Умури иктишофӣ дар кони Намадгут дар ВМКБ. Акс аз маркази матбӯъотии Геологияи Тоҷикистон.

Дар Помир умури иктишофии фузулоти нодир оғоз шуд

130
(Таҷдидшуда 16:34 11.02.2016)
Дар Помир умури иктишофии ҷоҳҳо барои пайдо кардани фузулоти навъҳои нодир, ки дар табиъат аҳёнан зуҳур мекунанду дар мавзеъоти дарснорас қарор доранд, оғоз карданд.

ДУШАНБЕ, 13 май — Sputnik. Дар кони фузулоти нодири Намадгут дар ноҳияи Ишкошими вилояти Бадахшон умури иктишофӣ оғоз шудаанд, хабар медиҳад сомонаи Сарраёсати геологияи Тоҷикистон.

Бо фаъолияти ин кон ва асноди тарҳӣ раҳбарони "Геологияи Тоҷикистон" ва раиси вилояти мухтори Бадахшони Кӯҳӣ Шодихон Ҷамшед ошно шудаанд.

"Ба фузулоти нодир гурӯҳи элементҳое шомил ҳастанд, ки теъдодашон беш аз 60 номгӯй мебошад. Инҳо лити й, бериллий, ванадий, титан, германий ва фузулоти дигар мебошанд. Аз онҳо дар саноъат кам истифода мешавад ва ё дар табиъат аҳёнан дида мешаванд ва истихроҷи онҳо душвор аст", — тавзеъ медиҳанд геологҳо.

Кадом навъи фузулот дар мавзеъи Намадгут дида мешаванд дар "Раёсати геология" тавзеъ намедиҳанд, вале зикр мекунанд, ки ин амр баъд аз анҷоми пажӯҳиши ин кон рӯшан хоҳад шуд.

Дар Тоҷикистон аллакай таҷрибаи кор дар ин соҳа вуҷуд дорад. Дар шимоли Тоҷикистон, дар вилояти Суғд корхонаи фузулоти нодири "Востокредмет" фаъолият дорад, ки ба истихроҷ ва коркарди фузулоте назири титан, молибден, ванадий, марганетс ва анвои дигари фузулоти нодир машғул мебошад.

130
Барчаспҳо:
умури иктишофӣ дар кони Намадгут, Раёсати геологияи Тоҷикистон, Шодихон Ҷамшед, ноҳияи Ишкошим, Бадахшон, Тоҷикистон
Оби зулол расширяет производство

"Оби Зулол" хатҳои нави истеҳсолӣ фаъол мекунад

228
(Таҷдидшуда 17:12 03.06.2020)
Ҳангоми пурра ба кор андохтани хатҳои нави истеҳсолӣ, ки дар маҷмӯъ ба маблағи 2,5 миллион евро харидорӣ шудаанд, имкон пайдо мешавад, ки ба маблағи 120 миллион сомонӣ маҳсулоти иловагӣ истеҳсол ва беш аз 50 ҷойи корӣ таъсис дода шавад

ДУШАНБЕ, 3 июн - Sputnik. Масъулини Ҷамъияти саҳомии пӯшидаи "Оби Зулол" бо воридсозии хатҳои нави технологӣ тасмим доранд истеҳсоли маҳсулоти ғизои бачагона ва афшураҳоро ба роҳ монанд, хабар медиҳад мақомоти ичроияи ҳокимияти давлатии вилояти Суғд.

Гуфта мешавад, ки зимни боздиди раиси вилояти Суғд Раҷаббой Аҳмадзода аз корхонаи мазкур иттилоъ дода шуд, ки ҶСП "Оби зулол" бо мақсади саҳмгузорӣ дар раванди саноатикунонии мамлакат аввалин шуда, истеҳсоли маҳсулоти хӯроквории ғизои кӯдаконро дар зарфҳои "Дой-пак" ба роҳ хоҳад монд.

Бо ин мақсад корхона аз ширкати "Navatta Group"-и Италия хатти технологии "GUALAPACK"-ро ба маблағи қариб 700 ҳазор евро харидааст. Айни замон насби хатти технологӣ идома дошта, тавассути таҷҳизоти нав дар зарфҳои "Дой-пак" аз меваҳои себ, шафтолу, нок, қулфинай маҳсулот истеҳсол карда мешавад.

Дар назар аст, ки барои кӯдакон, наврасони синни томактабӣ ва ҷавонон омехтаи меваҳои пухтасоидашуда ё смузи аз гулчини меваҳо, олу, себ, шафтолу, биҳӣ, нок ва барои гурӯҳи васеи истеъмолкунандагон нок, олу, анор, олуча бо мағзи ин меваҳо истеҳсол карда шавад.

Ашёи хоми асосӣ барои маҳсулоти истеҳсолшаванда хамираи меваҳои ватанӣ маҳсуб ёфта, корхона бо хоҷагиҳо барои харидории 20 ҳазор тонна мева шартнома бастааст.

