мунташир шудааст, зикр мешавад, ки аз соли 2003 таваҷҷӯҳи ECHO ба коҳиши мизони хатарот аз офоти табиъйӣ тибқи барномаи ироъаи кӯмакҳо дар ҳолати изтирорӣ (DIPECHO) муттамаркиз шудааст.

Аз соли 2003 ЕСНО беш аз 90 тарҳро тавассути ҳафт марҳилаи DIPECHO дар Осиёи Марказӣ бо ҳазинаи умумии ҳудуди 35 миллион евро сармоягузорӣ кардааст. Дар чорчӯби марҳилаи ниҳоии ҳафтум DIPECHO дар муддати солҳои 2012 ва 201, ЕСНО сармоягузории 11 тарҳеро анҷом додааст, ки аз сӯйи созмонҳои ғайридавлатӣ, байналмиллалӣ ва ниҳодҳои СММ иҷро мешаванд.

Ин тарҳҳо коҳиши мизони хатарот ва омодаӣ барои ҷилавгирӣ аз офоти табиъйӣ дар Тоҷикистон, Туркманистон, Ӯзбекистон, Қирғизистон ва Қазоқистонро ҳадаф доранд.

"Маблағи умуми сармоягузории марҳилаи ҳафтуми DIPECHO аз 5 миллион евро иборат аст, ки аз ин маблағ 2,5 миллион евро дар Тоҷикистон истифода шуда ва ин кишвар бузургтарин истифодакунандаи маболиғи DIPECHO дар минтақа маҳсуб меёбад", — омадааст дар гузориш.

Феълан марҳилаи ҳаштуми DIPECHO барои солҳои 2014-2015 роҳандозӣ шуда иҷрои тарҳҳо соли 2014 оғоз шудаанд. Ҳазинаи умумӣ барои кишварҳои Осиёи Марказӣ ва Қавқоз 8 миллион евро муқаррар шудааст.

Тибқи иттилоъи Ожонси омори Тоҷикистон, дар соли 2014 ба ин кишвар кӯмакҳои башардӯстона ба маблағи $57,8 миллион аз сӯйи 42 кишвари дуру наздик ироъа шудааст. Ба кишвар умдатан орд, равған ва маводди дигари ниёзи аввалия ворид шудаанд.

Аз миёни кишварҳои кӯмакрасон аз лиҳози маблағи кӯмакҳои башардӯстона аз ИМА —56,5%, Голландия — 9,4%, Чин — 5,8% ироъа шудаанд. Аз кишварҳои ИДМ: Русия — 7,8%, Қазоқистон — 1,5% ва дигарон кӯмак кардаанд.

8
Барчаспҳо:
180 миллион евро, мизони кӯмакҳои башардӯстона ба Тоҷикистон, DIPECHO, ECHO, ИА, Тоҷикистон
Мавзуъ
Амрико пешсафи ироъаи кӯмакҳои башардӯстона ба Тоҷикистон аст
Сомони и доллары, архивное фото

Дар 8 моҳи соли ҷорӣ ба буҷети кишвар ҳудуди 400 миллион сомонӣ камтар ворид шуд

48
(Таҷдидшуда 17:02 18.09.2020)
Вазорати молияи Тоҷикистон эълон доштааст, ки ҳаҷми умумии буҷети давлатии Тоҷикистон давоми 8 моҳи соли ҷорӣ 14 млрд. 352 миллион сомониро ташкил дод, ки 2,6% камтар аз нақшаи тасҳеҳшуда мебошад

ДУШАНБЕ, 18 сен — Sputnik. Тибқи иттилои манбаъ, дар ҳашт моҳи соли равон ба буҷети кишвар ҳудуди 400 миллион сомонӣ ё наздики 39 миллион доллар камтар маблағ ворид шудааст.

Камбудии буҷет ба коҳиши маблағи андоз аз даромад ва андоз аз фоида нисбат дода мешавад. Ҳиссаи андоз дар буҷети давлатӣ 68%-ро ташкил медиҳад.

Гуфта шудааст, ки маблағҳои пешбинишуда қариб ба ҳамаи бахшҳо ҷудо нагардиданд.

Аммо тибқи иттилои манбаъ, аз ҳама бештар маблағгузорӣ ба бахши ҳокимияти давлатӣ ва идоракунӣ, саноат ва сохтмон, фаъолияти дигари иқтисодӣ ва хизматрасониҳо кам шуд.

Дар ҳамин ҳол, ҳаҷми умумии нақшаи тасҳеҳшудаи даромади буҷет бо назардошти ҷалби маблағҳои грантӣ ба ҷойи 26,1 миллиард сомонии қаблан тибқи нақша пешбинигардида 23,6 миллиард сомонӣ муқаррар шуд.

Нақшаи тасҳеҳшудаи хароҷоти умумии буҷети давлатӣ дар ҳаҷми 26 млрд сомонӣ муқаррар шудааст, ки аз нақшаи аввалия 400 миллион сомонӣ камтар аст.

