Доллар, акс аз бойгонӣ

Тоҷикистон ба нақша гирифтааст, ки наздики миллиард доллар қарз мегирад

13
(Таҷдидшуда 18:36 16.11.2016)
Қарзҳои гирифташуда ба соҳаҳои хоҷагии қишлоқ, маориф, тандурустӣ, энергетика, алоқа, манзили истиқоматӣ ва раёсати давлатӣ истифода карда мешаванд

ДУШАНБЕ, 16 ноя — Sputnik.Тоҷикистон ба нақша гирифтааст, ки се соли минбаъд 916 миллион доллар қарз мегирад.

Чуноне ки дар маҷлиси парлумон вазири молияи ҶТ Абдусаломи Қурбониён қайд намуд, ки қарзҳои гирифташуда ба соҳаҳои хоҷагии қишлоқ, маориф, тандурустӣ, энергетика, алоқа манзили истиқоматӣ ва раёсатҳои давлатӣ сарф карда мешаванд.

"Парлумони Тоҷикистон барномаи давлатии қарзҳои берунаро барои солҳои 2017- 2019 қабул намуд. Дар се соли оянда кишвар дар маблағи 916 миллион доллар қарз мегирад",- гуфт вазири молия.

Ба гуфтаи вазири молия мӯҳлати бар гардонидани қарзҳо аз 20 сол то 40 солро ташкил мекунанд, ки ҳаҷми фоизи солонаи он аз 0,5-2фоизро ташкил медиҳад. 35% ин маблағҳо грантҳо ва ё қарзҳои бебозгаштро ташкил мекунанд. Қарздиҳандагони асосии барнома Бонки рушди умумиҷаҳонӣ, Бонки рушди Осиё, Бонки исломӣ, Бонки аврупоии таҷдид ва рушд, Фонди рушди Арабистони Саудӣ ва бонкҳои Чин мебошанд.

Ҳоло қарзи берунаи Тоҷикистон 2, 276 миллиард долларро ташкил мекунад, ки 36% ҳаҷми маҳсулоти дохилии  кишварро ташкил мекунад.

Хабар дода мешавад, ки вакилони палатаи поёнии Тоҷикистон лоиҳаи қонун дар бораи буҷаи ҶТ барои соли оянда қабул кардаанд. Ҳаҷми умумии буҷаи давлатӣ 58,9 миллиард сомониро ташкил мекунад, ки нисбат ба соли 2016  ба маблағи 1,7 миллиард сомонӣ зиёдтар аст. Қисми хараҷоти буҷҷа 19,5 миллиард сомониро ташкил медиҳад.

 

13
Барчаспҳо:
гирифтани қарз, вазорати молияи ҶТ, Абдусаломи Қурбониён, Тоҷикистон
Министр финансов республики Таджикистан Файзиддин Каххорзода

Иқтисоди пинҳонию боҷу аксизҳо: вазир гуфт, аз куҷо дар соли 2021 даромадро зиёд мекунанд?

33
(Таҷдидшуда 13:00 25.11.2020)
Файзиддин Қаҳҳорзода, вазири молияи Тоҷикистон, шарҳ дод, ки аз кадом ҳисоб афзоиши даромади буҷаи давлат дар соли 2021-ро таъмин хоҳанд кард

ДУШАНБЕ, 25 ноя – Sputnik. Қаҳҳорзода зикр кард, ки нақшаи даромади буҷа барои соли 2021 аз ҳисоби ҳама манбаҳои даромад 27,6 миллиард сомонӣ пешбинӣ шудааст, ки нисбат ба соли 2020 -ум 1,6 миллиард сомонӣ ё 6,1 фоиз зиёд мебошад.

Ба гуфтаи вазир, таъмини даромади буҷа аз ҳисоби кам кардани иқтисодиёти ғайрирасмӣ, бознигарии боҷу аксизҳо ва қарзҳои андозӣ таъмин хоҳад шуд.

"Бояд қайд намуд, ки афзоиши қисми даромади буҷети давлатӣ, бо дарназардошти рушди соҳаҳои иқтисоди миллӣ, беҳтар намудани маъмурикунонии андоз, коҳиш додани иқтисодиёти ғайрирасмӣ ва таъсиси манбаъҳои нави даромад ба буҷет, бознигарӣ шудани меъёри боҷҳои гумрукӣ ва аксизҳо, сатҳи таваррум, инчунин, ба гардиши молиявӣ ворид намудани бақияпулиҳои андозӣ, пешбинӣ шудааст", - хабар дод нашрияи парлумонии "Садои мардум" аз қавли вазири молия.

Қарори Ҳукумат барои сабукӣ: дору, ниқоб ва тестҳо алайҳи СОVID-19 арзон мешаванд?

Манбаъ илова намуд, ки даромадҳо ба буҷа аз ҳисоби сарчашмаҳои андозӣ 18,8 миллиард сомонӣ бо афзоиши 890,0 миллион сомонӣ ё 5,0 фоиз, аз ҳисоби даромади ғайриандозӣ 1,4 миллиард сомонӣ бо афзоиши 110 миллион сомонӣ ё 8,5 фоиз пешбинӣ гардидааст.

