Баҳор дар кӯҳистони Тоҷикистон. Акс аз бойгонӣ

Зокиров мегӯяд, дар вилояти Суғд 70 дарсади ҳосил аз даст рафтааст

36
(Таҷдидшуда 12:52 16.07.2015)
Маблағи дақиқи хисорот аз тағйири ҳаво ҳоло шуморида мешавад ва дар вазорати кишоварзӣ танҳо бар ин умеданд, ки ин амр ба вазъи иқтисодии муштариён таъсири сангине дар пай нахоҳад дошт.

ДУШАНБЕ, 16 июл — Sputnik. Резиши барф дар авохири моҳи март ва сардиҳои ғайримаъмулӣ дар ин фасли сол дар вилояти Суғд хисороти чандин миллионӣ ба бахши кишоварзии ин минтақа гузоштааст, гуфт имрӯз дар нишасти матбӯъотӣ вазири кишоварзии Тоҷикистон Маҳмадтоир Зокиров.

Кишоварзони шимоли кишвар дар пайи сардиҳои 12 дараҷагӣ, ки тӯли 3-4 рӯзи ахири моҳи март ҳукмфармо буд, 70% ҳосилро аз даст доданд.

Ба гуфтаи вазир то ҳол маблағи дақиқи хисорот аз ин тағйири вазъи ҳаво дақиқ нашудааст.

"Шумориш аз сӯйи коршиносон то ҳол идома дорад, вале феълан рӯшан аст, ки ҳосили 32-34 ҳазор гектар боғоти меваҳои донагӣ, умдатан зардолу маҳв шудааст. Қисман ҳосили донагиҳо, аз ҷумла гандум низ талаф ёфтааст", — гуфт вай.

Зокиров зикр кард, ки чунин вазъ ҳатман дар натоиҷи солонаи ҷамъоварии ҳосил таъсир мегузорад, вале изҳори умедворӣ кард, ки ин амр ба вазъи иқтисодии муштариён чандон асар нахоҳад гузошт.

Ҳавои сард дар авохири моҳи март замоне побарҷо шуд, ки дарахтони мевадиҳанда дар шимоли кишвар гул карда буданд. Талафи ҳосили соли ҷорӣ ба аз даст рафтани танҳо манбаъи суди кишоварзони ин минтақа мунҷар шуд.

Аммо бо вуҷуди ин нукта тибқи иттилоъи сомонаи ҳукумати вилояти Суғд дар нимсолаи аввали соли 2015 мизони умумии тавлидоти кишоварзӣ дар минтақа дар муқоъиса бо соли 2014 ба 4,4% афзоиш ёфта 1 миллиард сомониро ташкил додааст.

36
Барчаспҳо:
хунукии аз ҳад зиёд, резиши баҳории барф, хисороти сардиҳои баҳорӣ, вазорати кишоварзӣ, Маҳмадтоир Зокиров, Суғд, Тоҷикистон
Мавзуъ
Кашфи 31,5 ҳазор ниҳоли бангдона дар як хоҷагии деҳқонии вилояти Суғд
Барфи ғайриинтизор дар навоҳии Суғд
Мошинҳои боркаш, акс аз бойгонӣ

Савдои хориҷии Хатлон беш аз 217 миллион долларро ташкил додаст

46
(Таҷдидшуда 13:44 25.10.2020)
Қурбон Ҳакимзода, раиси вилояти Хатлон, зимни як ҷаласа натиҷаҳои фаъолияти бахшҳои гуногуни вилоятро тайи 9 моҳи соли равон ҷамъбаст кард

ДУШАНБЕ, 25 окт — Sputnik. Дар нуҳ моҳи соли равон гардиши савдои хориҷӣ ба 217,2 миллион доллари амрикоӣ расид, хабар дод нашрияи “Ҷумҳурият” аз қавли котиботи ҳукумати Хатлон.

Манбаъ афзуд, содироти мол 100,9 миллион долларро ташкил дода, воридоти он ба 116,3 миллион доллар расидааст.

“Аз вилоят ба хориҷи кишвар, асосан, нахи пахта, калобаи ресандагӣ, неруи барқ, семент, шираи камол, ангишт ва маҳсулоти кишоварзӣ содирот гардида, нурии минералӣ, маҳсулоти нафтӣ, гази моеъ, воситаҳои нақлиёт, маҳсулоти кишоварзӣ, тиббӣ, шакар ва дигар анвои маҳсулот ворид шудааст”, - омадааст дар иттилоия.

Инчунин ҳукумати Хатлон гузориш додааст, ки дар давраи ҳисоботӣ дар ҳудуди вилоят 36 ҳазору 204 ҷойи нави кори доимӣ ва мавсимӣ таъсис ёфт.

