Орд. Акс аз бойгонӣ

Тоҷикистон воридоти гандум ва ордро коҳиш медиҳад

26
(Таҷдидшуда 16:41 11.02.2016)
Коҳиши мизони воридоти орд ва гандум, ки дар феҳрасти молҳои аввалияи ниёзи мардум қарор доранд, ба афзоиши арзиши онҳо дар кишвар, қабл аз ҳама дар шимоли ҷумҳурӣ мунҷар шуд.

ДУШАНБЕ, 22 апр — Sputnik. Воридоти гандум ва орд коҳиш меёбанд ва арзиши ин маҳсулот дубора баланд мешаванд, хабар медиҳад гузориши "Бозрасӣ ва огаҳсозии сареъ дар Тоҷикистон" барои моҳи апрели соли 2015, ки аз сӯйи вазорати рушди иқтисод ва тиҷорати ҶТ таҳия шудааст.

Гандум ва орд дар феҳрасти маҳсулотҳои воридотии ғизоӣ ҷойгоҳи вижа доранд.

Тибқи иттилоъи вазорати рушди иқтисод ва тиҷорати Тоҷикистон дар моҳҳои январ ва феврали соли ҷорӣ ба ҷумҳурӣ 108,8 ҳазор тонна гандум бо арзиши муттавасити $290 барои як тонна ва 21,9 ҳазор тонна орд бо нархи муттавасити $409 барои як тонна ворид шудааст. Дар муқоъиса бо ҳамин давраи соли гузашта воридоти гандум 10,6% ва орд 40,5% коҳиш ёфтааст.

Хабар дода мешавад, ки дар моҳи март дар муқоъиса бо моҳи феврал болоравии арзиши орд дар бозорҳои кишвар мушоҳида мешавад. Дар оғози моҳи апрел дар бозорҳои Душанбе нархи як халтаи орди навъи якуми истеҳсоли маҳаллӣ (50 кг) 160 сомонӣ буд (дар моҳи феврал 155,50) ва орди навъи якуми истеҳсоли Қазоқистон 167 сомонӣ шуд (дар моҳи феврал 163,50).

Нархҳои содиротии орд дар Қазоқистон, бузургтарин содиркунандаи минтақавии гандум, дар давраи аз моҳи ноябри соли 2014 то моҳи феврали соли 2015 собит буданд, вале дар муқоиса бо омори соли 2013 ва панҷсолаи муттавасит 20% бештар буданд.

"Вазорати кишоварзии Қазоқистон захойири миллии гандумро ҳудуди 7 миллион тонна арзёбӣ карданд. То ҳол ин захойир барои қонеъ сохтани ниёзи минтақа кофӣ буданд, ҳарчанд бо арзиши андаки бештар", — зикр шудааст дар бозрасӣ.

Дар Тоҷикистон арзиши орд дар тӯли нимсолаи дуввуми соли гузашта ба далели ҳосили андаки гандуми маҳаллӣ, ки пойинтар аз мизони ҳосили солҳои гузашта буд, батадриҷ боло мерафтанд.

Муаллифони гузориш тавзеъ медиҳанд, ки асароти пойин рафтани қурби пули сомонӣ (12% аз моҳи феврали соли 2014) ба болоравии арзиши ғизо ва маводди сӯхти хориҷӣ таъсир расонидааст.

Арзиши гандум аз омори соли 2014 ва нархи муттавасити панҷсолаи ахир дар кишвар ба таври қобили мулоҳиза бештар аст. Ҷаҳиши сареъ дар вилояти Суғд мушоҳида мешавад. Дар он ҷо қиммати орд дар муқоиса бо соли гузашта 26% баландтар аст ва нисбати панҷсолаи ахир 33% бештар шудааст.

Кишти тирамоҳии гандум коҳиш ёфта ва ба аввали моҳи апрел дар 187 ҳазору 426 гектар анҷом шудааст, ки аз нақша 9% бештар аст, вале дар муқоъиса бо соли гузашта 11 ҳазор гектар камтар мебошад.

