Вазири меҳнат ва ҳифзи иҷтимоии Тоҷикистон Сумангул Тағойзода

Вазорат: Куриёи ҷанубӣ барои муҳоҷирони корӣ ҷойгузини Русия мешавад

11
(Таҷдидшуда 16:58 16.07.2015)
Бозгашти муҳоҷирони кории тоҷик аз Русия коршиносони вазорати меҳнатро водор сохт, ки барои пайдо кардани масири дигар ба самти шарқ нигаҳ кунанд ва онҳо Куриёи ҷанубиро беҳтарин кишвар донистанд.

ДУШАНБЕ, 16 июл — Sputnik. Ба далели бӯҳрони иқтисодӣ дар Русия вазорати меҳнати ҶТ Куриёи ҷанубиро ба унвони кишвари ҷойгузини барои муҳоҷирати корӣ ба баррасӣ гирифтанд, гуфт имрӯз ба хабарнигорон раҳбари ин ниҳод Сумангул Тағойзода.

Ба гуфтаи вай ин мавзӯъ ахиран дар дидор бо ҷониби Куриё матраҳ шуд, вале ба далели он ки ин кишвар ҳоло барои Тоҷикистон ҷойҳои кории озод наметавонад пешниҳод кунад, ҳалли ин масъала фурсат мехоҳад.

"Русия танҳо кишварест, ки то ҳол ба нерӯи зиёди корӣ аз хориҷи кишвар ниёз дорад. Ахиран бӯҳрони иқтисодӣ ва қавоиди ҷадиди муҳоҷиратии Русия ба бозгашти муҳоҷирони кории мо мунҷар шуд, вале ба вазъи муҳоҷирати меҳнатӣ чандон таъсир нагузошт", — зикр кард Тағойзода.

Вале, изофа кард вай, агар бозгашти муҳоҷирон афзоиш ёбад, Тоҷикистон мавзӯъи пайдо кардани кишвари ҷойгузини Русияро баррасӣ мекунад ва эҳтимолан Куриёи Ҷанубӣ барои муҳоҷирони кории тоҷик метавонад ин ҷойгоҳро касб кунад.

Ба гуфтаи муоовини вазир Нурулло Маҳмадуллоев тарҳи қарордод бо Куриёи ҷанубӣ таҳия шуда феълан дар баррасӣ қарор дорад.

"Мо вобаста ба шароити муҳоҷиратӣ, ниёз ба нерӯи корӣ ва таҷрибаи ҳамкориаш дар ин замина бо кишварҳои дигар Куриёи Ҷанубиро барои музокирот интихоб кардем. Албатта Курия наметавонад мисли Русия теъдоди бузурги муҳоҷирони кории тоҷикро пазироӣ кунад, аммо қисме аз онҳо дар ин кишвар бо кор таъмин хоҳанд шуд", — тавзеъ дод дар сӯҳбат бо Sputnik муъовини вазир.

Ҳамчунин ба гуфтаи вай зимни интихоби кишвари ҷойгузин барои муҳоҷирони корӣ аз сӯйи вазорат ба мизони маоши кор дар Куриёи Ҷанубӣ аҳамият медиҳад, зеро ин мавзӯъ Русияро барои муҳоҷирати кории атбоъи тоҷик дар ҷойгоҳи аввал қарор додааст.

"Дар Русия шаҳрвандони мо ҳар моҳ ба сурати миёна $500 дарёфт мекунанд. Ба ин далел ҳама талош мекунанд ба ин кишвар бираванд. Ҳарчанд мо бо Қазоқистон ва Белорус равобити хубе эҷод кардаем, вале муҳоҷирон ҳамчунон ба сафари Русия авлавият қоиланд", — зикр кард Маҳмадуллоев.

Ба иттилоъи вай дар шаш моҳи соли ҷорӣ барои муҳоҷирати корӣ ба Қазоқистон 5372 нафар, ба Белорус ҳамагӣ 300 нафар ва ба Русия 331 ҳазору 253 шаҳрванди Тоҷикистон сафар кардаанд.

"Барои шаҳрвандони мо ҷойгузини беҳтарин барои муҳоҷирати корӣ кишварҳои ИДМ шуда метавонистанд. Зеро шаҳрвандони мо бо шароити ин кишварҳо созгор буда мушкили забонӣ надоранд, вале маош дар Белорус ҳадди ниҳоияш $300 аст, ки атбоъи моро қонеъ намесозад", — гуфт муъовини вазир.

Ба ҷуз аз ин ба гуфтаи вай дар ин кишварҳо ҷойҳои кории озод хеле андак аст, ба унвони мисол дар Қазоқистон ҳамагӣ 80 ҳазор ҷойи кории холӣ вуҷуд доранд. Ба ин далел ин кишварҳо наметавонанд барои Тоҷикистон ҷойгузин шуда тавонанд. Дар Куриёи ҷанубӣ бошад ҷойҳои кории холӣ бамаротиб бештар буда мизони маош низ баландтар аз Русия аст.