Ҳангоми пурра ба кор андохтани хатҳои нави истеҳсолӣ, ки дар маҷмӯъ ба маблағи 2,5 миллион евро харидорӣ шудаанд, имкон пайдо мешавад, ки ба маблағи 120 миллион сомонӣ маҳсулоти иловагӣ истеҳсол ва беш аз 50 ҷойи корӣ таъсис дода шавад.

Маҳсулоти истеҳсолшаванда тибқи нақша ба бозорҳои дохилӣ бароварда шуда, ҳамзамон ба Русия ва Қазоқистон содирот карда мешавад.

Пас аз шоӣ бо ҷараёни насби таҷҳизот Раиси вилоят барои пурра ба анҷом расонидани корҳо ба роҳбарияти корхона тавсияҳои судманд дод.

228
Барчаспҳо:
Тоҷикистон, Суғд
Маруф Мухаммадзода

Коронавирус ба буҷаи шаҳри Хуҷанд таъсир кард: шаҳр ба мушкилоти муваққатӣ рӯ ба рӯ шуд

439
(Таҷдидшуда 15:22 03.06.2020)
Ахиран раиси шаҳри Хуҷанд дар як ҷаласа таъкид доштааст, ки паҳншавии вируси корона дар Хуҷанд ба фаъолияти як қатор субектҳои андозсупор таъсир гузошта, мушкилоти муваққатиро пеш овардааст

ДУШАНБЕ, 3 июн - Sputnik. Бино бар иттилои дафтари матбуоти раиси шаҳри Хуҷанд, Маъруф Муҳаммадзода, раиси шаҳри Хуҷанд дар ҷаласаи навбатӣ барои вазъи иҷрои буҷаи давлатӣ ва маҳаллӣ ба масъулини дахлдор, ҷиҳати ҳалли мушкилоти ба миёномада дастуру супоришҳо дод.

Вай таъкид доштааст, ки бинобар паҳн ёфтани бемории короновирус ва аз фаъолият бозмондани як қатор субектҳои андозсупор, бахусус корхонаҳои саноатӣ дар ин ҷода мушкилоти муваққатиӣ пеш омадааст.

Шаҳрдор дастур дод, ки бинобар кам шудани шиддати бемориии короновирус тамоми корхонаҳои шаҳр бо риояи қоидаҳои беҳдоштӣ ба фаъолияти пурсамар гузаранд.

Дафтари матбуоти шаҳри Хуҷанд қайд кардааст, ки оғози фаъолияти дигар нуқтаҳои савдо, аз ҷумла мағозаҳо ба истиснои бозору ошхонаву тарабхонаҳо мувофиқи мақсад дониста шуд.

Дар ҷаласа таъкид шудааст, ки фаъолияти муназзами бахши иқтисодӣ таъмини маоши кормандони соҳаи буҷа ва нафақагирон вобастагии зиёд дорад. Ҳамзамон бидуни он ба вусъатбахшии корҳои созандагию бунёдкорӣ, ободонию кабудизоркунӣ, таъмиру тармими биноҳои маъмурию истиқоматӣ, тароватбахшии кўчаву хиёбонҳо, гулгашту боғҳои фарҳангию мавзеъҳои истироҳатӣ коре анҷом дода намешавад.

Раиси шаҳри Хуҷанд дар маҷлис барои истиқболи сазовори ҷашни Ваҳдати миллӣ ва ифтитоҳи якчанд иншоот ба муносибати ин ҷашни умумимиллӣ масъулини дахлдорро дастуру супоришҳо дод.

Ҳамзамон вай гуфт дар ҳудуди шаҳри Хуҷанд барои сазовор пешвоз гирифтани 30 солагии Истиқлолияти Тоҷикистон силсилаи корҳои ободониву созандагӣ бомаром идома дорад.

439
Барчаспҳо:
буҷа, таъсир, муваққат, мушкилот, вирус, паҳншавӣ, ҷаласа, Хуҷанд, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон
День 4 июня

Ҷашнҳои рӯзи 4 июн дар Тоҷикистон ва ҷаҳон

0
(Таҷдидшуда 20:07 03.06.2020)
Рӯзи 4 июн дар Ингушистон — Рӯзи маориф, дар Молдова — Рӯзи кормандони бонк, дар Финландия — Рӯзи Қувваҳои Мусаллаҳ, дар Қазоқистон — Рӯзи рамзҳои давлатӣ, дар ИМА ӯзи оила, дар Қирғизистон Рӯзи ёдбуд ва дар Эстония Рӯзи парчам таҷлил мешавад

Рӯзи 4 июн дар ҷаҳон чӣ рух дод

Соли 1922 дар замимаи нашрияи шӯравии «Рабочая газета» аввалин шумораи маҷаллаи суратдори «Рабочий» нашр шуд, ки пас аз чанд вақт номи «Крокодил»-ро гирифт.

Рабочая газета
Рабочая газета

Соли 1940 дар шаҳри Маскав варзишгоҳи "Динамо" мавриди истифода қарор дода шуд.

Соли 1956 дар собиқ Иттиҳоди Шӯравӣ пардохт барои таҳсил дар мактаби миёна ва олӣ бекор карда шуд.

Соли 1956 дар Иттиҳоди Шӯравӣ шумораи нахустини киномаҷаллаи ҳаҷвии «Фитил»  ба экран баромад.