Кишти баҳории гандум дар масоҳати 106 ҳазору 280 гектар пешбинӣ шудааст ва то авоили моҳи апрел танҳо дар 69 ҳазору 62 гектар кишт анҷом шудаааст, ки нисбати ҳамин давраи соли гузашта 19 ҳазор гектар бештар мебошад.

26
Барчаспҳо:
пойинравии воридоти гандум ва орд, вазорати рушди иқтисод ва тиҷорати ҶТ, Тоҷикистон

Криптоасъордорони тоҷик ба давлат 4 миллион сомонӣ зарар расондаанд видеои ВУД

300
(Таҷдидшуда 20:45 22.01.2021)
Вазорати умури дохилии Тоҷикистон мегӯяд, як гуруҳи шаҳрвандони кишвар, ки бо криптоасъор сарукор доранд, аз ҳисоби дуздии барқ ва пинҳонкорӣ аз андоз ба давлат ҳудуди 4 миллион сомонӣ зарар расондаанд

ДУШАНБЕ, 22 янв — Sputnik. Ба иттилои ВУД, Бақоев Аслиддин, сокини шаҳри Душанбе аз моҳи феврали 2019 то лаҳзаи ошкор шудани фаъолияташ 505 адад таҷҳизоти электронии криптоасъорро ба хатти барқи анборхонаҳо дар ноҳияи Рӯдакӣ ғайриқонунӣ пайваст намудааст.

Манбаъ ҳаҷми нерӯи барқи дуздидашуда барои ин дастгоҳҳоро 2 миллиону 592 ҳазор киловат гуфта, ҳаҷми зарари расондаро 1 миллиону 710 ҳазор сомонӣ арзёбӣ кардааст.

Инчунин таъкид шудааст, ки Бақоев ба андозаи 290 ҳазор сомонӣ ба пинҳонкории пули андоз даст задааст.

Дар гузориши ВУД инчунин аз Мирзосаидов Давлаталӣ, сокини ноҳияи Кӯшониён бо 340 адад дастгоҳи криптоасъор,  Раҳимов Суннатулло бо 200 адад таҷҳизоти криптоасъор ва Камилов Муслим бо 155 таҷҳизоти криптоасъор гуфта мешавад.

Бар асоси гузориши манбаъ, ин афрод ба давлат аз ҳисоби дуздии барқу пинҳонкунии андоз наздики 4 миллион сомонӣ зарар расонда, барои худ миллионҳо сомониро кор кардаанд.

Вазорати умури дохилии Тоҷикистон таъкид намудааст, ки алайҳи дастандаркорон парвандаи ҷиноятӣ оғоз гардидааст.

Назари бевоситаи худи муттаҳамон ва ҷониби ҳимояашон дар бораи ин қазия маълум нест.

300
Барчаспҳо:
ВУД, ҷиноят, парванда, Тоҷикистон
Швейцарский флаг на горе Саентис в Шваегалпе, Швейцария, архивное фото

Тоҷикистон аз ҳама зиёд ба Швейтсария мол содир кардааст

256
(Таҷдидшуда 18:22 22.01.2021)
Шарикони асосии Тоҷикистон дар бахши содирот дар соли 2020 Швейтсария, Қазоқистон, Афғонистон ва Ӯзбекистон будаанд

ДУШАНБЕ, 22 янв — Sputnik. Вазорати рушди иқтисод ва савдои Тоҷикистон аз кишварҳое, ки ҷумҳурӣ аз ҳама зиёд ба онҳо мол содир кардааст, ном бурд.

Тибқи иттилои хабаргузории “Авесто”, шарикони асосии содиротии Тоҷикистон давлатҳои Швейтсария, Туркия, Қазоқистон, Афғонистон ва Ӯзбекистон шудаанд.

Дар маҷмӯъ тайи соли гузашта дар Тоҷикистон ҳаҷми содирот 1 миллиарду 406 миллион доллар ва воридот 3 миллиарду 150,9 миллион долларро ташкил додааст.

