Сомонӣ. Акс аз бойгонӣ

Бонки миллӣ: таваррум дар Тоҷикистон аз 7 фоизи солона боло намеравад

38
(Таҷдидшуда 13:19 31.10.2016)
Нишондоди аз ҳама баланди таваррум дар кишвар моҳи январ 1,4% ва моҳи август 0,8% ба қайд гирифта шудааст, омадааст дар хабари коршиносони Бонки милии Тоҷикистон

ДУШАНБЕ, 31 окт — Sputnik.Сатҳи таваррум дар бахши истеъмолии Тоҷикистон тайи моҳи сентябр 0,4 %-ро ташкил намуд, хабар медиҳад Бонки миллии Тоҷикистон.

Ин нишондод назар ба моҳи август   0,4 % камтар мебошад, мувофиқи ҳисоботи солона бошад дар моҳи сентябр дараҷаи таваррум дар умум 6,4% ташкил мекунад, омадааст дар хабар.

Ҷоизи қайд аст, ки нишондоди аз ҳама баландтарини таваррум дар кишвар моҳи январ (1,4%) ба қайд гирифта шудааст.

Чуноне ки коршиносони Бонки миллӣ хабар медиҳанд нархи хизматрасониҳои нақлиёти мусофирбар  9,9%,  хизматрасониҳои маишӣ  8,1%, хизматрасониҳои коммуналӣ 0,1%,  маориф  12,1%  гарон шудааст. Нархи иҷора 5,9% боло рафта, хисматрасониҳои маишиву коммуналӣ  5,8% гаронтар гардидаанд.

Нархи маҳсулоти ғайриозуқаворӣ дар соли равон  28,1% гарон шудааст, либоса ва пойафзол бошад 16,6% ва доруворӣ 15 фоиз гарон гардидааст.

Аз моҳи июли соли 2016 гази моеъ дар марказҳои бензинфурӯшии шаҳри Душанбе   30% гарон шудааст.

Нархи маҳсулоти хӯрока, аз ҷумла шакар 21,7% ва равғани маска 11,9 % гарон гардидааст. Аммо нархи тухм, нон ва маҳсулоти гӯштӣ камтар поён рафтааст.

"Тайи моҳҳои октябр- декабри ҳамин сол бо назардошти нақша баланд рафтани нархи хизматрасониҳои об ва қувваи барқ, дараҷаи таваррум ҳафт фоизи солонаро ташкил мекунад",- пешгӯи мекунанд коршиносони бонк.

Хотиррасон мекунем, ки мувофиқи нишондодҳои Бонки миллии Тоҷикистон дар панҷ моҳи аввали соли равон болоравии таваррум дар бахши истеъмолӣ 2,7% ташкил намудааст.

Ҳукумати Тоҷикистон ба нақша гирфита буд, ки дараҷаи таваррумро дар сатҳи 7,%  нигоҳ дорад. Бонки Осиё ҳамон нишондодои пештараи таваррумро дар кишвар интизор аст.

Пештар хабар дода шуд, ки дар се моҳи аввал дар Русия ва Тоҷикистон аз ҳама нишондодҳои пасттарини тавварум байни кишварҳои аъзои ИДМ ба қайд гирифта шудааст.

38
Барчаспҳо:
дараҷаи таваррум дар кишвар, Бонки миллӣ, Тоҷикистон
Деньги в кошельке, архивное фото

Агентии омор гуфт, дар замони пандемия меҳмонхонаву тарабхонаҳо чи қадар пул кор карданд

74
Дар тоҷикистон давоми шаш моҳи соли ҷори ҳаҷми хидматрасониҳои пулакӣ махсусан дар меҳмонхонаҳо ва хӯроки умумӣ ба таври назаррас коҳиш ёфтааст

ДУШАНБЕ, 8 авг — Sputnik. Бино ба иттилои Агентии омори Тоҷикистон дар шаш моҳи соли равон ҳаҷми хидматрасониҳои пулакӣ 5 миллиарду 789,5 миллион сомониро (561,5 миллион доллар) ташкил дод, ки ин нисбат ба ҳамин давраи соли гузашта 4,8% камтар аст.

Ба иттилои манбъаъ, ҳиссаи  хизматрасонии пулакии корхонаҳои давлатӣ 20,3% ҳаҷми умумиро ташкил медиҳад.

Агентии омор мегӯяд, аз рӯи ҳаҷми хизматрасонӣ ба ҳар сари аҳолӣ, шаҳри Душанбе нисбат ба дигар минтақаҳо бартарӣ дорад. Ҳаҷми хидматрасонӣ дар шаҳри Душанбе аз ҳисоби миёнаи кишвар 5,2 маротиба зиёдтар аст.

Ин ниҳод мегӯяд, дар моҳҳои январ-июни соли равон гардиши хӯроки умумӣ, аз ҷумла хидматрасонии меҳмонхонаҳо ва тарабхонаҳо 523,3 миллион сомониро (50,7 миллион доллар) ташкил дод, ки нисбат ба ҳамин давраи соли 2014 20% кам мебошад.

