Тавлиди қолин. Акс аз бойгонӣ

Қисме аз саҳмияҳои “Қолинҳои Қайроққум” ба фурӯш гузошта шуд

27
(Таҷдидшуда 16:33 11.02.2016)
Кумитаи давлатии сармоягузорӣ ва амволи давлатии Тоҷикистон бо эъломи фурӯши бархе аз саҳмияҳои Корхонаи қолинҳои Қайроққум ширкаткунандагонро дар бораи вуҷуди қарзҳои корхона ҳушдор додааст.

ДУШАНБЕ, 30 июл — Sputnik. Кумитаи давлатии сармоягузорӣ ва амволи давлатии Тоҷикистон қисме аз саҳмияҳои бузургтарин корхонаи қолинбофии Тоҷикистон "Қолинҳои Қайроққум"-ро ба фурӯш гузоштааст, хабар медиҳад корхонаи давлатии "Фурӯши амволи давлатӣ".

Фурӯши 9,31% саҳмияҳои корхонаи "Қолинҳои Қайроққум" 25 август дар шаҳри Қайроққум сурат мегирад.

"Қиммати аввалия 500 ҳазор сомонӣ муқаррар шудааст. Харидорони эҳтимолиро ҳушдор медиҳем, ки ин корхона 32,8 миллион сомонӣ (ҳудуди $5 миллион) қарз дорад", — зикр шудааст дар хабар.

Ба фурӯш як баста саҳҳом иборат аз 91 ҳазору 644 саҳмия ба фурӯш гузошта шудааст.

Бузургтарин корхонаи қолинбофии Тоҷикистон "Қолинҳои Қайроққум" соли 1960 мавриди истифода қарор дода шуд ва ба ҷуз аз қолинбофӣ ба тавлиди нахи пашмиву нимпашмӣ, болопӯшҳои пашмин машғул аст.

Зарфияти тавлидотии корхона 700 метри муррабаъ маводди қолинӣ дар як шабонарӯз аст. То соли 1001 корхона солиёна беш аз 10 миллион метри муррабаъ қолину маводди қолинӣ тавлид мекард. Коҳиши мизони тавлидот ба аз даст додани бозори фурӯш марбут дониста мешавад.
Ин корхона бо таҷҳизоти фаннӣ аз Олмон, Италия, Голландия, Ҷопон, Фаронса, Лаҳистон, Русия, Ӯзбекистон ва Чин муҷҷаҳаз шудааст.

27
Барчаспҳо:
фурӯши саҳмияҳои "Қолинҳои Қайроққум", "Қолинҳои Қайроққум", Қайроққум, Тоҷикистон
Мавзуъ
Вакилон хостанд, Қайроққум Ориёкант шавад
Национальный банк Таджикистана

Бонки миллӣ арзиши рублу доллар ва евроро нисбат ба сомонӣ барои имрӯз эълон кард

27
(Таҷдидшуда 01:06 01.03.2021)
Бонки миллии Тоҷикистон арзиши сомониро нисбат ба асъори хориҷӣ барои имрӯз аввали ҳафтаи равон эълон кард

ДУШАНБЕ, 1 мар— Sputnik. Тибқи нишондоди Бонки миллии Тоҷикистон арзиши 1 рубли русӣ барои имрӯз 0.1507 сомонӣ нишон дода шудааст.

Ин ниҳод қурби миёнаи фурӯши 1 доллар дар муассисаҳои қарзии Тоҷикистонро аз 11.3045 то 11.3300 сомонӣ арзёбӣ кард.

Бонки миллӣ қурби миёнаи фурӯши 1 евроро 13.6897 то 13.9000 сомонӣ арзёбӣ кардааст. Харидуфурӯши 1 рублро бошад, Бонки миллӣ имрӯз дар бозори нақди кишвар аз 0.1507 то 0.1555 сомонӣ муқаррар кардааст.

Дар бонкҳои дигари кишвар, аз ҷумла "Бонки Эсхата" харидуфурӯши 1 рублро имрӯз аз 0,1510- 0,1535 сомонӣ муқаррар кардаанд.