Дар зимн қариб ними содирот аз Тоҷикистон ба Швейтсария рост меояд, ки ҳудуди 49 дарсад аз ҳаҷми умумии содиротро ташкил додааст.

Таъкид шудааст, ки аз январ то декабри соли 2020 маблағи содирот аз Тоҷикистон ба Швейтсария 688,7 миллион долларро ташкил додааст. Воридот аз ин кишвар муодили 6,7 миллион долллар будааст.

Содирот ба Туркия ҳудуди 14,4 дарсади ҳаҷми умумиро ташкил дода, ҳаҷми умумии гардиши савдо 322,6 миллион долларро ташкил додааст. Аз ин ба содирот 203 миллион доллар ва ба воридот 119,6 миллион доллар рост меояд.

Истеҳсоли пиёз дар Тоҷикистон якчанд маротиба зиёд шуду картошка бетағйир

Ба феҳрасти молҳои асосии содиротии Тоҷикистон, алюминийи аввалия, пахта, меваҳои хушк ва металҳои қиматбаҳо шомил шудаанд.

Дар бахши воридот Тоҷикистон моли бештарро аз Русия гирифтааст, ки 29,6 дарсади ҳаҷми умумиро ташкил медиҳад. Аз Қазоқистон – 24 фоиз, аз Чин – 13,9 фоизи молҳо ворид шудаанд.

256
Барчаспҳо:
буҷа, даромад, ҳаҷми содирот, Швейтсария, молӣ, Тоҷикистон
Люди на улице в городе Душанбе

Шаҳрдорӣ шумори аҳолӣ дар шаҳри Душанберо гуфт

0
(Таҷдидшуда 02:15 23.01.2021)
Тибқи ииттилои мақомоти шаҳри Душанбе то 1-уми апрели соли гузашта шумори аҳолии шаҳри Душанбе наздик ба 887 ҳазор нафар расидааст

ДУШАНБЕ, 23 янв — Sputnik. Бино бар иттилои расмӣ, ки дар сомонаи шаҳрдории Душанбе нашр шудааст, ба ҳолати 1-уми апрели соли 2020 шумораи аҳолии доимии шаҳри Душанбе аз рӯи маълумотҳои пешакӣ ба 866 ҳазор 994 нафар расида, нисбат ба ҳамин давраи соли гузашта 1,9 фоиз зиёд гардидааст.

Иттилоъ дода шудааст, ки тибқи маълумотҳои мақомоти сабти асноди ҳолати шаҳрвандӣ ба ҳолати 1-уми апрели соли 2020 дар шаҳри Душанбе 4098 нафар таваллуд шуда,  678 нафар фавтидаанд.

Гуфта шудааст, ки афзоиши табии аҳолӣ 3420 нафарро ташкил медиҳад.

Ёдрас мешавем, ки тибқи иттилои Бонки Ҷаҳонӣ аҳолии Тоҷикистон дар соли 2020 ба 9,5 миллион нафар хоҳад расид.

Қаблан Бонки Ҷаҳонӣ ба мақомоти Душанбе ҳушдор дода буд, ки мақомот бояд дар фикри танзими рушди ҷамъият бошанд

Тибқи иттилои манбаъ, аҳолии Тоҷикистон дар манотиқи дар вилояти Хатлон 3 миллиону 300 ҳазор нафар, дар вилояти Суғд 2 миллиону 600 ҳазор нафар, дар навоҳии марказӣ 2 миллиону 100 ҳазор нафар, дар вилояти кӯҳистони Бадахшон 228 ҳазору 500 нафар ва дар шаҳри Душанбе 855 ҳазор нафар сукунат доранд.

Ба гуфтаи коршиносони байналмилалӣ дар соли 2023 теъдоди ҷамъияти Тоҷикистон ба 10 миллион нафар хоҳад расид.

0
Барчаспҳо:
мақомот, афзоиши аҳолӣ, аҳолӣ, шумор, Душанбе, Тоҷикистон