Дӯхти либоси низомӣ. Акс аз бойгонӣ

Дар Тоҷикистон барои артишҳои СПАД либос ва пойафзол медӯзанд

24
(Таҷдидшуда 16:38 11.02.2016)
Яке аз бузургтарин корхонаҳои низомии Тоҷикистон метавонад ҷузъе аз ҳамкориҳо бо СПАД шуда барои таъмини ниёзи ин созмон қоғаз ва ҳамчунин матои вижа ва пойафзол тавлид кунад.

ДУШАНБЕ, 11 апр — Sputnik. Тоҷикистон метавонад яке аз кишварҳои тавлидкунандаи маҳсулот барои ниҳодҳои низомии Созмони Паймони Амнияти Дастиҷамъӣ гардад, омадааст дар баёнияи вазорати саноъат ва технологияҳои навини Тоҷикистон.

Мавзӯъи ҳамкорӣ дар тавлиди маҳсулоти низомӣ дар дидори раҳбари вазоратхона Шавкат Бобозода бо раиси Шӯрои корӣ дар назди комиссияи Байнидавлатии ҳамкориҳои низомиву иқтисодии СПАД Александр Ноздрачев ва мушовири бахши масоили амнияти низомии мудирияти СПАД Константин Никулшин матраҳ шудааст.

Иттилоъ дода мешавад, ки намояндагони СПАД барои ҳамкорӣ тавваҷӯҳ карда пешниҳод карданд, ки тавлидотро якҷо бо корхонаҳои Тоҷикистон роҳандозӣ кунанд.

"СПАД дар садад аст коркарди нахи пахтаи кӯтоҳтар аз 15 миллиметро роҳандозӣ кунад. Ин навъи нахи пахта барои тавлиди қоғаз дар корхонаи "Заря Востока" истифода хоҳад шуд", — зикр шудааст дар баёния.

Дар ҷараёни дидор пешниҳод шуд, ки либоси низомӣ, тавлиди матоъ барои ниёзи ниҳодҳои дифоъии кишварҳои узви СПАД дар корхонаи "Хуҷанд инвест коттон" роҳандозӣ шавад.

Тавлиди пойафзоли низомиро, зикр мешавад, метавонад ширкати русиягии "Фариде" якҷо бо ширкати тоҷикистонии "Пойафзоли чармӣ" анҷом бидиҳад ва бад ин манзур ҷониби русиягӣ омода аст таҷҳизоти ҷадид ва фанноварии навинро ироъа кунад.

Аз миёни корхонаҳои зикршуда дар гузашта дар тавлидоти низомӣ корхонаи "Заря Востока" истифода мешуд, ки соли 2014 ба номи тоҷикии "Нури Ховар" табдил карда шуд.

Ин корхона яке аз бузургтарин корханоҳое буд, ки барои саноъеи дифоъии Иттиҳоди Шӯравӣ хидмат карда маҳалли тавлиди аслиҳаҳои ҷадидтарин гашта буд. Ин корхона дар остонаи оғози ҷанги дуввуми ҷаҳонӣ дар шаҳраки Табошар бунёд шуда буд. Корхона барои тақвияти зарфияти дифоъии кишвари замоне муштарак саҳми арзанда гузошта ҳамзамон дар рушди арсаҳои муъосир ва энержӣ мусоъидат кардааст.
Феълан дар ин корхона маводди ниёзи мардум, назири таҷҳизоти барқӣ, калӯш, маҳсулоти дӯзандагӣ ва ғайра тавлид мекунанд.