Дар "Спитаменбонк" бошад, арзиши 1 рубл аз 0.1510 то 0.1540 ва дар "Алифбонк", 1 рубл аз 0,1500 то 0,1555 сомонӣ нишон дода шудааст.

Чаро қурби сомонӣ паст мешавад? Шарҳи намояндаи Бонки миллӣ

БМТ огоҳ менамояд, ки "берун аз сарбонк, филиал, марказҳои хизматрасонии бонкӣ, нуқтаи интиқоли пул ва банкомату терминалҳо анҷом додани амалиёти мубодилавӣ қатъиян манъ аст ва риоя накардани талаботи мазкур аз ҷониби шахсони воқеӣ қонуншиканӣ ба ҳисоб рафта, сабаби ба ҷавобгарии маъмурӣ ва ҷиноятӣ кашидан мегардад".

 

27
Слитки золото, архивное фото

Соҳибаш дар Душанбест: эълони номи молики 90 кило тиллою миллионҳо пул видео

3068
(Таҷдидшуда 20:30 28.02.2021)
Расонаҳои Афғонистон гузориш додаанд, ки наздики 90 кило тиллою пули қочоқии боздоштшуда дар фурудгоҳи Душанбе моли Муҳаммад Мирзо Катавозай, муовини раиси Маҷлиси намояндагон – Вулус Ҷиргаи Афғонистон мебошад. Худи ӯ то ҳол ин қазияро шарҳ надодааст

ДУШАНБЕ, 28 фев – Sputnik. Телевизиони 1-и Афғонистон мегӯяд, тиллою пули боздоштшуда дар фурудгоҳи Душанбе моли Муҳаммад Мирзо Катавозай, ноиби аввали раиси парлумони Афғонистон аст, ки феълан дар қатори як ҳайати баландпоя дар Тоҷикистон қарор дорад. Худи Катавозай ин иттилоъро ҳоло шарҳ надодааст. Ба иттилои расонаҳои Афғонистон, пули нақду тилло асосан бо мошинҳои боркаш ба Тоҷикистону Ӯзбекистон интиқол дода шуда, аз он ҷо ба кишварҳои арабӣ фиристода мешавад.

Ин гузориш дар ҳолест, ки феълан як ҳайати баландпоя таҳти роҳбарии раиси парлумони Афғонистон, Мирраҳмон Раҳмонӣ дар Тоҷикистон қарор дошта, мулоқоти ҳайат бо раисиҷумҳур, Эмомалӣ Раҳмон ва Юсуф Раҳмон, додситони кулли кишвар дар назар аст.

Юсуф Раҳмон, ахиран боздошти гуруҳи қочоқбар бо наздики 90 кило тиллою садҳо ҳазор фунт стерлингро тасдиқ карда буд.

Гузориш ба Рустами Эмомалӣ аз боздошти Сафарову Назаров бо 90 кило тиллою садҳо ҳазор пул

“Аз онҳо 89 килою 350 гр тилло, 489 638 риёл ва 200 000 фунт стерлинг, ки бо роҳи қочоқ ба шаҳри Дубайи Аморати Муттаҳидаи Араб интиқол дода мешуд, ёфта, мусодира гардид”, - изҳор дошт Юсуф Раҳмон зимни ҳисоботи ахираш ба Маҷлиси миллӣ.

Додситони кулли Тоҷикистон аз қочоқбарон Назаров.С. ва Сафаров.Ф. ном бурдааст, ки дар Фурудгоҳи байналмилалии Душанбе дастгир гардидаанд.

Раҳмоналӣ Раҳимзода, сардори Раёсати ташкилоти мубориза бо ҳуқуқвайронкунии гумрукии Тоҷикистон низ ҷой доштани ин ҳолатро тасдиқ карда, афзуд ки дар доираи парвандаи талоши қочоқи тилло ва пул ба хориҷа се кормандашон низ боздошт шудаанд. Қарори додгоҳ дар ин мавриди ин парванда феълан эълон нашудааст.

3068