Бонки миллии Тоҷикистон. Акс аз бойгонӣ

Бонки миллӣ андозаи ҳадди аққали сармояҳои бонкиро тағйир дод

12
(Таҷдидшуда 10:25 08.07.2015)
Аз ин ба баъд ҳар ташкилоти қарзии хурде, ки созмон дода мешавад, бояд дар сармояи худ 6 миллион сомонӣ дошта бошанд, то ки сабти ном шаванд.

ДУШАНБЕ, 8 июл — Sputnik. Бонки миллӣ андозаи ҳадди аққали сармояи бонкҳои хурди амонатиро барои беҳтар намудани фаъолияти онҳо ба 6 миллион сомонӣ баробар кард, навиштааст сомонаи ин бонк.

Ин маблағ то кунун камтар аз андозаи 6 миллион сомонӣ буд. Раёсати Бонки миллӣ бо ҳадафи самаранокӣ ва тавонмандии фаъолияти ташкилоти амонатии қарзии хурд тағйирот ворид намуд ва бар асоси он, барои ташкилоти амонатии қарзии хурди тозатаъсис андозаи ҳадди ақали сармояи оинномавии онҳоро ба маблағи 6 миллион сомонӣ муқаррар кард.

Ин ба маъноест, ки агар афроде, ки қасди таъсиси ташкилоти қарзии хурд (бонки амонатии кӯчак)-ро доранд, бояд дар сармояи худ ҳамин миқдор пул дошта бошанд, то ки сабтином шаванд.

Бонки милии Тоҷикистон бо назардошти аз фаъолият мондани ташкилоти хурди қарзӣ бо сабаби нокифоя будани сармояи онҳо, мехоҳад бовар ҳосил кунад, ки бонки амонатии қарздиҳии ҷадид тавонмандии молӣ дошта бошад. Бонки милии Тоҷикистон мегӯяд, барои ташкилоти қарзие, ки алъон фаъол ҳастанд, бо қарори худ андозаи ҳадди ақали сармояи онҳо то моҳи сентябри соли равон ба се миллион сомонӣ ва то марҳилаи моҳи январи соли 2016 ба чор миллиону панҷсад ҳазор сомонӣ ва то моҳи апрели соли оянда ба шаш миллион сомонӣ баробар мешавад.

Ҳамчунин бо қарори дигари Бонки миллӣ аз 28 майи соли равон "Дар бораи тартиби танзими фаъолияти ташкилотҳои қарзии хурд" тағйирот ворид карда шуд, ки дар асоси он барои ташкилоти қарзии хурди навтаъсис андозаи ҳадди ақали сармояи оинномавӣ ба маблағи 4 000 000 (чор миллион) сомонӣ муқаррар карда шудааст. Яъне ташкилоти қарзии хурди тозатаъсис бояд дар сармояи худ чор миллион сомонӣ дошта бошад ва бо назардони ин имконият ин ташкилот сабти ном хоҳад шуд.

12
Барчаспҳо:
андозаи ҳадди ақали сармоя, 6 миллион сомонӣ, ташкилоти қарзии хурд, сармоя, Бонки миллии Тоҷикистон, Душанбе
Селевой поток

Беш аз 42 миллион сомонӣ зарари ҳодисаҳои фавқулода дар вилояти Суғд

60
(Таҷдидшуда 16:37 08.07.2020)
Давоми ним сол дар қаламрави вилояти Суғд 260  ҳодисаҳои фавқулодда ба қайд гирифта шуд, ки бар асари он 64 нафар ҷон бохт

ДУШАНБЕ, 8 июл — Sputnik. Ҳодисаҳои табиӣ ва техногенӣ дар 6 моҳ ба иқтисодиёти вилоят 42  миллиону 986 ҳазору 544 сомонӣ зарар овраданд, хабар медиҳад КФҲ бо такя ба полковник Додиён Баҳром Одина – Сардори Раёсати Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон дар вилояти Суғд.

Ин дар ҳолест, ки дар ҳамин давраи соли 2019 дар ҳудуди вилоят 322 ҳодисаҳои фавқулоддаи хусусияти гуногундошта ба амал омада буд, ки бар асари онҳо 82 нафар ҷони худро аз даст дода буданд.

Полковник Додиён, дар ҷаласаи ҷамъбасти фаъолияти шашмоҳаи Раёсат, гуфтааст, ки дар шашмоҳои аввали соли 2019 ҳодисаҳои фавқулода ба иқтисодиёти вилоят  12 миллиону 703 ҳазору 773 сомонӣ зарар оврада буд.

Ба гуфтаи ӯ, дар нимсолаи якуми соли 2020 дар ҳудуди вилоят 4 (чор) ҳодисаи фавқулоддаи хусусияти табиӣ дошта ба қайд гирифта шудааст, ки нисбат ба ҳамин давраи соли 2019 4 (чор) ҳодиса кам мебошад.

Аз ҷумла, рӯзҳои  8-9 апрели соли 2020 дар натиҷаи боридани барфи зиёд ва хунукии сахт ба соҳаи кишоварзии шаҳру ноҳияҳои Панҷакент, Истаравшан, Исфара, Ашт ва Куҳистони Масчо ба маблағи умумии 32 миллиону 78 ҳазору 400 сомонӣ зарар расид. 343 гектар замини кишти картошка, 13,796 гектар боғу токзор, 0,0002 гектар майдони кишти сабзавот нобуд шуд. 

