Тангаҳо ва асъори пулӣ. Акс аз бойгонӣ

Тоҷикистон аз Бонки рушди АвруОсиё 40 миллион доллар “кредит” мегирад

21
(Таҷдидшуда 13:40 09.08.2016)
Интиқоли маблағи пулӣ ба ҷумҳурӣ барои дастгирии ислоҳоти иқтисодӣ дар ду зина баргузор мегардад ва дар охири ҳамин моҳ, аввали моҳи оянда ба нақша гирифта шудааст.

ДУШАНБЕ, 9 авг — Sputnik. Шӯрои Хазинаи эътидол ва рушди АвруОсиё  ба Тоҷикистон қарзи буҷҷавӣ медиҳад, иттилоъ дод хадамоти матбуотии Бонки рушди АвруОсиё.

"Қарзи молиявӣ ин воситаи муҳими дастгирии ислоҳоти иқтисодии ҳукумати Ҷумҳурии Тоҷикистон мебошад",- омадааст дар матни хабарӣ.

Маблағи пулӣ дар ҳаҷми 40 миллион доллар дар ояндаи наздик ба мамлакат бо 2 вом ба маблағи 20 миллион долларӣ интиқол дода мешавад: дар охири моҳи август ва аввали сентябри соли равон.

Қаблан хабар дода шуд, ки сарвазири ҶТ Қоҳир Расулзода, вазири молия Абдусалом Қурбониён ва мудири Раёсати БРА Дмитрий Панкин имконияти ҷалби сармоягузориро барои таҷдиди нерӯгоҳи барқӣ обии Норак муҳокима карда буданд.

Бонки рушди АвруОсиё ташкилоти молиявии байналмиллалиест, ки аз ҷониби Русия ва Қазоқистон моҳи январи соли 2006 барои рушди ҳамкориҳои иқтисоди кишварҳои аъзо бо мақсади рушди устувори иқтисодии онҳо ва васеъ намудани ҳамкориҳои тиҷоративу иқтисодӣ  ташкил карда шуд.

Хазинаи эътидол ва рушди АвруОсиё — ин механизми молиявии минтақавӣ бо иқтидори 8,513 миллиард доллар ИМА мебошад, ки соли 2009 аз тарафи Арманистон, Беларус, Қазоқистон, Қирғизистон, Русия ва Тоҷикистон ташкил карда шудааст.

21
Барчаспҳо:
40миллион доллар, қарз, Шӯрои хазинаи эътидол ва рушди АвруОсиё, БАОР, Тоҷикистон
Мавзуъ
Коршиносони БАОР: сармоягузорӣ ба таъмини об суди секарата медиҳад
Монеты, архивное фото

Вазир: қарзи давлатии Тоҷикистон ба беш аз 43 дарсади ММД расид

201
(Таҷдидшуда 20:20 22.11.2020)
Вазири молияи Тоҷикистон мегӯяд, қарзи давлатии ҷумҳурӣ то ҳол беш аз 43 дарсади маҷмӯи маҳсулоти дохилӣ, ММД-ро ташкил медиҳад

ДУШАНБЕ, 22 ноя – Sputnik. Файзиддин Қаҳҳорзода, вазири молия зимни баррасии барномаи нави қарзгирии Тоҷикистон дар парлумон гуфт, то 1 октябри соли 2020 ҳаҷми умумии қарзи давлатии ҷумҳурӣ  3,7 миллиард  доллари амрикоиро ташкил медиҳад.

Ба гуфтаи вазир, дар моҳҳои январ – сентябри соли ҷорӣ барои татбиқи лоиҳаҳои афзалиятдоштаи кишвар 5 созишномаи нави қарзӣ ба маблағи умумии 459,5 миллион доллари амрикоӣ бо ташкилотҳои гуногуни молиявӣ ба имзо расонида шуд.

Нашрияи парлумонии “Садои мардум” аз қавли Қаҳҳорзода афзуд, ки  ҳаҷми қарзи давлатии ҷумҳурӣ ба ҳолати аввали октябри соли равон ба 43,3 фоизи Маҷмӯи маҳсулоти дохилии кишвар баробар мебошад.

