Бонки миллии Тоҷикистон. Акс аз бойгонӣ

БМТ: хориҷиҳо ба мо кумак мекунанд

12
(Таҷдидшуда 15:58 11.02.2016)
Бонки миллии Тоҷикистон (БМТ) барои беҳбуди вазъи молияш аз созмонҳои байналмилалӣ хоҳиш кард, ба он кумаки техникӣ намоянд.

ДУШАНБЕ, 25 сен — Sputnik. Барои беҳбуди вазъи молии Бонки миллии Тоҷикистон кумаки техникии ниҳодҳои пулии байналмилалӣ ниҳоят зарур аст, менависад сомонаи БМТ.

Раиси БМТ ин масъаларо зимни як ҷаласа бо ҳузури раҳбарони баъзе аз ниҳодҳои пулии байналмилалӣ, аз ҷумла Бонки ҷаҳонӣ, Хазинаи байналмилалии асъор, Бонки Аврупоии таҷдид ва рушд, Бонки Осиёии рушд, Агентии Британияи Кабир оид ба рушди байналмилалӣ, Корпоратсияи молиявии байналхалқӣ, Котиботи давлатии Швейтсария оид ба муносибатҳои иқтисодӣ ва Ҷамъияти Олмон оид ба ҳамкориҳои байналмилалӣ баррасӣ намудааст.

"Зимни шинос намудани ҳозирин бо Стратегияи солимгардонии молиявии Бонки миллии Тоҷикистон, изҳор карда шуд, ки чиҳати амалӣ намудани дурнамои рушди бонк ҷалби кумакҳои техникии ташкилотҳои молиявии байналхалқӣ зарур мебошад", — афзудааст манбаъ.

Нақшаи стратегии ин бонк барои солҳои 2015-2019 ба хотири беҳбуд бахшидани вазъи молӣ ва гузаронидани ислоҳот дар БМТ қабул шудааст.

Интизор меравад барои роҳандозии сиёсати пулии муассир ва ба танзим овардани сохтор ва баланд бардоштани самаранокии фаъолияти БМТ дар ин ниҳод ислоҳот гузаронида шавад.

12
Барчаспҳо:
кумаки техникӣ, устувории қурб, дархост, байналмилалӣ, кумак, Бонки миллии Тоҷикистон, Душанбе
Рабочий на заводе Талко. Цех по производству флюорита

Суғд аз афзоиши истеҳcоли маҳсулоти саноатӣ ва бунёди корхонаҳои нав хабар дод

37
(Таҷдидшуда 16:35 02.07.2020)
То охири сол дар шаҳру ноҳияҳои вилояти Суғд бунёди беш аз 100 корхонаю коргоҳи саноатӣ бо фарогирии беш аз 2 ҳазору 300 ҷойи нави корӣ ба нақша гирифта шудааст

ДУШАНБЕ, 2 июл — Sputnik. Бино бар иттилои мақомоти вилояти Суғд, то 1 июни соли равон 40 корхонаю коргоҳи нави истеҳсолӣ бо фарогирии 574 ҷойи корӣ ба фаъолият шурӯъ кард.

Корхонаҳои нав, асосан, дар соҳаҳои саноати сабук, химия, масолеҳи бинокорӣ ва хӯрокворӣ таъсис ёфта, бозори дохилиро бо маҳсулоти истеҳсоли ватании воридотивазкунанда таъмин месохтаанд.

Тавре Музаффар Юнусов, мудири шуъбаи иттилоотию таҳлилии дастгоҳи раиси вилоят, ба рӯзномаи “Ҷумҳурият” гуфтааст, ҳаҷми истеҳсоли маҳсулоти саноатӣ дар панҷ моҳи соли ҷорӣ ба 5,6 миллиард сомонӣ расонда шуд, ки 116,1 дарсади нақшаро ташкил медиҳад.

“Таваҷҷуҳи асосии масъулони соҳа ба тавлиди маҳсулоти воридотивазкунанда ва содиротӣ равона гашта, дар ин давра 432,3 ҳазор тонна семент истеҳсол гардид ва қисми асосии он ба давлатҳои ҳамсоя фурӯхта шуд. Ба маблағи умумии 83,1 миллион доллар консентрат ва маъдан содирот гардид”, - гуфт вай.

Ҳамзамон манбаъ қайд кардааст, ки истихроҷи ангишт дар конҳои вилоят ба 525,2 ҳазор тонна расонда, корхонаҳои коркард ва бандубасти меваи хушки вилоят дар ин давра 2841,4 тонна меваро коркард, корхонаҳои консервбарорӣ 3,3 миллион қуттии шартӣ консерв истеҳсол карданд.

Дар ҳамин ҳол, ҳаҷми истеҳсоли орд низ ба 215 ҳазор тонна расид, ки нисбат ба ҳамин давраи соли гузашта 114,8 ҳазор тонна зиёд мебошад.

Ба андозаи 82,7 миллион сомонӣ маҳсулоти дӯзандагӣ истеҳсол карда шуд, ки нисбат ба ҳамин давраи соли гузашта 6,2 миллион сомонӣ зиёд буда, суръати афзоиш 108,1 дарсадро ташкил медиҳад.

