Маоши муҳоҷир. Акс аз бойгонӣ

БҶ: интиқолоти пулӣ ба Тоҷикистон дар соли 2015 то 40% коҳиш меёбад

10
(Таҷдидшуда 16:35 11.02.2016)
Ба рушди иқтисодии Тоҷикистон коҳиши мизони интиқолоти пулӣ, коҳиши талабот ва бадтар шудани шароити тиҷорат дар кишвар асароти номатлуб мегузоранд.

ДУШАНБЕ, 26 май — Sputnik. Дар соли 2015 рушди иқтисодӣ дар Тоҷикистон то 3,2% коҳиш ёфта дар ин амр коҳиши интиқолоти пулӣ то 40% нақши калидӣ хоҳад дошт, омадааст дар гузориши Бонки ҷаҳонӣ.

Коҳиши интиқолоти пулӣ, талабот ва бадтар шудани шароити тиҷорат дар рушди иқтисодии Тоҷикистон асароти номатлуб мегузоранд.

Дар гузориши Бонки ҷаҳонӣ зикр мешавад, ки суръати рушди тавлидоти нохолиси миллӣ дар соли 2014 то ба 6,7% дар муқоъиса бо соли 2013, ки 7,4% буд, коҳиш ёфтааст, ки ба далели коҳиши мизони интиқолоти пулӣ аз Русия, коҳиши талаботи ва арзиши маҳсулоти содиротӣ ба гунаи панба ва алюминий сурат гирифтаанд.

Дидори раиси ҷумҳури Тоҷикистон Э. Раҳмон бо мудирони иҷроияи Бонки ҷаҳонӣ
© Официальная страница пресс-службы президента РТ в Facebook

"Суръати таваррум бо дарназардошти уфти қурби сомонӣ, афзоиши қиммати маҳсулот ва хадамот рушд кард ва дар авохири соли 2014 ба 7,4% дар муқоъиса бо 3,7% соли пеш расид", — тавзеъ додаанд муаллифони гузориш.

Онҳо ҳамчунин таъкид мекунанд, ки иқдомоти посухии сиёсати иқтисордии Тоҷикистон ҳамчунон яксон нестанд.

Дар бахши сиёсати будҷа ҳукумат ҷонибдории худро барои масрафи бомаром тавассути мушшахассозии авлавиятҳо ва ҳифзи махориҷи иҷтимоӣ руйи кор гирифта махорҷи аҳамияти умда надоштаро ба ақаб гузошт.

Дар мавриди сиёсати қурбӣ Бонки миллии Тоҷикистон (БМТ) ба фишорҳо вокуниш карда ба коҳиши танзимшавандаи қурби пули миллӣ ва роҳандозии назорати маъмурӣ дар бозори арз иҷоза дод.

"Ин иқдомот ба коҳиши бе ин ҳам маҳдуди имкониятҳои БМТ ва таъсиси нукоти зиёди табодули арз мунҷар шуд", — зикр шудааст дар гузориш.
Ахиран БМТ коҳиши сареъи қурби расмииро ба манзури яксон кардани он бо қурби бозор иҷоза дод, вале зикр мешавад, фосила миеёни ин ду қурб ҳамчунон ҳудуди 5% аст ва назорати маъмурӣ дар бозори арзӣ ҳамчунон боқӣ мондааст.

Бонки ҷаҳонӣ машварат медиҳад

Рушди иқтисодӣ дар бархе аз кишварҳои шарики бузурги тиҷоратии Тоҷикистон назири Туркия, Чин ва Қазоқистон коҳиш меёбад ва камбуди талабот қиммати панба ва алюминиюм, колоҳои аслии содиротиро дар сатҳи пойин нигаҳ медорад.

Эҳёи рушд барои миёнамуддат бо дарназардошти сиёсати бозгӯйи макроиқтисодӣ ва мизони қобили таваҷҷӯҳи ислоҳоти сохторӣ пешбинӣ мешавад. Рушди иқтисодӣ бояд ба сурати мунназам дар соли 2017 оғоз ёбад, ҳарчанд дар сатҳи андак дар муқоъиса бо омори таърихии солҳои ахир.

Барои рафъи вобастагӣ Бонки ҷаҳонӣ ба ҳукумати Тоҷикистон машварат медиҳад, ки ислоҳоти шароити тиҷоратро якҷо бо ислоҳи кулли бахши давлатӣ оғоз кунад.

"Вазифаи аслӣ рафъи осебпазири бахши молиёт ва таъмини мудирияти сареъи корхонаҳои давлатӣ мебошанд", — мегӯянд дар БҶ.

