Растаи меваю сабзавот. Акс аз бойгонӣ

Номаи "маҳсулотӣ"-и Тоҷикистон ба Русия

67
(Таҷдидшуда 12:05 30.03.2016)
Пешниҳоди ҳамкориро аз ҷониби Палатаи савдо 53 ширкати русӣ қабул кард. Лоиҳаҳои нав ба истеҳсолкунандагони тоҷик имконият медиҳанд, ки ҳаҷми содиротро то панҷ маротиба зиёд намоянд.

ДУШАНБЕ, 30 мар — Sputnik. Раиси Палатаи савдо ва саноати Тоҷикистон Шариф Саид ба вилоятҳои Русия феҳрасти меваю сабзавот ва ташкилотҳои истеҳсолкунандаи маҳсулоти кишварро ирсол кард, иттилоъ медиҳад дафтари матбуотии хадамот.

Ҳадафи аслии ин нома, барқарор намудани муносибатҳои мустақим миёни соҳибкорону субъектҳо ва бастани шартнома оиди таъмини Русия бо сабзавот, меваҷот, маҳсулоти консервӣ, асал, афшураҳо, зироати полезӣ ва меваи хушк мебошад.

Боздиди Эмомалӣ Раҳмон аз ноҳияи Хуросони вилояти Хатлон. Акс аз бойгонӣ
© Официальная страница пресс-службы президента РТ в Facebook.

Як чунин мактубҳо ба губернаторони вилоятҳои Сревдловск, Новосибирск, Красноярск, Пенза, раисони шаҳрҳои Уфа, Қазон ва ҳамчунин ба сарони вилоёти  Санкт-Петербурга ва Перм низ фиристода шуданд.

Ба мактуби Шариф Саид роҳбарони 53 корхонаю ташкилотҳои савдои яклухт аз манотиқи мухталифи Русия посухи мусбат додаанд.

Мақомот умед дорад, ки бастани шартномаҳои нави ҳамкорӣ ба рушди  тиҷоративу иқтисодии байни ду кишвар таъсири мусбат дошта ҳаҷми содироти ҷумҳурии Тоҷикистонро баланд мебардорад.

"Ҳамчунин дар бахшҳои истеҳсоли сабзавот, сабзавотҳои барвақтӣ, лимӯ, анор парвариши меваҳо ва тайёр кардани афшураҳо, помидор, нӯшокиҳо, шарбат, мураббо, асал ва ғайраҳо низ чанд лоиҳаи ҳамкорӣ роҳандозӣ карда мешавад", —омадааст дар нома.

Дар робита бо афзоиши содирот ба Русия соҳибкорони Тоҷикистон метавонанд парвариш ва истеҳсоли маҳсулотро зиёд карда, ҳаҷми содиротро то панҷ маротиба боло бардоранд.

 

67
Барчаспҳо:
содирот, маҳсулот, нома, меваву сабзавот, Палатаи тиҷорат ва саноъати Тоҷикистон, Палатаи савдои Тоҷикистон, Шариф Саид, Санкт-Петербург, Русия, Тоҷикистон
Мавзуъ
Воридоти меваю сабзавот ба Русия манъ мешавад, аз ҷумла аз Тоҷикистон
Здание Национального банка Таджикистана, архивное фото

Бонки миллӣ арзиши рубл, доллар ва евроро барои имрӯз эълон кард

244
(Таҷдидшуда 12:48 05.06.2020)
Бонки миллии Тоҷикистон арзиши сомониро нисбат ба асъори хориҷӣ барои имрӯз ҷумъа охири ҳафтаи равон эълон кард

ДУШАНБЕ, 4 июн — Sputnik.  Тибқи нишондоди Бонки миллии Тоҷикистон арзиши 1 рубли русӣ 0.1480 ва дар бозори нақдии кишвар 0.1550 сомонӣ арзиш дорад.

Ин ниҳод қурби миёнаи фурӯши 1 доллари ИМА дар муассисаҳои қарзии Тоҷикистонро аз 10.2793 то 10.2900 сомонӣ арзёбӣ кардааст.

Бонки миллӣ қурби миёнаи фурӯши 1 евроро аз 11.5570 то 11.7000 сомонӣ арзёбӣ кардааст. Тибқи нишондоди Бонки миллии Тоҷикистон арзиши 1 рубли русӣ дар муассиcаҳои ташкилоти қарзии Тоҷикистон аз 0.1480 то 0.1550 сомонӣ арзиш дорад.

Пешбинии коршинос: арзиши доллар тобистон поён мераваду рубл боло

Ҳамин тавр, Бонки миллии Тоҷикистон имрӯз қурби асъори хориҷиро нисбат ба сомонӣ (асъори миллии Тоҷикистон) чунин муқаррар кардааст: 1 доллари ИМА — 10.2793 сомонӣ, 1 евро – 11.5570 сомонӣ ва 1 рубли русӣ — 0.1480 сомонӣ.

