Хутути интиқоли нерӯи барқ. Акс аз бойгонӣ

“Барқи тоҷик” бо истифода аз кӯмаки молии БОР хутути барқ мекашад

11
(Таҷдидшуда 08:20 13.08.2015)
Иҷрои тарҳи кашидани хутути нерӯи барқ миёни навоҳии Рӯдакӣ ва Айниро ширкате анҷом медиҳад, ки дар эҳдос ва бозсозии зеристгоҳҳо дар 10 соли ахир таҷриба дорад.

ДУШАНБЕ, 12 авг — Sputnik. Зеристгоҳҳои Рӯдакӣ ва Айнӣ бо истифода аз маболиғи Бонки осиёии рушд бозсозӣ мешаванд ва бад ин манзур ин бонк ахиран ба Тоҷикистон ба унвони кӯмаки молии билоъиваз барои тарҳи беҳбуди интиқоли нерӯи барқ $54 миллион ихтисос додааст, хабар медиҳад сомонаи Кумитаи давлатии сармоягузорӣ ва амволи давлатии ҶТ.

Ширкати "Барқи тоҷик" барои бозсозии зеристгоҳҳои Рӯдакӣ ва Айнӣ ва кашидани хутути интиқоли нерӯи барқи шиддаташ 220 кВ ба тӯли 95 километри миёни ин зеристгоҳҳо озмун эълом кард.

Дар озмун ширкатҳое метавонанд ширкат кунанд, ки дар эҳдос ва ё бозсозии зеристгоҳҳо дар 10 соли ахир таҷриба доранд.

Аз ғолиби озмун тақозо мешавад, ки таҷҳизоти барқии баландшиддат, таҷҳизоти ҳамроҳ ва танзиму дифоъиро ба кишвар ворид ва насб кунад.
Ба ҷуз аз ин ширкат муваззаф мешавад, ки тарҳи бозсозиро ва умури сохтмониро таҳия кунад, таҷҳизоти заруриро ворид ва насб кунад кормандонро бо наҳваи кори онҳо ошно сохта куллияи умурро то ба охир анҷом бидиҳад.

Кӯмаки молӣ ба маблағи $54 миллиони БОР ба Тоҷикистон дар авохири соли гузашта ихтисос шуда буд.

Ин тарҳ сарфаи талафоти нерӯи барқ тавассути ивази куллияи ноқилҳои интиқолӣ ва тавсеъаи интиқолоти нерӯи барқ дар ноҳияи Панҷакенти вилояти Суғдро ҳадаф дорад.

Дар чаҳорчӯби ин кӯмаки бебозгашти молӣ ҳудуди 1,1 ҳазор адад барқҳисобкунакҳо, таҷҳизоти табдилдиҳандаи нерӯи барқ ва ҳамчунин низоми ҳисобу китоб иваз карда мешаванд. Кашидани хутути интиқоли нерӯи барқ аз зеристгоҳи Рӯдакӣ то ба Айнӣ ҷузъе аз ин кӯмаки молии билоъиваз мебошад.

11
Барчаспҳо:
кашидани хутути интиқоли нерӯи барқ аз Рӯдакӣ ба Айнӣ, Бонки Осиёии Рушд, БОР, ноҳияи Рӯдакӣ, Айнӣ, Тоҷикистон
Мавзуъ
Тоҷикистон аз соли 1998 то ҳоло аз БОР $1,3 миллиард гирифтааст
БОР дар татбиқи чораҳои ҷилавгирӣ аз бӯҳрон ба ҶТ кӯмак мекунад
Сомони и рубли, архивное фото

Бонки миллӣ арзиши рубл, доллар ва евроро барои имрӯз эълон кард

447
(Таҷдидшуда 09:11 26.09.2020)
Бонки миллии Тоҷикистон арзиши сомониро нисбат ба асъори хориҷӣ барои имрӯз 26 сентябр эълон кардааст

ДУШАНБЕ, 26 сен — Sputnik. Тибқи нишондоди Бонки миллии Тоҷикистон арзиши 1 рубли русӣ барои имрӯз 0.1324 сомонӣ  нишон дода шудааст.

Коршинос гуфт, ки чигуна устувории хоҷагии қишлоқ дар Тоҷикистон ба иқтисод таъсир мекунад

Ин ниҳод қурби миёнаи фурӯши 1 доллари ИМА дар  муассисаҳои қарзии Тоҷикистонро аз 10.3288 то 10.3300 сомонӣ арзёбӣ кардааст. 

Бонки миллӣ қурби миёнаи фурӯши 1 евроро аз 12.0186 то 12.3000 сомонӣ арзёбӣ кардааст.

Ин бонк хариду фурӯши 1 рублро имрӯз аз 0.1324 то 0.1350 сомонӣ муқаррар шудааст.

Ҳамин тавр, Бонки миллии Тоҷикистон имрӯз қурби асъори хориҷиро нисбат ба сомонӣ (асъори миллии Тоҷикистон) чунин муқаррар кардааст: 1 доллари ИМА — 10.3288 сомонӣ, 1 евро – 12.0186 сомонӣ ва 1 рубли русӣ —0.1324 сомонӣ.

