Мусофирон ҳангоми ба қайдгирии чиптаҳо

Ширкатҳои ҷаҳонгардӣ: коҳиши назарраси сайёҳонро ба Туркияро интизорем

37
(Таҷдидшуда 15:59 11.02.2016)
Дар мавриди он ки ширкатҳои сайёҳӣ аз нигоҳи молӣ дар натиҷаи вазъи кунунии сиёсии Туркия то куҷо зарар мебинанд, ҳанӯз чизе гуфтан ғайриимкон аст. Танҳо дар ин бора метавон моҳҳои май ё июни соли оянда суҳбат кард, ки мависими сайёҳат дар ин кишвар оғоз мешавад.

ДУШАНБЕ, 30 ноя — Sputnik. Ширкатҳои сайёҳии Душанбе ба коҳиши назарраси шумори муштариёни худ дар мавсими оянда омодагӣ мебинанд.

Омили аслии инро ширкатҳои туркӣ ба вазъи сиёсии ахир — муноқашаи Туркияву Русия ва таҳримҳои Кремл алайҳи кишвари худ рабт медиҳанд.

Равобити дӯстонаи Анқара ва Маскав замоне ба сардӣ гароид, ки ҳавопаймои низомии Су-24-и Русия дар қаламрави Сурия тавассути неруҳои турк сарнагун гардид.
Яке аз операторҳои ширкати "Turkish Airlines" дар Душанбе мегӯяд, ин ширкат аз ҳоло барои рӯбарӯ шудан бо буҳрон омодагӣ мебинад.

"Вазъи сиёсӣ дар Туркия ба таври возеҳ ба фурӯши чиптаҳо таъсир гузоштааст. Мо худ намехоҳем, таваккул карда, дар ин гуна вазъият муштариёни хешро равон кунем. Агар нооромие сарбизанад, пас ҳам муштариёни мо зазар мебинанду ҳам мо азоби виҷдон мекашем. Шояд ман худам онҳое, ки ҳоло мехоҳанд, ба Туркия раванд мутақоид созам, ки сафари худро то муътадил шудани вазъ мавқуф гузоранд", — изҳор дошт ҳамсуҳбати мо.

Аз сӯи дигар, ба гуфтаи ӯ, ҳоло бархе аз муштариён худ сафари хеш ба Туркияро лағв мекунанд.

"Дирӯз як зан омаду аз мо дар мавриди сайёҳат ба яке аз кишварҳо тавсия хост, мо ҳам ба ӯ кишварҳои Аврупоро тавсия кардем, вале гуфт, аз баски он ҳамсарҳади Туркия аст, маъқул нашуд ва дар умум гуфт, вазъи кунунии он ҷо барои ӯ маъқул нест",- афзуд ин корманди "Turkish Airlines" дар Душанбе.

Оператори яке аз ширкатҳои дигари сайёҳии Душанбе — "Аспэндос трэвэл" мегӯяд, ӯ дар ҳоли ҳозир тағйироти назаррасеро дар мавриди шумори сайёҳон намебинад, аммо ба гуфтаи ӯ, ҳоло мавсими рафтан ба Туркия нест.

"Дар ҳоли ҳозир мо сафарбаркунӣ аб Дубайро оғоз кардаем. Ҳама чиз мавсими тобистонаи соли оянда маълум мешавад. Бо назардошти буҳрон албатта, шумори муштариён коҳиш хоҳад ёфт, аммо дар робита ба вазъи буҳронии равобити Мавкаву Анқара, ки чӣ таъсире хоҳад расонд, ҳоло чизе гуфта намешавад", — афзуд ӯ.

Аммо ба гуфтаи ин ҳамсуҳбати ягоне чизе метавон дар он таъсири вазъи ахирро эҳсос кард, ин фурӯши чиптаҳои парвози фармоишӣ тавассути Маскав ба Анталия аст.

"Мо парвозҳои зиёде тавассути Маскав ба Анталияро доштем ва ҳоло фикр мекунам, дигар ин гуна парвоз нахоҳем дошт", — афзуд ӯ.

Раҳбарияти ширкати сайёҳии "Зигана Тур" дар робита ба паёмади таҳримҳои Русия алайҳи Туркия хушбин аст.