День 2 июня
© Sputnik / Стас Этвеш / Вишнякова Мария

Соли 1970 Тонга аз Британияи Кабир истиқлолият ба даст овард.

Соли 1975 аввалин маротиба пахши мустақими телевизионӣ аз ҷараёни ҷаласаи парлумони Англия сурат гирифт.

Соли 2010 дар шаҳри Маскав аз ҷониби тоҷикон созмони хайриявии "Даргил наник" таъсис  дода шуд.

Рӯзи 4 июн дар Тоҷикистон чӣ рух дод

Соли 2008 аввалин шумораи ҳафтаномаи "Боргоҳи сухан" чоп шуд.

Соли 2011 Расул Боқиев варзишгари тоҷик барандаи медали тиллои мусобиқоти Ҷоми ҷаҳон оид ба ҷудо дар шаҳри Бухарест гардид.

На занятии в школе Расула Бокиева, архивное фото
© Sputnik
На занятии в школе Расула Бокиева, архивное фото

Соли 2012 Президенти Ҷумҳурии Тоҷикистон Эмомалӣ Раҳмон бо мақсади идомаи сафари давлатӣ ва иштирок дар ҳамоиши навбатии сарони давлатҳои аъзои Созмони Ҳамкории Шанхай аз шаҳри Сямэн ба шаҳри Пекин ташриф омад.

День 3 июня
© Sputnik / Стас Этвеш / Вишнякова Мария

Соли 2013 Сарвазири вақти Ҷумҳурии Тоҷикистон Оқил Оқилов бо директори минтақавии Бонки ҷаҳонӣ оид ба стратегия ва амалиёт дар Аврупо ва Осиёи Марказӣ хонум Лора Пак мулоқот кард. Оқил Оқилов изҳор дошт, ки Ҳукумати Тоҷикистон ба ҳамкорӣ бо Бонки ҷаҳонӣ дар соҳаҳои ояндадори иқтисодию иҷтимоии Ҷумҳурии Тоҷикистон таваҷҷуҳ зоҳир намуда, барои тақвияти раванди ин ҳамкорӣ тадбирҳои зарурӣ меандешад.

 

Соли 2015 дар шаҳри Душанбе Эмомалӣ Раҳмон вазирони мудофиаи кишварҳои аъзои Созмони аҳдномаи амнияти дастаҷамъиро, ки барои иштирок дар ҳамоиши навбатӣ  ба Тоҷикистон ташриф овардаанд, ба ҳузур пазируфт. Дар мулоқот масоили ҳамкории ҳарбӣ ва ҳарбию техникии кишварҳои аъзои Созмони Аҳдномаи амнияти дастаҷамъӣ баррасӣ шуд.

Соли 2016 дар шаҳри Ваҳдат фабрикаи маъданғанигардонии Ҷамъияти дорои масъулияташ маҳдуди "Покрӯд" ба фаъолият шурӯъ кард.

Соли 2018 дар Душанбе байни вазоратҳои корҳои хориҷии Тоҷикистон ва Финляндия машваратҳои сиёсӣ баргузор гардид.

Ҷашнҳои рӯзи 4 июн

  • Дар Ингушистон — Рӯзи маориф.
  • Дар Молдова — Рӯзи кормандони бонк.
  • Дар Финландия — Рӯзи Қувваҳои Мусаллаҳ.
  • Дар Қазоқистон — Рӯзи рамзҳои давлатӣ.
  • Рӯзи оила дар ИМА.
  • Рӯзи ёдбуд дар Қирғизистон.
  • Рӯзи парчам дар Эстония.

Рӯзи 4 июн дар Тоҷикистон кӣ ба дунё омадааст

Розия Акобирова (1937-2009)- киноактриса.

Сафват Бурҳонов (1968)- журналист.

Гушин Игор (1951)- доктори илми тиб.

Марям Давлатова (1955)–мутарҷим, ҷомеъашинос.

Наим Ёқубов (1934) – меъмор, профессор.

Олга Морозова (1902 – 1981) – доктори илми кишоварзӣ, профессор.

Николай Решетников (1923 – 1983) – доктори илми фалсафа, профессор.

Ҳошим Содиқов (1911 – 1994) – физик, профессор.

Фуфигин Виктор (1907 – 1973) – рассом, Ходими шоистаи ҳунари Тоҷикистон.

Бобо Худойдодов (1927 – 1990) – мутарҷим, адабиётшинос.

Муаттара Ҷӯраева (1975)- собиқ наттоқи ТВ.

Шаферштейн Семен (1898 – 1978) – доктори илми тиб, профессор, Ходими шоистаи илми Тоҷикистон.

0
Барчаспҳо:
Ҷаҳон, ҷашн, Тоҷикистон
Мавзуъ
Ҷашнҳои рӯзи 1 июн дар Тоҷикистон ва ҷаҳон
Ҷашнҳои рӯзи 2 июн дар Тоҷикистон ва ҷаҳон
Ҷашнҳои рӯзи 3 июн дар Тоҷикистон ва ҷаҳон