24
Барчаспҳо:
роҳандозии тавлидоти либос ва пойафзоли низомӣ, вазорати саноат ва технология навин, СПАД, Константин Никулшин, Александр Ноздрачев, Шавкат Бобозода, Табошар, Тоҷикистон
Мавзуъ
Антонов: бо кӯмак ба Тоҷикистон мо кишварҳои СПАД-ро ҳимоят мекунем
Шӯрои низомии СПАД хатароти террористӣ ба минтақаро баррасӣ кард
Кумитаи низомии СПАД дар Душанбе таҳдидҳои амниятиро баррасӣ мекунад
Ниятбеков: СПАД манофеъи аъзоёнашро ҳимоя мекунад
Нишасти Шӯрои вазирони корҳои хориҷии СПАД ба анҷом расид

СҶБ ҳаҷми хисороти коронавирус ба иқтисоди ҷаҳонро эълон кард

186
(Таҷдидшуда 14:34 15.08.2020)
Раҳбари Созмони ҷаҳонии беҳдошт ҳаҷми умумии хисороти коронавирус ба иқтисодиёти ҷаҳонро эълон намуда, изҳор дошт, ки боз 100 миллиард доллари дигар масраф мешавад

ДУШАНБЕ, 15 авг — Sputnik. Ба гузориши СҶБ зарари умумии коронавирус ба иқтисодиёти ҷаҳон дар ду сол аз 12 триллион доллар зиёдтар хоҳад шуд.

Роҳбари Созмони ҷаҳонии беҳдошт Тедрос Аданом рӯзи панҷшанбе дар ҷараёни брифинге дар Женева ба масоили истеҳсоли ваксина алайҳи коронавирус таъкид карда гуфт, ки  барои коркард ва истеҳсоли ваксинаи муассири зидди коронавирус, ҷаҳон бояд на камтар аз 100 миллиард доллар харҷ кунад.

Эълони омори тозаи сироят, фавт ва шифоёбӣ аз коронавирус дар Тоҷикистон

Ба гуфтаи ӯ, пандемия ба иқтисоди ҷаҳонӣ дар як моҳ 375 миллиард доллар зарар мерасонад.

Тедрос Аданом Гебрейесус гуфтааст, "ҷаҳон аллакай триллионҳо долларро барои мубориза бо оқибатҳои кӯтоҳмуддати пандемия сарф кардааст".

"Ҳоло ҳама савол медиҳанд, ки чӣ тавр мо ба зиндагии муқаррарӣ баргардем? Ман боварӣ дорам, ки набояд дар бораи он бигӯем, ки чӣ тавр ба қафо бозгардем, балки дар бораи он бигӯем, ки чӣ гуна ба пеш хоҳем рафт. Ва барои ба пеш ҳаракат кардан мо бояд якҷоя кор кунем", - афзудаст роҳбари СҶБ.

Мувофиқи гуфтаҳои роҳбари СҶБ, ҷаҳон бояд якчанд намуд ваксинаҳои мухталиф эҷод кунад, то имкони таҳияи доруи муносибро зиёд намоянд. Вақте як ваксинаи муассир ва универсалӣ таҳия мешавад, таъкид кард ӯ, талабот ба он аз пешниҳод дида, ба маротиб зиёд хоҳад буд.

 

186
Барчаспҳо:
иқтисод, хисорот, ҳаҷм, СҶБ
Мавзуҳо:
Пайомадҳои COVID-19 дар Тоҷикистон ва ҷаҳон
Туристы идут в поход

БОР барои дастгирии соҳаи сайёҳии Тоҷикистон 10 миллион доллар кӯмаки бебозгашт мекунад

126
(Таҷдидшуда 12:36 14.08.2020)
Бонки Осиёгии Рушд ба Тоҷикистон барои татбиқи лоиҳаи рушди сайёҳӣ дар ҷумҳурӣ 10 миллион доллар ройгон медиҳад

ДУШАНБЕ, 14 авг — Sputnik.  Бино ба иттилои намояндагии доимии ин ташкилот дар Душанбе саозишномаи амалисозии лоиҳаи мазкур аз ҷониби Кумитаи рушди сайёҳии Тоҷикистон, Созмони ҷаҳонии сайёҳии Созмони милал ва ду ташкилоти ҷамъиятии маҳаллӣ: Фонди коҳиши камбизоатӣ ва Маркази таҳлилии “Наво” ба имзо расид.