Ба гуфтаи вазири молияи Тоҷикистон, барои хизматрасонии қарзи беруна дар соли  2021 ҳудуди 213,5 миллион  доллар, соли 2022 -  238,2 миллион доллар ва соли 2023 ҳудуди 243,3 миллион доллари амрикоӣ ба нақша гирифта шудааст.

Қаҳҳорзода тавзеҳ дод, ки дар буҷа барои соли 2021 барои хизматрасонии қарзи берунаи давлатӣ 2,3 миллиард сомонӣ пешбинӣ шуда, 1 миллиард сомонии он барои пардохти қарзи асосӣ ва 861,1 миллион сомонӣ барои пардохти фоизҳои он аз ҳисоби буҷети ҷумҳуриявӣ равона карда мешавад.

201
Барчаспҳо:
ММД, Тоҷикистон
Министр финансов республики Таджикистан Файзиддин Каххорзода

Вазир аз нақшаи қарзгирии Ҳукумат барои сохтмони "Роғун" гуфт: чанд ва аз кӣ?

1133
(Таҷдидшуда 19:11 22.11.2020)
Давлати Тоҷикистон ният дорад, барои сохтмони нерӯгоҳи "Роғун" боз ҳудуди 340 миллион евро қарз бигирад

ДУШАНБЕ, 22 ноя – Sputnik. Файзиддин Қаҳҳорзода, вазири молияи Тоҷикистон, зимни баррасии барномаи қарзгирии кишвар барои соли 2021 ва дурнамои нишондиҳандаҳои он барои солҳои 2022-2023 аз нақшаи қарзгирӣ барои сохтмони НБО "Роғун" гуфт.

Ба гуфтаи вазир, феълан 8 созишномаи қарзӣ дар сатҳи лоиҳавӣ қарор доранд, ки калонтаринашон қарз  барои сохтмони  НБО "Роғун" мебошад.

Ӯ тавзеҳ дод, ки барои сохтмони НБО "Роғун"  гирифтани 340 миллион евро дар назар аст. Дар мавриди қарздиҳандагон Қаҳҳорзода илова намуд, ки тибқи нақша бояд аз бонкҳои аврупоӣ - Credit Suisse ва Landesbank Baden — Wiirttember гирифта шавад.

Дар маҷмуъ ба иттилои нашрияи парлумонии "Садои мардум", вазир таъкид намуд, ки барномаи нави қарзгирӣ барои соли 2021 ва дурнамо барои солҳои 2022-2023 ҳудуди 59 лоиҳаи қарзии амалкунанда ва 8 созишномаи қарзии дар сатҳи лоиҳавӣ қарордоштаро дар бар мегирад.

Ин дар ҳолест, ки Эмомалӣ Раҳмон, раисҷумҳури Тоҷикистон, моҳи октябри соли равон дар мулоқот бо сохтмончиёни "Роғун" гуфт,  аз аввали корҳои барқарорсозии иншооти нерӯгоҳи "Роғун", яъне аз соли 2008 то ба ҳол ба ин иншоот 25 миллиарду 340 миллион сомонӣ маблағ равона гардидааст.

1133
Барчаспҳо:
қарз, сохтмон, Тоҷикистон
День 24 ноября

Ҷашнҳои рӯзи 24 ноябр дар Тоҷикистон ва ҷаҳон

0
(Таҷдидшуда 17:10 23.11.2020)
Рӯзи бисту чоруми ноябр, дар Тоҷикистон Рӯзи Парчами давлатӣ, дар Русия Рӯзи модарон ва дар Амрико Рӯзи дӯстон таҷлил мешавад

Рӯзи 24 ноябр дар ҷаҳон чӣ рух дод

Соли 1996 дар раъйпурсии умумихалқӣ дар Беларус беш аз 70 фоизи аҳолӣ Конститутсияи пешниҳоднамудаи президент Александр Лукашенкоро ҷонибдорӣ карданд.