Ба гуфтаи муъовини вазир мушкили забонӣ ҳалшаванда аст, зеро вазорат қабл аз оғози музокирот бо Куриёи ҷанубӣ таҷрибаи ҳамкории вай бо кишварҳои дигарро омӯхтааст. Барои муҳоҷирони корӣ дар он ҷо давраҳои омӯзиши забонӣ таъсис дода мешаванд, то онҳо тавонанд ҳатто агар озодона ҳам набошад, вале ба сурати зарурӣ муъошират карда тавонанд.

11
Барчаспҳо:
оғози музокирот бо Куриёи Ҷанубӣ барои эъзоми муҳоҷирони корӣ, вазорати меҳнати Тоҷикистон, Нурулло Маҳмадуллоев, Сумангул Тағойзода, Куриёи Ҷанубӣ, Тоҷикистон
Мавзуъ
Дар Русия қоидаҳои нави муҳоҷират ҷорӣ шуданд
Созмони муҳоҷират: мизони бекорӣ солҳои наздик афзоиш меёбад
Заведующая сектором Центра постсоветских исследований Института экономики РАН Елена Кузьмина

Кузмина: кушодашавии транзит тавассути Эрон масири лоҷувардӣ барои Тоҷикистон хоҳад буд

282
Кушодани роҳи транзит ба Эрон тавассути Афғонистон барои Тоҷикистон хеле муҳим аст, гуфт Елена Кузнетсова, мудири бахши Маркази пажӯҳишҳои пасошӯравии ИМЭМО РАН ба номи Е.Примаков

ДУШАНБЕ, 2 июн – Sputnik. Афғонистон омодагии худро барои интиқоли бор тавассути қаламраваш аз Эрон ба Тоҷикистон ва Узбакистон танҳо пас аз кушодани марзҳо байни Эрон ва Туркманистон эълом кард.

Ба андешаи Елена Кузнетсова ба Sputnik Тоҷикистон гуфт:"Ин масири лоҷувардӣ барои Тоҷикистон ва тамоми Осиёи Марказист. Ҳама гуна масирҳои транзитӣ барои ин кишварҳо хеле муҳиманд, зеро ин давлатҳо ба баҳр дастрасӣ надоранд".

Ба ақидаи ӯ, ин бо Афғонистон, ҳадди ақалл аз ҷиҳати бехатарии бор, душворӣ пеш меорад, ҳарчанд мақомоти Афғонистон амнияти комилро ваъда медиҳанд.

Ӯ мегӯяд, новобаста ба он ки пандемияи коронавирус вуҷуд  дорад, аммо ҳаракатҳои транзитӣ қатъ нагашт.

"Нахуст сухан дар бораи ҳалли масъалаҳои тарифҳои байнидавлатӣ ва иқтисодӣ ва пеш аз ҳама транзитӣ меравад. Бо назардошти вазъи душвори иқтисодии Туркманистон пеш аз пандемия, ҳоло яке аз имкониятҳои ин кишвар баланд бардоштани тарифҳои транзитӣ мебошад, ки барои ҳамаи давлатҳои дигар фоидаовар нест", - коршинос мешуморад.

Аммо, ба гуфтаи вай, ҳоло кишварҳо сари ин масъала ба мувофиқа нарасидаанд.

"Барои Тоҷикистон, ин боз ҳам муҳимтар аст, зеро дар ин кишвар муддати тӯлонӣ ҳамлу нақл дар ҳоли маҳдуда қарор дошт, ки дар имкони рушди иқтисодӣ таъсири ҷиддӣ гузошт", гуфт коршинос.

Қаблан Рӯҳуллоҳ Латифӣ, сухангӯи Идораи гумруки Ҷумҳурии Исломии Эрон (IRICA) гуфт, кишвараш аз 1 июн сарҳадҳоро бо Туркманистон боз мекунад.

Гуфта мешавад ин танҳо дар ҳоле имконпазир мегардад, ки чораҳои зиддиэпидемиологӣ пурра риоя карда мешаванд.

Мақомоти Афғонистон дар робита ба ин гуфтааст, ки дар рӯзҳои наздик, Афғонистон омода аст, ки роҳи транзити Эронро тавассути кишвараш ба Тоҷикистон ва Узбакистон кушояд, аммо дар баробари ин шарт гузоштааст, ки Эрон сарҳади Туркманистонро боз кунад.