“Аз ҳисоби 302 ярмаркаи ҷойҳои кории холии баргузоршуда 3 ҳазору 270 шаҳрванд бо ҷойи кор таъмин гардид. Дар умум, 5 ҳазору 308 нафар бо шуғл фаро гирифта шуд”, - таъкид кардааст манбаъ.

46
Барчаспҳо:
савдо, Хатлон, Тоҷикистон
Ёдгор Файзов, раиси ВМКБ ҳангоми мулоқот бо ризокорон дар Хоруғ

Ташкили колхозу кооператив ба ҷои хоҷагиҳои оилавӣ: пешниҳоди ҳукумати ВМКБ

2035
(Таҷдидшуда 20:58 23.10.2020)
Ҳукумати Вилояти Мухтори Куҳистони Бадахшон аз натиҷаи машварати назоратии назди раиси вилоят гузориш дод, ки хоҷагиҳои деҳқонӣ ё худ оилавӣ дар вилоят таҷдиди сохтор шаванд

ДУШАНБЕ, 23 окт - Sputnik. Ҳукумати ВМКБ теъдоди хоҷагиҳои хурди деҳқонӣ ё худ оилавиро 15 ҳазору 844 адад гуфта, фаъолияти онҳоро ноустувор ва нокифоя хондааст.

Бар асоси иттилоияи нашркардаи мақомоти ВМКБ, гузаронидани ислоҳоти соҳаи кишоварзӣ ва таҷдиди хоҷагиҳо - ташкили кооперативҳои истеҳсолию колхозҳо зарур аст. Манбаъ илова намудааст, ки инчунин зиёда аз 1300 гектар замин солҳои дароз дар зери сохтмон ҳастанд, вале ҳанӯз аз ҳисоботи омори замини кишт бароварда нашудаанд

Ин дар ҳолест, ки қаблан низ Ёдгор Файзов, раиси ВМКБ,  барои истифодаи самараноки заминҳои мавҷуда ва таъмини бозор бо маҳсулоти кишоварзӣ  ташкили ассотсиатсияҳо ва кооперативҳои деҳқониро пешниҳод карда буд.

“Хочагиҳои деҳқонии инфиродӣ имрӯз дар вилоят зиёда аз 16 ҳазор ҳастанд, вале ҳиссаи ҷамъи замин ба ҳар яки онҳо 0,10 ҳисса мерасад. Ба ин хотир ассотсиатсияҳо ё кооперативҳои хоҷагиҳои деҳконӣ таъсис додан зарур аст. Ин омил имкон медиҳад, на танҳо ҳисобу китоби фаъолият, балки тавлиди зиёди ҳосили рӯёнда ва андозбандии онҳо, ҳамзамон хизматрасониҳои дигар ба онҳо беҳтар ба роҳ монда мешаванд", - омада буд дар изҳороти Файзов, ки котиботи ҳукумати ВМКБ нашр карда буд.

2035
Барчаспҳо:
ВМКБ, пешниҳод, Тоҷикистон
Люди в защитных масках в Душанбе, архивное фото

Чанд иштибоҳи асосӣ ҳангоми пӯшидани ниқоби тиббӣ

0
Коршиносон чанд иштибоҳ ҳангоми пӯшидани ниқоби тиббиро номбар карданд, ки дар натиҷа пӯшидани ниқоб барабас хоҳад рафт

ДУШАНБЕ, 25 окт — Sputnik. Барои пешгирӣ аз коронавирус бояд пеш аз ҳама ниқоби тиббиро дуруст ба рӯй пӯшид, мегӯяд коршинос, номзади илмҳои тиббӣ Владимир Зайтсев.

Ба гуфтаи вай, ниқобро ҳеҷ вақт набояд ба манаҳ пӯшид. Ӯ таъкид кард, ки он бояд ҳатман даҳон ва биниро пӯшонад.

Пизишк қайд кард, ки бархе шаҳрвандон як ниқобро рӯзҳо ва ҳатто ҳафтаҳо мепӯшанд. Одамон онро на барои муҳофизат аз коронавирус, балки барои ҷарима нашудан дар нақлиёт ё мағозаҳо ба рӯй мекашанд.

Коршинос таъкид кард, ки ин амал тамоман нодуруст аст. Ба гуфтаи вай, як ниқобро бояд якчанд соат ифтифода карду халос. 

Ҷаримаи беш аз 100 сокини Хуҷанд: бе ниқоб гашта, фосилаи иҷтимоиро риоя накардаанд

Табиб ҳамчунин ёдрас шуд, ки пас аз расидани дастон ба ашёҳои гуногун чи дар ҷои кор ва чи нақлиёт қапидани рӯй мамнӯъ аст. 

Зайтсов таъкид кард, ки роҳи беҳтарини муҳофизат аз коронаиврус нигоҳ доштани фосилаи якним, думетрӣ дар ҷойҳои ҷамъиятӣ аст.

0