"Агар шумори сайёҳони рус ба Туркия коҳиш ёбад, пас мусаллам аст, ки арзиши химатрасониҳои сайёҳӣ, аз қабили меҳмонсаро поин хоҳад рафт ва ин албатта, ба манфиати муштариёни мо аст, ки эҳтимоли афзоиш ёфтани сайёҳони Тоҷикистон ба Туркияро дар пай дорад", — мегӯяд бо боварӣ раҳбарияти "Зигана Тур".

Аз сӯи дигар, масъулини ин ширкат мегӯянд, вазъи иқтисодии кишвар то рафт буҳронитар мешавад ва ин албатта, ба вазъи молии сокинон ҳам бетаъсир нахоҳад буд.

Дар мавриди он ки ширкатҳои сайёҳӣ аз нигоҳи молӣ дар натиҷаи вазъи кунунии сиёсии Туркия то куҷо зарар мебинанд, ҳанӯз чизе гуфтан ғайриимкон аст. Танҳо дар ин бора метавон, моҳҳои май ё июни соли оянда суҳбат кард, ки мависими сайёҳат дар ин кишвар оғоз мешавад.

37
Барчаспҳо:
сайёҳ, муштарӣ, сарнагун, Су-24, суқут, буҳрон, иқтисодӣ, парвоз, ҳавопаймо, вазъи ширкатҳои сайёҳӣ, "Turkish Airlines", "Зигана Тур", Анталия, Туркия, Аврупо, Душанбе, Тоҷикистон, Русия, Маскав
Мавзуҳо:
Суқути Су-24-и Русия: сабаб ва пайомадҳои он (18)
Всемирный банк, офис в Вашингтоне

Зарари бесобиқаи коронавирус ба иқтисоди ҷаҳон: 5 сол барои барқароршавӣ лозим

140
(Таҷдидшуда 16:58 19.09.2020)
Бонки ҷаҳонӣ моҳи июн гузориш дод, ки соли 2020 коҳиши рекордии иқтисоди ҷаҳонро пас аз ҷанги дуввуми ҷаҳонӣ интизор аст

ДУШАНБЕ, 17 сен — Sputnik. Кармен Рейнхарт сармутахассиси Бонки ҷаҳонӣ мегӯяд, барқароршавии иқтисоди ҷаҳон аз буҳроне, ки дар натиҷаи пандемияи коронавирус ба амал омад, метавонад то панҷ солро дар бар гирад. 

"Эҳтимол, дар пасманзари лағви ҳама чораҳои маҳдудкунандаи марбут ба карантин ҷаҳиши фаврӣ ба амал ояд, аммо барқароршавии пурра то панҷ солро дар бар хоҳад гирифт", - изҳор доштааст Рейнхайтер.

Ҳамзамон Рейнхарт интизор дорад, ки пас аз буҳрон сатҳи камбизоатӣ дар ҷаҳон бори аввал дар 20 соли охир боло хоҳад рафт.

Ба гуфтаи иқтисодчӣ, буҳроне, ки дар натиҷаи пандемия ба вуҷуд омадааст, нобаробариро дар ҷаҳон афзоиш хоҳад дод, "зеро табақаҳои камбизоати аҳолӣ аз буҳрон дар кишварҳои сарватманд аз ҳама сахттар зарар мебинанд ва кишварҳои камбизоат нисбат ба сарватманд бештар хисорот хоҳанд дид", - менависад Арменпресс бо истинод ба РИА Новости.

Гуттерреш мегӯяд, коронавирус аз назорат берун омад ва ваксин ин буҳронро рафъ намекунад

Бонки ҷаҳонӣ моҳи июн гузориш дод, ки соли 2020 коҳиши рекордии иқтисоди ҷаҳонро пас аз ҷанги дуввуми ҷаҳонӣ интизор аст.

Ёдовар мешавем, Созмони ҷаҳонии беҳдошт хуруҷи сирояти нави коронавируси COVID-19-ро пандемия эълон кард. Тибқи маълумоти охирини СҶБ, дар ҷаҳон зиёда аз 29,1 миллион ҳолати сироятёбӣ ошкор гардида, беш аз 926 ҳазор нафар фавтидаанд.