Дар назар буд, ки рӯйпӯш кардани касри буҷет аз ҳисоби ҷалби маблағҳои ниҳодҳои молиявии байнулмлалӣ амалӣ мешавад.

Мувофиқи нақшаи тасҳеҳшудаи Вазорати молия, касри буҷети давлатӣ дар соли равон 3,1 миллиард сомонӣ ё беш аз 300 миллион доллар ё худ 3,7% аз ҳаҷми ММД-ро ташкил хоҳад дод.

48
Барчаспҳо:
миллион, сомонӣ, Вазорати молия, пул, Тоҷикистон
Терминал оплаты банковскими картами и денежные купюры, архивное фото

Бонки марказии Русия аз интиқоли рекордии пул ба кишварҳои ИДМ хабар дод

438
(Таҷдидшуда 00:50 19.09.2020)
Бонки марказии Русия эълон кард, ки нисбат ба соли 2018 интиқоли рекордии пул ба хориҷ аз кишвар мушоҳида шудааст

ДУШАНБЕ, 18 сен — Sputnik. Бонки марказии Русия эълон кардааст, ки нисбат ба ду соли қабл интиқоли рекордии пул ба хориҷ аз кишвар ба қайд гирифта шудааст, иттилоъ додааст рӯзномаи “Ведемости”.

Таъкид шудааст, ки дар моҳи июли соли 2020 шаҳрвандони Русия ба хориҷ аз кишвар 837 миллион доллар интиқол додаанд. Дар ҳамин ҳол, қисми аксари маблағ аз ҷумла 686 миллион доллар ба кишварҳои ИДМ интиқол дода шудаанд.

152 миллион доллари боқимонда ба кишварҳои хоириҷи дур интиқол дода шудааст.

Ҳангоми таҳияи омор мутахассисони Бонки марказии Русия аз маълумотҳои ширкатҳои Western Union, "Золотая корона", "Юнистрим", Contact, Blizko (то моҳи апрели соли 2020), инчунин интиқол тариқи "Почта России"-ро истифода карданд.

Ёдарс мешавем, ки ҳаҷми интиқоли пул ба хориҷ аз кишвар дар моҳи март коҳиш ёфта буд ва дар моҳи апрели 2020 ба 302 миллион доллар расида буд.

Ба коҳиш ёфтани интиқоли пул пандемияи вируси корона, басташавии марзҳо дар тамоми ҷаҳон, ҷорӣ намудани қарантина ва қатъи фаъолияти баъзе аз корхонаҳо, таъсир расонд.

Ба ҳамин хотир аксари муҳоҷирони меҳнатӣ дар Русия бекор монданд.  

438
Барчаспҳо:
хориҷ, Бонки марказии Русия, рекорд, муҳоҷирон, интиқоли пул, Русия
Парламентские выборы в Таджикистане

Мастчоҳ ба интихоботи президентӣ омодааст: ифтитоҳи 35 участкаи интихоботӣ дар ноҳия

0
(Таҷдидшуда 19:39 18.09.2020)
Мақомоти ноҳияи Мастчоҳ ҷидди ба интихоботи президентӣ омодагӣ гирифтааст. Дар ноҳия 35 участкаи интихоботӣ таъсис дода шудааст

ДУШАНБЕ, 18 сен — Sputnik. Бино бар иттилои дафтари матбуоти мақомоти вилояти Суғд, дар ноҳияи Куҳистони Мастчоҳ ба баргузории интихоботи Президенти Тоҷикистон, ки санаи 11-уми октябри соли 2020 баргузор мегардад, омодагӣ гирифтааст.

Президент Таджикистана Эмомали Рахмон
© Официальная страница пресс-службы президента РТ в Facebook.

Бино ба иттилои​ Ҳотамбек Аҳмадзода, роҳбари дастгоҳи раиси ноҳияи Кӯҳистони Мастчоҳ​ омодагиҳо ба интихоботи президентӣ дар сатҳи зарурӣ ба роҳ монда шуда, маводи иттилоотӣ дастраси аҳолӣ ва шиору овезаҳо дар гӯшаву роҳравҳо ва ҷойҳои ҷамъиятӣ насб гардидаанд.

Гуфта шудааст, ки дар ноҳияи Куҳистони Мастчоҳ як ҳавза ва 35​ участкаи интихоботӣ таъсис дода шудааст.

Шумораи умумии интихобкунандагон дар ҳавзаи №39-и ноҳияи Кўҳистони Мастчоҳ 14987 нафар буда, аз инҳо 429 нафарашон бори аввал дар интихобот ширкат мекунанд.

Мутобиқи қарори муштараки Маҷлиси миллӣ ва Маҷлиси намояндагони Маҷлиси Олии Ҷумҳурии Тоҷикистон аз 6 августи соли 2020 интихобот дар Тоҷикистон 11 октябри соли ҷорӣ баргузор хоҳад шуд.

0
Барчаспҳо:
мақомот, таъсис, участкаҳо, Интихоботи президентӣ, интихобот, Тоҷикистон