Доллари амрикоӣ ва сомонии тоҷикӣ. Акс аз бойгонӣ

Коҳиши асъори хориҷӣ дар баробари сомонӣ

11
Дар Тоҷикистон баъд аз болоравии бесобиқаи қурби асъори хориҷӣ сар аз субҳи 25 май коҳиши доллари амрикоӣ, евро ва рубли русӣ дар баробари сомонӣ ба назар мерасад.

ДУШАНБЕ, 25 май — Sputnik. Қурби як доллари амрикоӣ, ки ҳафтаи гузашта ба 6,52-6,54 сомонӣ баробар буд, субҳи 25-уми май дар шаҳри Душанбе 6,40-6,42 сомониро ташкил медиҳад, навиштааст хабаргузории "Озодагон".

Қурби 1000 рубли Русия низ аз 131 сомонии ҳафтаи гузашта, ҳамакнун то ба 126-128 сомонӣ поин омадааст.

Евро низ дар Тоҷикистон ба таври назаррас арзон шуда, арзиши он аз 7,50 сомонии ҳафтаи гузашта феълан то ба 7,10-7,20 сомонӣ коҳиш ёфтааст.

Коҳиши қурби асъори хориҷӣ нисбат ба пули миллӣ дар ҳолест, ки ҳафтаи гузашта Шукурҷон Зуҳуров, раиси Маҷлиси намояндагон зимни тасвиби таъиноти муовинони нави раиси Бонки Миллӣ дархост карда буд, ки ба коҳиши асъори хориҷӣ ва устувории пули миллӣ диққати ҷиддӣ диҳанд.

11
Барчаспҳо:
коҳиш, сомонӣ, евро, рубли русӣ, доллар, қурби асъор, Бонки Миллӣ, Душанбе