Ба ҷуз аз ин, вазифаи аввалиндараҷаи ҳукумати кишвар барои кӯтоҳмуддат ва мӯҳлати муттавасит пуштибонии сиёсати мусоъидат ба таъсиси ҷойҳои нави корӣ дар бахши хусусӣ мебошад. Зеро ин амр дар таъмини ҷойи кор барои муҳоҷирони бармегашта нақши калидӣ хоҳад дошт.

Барои таъмини равандҳои мунназами коҳиши мизони фақр ва афзоиши вазъи молии аҳолӣ, ки дар солҳои ахир ба даст омадааст, ҳукумати кишварро зарур аст, ки дастрасии аҳолӣ ба маориф, таъмини об, корез ва гармиро таъмин кунад.

10
Барчаспҳо:
гузориши вазъи иқтисодӣ, Бонки ҷаҳонӣ, Тоҷикистон
Мавзуъ
БҶ дар 6 шаҳри Тоҷикистон хадамоти шаҳриро беҳбуд мебахшад
БҶ барои бозсозии ҷоддаҳои шимоли Тоҷикистон $45 миллион медиҳад
БҶ: сохтмони Роғун бо риояи бархе шартҳо имконпазир аст
СБП таварруми дурақама дар Тоҷикистонро пешбинӣ мекунад
СБП: тарҳи Роғун боиси танишҳо дар ҶТ шуда метавонад
БОР мегӯяд, таваррум дар ҶТ дар соли 2015 ба 10 дарсад баробар мешавад
БОР дар татбиқи чораҳои ҷилавгирӣ аз бӯҳрон ба ҶТ кӯмак мекунад
Доллар на земле, архивное фото

Татбиқи лоиҳаҳои сармоягузории давлатӣ ба маблағи 3,5 млрд. доллар дар Тоҷикистон

121
(Таҷдидшуда 00:42 25.01.2021)
Ба ҳолати 1 январи соли 2021 дар Тоҷикистон 70 адад лоиҳаҳои сармоягузории давлатӣ ба маблағи умумии 39,9 млрд. сомонӣ ё 3,5 млрд. доллар мавриди татбиқ қарор доштааст

ДУШАНБЕ, 25 янв— Sputnik. Ахиран дар Кумитаи давлатии сармоягузорӣ ва идораи амволи давлатӣ бо иштироки муовини якуми Сарвазири Тоҷикистон Давлаталӣ Саид ҷаласа оид ба ҷамъбасти натиҷаҳои рафти татбиқи лоиҳаҳои сармоягузории давлатӣ ва фаъолияти агентиҳои амаликунандаи онҳо дар соли 2020 баргузор гардид.

Бино бар иттилои дафтари матбуоти Кумитаи давлатии сармоягузорӣ дар ҷаласа роҳбарони вазорату идораҳои дахлдори кишвар, агентиҳои иҷроия ва татбиқкунандаи лоиҳаҳои сармоягузории давлатӣ иштирок намуданд.

Таъкид шудааст, ки зимни ҷаласа татбиқ ва азхудкунии маблағҳои лоиҳаҳои сармоягузории давлатӣ дар соли 2020, натиҷаҳои ноилгардида ва камбудию норасогиҳои дар доираи лоиҳаҳо баррасӣ шуд.

Ҳамзамон дар ҷаласа қайд гардидидааст, ки барои рушди соҳаҳои афзалиятноки мамлакат ба ҳолати 1 январи соли 2021, 70 адад лоиҳаҳои сармоягузории давлатӣ ба маблағи умумии 39,9 млрд. сомонӣ ё 3,5 млрд. доллари амрикоӣ мавриди татбиқ қарор дошта, аз онҳо 29 лоиҳаи грантӣ, 6 лоиҳаи қарзӣ ва 35 лоиҳа дар ҳаммаблағгузории қарз ва грант иборат мебошанд.

Дар ин ҷаласа Муовини якуми Сарвазири Тоҷикистон, Давлаталӣ Саид барои ҳалли масъалаҳои ба миён омада ва бартараф намудани камбудию норасогиҳои ҷойдошта ба масъулин дастуру супоришҳои мушаххас додааст.

121
Барчаспҳо:
маблағ, лоиҳа, сармоягузорӣ, Тоҷикистон
Денежные купюры, архивное фото

Пешбинии иқтисодшинос аз ҷаҳиши боварнакардании долларро то моҳи феврал

880
(Таҷдидшуда 19:58 24.01.2021)
Иқтисоддонҳо пешгӯӣ карданд, ки чӣ гуна қурби доллар ва рубл то моҳи феврали соли ҷорӣ тағир хоҳад ёфт

ДУШАНБЕ, 24 январ - Sputnik. Дар ҳафтаи охири моҳи январ қурби евро ва доллар метавонад динамикаи афзоиши худро идома диҳад, гуфт Михаил Коган, сардори шӯъбаи таҳқиқоти таҳлилии "Мактаби олии менеҷменти молиявӣ" дар мусоҳиба бо "Российская газета".