БелТА
Президент Беларуси Александр Лукашенко

Соли 1961 изҳороти СММ дар бораи манъи истифодаи яроқи ядроӣ қабул гардид.

День 23 ноября
© Sputnik/ Стас Этвеш/ Мария Вишнякова

Соли 1969 киштии кайҳонии "Аполлон-12" ба самти Моҳтоб парвоз кард.

Соли 2005 дар шаҳри Алмато Анҷумани 5-уми мутахассисони корҳои молияи Қазоқистон доир гардид.

Рӯзи 24 ноябр дар Тоҷикистон чӣ рух дод

Соли 1986 дар фурудгоҳи шаҳри Душанбе аввалин маротиба ҳавопаймои ТУ-154 М фуруд омад.

Соли 2010 бо ширкати раисҷумҳури Тоҷикистон Эмомалӣ Раҳмон дар маркази шаҳри Душанбе бунёди парчами давлатии Ҷумҳурии Тоҷикистон расман оғоз ёфта, он 30 августи соли 2011 дар пояи 165 — метра, ки дар ҷаҳон баландтарин маҳсуб меёфт, парафшон гардид.

Соли 2017 дар шаҳри Душанбе ба муносибати 25 — солагии барқарорсозии муносиботи дипломатии Ҷумҳурии Тоҷикистон ва Корея конфронси илмӣ — амалии байналмилалӣ доир шуд.

Соли 2016 дар Маркази исмоилияи шаҳри Душанбе конфронси байналмилалии "Таҳсилоти пайваста барои рушди устувор" доир шуд.

Исмаилитский центр в Душанбе, архивное фото
© Sputnik / Амир Исаев
Исмаилитский центр в Душанбе, архивное фото

Соли 2017 дар шаҳри Душанбе шарҳи муштараки ҳарсолаи  амалигардии барномаи "Стратегияи миллии саломатии аҳолии Ҷумҳурии Тоҷикистон барои солҳои 2010-2020" гузаронида шуд.

Соли 2014 доираи васеи ҳамкории дуҷонибаи Тоҷикистону Кувайт баррасӣ шуд.

Ҷашнҳои рӯзи 24 ноябр

  • Дар Ҷумҳурии Тоҷикистон - Рӯзи Парчами давлатӣ.
  • Дар Русия - Рӯзи модарон.
  • Дар Амрико - Рӯзи дӯстон.

Рӯзи 24 ноябр дар Тоҷикистон кӣ ба дунё омадааст

Солҳои (1939-1984) – адабиётшинос Назира Қаҳарова.

Соли 1942 – Ҳунарманди халқии Сайрам Исоева.

Председатель согда Раджаббой Ахмадзода, мэр Худжанда Маъруф Мухамадзода посетили актрису Сайрам Исоеву
Пресс-служба мэра Худжанда
Председатель согда Раджаббой Ахмадзода, мэр Худжанда Маъруф Мухамадзода посетили актрису Сайрам Исоеву

Соли 1947 – рӯзноманигор ва нависанда, сармуҳаррири "Курер Таджикистана" Муҳаммадҷон Тоштемиров.

Соли 1950 – хабарнигори Шаҳбозхон Саркориев.

0
Барчаспҳо:
Ҷаҳон, Тоҷикистон, ҷашн
Мавзуъ
Ҷашнҳои рӯзи 17 ноябр дар Тоҷикистон ва ҷаҳон
Ҷашнҳои рӯзи 19 ноябр дар Тоҷикистон ва ҷаҳон
Зодрӯзи Бозор Собир ва инқилоб дар Мексика: ҷашнҳои рӯзи 20 ноябр
Ҷашнҳои рӯзи 21 ноябр дар Тоҷикистон ва ҷаҳон
Пирӯзии Парвиз Собиров ва унвонгирии Майк Тайсон: ҷашнҳои 22 ноябр
Ҷашнҳои рӯзи 23 ноябр дар Тоҷикистон ва ҷаҳон