140
Барчаспҳо:
иқтисод, БҶ
Флаг Таджикистана и Узбекистана, архивное фото

Дар Душанбе ҷаласаи Комиссияи байниҳукуматии Тоҷикистон ва Ӯзбекистон баргузор мегардад

187
(Таҷдидшуда 11:12 19.09.2020)
Мақомоти Тоҷикистон эълон кардааст, ки охири моҳи сентябри соли равон дар шаҳри Душанбе ҷаласаи навбатии Комиссияи байниҳукуматии Тоҷикистон ва Ӯзбекистон баргузор мегардад

ДУШАНБЕ, 19 сен – Sputnik. Бино бар иттилои дафтари матбуоти вазорати иқтисод ва савдои Тоҷикистон, дар охири моҳи сентябри соли равон дар шаҳри Душанбе ҷаласаи навбатии Комиссияи байниҳукуматии Тоҷикистон ва Ӯзбекистон баргузор гардад ва ҳоло омодагиҳо дар ин самт идома доранд.

Тибқи иттилои манбаъ, ин нукта зимни вохӯрии  Вазири рушди иқтисод ва савдои Тоҷикистон Завқӣ Завқизода ва муовини якуми Вазири сармоягузорӣ ва савдои хориҷии Ӯзбекистон Лазиз Қудратов, муовини Вазири иқтисод ва паст кардани сатҳи камбизоатии Ӯзбекистон Акмалхон Ортиқов, ки 18 сентябр дар шаҳри Душанбе баргузор гардид, мавриди баррасӣ қарор гирифт.

Баррасии ҳамкориҳои иқтисодӣ, иҷтимоии Тоҷикистону Ӯзбекистон дар Душанбе

Ҳамзамон манбаъ таъкид доштааст, ки зимни вохӯрӣ ҷонибҳо инчунин вазъ ва дурнамои ҳамкории дуҷонибаро дар соҳаи тиҷоратию иқтисодӣ, аз ҷумла зиёд намудани нишондиҳандаҳои ҳаҷми гардиши савдои дуҷониба, таъсиси корхонаҳои муштарак дар минтақаҳои озоди иқтисодии Тоҷикистон баррасӣ намуданд.

Гуфта шудааст, ки ба шарофати сиёсати сарони ду кишвар ҳамкории стратегӣ босуръат рушд карда истодааст.

187
Барчаспҳо:
иқтисодӣ, ҷаласа, ҳамкорӣ, Ӯзбекистон, Тоҷикистон
премьер-министр Узбекистана Абдулла Арипов

Санаи сафари сарвазири Ӯзбекистон ба Тоҷикистон маълум шуд

0
(Таҷдидшуда 21:34 19.09.2020)
Палатаи савдо ва саноати Тоҷикистон мегӯяд, сафари Абдулло Арипов, сарвазири Ӯзбекистон ба Душанбе ба рӯзҳои 28-30 сентябр рост меояд

ДУШАНБЕ, 19 сен — Sputnik.  Омодагӣ ба сафари Абдулло Арипов дар Палатаи савдо ва саноати Тоҷикистон баррасӣ шуд. Дар доираи ин сафар анҷумани соҳибкорони Тоҷикистону Ӯзбекистон рӯзҳои 28-30 сентябр ба нақша гирифта шудааст.

Инчунин зимни ин сафар ҷаласаи навбатии Комиссияи байниҳукуматии Тоҷикистон ва Ӯзбекистон баргузор мегардад

Дафтари матбуоти вазорати иқтисод ва савдои Тоҷикистон, мегӯяд, ҳоло омодагиҳо ба ҷаласаи навбатии Комиссияи байниҳукуматии Тоҷикистон ва Ӯзбекистон давом доранд.

Тибқи иттилои манбаъ, ин нукта зимни вохӯрии  Вазири рушди иқтисод ва савдои Тоҷикистон Завқӣ Завқизода ва муовини якуми Вазири сармоягузорӣ ва савдои хориҷии Ӯзбекистон Лазиз Қудратов, муовини Вазири иқтисод ва паст кардани сатҳи камбизоатии Ӯзбекистон Акмалхон Ортиқов, ки 18 сентябр дар шаҳри Душанбе баргузор гардид, мавриди баррасӣ қарор гирифт.

Ҳамзамон манбаъ таъкид доштааст, ки зимни вохӯрӣ ҷонибҳо инчунин вазъ ва дурнамои ҳамкории дуҷонибаро дар соҳаи тиҷоратию иқтисодӣ, аз ҷумла зиёд намудани нишондиҳандаҳои ҳаҷми гардиши савдои дуҷониба, таъсиси корхонаҳои муштарак дар минтақаҳои озоди иқтисодии Тоҷикистон баррасӣ намуданд.

0
Барчаспҳо:
ҷаласа, ҳамкорӣ, Ӯзбекистон, Тоҷикистон