Доллар

Бонки ҷаҳонӣ барои иҷрои 4 тарҳ ба Тоҷикистон $ 47 млн ихтисос медиҳад

13
(Таҷдидшуда 15:56 11.02.2016)
Маблағи бештар барои иҷрои тарҳи ҷадиди беҳбуди назорат ва беҳтарсозии вазъи таҳсилоти олӣ дар Тоҷикистон ихтисос ёфтааст. Барои иҷрои ин аҳдоф масрафи $15 миллион дар назар аст.

ДУШАНБЕ, 11 авг — Sputnik. Қарордод дар бораи сармоягузории чаҳор тарҳ миёни ҳукумати Тоҷикистон ва Бонки ҷаҳонӣ ба маблағи умумии $47 млн. ахиран дар вазорати молияи ҶТ имзо шудааст, хабар медиҳад сомонаи ин вазоратхона.

Ин санадро вазири молияи Тоҷикистон Абдусалом Қурбониён ва намояндаи доимии Бонки ҷаҳонӣ дар Тоҷикистон Патритсия Виверс-Картер имзо кардаанд.

Маблағи бештар ба тарҳи ҷадиди "Барномаи таҳсилоти олӣ" ихтисос мешавад. Анҷумани байналмиллалии рушд (АБР) барои иҷрои ин тарҳ $15 миллион ихтисос медиҳад.

"Ин тарҳ беҳбуди кайфият ва назорати таҳсилоти олӣ ва талаботи он дар бозори меҳнатро пуштибонӣ мекунад", — зикр шудааст дар хабар.

Дар маҷмӯъ ҳар чаҳор тарҳ беҳбуди кайфият ва дастрасии шаҳрвандон ба хадамоти давлатӣ назири оби ошомиданӣ ва полезӣ, тандурустӣ ва таҳсилотро ҳадаф доранд.

Як тарҳи дигар беҳбуди обрасонии шаҳри Душанберо ҳадаф дорад. Барои беҳбуди кайфият ва низомии обрасонӣ барои сокинони пойтахт $ 10 миллион ихтисос шудааст. $1 миллиони дигар барои иҷрои ин тарҳрро шаҳрдории Душанбе ихтисос медиҳад.

Барои тарҳи таъмини шуғли аҳолӣ ба манзури рушди кишоварзӣ ва танзими захойири об (РАМР-2) аз ҳазинаи АБР сармоягузории изофӣ ба маблағи $12 миллион ихтисос мешавад.

"Ин тарҳ имкон медиҳад, ки ба сурати муваққат 10 ҳазор нафар аз ҷумлаи аҳолии осебпазири рустоӣ бо ҷойи кор таъмин шаванд ва ба далели кундшавии рушди иқтисодӣ, пойин рафтани мизони интиқолоти пулӣ ва хатароти амнияти ғизоии хонаводаҳо вазъи зиндагии ин афрод беҳбуд ёбад", — изҳор умедворӣ мекунанд дар вазорати молия ва БҶ.

Ба ҷуз аз ин барои беҳбуди вазъи тандурустӣ дар Тоҷикистон аз ҳисоби АБР сармоягузории изофӣ ба маблағи $10 миллион ихтисос шудааст.

Дар вазорати молия зикр кардаанд, ки сармоягузории изофӣ имкон медиҳад маболиғ барои бозсозии 20 муъасиссаи пизишкиву беҳдоштии аввалия бозсозӣ шаванд.

13
Барчаспҳо:
имзои қарордоди ҷадиди сармоягузорӣ, вазорати молияи ҶТ, БҶ, Абдусалом Қурбониён, Патритсия Виверс-Картер, Тоҷикистон
Мавзуъ
БҶ барои беҳбуди вазъи обрасонӣ дар Душанбе $10 млн ихтисос дод
БҶ: даромади сари аҳолӣ дар Тоҷикистон дар сатҳи пойин қарор дорад
Здание Налогового комитета при Правительстве РТ. Архивное фото

