Гузориш: иқдомоти мақомот боиси таъсиси бозори арзии пинҳонӣ мешавад
(Таҷдидшуда 16:35 11.02.2016)
Коршиносони оҷонсии олмонӣ ҳушдор медиҳанд, ки иқдомоти мақомот дар бозори асъори нақдӣ хатарнок буда онро водор мекунад, ки пинҳонӣ шавад.ДУШАНБЕ, 15 май — Sputnik. Иқдомоти мамнӯъкунанда ва ғайримунтазираи БМТ ва таҳдидҳои додситонӣ метавонанд дар асл ба таъсиси бозори пинҳонии арз такон бидиҳанд, мутмаъинанд муаллифони гузориши "Баррасиии вазъи иқтисодии Тоҷикистон", ки аз сӯйи Оҷонси рушди Олмон (GIZ) таҳия шудааст.
Наҳваи талоши Бонки миллии Тоҷикистон (БМТ) барои танзими бозори арз ба натиҷаи баръакс метавонад мунҷар шуда, боиси таъсиси бозори "сиёҳ" дар муомилоти арзӣ мунҷар шавад, изҳор доранд муаллифони гузориши ҳармоҳа.
"Бо вуҷуди мудохилаи маъмурии Бонки миллии Тоҷикистон ба бозори арз дар моҳи апрели соли 2015 қурби сомонӣ нисбати доллар 7% коҳиш ёфт", — зикр мешавад дар гузориш.
БМТ фаъолияти нуқтаҳои хусусии табодули арзро аз 17 апрели соли 2015 мамнӯъ сохт. Нуқоти табодули арзи ниҳодҳои бонкӣ фаъолияти худро идома доданд. Аз 1581 нуқтаи табодули арз дар як шабонарӯз фаъолияти 818 нуқта қатъ карда шуд.
Дар нимаи дуввуми моҳи май бархе аз нуқтаҳои фаъолияташон масдудшуда асноди худро иваз карда моли бонкҳо шуданд ва фаъолияти худро аз сар гирифтанд. БМТ изҳор дошт, ки ҳадафи ин амр танзими бозори арз ва қурби ивази сомонӣ буд.
Додситонии кулли кишвар ба назорат, ошкорсозӣ ва боздошти афроде пардохт, ки тиҷорати худро бо доллари ИМА анҷом медиҳанд.
Расонаҳо: чоряки корхонаҳои саноатии Тоҷикистон дар соли 2020 фаъолият накарданд
(Таҷдидшуда 19:15 23.01.2021)
Набуди маводи хом, кори мавсимӣ, мушкилоту қарзҳои молӣ, фарсудагии таҷҳизот ва нотавонии маҳсулоти тавлидӣ дар рақобат сабаби аз кор мондан будаастДУШАНБЕ, 23 янв — Sputnik. Дувоздаҳ ҳазор воҳиди тавлидӣ ва саноатии сабтшуда дар Тоҷикистон дар соли 2020 ҳеч фаъолияте надоштаанд, гузориш медиҳад "Парс тудэй" дар истинод ба "Садои Хуросон".
Бино бар иттилои манбаъ, 48 ҳазор корхонаву коргоҳи саноатӣ дар Тоҷикистон ба сабт расида, ки беш аз 25 дарсади онҳо баробар бо 12 ҳазор воҳид дар соли гузашта фаъол набудаанд.
©
Официальная страница пресс-службы президента РТ в Facebook
Набуди маводи хом, кори мавсимӣ, мушкилоту қарзҳои молӣ, фарсудагии таҷҳизот ва нотавонии маҳсулоти тавлидӣ дар рақобат бо тавлидоти минтақаӣ аз далоили таваққуфи фаъолияти ин корхонаҳову воҳидҳои саноатӣ аст.
Дар соли 2020 ҳамчунин 1193 корхона дар Тоҷикистон ба сабт расида ва муҷаввизи фаъолияти 850 корхона низ лағв шудааст.
Гуфта мешавад, ки 36 дарсад аз воҳидҳои саноатии фаъол дар вилояти Cуғд, 31,5 дарсад дар вилояти Хатлон, 18,4 дарсад дар шаҳри Душанбе, 12,7 дарсад дар ноҳияҳои марказӣ ва 1,7 дарсад дар вилояти Бадахшон воқеъ шудаанд.