"Воқеаҳои ҳафтаи (охирин - таҳрир) моро водор месозанд, ки бадшавии муносибатҳо бо Иёлоти Муттаҳида ва таҳримоти навро интизор шавем, ки аз рӯи фарзия метавонанд ҳам ба бонкҳои давлатии Русия ва ҳам ба қарзи миллии рубл таъсир расонанд ва боиси қатъ шудани низоми SWIFT шаванд. Мавзӯи чораҳои маҳдудкунанда ҳамчунон як ҷиҳати мубрами ташаккулёфтаи омил хоҳад буд ", - чунин мешуморад иқтисоддон.

Ба гуфтаи таҳлилгар, метавонад динамикаи манфии рубл инчунин бо худдории сармоягузорони ҷаҳонӣ аз таваккал ҳамзамон бошад.

Ҳамзамон, дар давраи дурнамои пули русӣ, назорати нархҳои нафт дар робита ба бозгашти ашёи хоми Эрон ба бозори ҷаҳонӣ муҳим аст.

Ба гуфти коршинос, қурби ҷории рубл ҳосили геополитикиро дар бар мегирад, ки андозаи онро траекторияи минбаъдаи муносибатҳои Русия ва кишварҳои Ғарб муайян мекунад.

Дар сурати мавҷуд набудани ҳадди аққали "дигаргунӣ" ва бо бад шудани эҳсосот дар бозорҳои ҷаҳонии молиявӣ, пули миллӣ заиф хоҳад шуд, ҳушдор дод Коган.

Ба гуфтаи коршинос, онҳое, ки сафари хориҷиро ба нақша гирифтаанд, ҳоло беҳтар аст қисман асъорашонро мубодила кунанд.

Иқтисоддонҳо гуфтан, кадом асъор нисбат ба доллар фоидаовартар аст

Тибқи пешгӯии иқтисодшинос, то моҳи феврал доллар метавонад ба 76,5 ва евро ба 92,4 рубл расад.

880
Центр города Душанбе

Баргузории нахустин ҷаласаи якҷояи Маҷлиси миллӣ ва намояндагон дар соли 2021

0
(Таҷдидшуда 11:29 25.01.2021)
Пагоҳ, 26 январи соли равон дар шаҳри Душанбе ҷаласаи панҷуми якҷояи Маҷлиси миллӣ ва Маҷлиси намояндагони Маҷлиси Олии Ҷумҳурии Тоҷикистон, даъвати шашум баргузор мегардад

ДУШАНБЕ, 25 янв— Sputnik. Санаи 26 январ соати 09:00 дар шаҳри Душанбе ҷаласаи панҷуми якҷояи Маҷлиси миллӣ ва  Маҷлиси намояндагони Маҷлиси Олии Ҷумҳурии Тоҷикистон, даъвати шашум баргузор мегардад.

Дар ин бора қарори Раиси Маҷлиси намояндагони Маҷлиси Олии Ҷумҳурии Тоҷикистон “Дар бораи даъвати ҷаласаи панҷуми якҷояи Маҷлиси миллӣ ва  Маҷлиси намояндагони Маҷлиси Олии Ҷумҳурии Тоҷикистон, даъвати шашум” ба тасвиб расид.

Тибқи иттилои дафтари матбуоти Маҷлиси намояндагони Маҷлиси Олии Тоҷикистон, аъзои  Маҷлиси миллӣ ва вакилони Маҷлиси  намояндагони Маҷлиси Олии Ҷумҳурии Тоҷикистон 25 январ аз соати 08:00 то 17:00  дар бинои Маҷлиси  Олии Ҷумҳурии Тоҷикистон, ошёнаи дуюм, утоқи дуюм  ба қайд гирифта мешаванд.

Баҳси тағйироти кадрию савгандхӯрӣ? даъвати ҷаласаи якҷояи ду палатаи парлумон

Дар ҷаласаҳои якҷояи Маҷлиси миллӣ ва Маҷлиси намояндагони Тоҷикистон умдатан қонунҳои муҳиме баррасӣ ва қабул мешаванд.

0
Барчаспҳо:
якҷоя, ҷаласа, парлумон, Тоҷикистон