Гуфта мешавад, Созмони ҷаҳонии сайёҳии Созмони милал (ЮНВТО) ва ду ташкилоти ҷамъиятӣ ба Кумитаи рушди сайёҳӣ дар таҳияи аввалин ҳисоби ёридиҳандаи сайёҳӣ дар Тоҷикистон, ташаккули соҳаи сайёҳии кишвар ва нақшаи рушди устувори туризм кӯмак хоҳанд кард.

Интизор меравад, қарордод давоми як сол иҷро гардад.

 Ба иттилои манбаъ, баъди барқарор шудани фаъолияти сайёҳӣ дар кишвар барои ҷамъоварии маълумот дар бораи демография, интизориҳо, фаъолият, манбаъҳои иттилоот, сатҳи қаноатбахшӣ, сохтори хароҷот ва муносибати сайёҳони хориҷӣ ва дохилӣ ба ин соҳа таҳқиқот гузаронида мешавад.

Маълумоти гирдоварда ба мустаҳкам намудани омори соҳаи туризм ва беҳтар муайян намудани саҳми сайёҳӣ ба иқтисодиёти Тоҷикистон мусоидат мекунанд.

“Нақшаи пешниҳодшаванда рушди устувори сайёҳӣ банақшагирӣ, маркетинг ва татбиқи туризмро такмил хоҳад дод, то Тоҷикистонро ҳамчун як макони умедбахши сайёҳӣ муаррифӣ кунанд”.

БОР моҳи октябри соли 2019 лоиҳаи Рушди сайёҳиро барои кӯмак ба рушди соҳаи туризм дар асоси стандартҳои байналмилалӣ тасдиқ намуда буд.

Таъкид мешавад,  ин нахустин лоиҳаи БОР дар самти сайёҳии Тоҷикистон мебошад.

126
Барчаспҳо:
рушди соҳаи сайёҳӣ, кумак, БОР, Тоҷикистон
Первая в мире вакцина от коронавируса

Ваксинаи коронавируси Русия: "олӣ, мисли ҳамагуна олиҳо"

0
Дар роҳи наҷот аз коронавирус - роҳи дигар ҳам ҳаст: одамонро аз олудашавӣ аз он наҷот додан. Ин роҳи беҳтарин аст -ҳам худи одам бемор нест, ҳам атрофиёнашро олуда намекунад.

Мо, пизишкон, дар табобати беморони коронавирус бо истифодаи "антитела", "стероидҳо" ва маводҳои зиддивирусӣ муваффақ шудем. Дар натиҷа марг аз коронавирус камтар шуд, аммо дар ҳолатҳои вазнин мо маҷбурем, ки беморонро ба дастгоҳи нафасдиҳии сунъӣ пайваст кунем. Аз даҳ бемор шаш-ҳашт нафарашон аз инфексияи дохилибемористонӣ мемиранд. Ин гуна беморонро антибиотикҳои нав метавонистанд наҷот диҳанд, аммо барои коркарди онҳо солҳо лозим аст.

Роҳи дигар ҳам ҳаст: одамонро аз олудашавӣ ба коронавирус наҷот додан. Ин роҳи беҳтарин аст -ҳам худи одам бемор нест, ҳам атрофиёнашро олуда намекунад. Зеро то кадом андоза ба ин беморӣ нафарони устувор бештар шаванд, ҳамон андоза қабати иммунии ҷамъият ғафстар мешавад, ба эпидемия хотима меёбад.

Феълан, нафароне нисбати ин беморӣ устувор дониста мешаванд, ки ин бемориро аз сар гузаронанд. Аммо як роҳи бехатари дигар ҳам ҳаст - сироятнопазир кардан. Дар ҳоле, ки ваксинаи бехатар ва самаранок, ки мутахассисони маркази илмии ба номи Гамалеи сохтаанд, омода аст. Ин пажӯҳишгоҳ дар ҷомеаи микробиологӣ мисли бренди "Мерседес" дар мошинсозӣ аст.