Дурнамои асъор: иқтисоддонҳо гуфтанд, то соли 2023 бо сомонӣ чӣ хоҳад шуд

БМТ огоҳ менамояд, ки "берун аз сарбонк, филиал, марказҳои хизматрасонии бонкӣ, нуқтаи интиқоли пул ва банкомату терминалҳо анҷом додани амалиёти мубодилавӣ қатъиян манъ аст ва риоя накардани талаботи мазкур аз ҷониби шахсони воқеӣ қонуншиканӣ ба ҳисоб рафта, сабаби ба ҷавобгарии маъмурӣ ва ҷиноятӣ кашидан мегардад".

447
Барчаспҳо:
рубл, сомонӣ, доллар, қурби асъор
Ювелирные изделия, архивное фото

Раҳмон коргоҳи заргарии "Одина"-ро ба истифода дод

159
(Таҷдидшуда 20:20 25.09.2020)
Эмомалӣ Раҳмон, раисиҷумҳури Тоҷикистон, дар идомаи сафари корӣ дар ноҳияи Ховалинг бо бардоштани парда аз рӯи лавҳаи рамзӣ ба фаъолияти коргоҳи заргарии “Одина” оғоз бахшид

ДУШАНБЕ, 25 сен - Sputnik. Тибқи иттилои котиботи раисиҷумҳури Тоҷикистон, коргоҳи заргарӣ "Одина" дар мавзеи Чилчанор ҷойгир буда, ба ифтихори 30-солагии Истиқлоли давлатӣ бунёд шудааст.

Манбаъ афзуд, коргоҳи заргарии "Одина" аз ҷониби соҳибкори ватанӣ Абдуқаюм Каримов бунёд гардидааст.

Иттилоъ дода шуд, ки  коргоҳи заргарӣ дар назди Кооперативи тиҷоратии “Артели заршӯии Одина” бунёд гардида, дар он ду утоқи коркарди зар ва ду мағозаи фурӯши ҷавоҳирот фаъолият мекунад.

"Дар ноҳияи Ховалинг барои ноил гардидан ба ҳадафи чоруми миллӣ - саноатикунонии босуръати мамлакат тадбирҳои судманд пеш гирифташуда, тибқи нақша то ҷашни 30-солагии Истиқлоли давлатии Ҷумҳурии Тоҷикистон боз чанд коргоҳи хурду бузурги саноатӣ сохта, мавриди истифода қарор дода мешавад", - омадааст иттилоия.

Котиботи раисиҷумҳур илова намуд, ки иншоот бо тарҳу намои хуб бунёд гардида, корҳои сохтмониро 50 нафар сокинони маҳаллӣ анҷом додаанд.

Бо бунёди сехи заргарии “Одина” наздик ба 35 нафар сокинони  маҳаллӣ, ки аксаран духтарони бешуғл ва хонашин буданд,  пас аз омӯзиши нозукиҳои ин касб соҳиби ҷойи кор ва маоши хуб гардиданд, таъкид шуд дар иттилоия.  

159
Барчаспҳо:
Ховалинг, Тоҷикистон
Футболист на поле, архивное фото

Пирӯзии “Навбаҳор” бар “Равшан” и Кӯлоб: ҳисоби бозӣ 5:0

0
(Таҷдидшуда 19:15 26.09.2020)
Бозии даври чаҳоруми чемпионати Тоҷикистон оид ба футбол байни ҷавондухтарон U-17 бо пирӯзии “Навбаҳор” и ноҳияи Мастчоҳ бар “Равшан” и шаҳри Кӯлоб ба охир расидааст. Дар ин бозӣ соҳибони майдон бо ҳисоби 5:0 пирӯз шудаанд

ДУШАНБЕ, 26 сен – Sputnik. Тавре Аҳлиддин Юнусов, котиби Федератсияи футболи Суғд ба Sputnik Тоҷикистон иттилоъ дод, дар доираи даври чаҳоруми чемпионати футбол инчунин бозӣ миёни дастаҳои “Хатлон” ва “Мактаби махсуси футбол, чавгон ва асп” ё “ММФЧВА” и Суғд доир шуда, бо ҳисоби 3: 2 бо ғалабаи мизбонон тамом шудааст.мяч

Бино ба иттилоъи манбаъ дар чемпионати Тоҷикистон оид ба футбол миёни бонувон шаш даста ба ҳисоби “Навбаҳор” у “Равшан” ва “ММФЧВА” у “Хатлон” барои ба даст овардани Ҷом рақобат мекунанд.

Қарор аст, дар доираи давраи панҷуми бозиҳо “Навбаҳор” дар сафар бо дастаи “Ҳосилот” и Фархор бозӣ анҷом диҳанд.

 “Ҳоло дастаи “Хатлон” дар ҷои аввал ва дастаи “ММФЧВА” дар ҷои дуюм қарор дорад”, - гуфт Юнусов.

Соли гузашта дастаи “ММФЧВА” чемпион шуда буд. Зимнан соли сеюм аст, ки чемпионати футбол миёни бонувон мунтазам доир мегардад.

 Баъзеҳо аз баргузории футболи занона интиқод мекунанд, аммо бисёриҳо бо муҳимияти тарғиби тарзи ҳаёти солим роҳандозии ин намуди варзиш миёни бонувонро тасмими саривақтӣ медонанд. Федератсияи футболи Тоҷикистон ҳам бо мақсади тарғиби тарзи ҳаёти солим роҳандозии чемпионати футбол миёни бонувонро роҳандозӣ намуда, аз сӯи ин ниҳод сафархарҷ, туб ва либоси варзишии дастаҳо таъмин карда мешавад.

0
Барчаспҳо:
Кӯлоб, пирӯзӣ, Мастчоҳ, Футбол, Суғд, Тоҷикистон