Вазорати саноат ва фанновариҳои навини Тоҷикистон эълом кардааст, ки дар ин кишвар 265 корхона дар бахши истихроҷи маъдан, 1800 воҳид дар заминаи коркард ва 70 воҳид низ дар бахши таъмини барқ, об ва газ фаъолият мекунад.
Нархи газ ва бензину дизел дар Тоҷикистон якбора то 10% гарон шуд
Дар Тоҷикистон наздик ба 800 корхона ва ширкат бо сармоягузории давлатӣ мудирият мешавад.
Аммо нуктаи ҷолиб ин аст, ки бештари ин корхонаҳо ва ширкатҳои давлатӣ аз ҷумлаи бузургтарин қарздорон ба шумор мераванд ва мизони қарзи ин марокиз дар моҳи октябри соли 2020 ба 87 миллиард сомонӣ (муодили 8 миллиарду 200 миллион доллар) расид.
Чаро мақомоти Тоҷикистон мехоҳанд бренди миллӣ дошта бошанд?
(Таҷдидшуда 13:16 23.01.2021)
Мақомоти Тоҷикистон озмуни ҷумҳуриявии “Бренди миллии Тоҷикистон” эълон намудаанд, ки ҷоизаи аслии он 20 ҳазор сомониро ташкил медиҳадДУШАНБЕ, 23 янв — Sputnik. Вазорати рушди иқтисод ва савдои Тоҷикистон бо мақсади баланд бардоштани мавқеи маҳсулоти ватанӣ дар арсаи байналмилалӣ ва муаррифии дастовардҳои истеҳсолии кишвар Озмуни ҷумҳуриявии “Бренди миллии Тоҷикистон” эълон намудааст.
Бино бар иттилои дафтари матбуоти Вазорати рушди иқтисод ва савдо, ҳадафи асосии озмуни мазкур муайян намудани нишонаи Бренди миллии Тоҷикистон буда, он бояд муқаддасоти миллӣ, фарҳангу тамаддун, табиати зебоманзар ва имконияти истеҳсолии кишварро инъикос намуда, муаррифи маҳсулоти ватанӣ дар арсаи байналмилалӣ бошад.
Гуфта шудааст, ки дар озмуни мазкур шахсоне, ки қобилияти тарроҳӣ, рассомӣ ва эҷодкорӣ доранд, иштирок карда метавонанд.
Манбаъ таъкид доштааст, ки ғолиби озмун бо ҷоиза, 20 ҳазор сомонӣ мукофотпулӣ ва туҳфаҳои хотиравӣ қадрдонӣ карда мешавад.
Зикр гардидааст, ки хоҳишмандон метавонанд ҳуҷҷатҳои худро барои иштирок дар озмун бо суроғаи шаҳри Душанбе, кӯчаи Айнӣ 14 “а” пешниҳод намоянд.
Барчаспҳо:
Набарди ҷавобии Макгрегор ва Поре: мусобиқоти UFC 257 дар АМА. Пахши мустақим
ДУШАНБЕ, 24 янв — Sputnik. Имороти Муттаҳидаи Араб аввалин мусобиқаро имсол дар “Ҷазираи муҳорибаҳо” дар наздикии Абу-Даби баргузор мекунад.
Диққати аксари тамошобинон ба бозии ҷавобии Конор Макгрегор ва Дастин Паре нигаронида шудааст.
Ҳарду варзишгар 32 сол доранд. Ҳарду паҳлавон тақрибан як вазн нишон доданд: Поре 70,7 кило ва Конор бошад 70,3 кило.
Интизор меравад, ки сабқати асосии UFC 257 байни МакГрегор ва Поре тақрибан аз соати 8:00 то 8:30 субҳи 24 январ ба вақти Маскав оғоз шавад.
Ин нахустин қувваозмоии Макгрегор ва Поре дар майдон нест. Сентябри соли 2014 Макгрегор дар даври аввал Пореро ба нокаут фиристод.
Бояд гуфт, ки дар размҳои омехта Макгрегор 26 сабқат гузаронд, ки аз он 22 ададашро бурид. Дар чор қувваозмоӣ бохт.
Дар маҷмуъ Поре 32 сабқат гузарондааст, ки 26 ададашро бо пирӯзӣ ва 6 ададро бо шикаст анҷом додааст. Поре на танҳо дар қувваозмоиҳои UFC, балки WEC низ иштирок мекунад.
Барчаспҳо: