Корҳои иктишофӣ ва истихроҷ дар кони тилло. Акс аз бойгонӣ

China Nonferrous Gold ба истихроҷи тилло дар кони Покрӯд оғоз мекунад

127
(Таҷдидшуда 22:03 12.10.2015)
Дар Тоҷикистон давоми соли 2014 беш аз се тонна тилло истихроҷ карда шуда, қарор аст, имсол ин нишондод ба 4 тонна расонида шавад.

ДУШАНБЕ, 1 октября — Sputnik. Бунёди корхонаи коркард ва истихроҷи маодин дар кони тиллои "Пакрут", ки дар шаҳри Ваҳдат ҷойгир мебошад, аллакай ба поён расидааст, хабар медиҳад, сомонаи ширкати China Nonferrous Gold Limited (CNG).

Корҳои истихроҷӣ дар кони тиллои "Пакрут" ҳам аллакай қисман шурӯъ гардидаанд, аммо ба таври комил охирҳои моҳи октябри соли равон оғоз хоҳад шуд.

"30 сентябри соли равон сарвазири Тоҷикистон ҳам барои шиносоӣ бо рафти корҳо аз ин кон боздид намуд. Корхона дар марҳилаи аввал бо иқтидори истеҳсоли ду тонна тилло дар як сол фаъолият намуда, дар марҳилаи дуюм, шуруъ аз соли 2018 иқтидори он ба истеҳсоли чор тонна тилло дар як сол расонида мешавад",- менависад АМИТ Ховар.

Тибқи дурнамо дар корхона аз охирҳои моҳи октябри соли равон истеҳсоли маҳсулот оғоз гардида, давраи озмоишӣ гузаронида мешавад. Дар корхонаи ғанигардонии "Пакрут" худи тилло истеҳсол нахоҳад шуд. Он дар корхонаҳои коркарди тиллои Тоҷикистон ё Чин истеҳсол карда мешавад.

Корҳо дар кони "Покрӯд" ҳанӯз соли 2004 аз ҷониби корхонаи Kryso Resources Plc, ки дар яке аз ҷазираҳои Вирҷинияи Бритониё сабти ном шудааст, оғоз гардида буд. Соли 2013 ин ширкат номи худро ба China Nonferrous Gold Limited табдил дода, саҳмияҳи он пурра дар ихтиёри сармоягузорони чинӣ қарор гирифтанд. Муҳлати иҷозатномае, ки ҳоло ба ин ширкат аз ҷониби ҳукумати Тоҷикистон дода шудааст, то соли 2030 мебошад.  

Муҳлати бозпардохт 4 сол аст

Дар сомонаи ширкати CNG арзиши як унс тилло 1 ҳазору 250 доллари амрикорӣ ва муҳлати бозпардохт дар сурати истеҳсоли 82 ҳазор унс дар як сол (2,55 тонна) 4 сол навишта шудааст.

Дар сурати коҳиши истеҳсол муҳлати бозпардохт ҳам афзоиш хоҳад ёфт.

Дар Тоҷикистон давоми соли 2014 беш аз 3 тонна тило истеҳсол карда шуда, қарор аст, имсол ин нишондод ба 4 тонна расонида шавад.

Бузургтарин корхзонаҳое, ки ҳоло дар Тоҷикистон бо истихроҷи тилло машғуланд, "Зарафшон", "Апрелевка" ва "Тиллои тоҷик" мебошанд.

127
Барчаспҳо:
ширкати чинӣ ба истихроҷи тилло оғоз мекунад, истихроҷ ва коркарди тилло, кони тилло, нахуствазири Тоҷикистон, кони Апрелевка, кони Зарафшон, кони Покрӯд, ширкати China Nonferrous Gold Limited (CNG), Қоҳир Расулзода, Зарафшон, Душанбе, Тоҷикистон
Всемирный банк, офис в Вашингтоне

Зарари бесобиқаи коронавирус ба иқтисоди ҷаҳон: 5 сол барои барқароршавӣ лозим

123
(Таҷдидшуда 16:58 19.09.2020)
Бонки ҷаҳонӣ моҳи июн гузориш дод, ки соли 2020 коҳиши рекордии иқтисоди ҷаҳонро пас аз ҷанги дуввуми ҷаҳонӣ интизор аст

ДУШАНБЕ, 17 сен — Sputnik. Кармен Рейнхарт сармутахассиси Бонки ҷаҳонӣ мегӯяд, барқароршавии иқтисоди ҷаҳон аз буҳроне, ки дар натиҷаи пандемияи коронавирус ба амал омад, метавонад то панҷ солро дар бар гирад. 

"Эҳтимол, дар пасманзари лағви ҳама чораҳои маҳдудкунандаи марбут ба карантин ҷаҳиши фаврӣ ба амал ояд, аммо барқароршавии пурра то панҷ солро дар бар хоҳад гирифт", - изҳор доштааст Рейнхайтер.

Ҳамзамон Рейнхарт интизор дорад, ки пас аз буҳрон сатҳи камбизоатӣ дар ҷаҳон бори аввал дар 20 соли охир боло хоҳад рафт.

Ба гуфтаи иқтисодчӣ, буҳроне, ки дар натиҷаи пандемия ба вуҷуд омадааст, нобаробариро дар ҷаҳон афзоиш хоҳад дод, "зеро табақаҳои камбизоати аҳолӣ аз буҳрон дар кишварҳои сарватманд аз ҳама сахттар зарар мебинанд ва кишварҳои камбизоат нисбат ба сарватманд бештар хисорот хоҳанд дид", - менависад Арменпресс бо истинод ба РИА Новости.