29 апрел бошад борон ва сел дар ноҳияи Масчо як нафарро ба ҳалокат расонд ва ба хоҷагии халқ  8 миллиону 490 ҳазору 574 сомонӣ зарар овард. 

Зикр гардид, ки аз ҳаҷми умумии зарар 38 миллиону 787 ҳазору 300 сомонӣ хисорате буд, ки ба соҳаи кишоварзии вилоят расид.

60
Барчаспҳо:
зарар, ҳодисаи табиӣ, ҳодиса, миллион, Суғд
Здание Национального банка Таджикистана, архивное фото

Бонки миллӣ арзиши рубл, доллар ва евроро барои имрӯз эълон кард

246
(Таҷдидшуда 12:06 08.07.2020)
Бонки миллии Тоҷикистон арзиши сомониро нисбат ба асъори хориҷӣ барои имрӯз, 8 июи соли равон эълон кард

ДУШАНБЕ, 8 июл — Sputnik.  Тибқи нишондоди Бонки миллии Тоҷикистон, имрӯз 1 рубли русӣ — 0.1425 сомониро ташкил медиҳад.

Ин ниҳод қурби миёнаи фурӯши 1 доллари ИМА дар муассисаҳои қарзии Тоҷикистонро аз 10.3093 то 10.3100 сомонӣ арзёбӣ кардааст.

Бонки миллӣ қурби миёнаи фурӯши 1 евроро аз 11.6433 то 11.9000 сомонӣ арзёбӣ кардааст. Тибқи нишондоди Бонки миллии Тоҷикистон арзиши 1 рубли русӣ дар муассиcаҳои ташкилоти қарзии Тоҷикистон аз 0.1425 то 0.1460 сомонӣ арзиш дорад.

Пешбинии коршинос: арзиши доллар тобистон поён мераваду рубл боло

Ҳамин тавр, Бонки миллии Тоҷикистон имрӯз қурби асъори хориҷиро нисбат ба сомонӣ (асъори миллии Тоҷикистон) чунин муқаррар кардааст: 1 доллари ИМА — 10.3093 сомонӣ, 1 евро – 11.6433 сомонӣ, 1 рубли русӣ — 0.1425 сомонӣ.

БМТ огоҳ менамояд, ки "берун аз сарбонк, филиал, марказҳои хизматрасонии бонкӣ, нуқтаи интиқоли пул ва банкомату терминалҳо анҷом додани амалиёти мубодилавӣ қатъиян манъ аст ва риоя накардани талаботи мазкур аз ҷониби шахсони воқеӣ қонуншиканӣ ба ҳисоб рафта, боиси ба ҷавобгарии маъмурӣ ва ҷиноятӣ кашидан мегардад".

246
Барчаспҳо:
БМТ, Тоҷикистон, сомонӣ, рубл, қурби асъор
Похороны человека умершего от заражения вирусом, архивное фото

Тасдиқи фавти дигар аз COVID-19 дар Тоҷикистон: омори нави расмӣ

41
(Таҷдидшуда 18:38 08.07.2020)
Вазорати беҳдошти Тоҷикистон омори нави сироятёбӣ, фавт ва шифоёбӣ аз коронавируси навъи COVID - 19 дар Тоҷикистонро нашр кард

ДУШАНБЕ, 8 июл — Sputnik. Бар пояи омори нав, шабонарӯзи гузашта дар Тоҷикистон 49 ҳолати нави сироятёбӣ ба COVID-19 ва 1 мавриди фавт бар асари он ба қайд гирифта шуд.

Бино ба иттилои Вазорати тандурустии Тоҷикистон, аз 30 апрел то 8 июл дар кишвар шумораи гирифторони COVID-19 ба 6364 нафар расида, аз ин беморӣ то кунун дар мамлакат 5011 (78,7%) нафар беморон шифо ёфтаанд. Ҳамзамон, дар муддати зикргардида дар мамлакат аз ин беморӣ 54 нафар фавтидаанд.

"Шабонарӯзи охир 220 нафар гумонбарон зери назорати табибон қарор дошта, 46 нафар баъд аз муолиҷа ба хонаҳояшон рухсат дода шуданд", — омадааст дар хабарнома.

Манбаъ таъкид карда, ки Ҳукумати Ҷумҳурии Тоҷикистон ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ менамояд.

Ҳакимов: ҷорӣ кардани ҷарима барои напӯшидани ниқоби тиббӣ, мантиқан нодуруст аст

Гуфта мешавад, ки имрӯзҳо дар 85 беморхонаи ҷумҳурӣ зиёда аз 7 ҳазору 500 табиб ва 25 ҳазор корманди миёнаи тиб сафарбар шудаанд.

Дар баробари ин дар муассисаҳои кумаки аввалияи тиббию санитарии ҷумҳурӣ 7 ҳазору 600 табиб ва зиёда аз 24 ҳазор корманди миёнаи соҳаи тиб бо мақсади дарёфт, пешгирӣ ва расонидани кумаки аввалия ба мардум хизмат мерасонанд.

41
Барчаспҳо:
бемориҳои сироятӣ, омор, Тоҷикистон