Кумитаи андоз 13 шаҳру навоҳии қарздорро гуфт: бештарашон дар Хатлон

466
(Таҷдидшуда 19:41 31.10.2020)
Кумитаи андози Тоҷикистон гуфтааст, сарфи назар аз чораҳои андешидашуда зарфи нӯҳ моҳи соли равон нақшаи андоз ва дигар пардохтҳои ҳатмӣ иҷро нашуда, ба ҷойи 8 млрд 143,3 млн сомонии пешбинишуда, ба буҷети давлатӣ 7 млрд 497,0 млн сомонӣ ворид гардид,

ДУШАНБЕ, 31 окт — Sputnik. Ин ниҳод дар ҳисоботи нуҳмоҳааш гуфтааст, 13 шаҳру навоҳии кишвар аз иҷрои нақҳаи андоз набаромаданд.

Ба иттилои манбаъ, бештари шаҳру навоҳии қарздор дар вилояти Хатлон, аз қабили Бохтар 88,2%, Кушониён 94,4%, Вахш 93,0%, Хуросон 94,0%, Қубодиён 97,6%, Ҷомӣ 90,0%, Панҷ 93,6%, Шаҳритуз 97,4%, Леваканд 83,0% мебошад.

Манбаъ мегӯяд, дар вилояти Суғд бошад, танҳо Хуҷанд (95,6%) аз иҷрои нашаи ҷамъоварии андоз набаромад.

Гуфта мешавад ҳамзамон Роғун 91,5%, Турсунзода 84,6% ва Рӯдакӣ 91,2% низ нақшаро иҷро накардаанд, ки дар умум аз ин ҳисоб ба буҷет 91,0 млн сомонӣ ворид нашуд.

Беш аз 27 миллион қарзи Нусратулло Файзуллоев ва Убайдуллоев аз андоз

Кумитаи андоз гуфтааст, дар умум вилоятҳо нақшаи андозро иҷро карданд, аммо Раёсати андози андозсупорандагони калон, ки воридоти маблағҳо аз ин ҳисоб ба буҷети ҷумҳуриявӣ пешбинӣ шудааст - 53,0% таъмин кард.

Ин ниҳод гуфтааст, таъмин нагардидани иҷрои сифатии нақшаи андозҳо, пеш аз ҳама, аз ҷониби кормандони мақомоти андоз дар сатҳи зарурӣ иҷро накардани уҳдадориҳои мансабӣ, аз ҷумла, пурра татбиқ накардани муқаррароти қонунгузории андоз, супоришҳои роҳбарияти Кумита оид ба пешгирии қонунвайронкуниҳо, сари вақт ва дар сатҳи дахлдор анҷом надодани корҳои назоратӣ ва тавзеҳотию фаҳмондадиҳӣ вобаста мебошад.

Дигар омиле, ки ба ин сабаб шуд, ба миён омадани пандемияи коронавирус, ки таъсирашро бевосита ба иқтисодиёти Тоҷикистон низ расонида истода, боиси нокифоя афзоиш ёфтани манбаъҳои андозбандӣ дар аксарияти шаҳру ноҳияҳо, коҳиш ёфтани хизматрасониҳои ширкатҳои ҳавопаймоӣ, фурудгоҳҳо ва ширкатҳои хизматрасонӣ ба ҳамин соҳаҳо, ширкатҳои сайёҳӣ, меҳмонхонаҳо, коҳиш ёфтани гардиши савдои чакана ва ногувор шудани вазъи молиявии баъзе аз корхонаҳо гардидааст.

Дар қонуни нави андоз ҳам бандҳо зиёд шуданду ҳам сафҳа

 Сабаби дигаре, ки ба таъмин нашудани иҷрои нақшаи қисми даромади буҷети давлатӣ таъсир расонида истодааст, ин дар сатҳи зарурӣ афзоиш наёфтани музди меҳнат ва шумораи коргарон дар баъзе корхонаю ташкилотҳо мебошад, ки манбаи андозбандии андоз аз даромад ва андози иҷтимоӣ ба ҳисоб меравад, афзудааст манбаъ.

466
Барчаспҳо:
қарз, нақша, кумитаи андоз, Тоҷикистон
Денежные купюры.