Русия ба озмоиши ваксин алайҳи коронавирус оғоз кард

Ман чанд сол аст, ки академикҳо Гинсбург ва Логуновро мешиносам. Бо онҳо ва кормандонашон мо роҳҳои нави мубориза бо бактерияҳои устуворро меомӯзем. Афзун бар ин, олимони пажӯҳишгоҳ аллакай зидди эбола ва MERS ваксин сохтаанд.

Ва на танҳо сохтанд, роҳи сохтани бехатар ва самаранок - векториро кашф намуданд. Ба аденовируси барои инсон беозор, мисли ба машаки ҳомил, истгоҳи мадорӣ - бурдаи коронавирусро мечаспонанд. Ва ба бадани инсон сар медиҳанд. Пас аз ин ҳам  ба мушаки ҳомил ва ҳам ба истгоҳи мадорӣ иммунитет ҳосил мешавад. Барои ин дастовардро мустаҳкамтар кардан, пас аз се ҳафта, ҳамин гуна "истгоҳи мадорӣ"-ро дар дигар "мушаки ҳомил", дигар аденовирус сар медиҳанд. Ва боз иммунитет ҳосил мешавад. Дар натиҷа ба ҳарду аденовирус иммунитети заифтар ҳосил мешавад (зеро он ба организм лозим нест), ба коронавирус бошад - иммунаи пойдор ва устувор.

Олӣ, мисли ҳамагуна олиҳо. Зеро касе мисли мо то ин дараҷа нозукиҳои ваксинасозиро фикр накарданд. Дар ҷаҳон боз чанд ваксинаҳои векторӣ сохта мешаванд, аммо мисли ваксинаи коронавирус ду "мушаки ҳомил" надоранд.

Ваксин аллакай дар бадани довталабон озмоиш шудааст. Бояд қайд кард, ки довталабони нахустин ҳамон кормандони пажӯҳишгоҳи ба номи Гамалеи буданд. Онҳо мисли созандагони пуле буданд, ки то қатораи аввал гузаштан, зери пул худашон истоданд. Пас аз онҳо ваксина дар бадани низомиён озоиш шуд! Ягон ҳолати зарари ваксин ба қайд гирифта нашудааст, ҳама иммунитети қавӣ доранд.

Ҷои тааҷҷуб нест, ки дар рафти сохтани ваксин мавҷи танқидҳо боло шуданд. Аз овозаҳои дурӯғи технологияҳои дуздидашуда сар карда, то бад шудани аҳволи довталабони озмоиши ваксин. Охиронашон  мудҳиш садо медиҳад: тақвияти вобастаи антителӣ (ADE). Ин барои ғайримутахассисон мудҳиш аст. Вирусологҳо медонанд, ки осори ADE танҳо барои лихорадкаи Денге шарҳ дода шудааст, ҳамон ҳам ба ваксингузаронӣ вобаста нест. Дар дигар ҳолатҳо осори ваксинаро танҳо дар пробирка мебинанд. Бояд қайд кард, ки на дар ҳолати инфексияи коронавирус.

Путин аз сабтиноми нахустин ваксинаи зидди коронавирус дар Русия эълон кард

 Аз ин ҷо як савол бармеояд. Ин ширкатҳоро дар расонаҳо кӣ маблағгузорӣ мекунад? Он коршиносони мастақил аз кӣ вобастаанд. Ҷавобаш рӯшан аст: истеҳсолкунандагони дигар ваксинҳо ки феълан аз олимони Русия ақиб мондаанд. Баъзан аз истеҳсолкунандагонии доруҳои зиддивирусӣ, ки камсамаранд.

 Ба мо пизишкон ҳамаи ин шармовар аст. Мо интизорем, ки кай коронавирус маҳв мешавад ва мо бо дигар бемориҳои эпидемикӣ, ки то ҳол дастамон намерасид, машғул мешавем.

0