 

 

282
Барчаспҳо:
коло, транзит, Туркманистон, Эрон, Афғонистон, Тоҷикистон
Таджикские сомони и рубли, архивное фото

Ҷаҳиши қурби рубл дар Тоҷикистон: Бонки миллӣ арзиши асъори хориҷиро эълон кард

956
(Таҷдидшуда 10:51 02.06.2020)
Давоми як шабонарӯзи ахир дар бозори расмии асъори Тоҷикистон арзиши рубл нисбат ба пули миллӣ то ду сомонӣ боло рафтааст

ДУШАНБЕ, 1  июн — Sputnik. Тибқи нишондоди Бонки миллии кишвар арзиши 1 рубли русӣ то 0.1468 ва дар бозори нақдии кишвар 0.1480 сомонӣ арзиш дорад. Ин нишондод рӯзи гузашта ба 0.1444 то 0.1465 сомонӣ баробар буд.

Ин ниҳод қурби миёнаи фурӯши 1 долларро дар муассисаҳои қарзии Тоҷикистонро аз 10.2707 то 10.2700 сомонӣ арзёбӣ кардааст.

Бонки миллӣ қурби миёнаи фурӯши евроро 11.4107 то 11.5000 сомонӣ арзёбӣ кардааст.

Миёни бонкҳои кишвар нишондоди асъори хориҷа дар “Бонки Эсхата” болотар буда хариду фурӯши 1 рубл аз 0.1470 то 0.1505 сомонӣ муқаррар шудааст.

Дар “Спитаменбонк” бошад арзиши 1 рубл аз 0.1450 то 0.1480 ва дар “Алифбон” бошад 1 рубл аз 0,1460 то 0,1500сомонӣ нишон дода шудааст.

Болоравии рубл ҳамзамон дар бозори асъори байналмилалӣ дар ҳолест, ки доллар тайи ду моҳи ахир дар ҳоли суқут қарор дорад. Коршиносон низ пешгӯӣ мекунанд, ки дар пайи ҳаводиси ахир дар ИМА ва танишҳояш бо Чин метавонад ба коҳиши доллар сабаб гардад.

БМТ огоҳ менамояд, ки "берун аз сарбонк, филиал, марказҳои хизматрасонии бонкӣ, нуқтаи интиқоли пул ва банкомату терминалҳо анҷом додани амалиёти мубодилавӣ қатъиян манъ аст ва риоя накардани талаботи мазкур аз ҷониби шахсони воқеӣ қонуншиканӣ ба ҳисоб рафта, боиси ба ҷавобгарии маъмурӣ ва ҷиноятӣ кашидан мегардад".

956
Барчаспҳо:
асъор, евро, доллар, сомонӣ, рубл, Бонки Миллӣ, Тоҷикистон
Граница между Кыргызстаном и Казахстаном

ВУХ: 237 шаҳрванди дармонда дар марзи Қазоқистон ва Ӯзбекистон ба Ватан баргаштанд

0
(Таҷдидшуда 10:46 03.06.2020)
Вазорати умури хориҷаи Тоҷикистон эълон кард, шаҳрвандони Тоҷикистон, ки дар сарҳади давлатии Қазоқистон ва Ӯзбекистон дармонда буданд, ба Ватан баргардонида шуданд

ДУШАНБЕ, 3 июн - Sputnik. Бино бар иттилои дафтари матбуоти Вазорати умури хориҷаи Тоҷикистон, шоми 2 июни соли равон 237 нафар шаҳрвандони Тоҷикистон, ки бинобар баста будани марзҳо дар гузаргоҳи “Жибек Жоли”-и миёни сарҳади давлатии Қазоқистон ва Ӯзбекистон муваққатан дармонда буданд, ба Ватан баргардонида шуданд.

Дар ҳамин ҳол, вазорати умури хориҷии Тоҷикистон  ба мақомоти Ӯзбекистон барои мусоидати фаврӣ дар ташкили долони бетамоси транзитии мустақим дар қаламрави он кишвар барои интиқоли шаҳрвандони Тоҷикистон миннатдории самимӣ изҳор медорад.

Ҳамзамон Вазорати умури хориҷа ба мақомоти Қазоқистон барои таъмини шароит барои шаҳрвандони Тоҷикистон бо мақсади убури бемамониати сарҳад сипоси беандоза баён кардааст.

Парвози вижаи "Уралские авиалинии" 50 шаҳрванди Тоҷикистонро ба Ватан бурд

Ёдрас мешавем, ки чанде пеш бо парвози махсус аз Русия ба Тоҷикистон тақрибан 50 кнафар, ки дар паи банд шудани марзҳо дар кишвар дар монданд, ба ватан бозгардонида шуданд.

Ҳамин тариқ, аз 19 то 30 майи соли равон дар ҳамоҳангӣ бо Русия аз марказҳои нигоҳдории муваққатии шаҳрвандони хориҷии он кишвар ба Тоҷикистон дар маҷмӯъ 680 нафар шаҳрвандони Тоҷикистон, ки ҳуҷҷатҳои омодашудаи зарурӣ барои сафар доштанд, инчунин ҷасадҳои 58 ҳамватан баргардонида шуданд.

0
Барчаспҳо:
марз, Ватан, баргардонӣ, Ӯзбекистон, Қазоқистон, сарҳад, Тоҷикистон