Гуттерреш мегӯяд, коронавирус аз назорат берун омад ва ваксин ин буҳронро рафъ намекунад

Бонки ҷаҳонӣ моҳи июн гузориш дод, ки соли 2020 коҳиши рекордии иқтисоди ҷаҳонро пас аз ҷанги дуввуми ҷаҳонӣ интизор аст.

Ёдовар мешавем, Созмони ҷаҳонии беҳдошт хуруҷи сирояти нави коронавируси COVID-19-ро пандемия эълон кард. Тибқи маълумоти охирини СҶБ, дар ҷаҳон зиёда аз 29,1 миллион ҳолати сироятёбӣ ошкор гардида, беш аз 926 ҳазор нафар фавтидаанд.

123
Барчаспҳо:
иқтисод, БҶ
Флаг Таджикистана и Узбекистана, архивное фото

Дар Душанбе ҷаласаи Комиссияи байниҳукуматии Тоҷикистон ва Ӯзбекистон баргузор мегардад

175
(Таҷдидшуда 11:12 19.09.2020)
Мақомоти Тоҷикистон эълон кардааст, ки охири моҳи сентябри соли равон дар шаҳри Душанбе ҷаласаи навбатии Комиссияи байниҳукуматии Тоҷикистон ва Ӯзбекистон баргузор мегардад

ДУШАНБЕ, 19 сен – Sputnik. Бино бар иттилои дафтари матбуоти вазорати иқтисод ва савдои Тоҷикистон, дар охири моҳи сентябри соли равон дар шаҳри Душанбе ҷаласаи навбатии Комиссияи байниҳукуматии Тоҷикистон ва Ӯзбекистон баргузор гардад ва ҳоло омодагиҳо дар ин самт идома доранд.

Тибқи иттилои манбаъ, ин нукта зимни вохӯрии  Вазири рушди иқтисод ва савдои Тоҷикистон Завқӣ Завқизода ва муовини якуми Вазири сармоягузорӣ ва савдои хориҷии Ӯзбекистон Лазиз Қудратов, муовини Вазири иқтисод ва паст кардани сатҳи камбизоатии Ӯзбекистон Акмалхон Ортиқов, ки 18 сентябр дар шаҳри Душанбе баргузор гардид, мавриди баррасӣ қарор гирифт.

Баррасии ҳамкориҳои иқтисодӣ, иҷтимоии Тоҷикистону Ӯзбекистон дар Душанбе

Ҳамзамон манбаъ таъкид доштааст, ки зимни вохӯрӣ ҷонибҳо инчунин вазъ ва дурнамои ҳамкории дуҷонибаро дар соҳаи тиҷоратию иқтисодӣ, аз ҷумла зиёд намудани нишондиҳандаҳои ҳаҷми гардиши савдои дуҷониба, таъсиси корхонаҳои муштарак дар минтақаҳои озоди иқтисодии Тоҷикистон баррасӣ намуданд.

Гуфта шудааст, ки ба шарофати сиёсати сарони ду кишвар ҳамкории стратегӣ босуръат рушд карда истодааст.

175
Барчаспҳо:
иқтисодӣ, ҷаласа, ҳамкорӣ, Ӯзбекистон, Тоҷикистон
премьер-министр Узбекистана Абдулла Арипов

Санаи сафари сарвазири Ӯзбекистон ба Тоҷикистон маълум шуд

0
(Таҷдидшуда 21:34 19.09.2020)
Палатаи савдо ва саноати Тоҷикистон мегӯяд, сафари Абдулло Арипов, сарвазири Ӯзбекистон ба Душанбе ба рӯзҳои 28-30 сентябр рост меояд

ДУШАНБЕ, 19 сен — Sputnik.  Омодагӣ ба сафари Абдулло Арипов дар Палатаи савдо ва саноати Тоҷикистон баррасӣ шуд. Дар доираи ин сафар анҷумани соҳибкорони Тоҷикистону Ӯзбекистон рӯзҳои 28-30 сентябр ба нақша гирифта шудааст.

Инчунин зимни ин сафар ҷаласаи навбатии Комиссияи байниҳукуматии Тоҷикистон ва Ӯзбекистон баргузор мегардад

Дафтари матбуоти вазорати иқтисод ва савдои Тоҷикистон, мегӯяд, ҳоло омодагиҳо ба ҷаласаи навбатии Комиссияи байниҳукуматии Тоҷикистон ва Ӯзбекистон давом доранд.

Тибқи иттилои манбаъ, ин нукта зимни вохӯрии  Вазири рушди иқтисод ва савдои Тоҷикистон Завқӣ Завқизода ва муовини якуми Вазири сармоягузорӣ ва савдои хориҷии Ӯзбекистон Лазиз Қудратов, муовини Вазири иқтисод ва паст кардани сатҳи камбизоатии Ӯзбекистон Акмалхон Ортиқов, ки 18 сентябр дар шаҳри Душанбе баргузор гардид, мавриди баррасӣ қарор гирифт.

Ҳамзамон манбаъ таъкид доштааст, ки зимни вохӯрӣ ҷонибҳо инчунин вазъ ва дурнамои ҳамкории дуҷонибаро дар соҳаи тиҷоратию иқтисодӣ, аз ҷумла зиёд намудани нишондиҳандаҳои ҳаҷми гардиши савдои дуҷониба, таъсиси корхонаҳои муштарак дар минтақаҳои озоди иқтисодии Тоҷикистон баррасӣ намуданд.

0
Барчаспҳо:
ҷаласа, ҳамкорӣ, Ӯзбекистон, Тоҷикистон