БМТ огоҳ менамояд, ки "берун аз сарбонк, филиал, марказҳои хизматрасонии бонкӣ, нуқтаи интиқоли пул ва банкомату терминалҳо анҷом додани амалиёти мубодилавӣ қатъиян манъ аст ва риоя накардани талаботи мазкур аз ҷониби шахсони воқеӣ қонуншиканӣ ба ҳисоб рафта, боиси ба ҷавобгарии маъмурӣ ва ҷиноятӣ кашидан мегардад".

244
Барчаспҳо:
қурби асъор, арзиши рубли русӣ, Бонки Миллӣ, Тоҷикистон
Денежные купюры

Сад рубл барои як доллар: таҳлилгарон дар бораи бадтарин сенарияи пандемия гуфтанд

716
(Таҷдидшуда 17:03 04.06.2020)
Дар нимаи дуюми соли 2020 коҳишёбии назарраси рубл дар зери таъсири пастшавии нархи нафт интизор меравад

ДУШАНБЕ, 4  июн — Sputnik. Дар сурате, ки мавҷи дуввуми коронавирус дар ҷаҳон оғоз шавад ва кишварҳо дубора маҳдудиятҳо ҷорӣ кунанд, доллар метавонад ба 90-100 рубл бирасад.

Дар ин бора дар пешгӯии Маркази таҳлили макроиқтисодӣ ва дурнамои кӯтоҳмуддат  (ЦМАКП) зикр шудааст.

Тибқи гузориш, коҳиши назарраси рубл дар нимаи дуюми соли 2020 зери таъсири коҳиши нархи нафт ва афзоиши мавсимии талаботи дохилӣ ба асъори хориҷӣ дар назар аст.

Тавре ки Дмитрий Белоусов, роҳбари таҳлил ва пешгӯии равандҳои макроиқтисодӣ дар (ЦМАКП) шарҳ додааст, маҳдудиятҳои карантинӣ бояд дар тирамоҳ ва зимистони соли равон ба амал оянд.

Дар робита ба ин, интизор меравад нархи нафт хеле паст шавад.

Ба андешаи ӯ, аз семоҳаи чоруми соли 2020 то соли 2022, пули миллӣ ба ҳар як доллар тақрибан 87-91 рубл хоҳад буд.

Бо вуҷуди ин, то соли 2023 давраҳои бештар мусоид фаро мерасанд ва пули русӣ мустаҳкамтар гашта барои як доллар то 83-87 рубл баробар мешавад.

Коршиносон гуфтанд, ҳафтаи оянд бо доллар чи хоҳад шуд

Дар ин ҳолат, ба гуфтаи таҳлилгарон, доллар дар семоҳаи чоруми соли равон метавонад аз 85 рубл фаротар равад ва дар баттарин вазъ, 1 доллар 100 рубл хоҳад шуд.

716
Барчаспҳо:
нарх, коҳиш, арзиш, нафт, доллар, рубл
Учения МЧС РФ в Ростове-на-Дону

Мубориза бо КОВИД-19: дар Бӯстон маҳлули хлор тақсим мекунанд

0
Дар ҳудуди шаҳр, кӯчаву хиёбонҳо, ҷойҳои ҷамъиятӣ, бозору марказҳои хизматрасонӣ, коргоҳу муассисаҳо ва манзилҳои аҳолӣ ҳамарӯза ҷиҳати безараргардонӣ тадбирҳо амалӣ гардида истодаанд.

ДУШАНБЕ, 5 июн — Sputnik. Дар шаҳри Бӯстони вилояти Суғд дар баробари ба роҳ мондани корҳои безараргардонӣ дар ҳудуди шаҳр тариқи нақлиёти махсуси хизматӣ ва дастгоҳҳои безараргардонӣ, инчунин Маркази назорати санитарию эпидемиологӣ ба аҳолӣ маҳлули хлорро ройгон дастрас менамояд.

Дар ин бора шаҳрдории Бӯстон гузориш медиҳад.

Дар ҳудуди шаҳр, кӯчаву хиёбонҳо, ҷойҳои ҷамъиятӣ, бозору марказҳои хизматрасонӣ, коргоҳу муассисаҳо ва манзилҳои аҳолӣ ҳамарӯза ҷиҳати безараргардонӣ тадбирҳо амалӣ гардида истодаанд.

Бино бар иттилои манбаъ, шурӯъ аз охирҳои моҳи апрели соли 2020,  ба зиёда аз 780 нафар сокинони шаҳри Бӯстон, ки хоҳиши шахсан дар манзилҳояшон гузаронидани корҳои безараргардонӣ доранд ва ё тариқи пешниҳоди раисони маҳаллаҳо беш  аз 11 тоннаву 700 литр маҳлули хлор дастрас карда шуд.

Тибқи иттилои директори Маркази назорати санитарию эпидемиологии шаҳри Бӯстон Зайнулло Тешаев, дар Марказ захираи кофии маҳлулҳои безараргардонӣ мавҷуд аст.

Сокинон бемамониат имкон доранд ройгон маҳлули хлор дастрас намоянд.

Ҷаҳиши нархи хлору ниқоб дар Суғд

 

0