Қаблан иттилоъ дода шуда буд, ки соли равон ҳаҷми хидматрасониҳои пулакӣ ба аҳолии Тоҷикистон беш аз 13,1 миллиард сомонӣ пешбинӣ шудааст.

Афзоиши ҳаҷми хидматрасониҳои пулакӣ дар соли 2020 3,5% пешбинӣ шудааст. 

Коршиносон мегӯянд, коҳиши хизматрасониҳои пулакӣ дар қатори дигар соҳаҳо ба пандемияи коронавирус бастагӣ дорад, чун баргузории тӯйҳо маҳдуд гашт ва ё сарҳадод баста шудан, ки хориҷиён биёянду меҳмонхонаҳои мо истифода баранд.

74
Предприятие Вахдат по производству носков в Таджикистане

Дар Тоҷикистон 83 корхонаи нав ифтитоҳ ёфту 124 корхона аз фаъолият бозмонд

214
(Таҷдидшуда 15:13 07.08.2020)
Вазири рушди иқтисоди Тоҷикистон ахиран эълон доштааст, ки 2216 корхонаи саноатии бақайдгирифташуда 124 корхона аз фаъолият бозмонд

ДУШАНБЕ, 7 авг — Sputnik. Ахиран вазири иқтисод ва савдои Тоҷикистон Завқӣ Завқизода, зимни нишасти матбуотӣ таъкид дошт, ки Дар нимсолаи якуми соли ҷорӣ ба хотири иҷрои ҳадафи чоруми миллӣ –  саноатикунонии кишвар тадбирҳои зарурӣ амалӣ гардиданд.

Ба гуфтаи вай,дар Тоҷикистон 83 корхонаи нави саноатӣ, бо таъсиси 1135 ҷои кор, мавриди баҳрабардорӣ қарор гирифт.

Рушди соҳаи саноат новобаста аз коронавирус: ҳаҷми истеҳсол беш аз 15 дарсад афзоиш ёфт

Вай зикр кард, ки дар натиҷаи паҳншавии пандемияи коронавирус, корхонаҳои саноатии кишвар ба як қатор мушкилиҳо, аз ҷумла дастрасии номукаммал ба воситаҳои молиявӣ ва ашёи хом, таҷҳизоту технологияҳои замонавӣ ва коҳишёбии нархи молу маҳсулоти содиротии кишвар дар бозорҳои ҷаҳонӣ, дучор гардиданд.

Ҳамзамон Завқӣ Завқизода зини нишастӣ матбуотӣ таъкид дошт, ки дар ин росто, аз 2216 корхонаи  саноатии  бақайдгирифташуда 124 корхона аз фаъолият бозмонд.

214
Барчаспҳо:
фаъолият, аз ҳаракат бозмондан, аз фаъолият бозмондани нашриёт, корхона, саноат, Тоҷикистон

Таркиши мудҳиш дар Бейрут монеи маросимҳои издивоҷ гардид - навор

0
Таркиши мудҳише, ки дар Бейрут ба вуқӯъ пайваст нақшаи чандин ҷавононро барбод дод. Ҷуфтҳои хушбахт, ба хотири издивоҷ ба калисо омаданд, аммо таркиши шадид онҳоро ба висоли ҳам нарасонд

Пас аз таркиши мудҳиш дар Бейрут дар шабакаҳои иҷтимоӣ наворҳои гуногун аз лаҳзаи таркиш мунташир мешуданд.

Ду наворе, ки аз лаҳзаи омодагӣ ба маросими издивоҷ дар замони таркиш ба шабакаҳо роҳ ёфт, сербинандатаринҳо гардиданд.

Андӯҳи Эмомалӣ Раҳмон аз таркиш дар Бейрут

Дар навор маълум аст, ки меҳмонон барои қисмат кардани хурсандии ду ҷавон ба калисо омаданд ва баробари аз дар даромадани арӯс таркиши мудҳиш сар мезанад. Тирезаҳои  калиса аз шиддати таркиш пора гардиданд ва арӯсу меҳмонон зуд толорро тарк намуданд.

Ҳамчунин як навори дигар аз аксбардории арӯс дар берун аз калиса мунташир шудааст, ки нозу каришмаи духтарро таркиши мудҳиш ба ваҳму ҳарос мубадал намуд.

Таркиш дар бандари Бейрут шоми 4 август рух дод. Мақомоти маҳаллӣ сабаби ин ҳодисаро таркиши 2,7 ҳазор тонна нитрати аммиак, ки дар анбори бандар нигоҳдорӣ мешуд, арзёбӣ намуданд.

Ин маводро соли 2015 хадамоти гумрук мусодира намуда, онро  дар бандари мазкур нигоҳдорӣ мекардааст. Дар Бейрут барои ду ҳафта  вазъияти фавқулода эълон шудааст.

0
Барчаспҳо:
навор, таркиш, Бейрут