Тоҷикистон дар семоҳаи аввал воридотро 16% коҳиш дод

© Flickr \ Ken TeegardinРушди иқтисодӣ
Рушди иқтисодӣ - Sputnik Тоҷикистон
Обуна шудан
Тиҷорати хориҷии Тоҷикистон замони коҳишро паси сар мекунад, миқдори маҳсулоти воридотӣ коҳиш ёфта, содирот андаке бештар шудааст, вале ҳамчунон аз воридот ба таври қобили мулоҳиза камтар мебошад.

ДУШАНБЕ, 17 апр — Sputnik. Тиҷорати хориҷии Тоҷикистон дар семоҳаи аввали соли 2015 дар ҳаҷми $966,2 миллион шуда ба 11,8% умдатан аз ҳисоби коҳиши воридот коҳиш ёфтааст, хабар медиҳад Ожонси омори Тоҷикистон.

Содироти колоҳо $214,5 миллион шудааст, ки нисбати ҳамин давраи соли гузашта 12,7% камтар мебошад. Воридот $751,7 миллион шудааст, ки нисбати семоҳаи аввали соли 2014 ба 16,9% коҳиш ёфтааст.

Содирот аз ҳисоби тиҷорати сангҳои қимматбаҳо ва фузулот 4,8 маротиба афзоиш ёфта, мошинолот ва таҷҳизот — 2,3 маротиба бештар шудааст. Ҳамзамон содироти фузулоти ғайринодир ва колоҳо аз онҳо ба 29,7%, маводи минералӣ ба 19,1% ва маҳсулоти растанаӣ 22,4% камтар шудааст.

Воридоти сангҳои қимматнок ва камарзиш ва фузулот 37,8 маротиба ё ба $38,1 миллион, мошинҳо ва таҷҳизот ба 20,5% ё ба $12,5 миллион бештар шудааст.

Коҳиши воридот аз ҳисоби маводди минералӣ ба 26,1%, васоили нақлия ба 50,8%, маводи кимиёӣ ба 39,4%, маҳсулоти рустанӣ ба 15,1%, тахта ва маҳсулот аз он ба 19,6%, маводди чорводорӣ ба 24,5%, матоъ ва маҳсулот аз он ба 41,6%, ғизои омодашуда ба 7,6% коҳиш ёфтааст.

Тоҷикистон бо 72 кишвари ҷаҳон, аз ҷумла 10 кишвари ИДМ ва 62 кишвари хориҷии дур равобити тиҷоратӣ доштааст.

Аз ҳаҷми умумии тиҷорати хориҷии Тоҷикистон ба кишварҳои ИДМ 49,2% ва ё $475,1 миллион ва кишварҳои хориҷии дур 50,8% ё ба $491,1 миллион додугирифт шудааст.

Дар маҷмӯъ дар тиҷорати хориҷӣ дар моҳи январ марти соли 2015 дар муқоъиса бо ҳамин давраи соли гузашта тиҷорат бо кишварҳои ИДМ 13,7% ва бо кишварҳои хориҷии ду ба 9,8% коҳиш ёфтааст.

Мизони тиҷорати хориҷӣ дар моҳи марти соли 20015 дар муқоъиса бо ҳамин давраи соли гузашта 3,6% ё ба 13,2 миллион доллар коҳиш ёфтааст.

Шарикони аслии Тоҷикистон дар бахши содирот Швейтсария мебошад, ки 30,1% ҳаҷми умумии маҳсулот ба ин кишвар содир шудааст, Туркия — 25,3%, Қазоқистон — 16,1%, Ӯзбекистан — 9,4%, Эран — 7,2%, Русия — 7,1%, Афғонистон — 3,3%, Покистон — 3,2%, Италия ва Чин — 1,8%-и ва ғайра.

Воридот умдатан аз Русия — 33,4% ҳаҷми умумӣ, Қазоқистон — 16,7%, Чин — 11,0%, Швейтсария — 5,3%, Эрон — 5,1%, Туркия — 4,0%, Туркманистон — 3,3%, Литва — 3,2% Афғонистон — 2,6%, ИМА — 1,9%, Олмон — 1,7%, Ямайка — 1,4%, Покистон — 1,2%, Ҷумҳурии Куриё — 1,0%, Белорус ва Қирғизистон — 0,8%-ӣ ва ғайра.

Фарқияти бештари содирот бар воридот дар тиҷорат бо Швейтсария ($24,6 миллион) ва Туркия ($24 миллион) мушоҳида шудааст.

Лентаи хабарҳо
0