Ҳоло бо мақсади таъмини амнияти санитарию эпидемиологии аҳолии ҷумҳурӣ дар вилоят истеҳсоли як қатор маҳсулоти муҳофизатӣ ба роҳ монда, дар панҷ моҳ 3,9 миллион дона ниқоби тиббӣ, 8534 адад либоси махсуси тиббӣ ва 277,6 ҳазор дона маҳлул барои беҳдошти шахсӣ (антисептик) истеҳсол шудааст.

37
Барчаспҳо:
афзоиш, саноат, корхона, Суғд, Тоҷикистон
Сомони и доллары, архивное фото

Коронавирус даромади буҷети Тоҷикистонро кам кард

249
(Таҷдидшуда 02:01 02.07.2020)
Маҷлиси намояндагони Тоҷикистон нақшаи ҳукумати кишвар барои коҳиши бахши даромадии буҷети соли 2020 ба далели вируси коронаро тасвиб кард

ДУШАНБЕ, 2 июл — Sputnik. Файзиддин Қаҳҳорзода вазири молияи Тоҷикистон дар нишасти порлумонӣ гуфт, касри буҷети ҳукумат ба далели афзоиши ҳазинаҳои вируси корона дар соли ҷорӣ ба ҳудуди се миллиарду 100 миллион сомонӣ хоҳад расид, иттилоъ додааст сомонаи хабарии “Парстудей”.

Бино бар иттилои манбаъ, аз ин ру дар соли ҷорӣ илова бар ҳазинаи бахшҳои иҷтимоӣ, манобеи молии сандуқи бознишастагӣ ва ҳуқуқу дастмуздҳои кормандон ба маблағи як миллиарду 822 сомонӣ коҳиш хоҳад ёфт.

Дар ҳамин ҳол, бахши даромадии бюджети ҳукумати Тоҷикистон барои соли 2020 ба мизони 20 миллиарду 349 миллион сомонӣ таъин шуда буд.

Ҳамчунин коҳиши маблағгузорӣ барои нақшаҳои зербиноӣ ба мизони 977 миллион сомонӣ ва буҷети созмонҳои давлатӣ ба мизони 81 миллион сомонӣ дар назар мебошад.

Аммо барои ҳимоят аз кодри дармонии Тоҷикистон дар мубориза бо вируси корона ва идомаи сохти нерӯгоҳи барқи обии Роғун дар соли ҷорӣ илова манобеи қаблии таъин шуда дар бюджети ҳукумати Тоҷикистон як миллиарду 900 миллион сомонӣ ихтисос хоҳад ёфт.

249
Барчаспҳо:
коҳиш, Ҳукумат, вирус, даромад, Тоҷикистон

Омори сирояту шифоёбӣ аз COVID - 19 дар моҳи июн

0
(Таҷдидшуда 21:01 02.07.2020)
Омори гирифторон, шифоёфтагон ва фавтидагон аз коронавируси навъи COVID - 19 дар моҳи июнро аз тасвирбаёни Sputnik Тоҷикистон бубинед
Коронавирус дар Тоҷикистон: омори моҳи июн
© Sputnik /

Тибқи додаҳои Вазорати тандурустӣ ва ҳифзи иҷтимоии аҳолии Ҷумҳурии Тоҷикистон дар давоми моҳи июн дар Тоҷикистон 2024 нафар ба коронавирус сироя 2564 нафар аз ин беморӣ шифо ёфт ва 5 кас ҷони худро аз даст дод.

Дар умум бино бар омори Вазорати беҳдошти кишвар аз 30 апрели соли равон то 30 июн дар Тоҷикистон 5954 кас гирифтори коронавирус шуда, 4568 нафар шифо ёфтанд ва 52 кас қурбони ин вабои аср гардиданд.

Ҳукумати Тоҷикистон барои пешгирии паҳншавии ин беморӣ чораҳоеро дар моҳи май роҳандозӣ карда буд, ки бархе аз онҳо бардошта шуданд ва баъзеи дигар ҳамоно фаъол боқӣ мемонанд.

Ҳамин тавр, боғчаҳо ва мактабҳо то 18 август баста буда, донишҷӯён пеш аз муҳлат ба таътил фиристода шуданд. Дар кишвар пӯшидани ниқоб ҳатмӣ буда, масҷидҳо баста шуда, намози дастаҷамъома манъ шуд.

Кадом маҳдудиятҳо дар Тоҷикистон бардошта шуданд

Равуо миёни вилоятҳо ва навоҳии кишвар озод шуд. Баргузории маросими дафн иҷоза дода шуд.

Аз 15 июн дар шаҳри Душанбе фаъолияти бозорҳои либоса, марказҳои савдо, кинотеатрҳо, театрҳо, сартарошхонаҳо, кошонаҳои ҳусн оғоз шуд.

Баргузории маросими арӯсӣ иҷоза дода шуд: бо ширкати на бештар аз 100 меҳмон, пӯшидани ҳатмии ниқоб, дастпӯш ва санҷиши ҳарорати бадан.

Бозии футбол бидуни тамошобин иҷоза дода шуд.

Аз 25 июн барои бозгардонии шаҳрвандони Тоҷикистон, аз Русия ба Тоҷикистон парвозҳои махсус роҳандозӣ шуд. То имрӯз беш аз 600 шаҳрвандони Тоҷикистон ба Ватан бозгардонида шуданд.

0
Барчаспҳо:
омор, вируси нав, Тоҷикистон