Бонки миллӣ арзиши рубл, доллар ва евроро барои имрӯз эълон кард

116
(Таҷдидшуда 15:01 31.10.2020)
Бонки миллии Тоҷикистон арзиши сомониро нисбат ба асъори хориҷӣ барои имрӯз, 31 октябр эълон кардааст

ДУШАНБЕ, 31 окт — Sputnik. Тибқи нишондоди Бонки миллии Тоҷикистон арзиши 1 рубли русӣ барои имрӯз 0.1302 сомонӣ нишон дода шудааст.

Ин ниҳод қурби миёнаи фурӯши 1 доллари ИМА дар  муассисаҳои қарзии Тоҷикистонро аз 10.3398 то 10.3400 сомонӣ арзёбӣ кардааст. 

Уфти рекордии рублу ҷаҳиши доллар: Бонки миллӣ арзиши асъори хориҷиро эълон кард

Бонки миллӣ қурби миёнаи фурӯши 1 евроро 12.0707 то 12.5000 сомонӣ арзёбӣ кардааст.

Ин бонк хариду фурӯши 1 рублро имрӯз аз 0.1302 то 0.1330 сомонӣ муқаррар намудааст.

Ҳамин тавр, Бонки миллии Тоҷикистон имрӯз қурби асъори хориҷиро нисбат ба сомонӣ (асъори миллии Тоҷикистон) чунин муқаррар кардааст: 1 доллари ИМА — 10.3398 сомонӣ, 1 евро – 12.0707 сомонӣ ва 1 рубли русӣ — 0.1302 сомонӣ.

Дурнамои асъор: иқтисоддонҳо гуфтанд, то соли 2023 бо сомонӣ чӣ хоҳад шуд

БМТ огоҳ менамояд, ки "берун аз сарбонк, филиал, марказҳои хизматрасонии бонкӣ, нуқтаи интиқоли пул ва банкомату терминалҳо анҷом додани амалиёти мубодилавӣ қатъиян манъ аст ва риоя накардани талаботи мазкур аз ҷониби шахсони воқеӣ қонуншиканӣ ба ҳисоб рафта, сабаби ба ҷавобгарии маъмурӣ ва ҷиноятӣ кашидан мегардад".

116
Барчаспҳо:
Бонки Миллӣ, қурби асъор, Тоҷикистон
Пожар, архивное фото

Сержант то омадани оташнишонҳо сӯхторро хомӯш кард

0
Вазорати умури дохилии Тоҷикистон мегӯяд, новобаста аз бурдани корҳои зиёди пешгирикунанда, ҳамоно бисёре аз масъулини дӯкону марказҳои савдо, мағозаву бозорҳо қоидаҳои бехатарӣ аз сӯхторро нодида мегиранд

ДУШАНБЕ,  31 окт — Sputnik. Тибқи иттилои ВУД, шаби 29 ба 30-юми октябри соли равон тахминан соати 01:00, дар маҳаллаи 91-уми шаҳри Душанбе, дар нуқтаи савдои тезтайёр сӯхтор сар зад.

"Дар ин ҳангом корманди ШБДА РВКД дар шаҳри Душанбе, сержанти хурди милитсия Мирзоев Хуршед, ки дар ин минтақа хизмат мебурд, ин ҳодисаро пай бурда, дар баробари хабар додани ба бахши оташнишонӣ, худ низ дарҳол аз паи хомӯш намудани сӯхтор мешавад. Мавсуф ба воситаи тирезаи нуқтаи савдо ворид онҷо шуда, оташро дар як муддати кӯтоҳ хомӯш мекунад", - омадааст дар иттилоияи ВУД.

Манбаъ афзуд, дар натиҷа аз таъсири алангаи оташ қисми рости пешонии сержанти хурди милитсия Мирзоев Хуршед осеб дидааст. Айни ҳол номбурда бо бардоштани ҷароҳати ҷисмонӣ дар Раёсати тибби ВКД таҳти муоинаи табибон қарор дорад.

ВУД таъкид кардааст, ҷасорат, масъулият ва садоқати корманди милитсия буд, ки ин ҳодисаи сӯхтор хомӯш карда шуду дигар ашёҳои нуқтаи савдо аз коми оташ эмин нигоҳ дошта шуданд.

0
Барчаспҳо:
оташхомӯшкунӣ, сӯхтор, Тоҷикистон