33
Барчаспҳо:
андоз, вазир, Тоҷикистон
День города в Душанбе

БАОР гуфт, Тоҷикистон аз ҳамроҳшавӣ ба Иттиҳоди иқтисодии АвруОсиё чи фоида мебинад

303
(Таҷдидшуда 13:22 24.11.2020)
Коршиносони БАОР мегӯянд, афзоиши рушди иқтисодӣ, афзоиши интиқоли маблағҳои муҳоҷирон ва фароҳам овардани фазои мусоиди сармоягузорӣ - чунин тағйирот Тоҷикистонро пас аз пайвастан ба Иттиҳоди иқтисодии АвруОсиё интизор аст

ДУШАНБЕ, 24 ноя - Sputnik.  Вуруди эҳтимолии Тоҷикистон ба Иттиҳоди иқтисодии АвруОсиё (ИИАО) ба иқтисоди ҷумҳурӣ таъсири назарраси мусбӣ мерасонад, иқтидори тиҷоратӣ ва сармоягузории онро нишон медиҳад, гуфта мешавад дар гузориши таҳлилии Бонки АвруОсиёии Рушд (БАОР).

"Афзалиятҳои асосии Тоҷикистон аз вуруди эҳтимолӣ ба Иттиҳоди иқтисодии АвруОсиё дар се самт ошкор карда мешаванд: татбиқи афзалиятҳои бозори умумии меҳнати ИИАО, ифшои потенсиали тиҷоратӣ ва сармоягузории Ҷумҳурии Тоҷикистон. Тибқи ҳисобу китоби муаллифон, афзоиши суръати солонаи рушди иқтисоди Тоҷикистон метавонад то 3 банди фоизиро ташкил диҳад",- омадааст дар гузориш.

Ба гуфтаи таҳлилгарони БАОР, сатҳи баланди ҳамгироии кунунии тиҷорӣ бо давлатҳои ИИАО яке аз шартҳои асосии вуруди Тоҷикистон ба ассотсиатсияи интегратсионии АвруОсиё мебошад.

"Индекси аҳамияти тиҷорати мутақобила бо ӯ дар соли 2019 39% -ро ташкил дод - ин аз нишондиҳандаҳои бисёр аъзои ҷории иттиҳод баландтар аст", - гуфта мешавад, дар хабар.

Ҳамзамон, коршиносон таъкид мекунанд, ки омили асосии рушди Тоҷикистон дар сурати ҳамгироӣ бо ИИАО бартариҳои марбут ба иштироки он дар бозори ягонаи меҳнат хоҳад буд.

"Агар ҷумҳурӣ ба ИИАО ҳамроҳ шавад, тибқи маълумоти БАОР, метавон на танҳо интиқоли маблағҳои пулӣ, балки музди меҳнати муҳоҷиронро ба ҳисоби миёна то 10-30% афзоиш дод. Ҳамаи ин тағйиротҳо дар тӯли 5 соли пас аз пайвастан ба иттиҳод вуруди иловагии ҷамъшудаи воридоти пули нақд ба кишварро дар ҳаҷми 1,3-1,5 миллиард доллар фароҳам меорад ",-гуфта мешавад дар гузориш.

Вазири иқтисод: паҳлӯҳои мусбату манфии узвият ба Иттиҳодияи иқтисодии АвруОсиё меомӯзем

Инчунин вуруди эҳтимолии Тоҷикистон ба ИИАО дар давраи миёнамӯҳлат ба соддагардонии қоидаҳои пешбурди тиҷорат ва фароҳам овардани шароити мусоид дар ҷумҳурӣ барои ҷалби сармояи мустақим мусоидат мекунад.

"Таъсири пайвастани эҳтимолии Тоҷикистон ба Иттиҳоди иқтисодии АвруОсиё барои бартараф ё кам кардани маҳдудиятҳои сохторӣ ба қадри имкон пурратар амалӣ хоҳад шуд. Инҳо масъалаҳои низоми мусоиди институтсионалӣ, роҳҳои нақлиёт, таъмини дастрасӣ ба бозорҳо ва рушди маҷмӯи обу энергетикаро дар бар мегиранд ",- гуфт Евгений Винокуров, сариқтисодчии БАОР.

Таҳлилгарон қайд мекунанд, ки пайвастани Тоҷикистон ба ИИАО инчунин ба ҳадафҳои суботи макроиқтисодӣ мусоидат мекунад: таваррум дар сатҳи 5% ба эътидол оварда мешавад ва сатҳи қарз нисбати ММД 5-8 банди фоизӣ коҳиш меёбад.

Зубетс гуфт, Тоҷикистон аз ҳамроҳшавӣ ба Иттиҳоди иқтисодии АвруОсиё чи фоида мебинад

БАОР созмони байналмилалии молиявист, ки Русия ва Қазоқистон моҳи январи соли 2006 бо мақсади мусоидат ба рушди иқтисоди бозории давлатҳои узв, рушди устувори иқтисодии онҳо ва тавсеаи робитаҳои тиҷоративу иқтисодии мутақобила таъсис додаанд. БАОР инчунин Арманистон, Белорус, Қирғизистон ва Тоҷикистонро дар бар мегирад.

303
Барчаспҳо:
ҳамкорӣ, даромад, рушд, иқтисод, фоида, пайвастан ба ИИАО, Тоҷикистон
Рустам Эмомали прибыл с визитом в Москву

Даст пеши бар гирифта: саломи тоҷиконаи Рустами Эмомалӣ дар замони пандемӣ дар Маскав

0
Дар замони пандемӣ, ки дар ҳама гуна мулоқотҳо ҷонибҳо кӯшиш мекунад, аз одати салом бо дастон худдорӣ намоянд, Рустами Эмомалӣ дар Русия саломи тоҷиконаро истифода кардааст: ӯ дар чанд маврид ҳангоми дидор даст пеши бар мегирад

ДУШАНБЕ, 25 ноя - Sputnik. Рустами Эмомалӣ, раиси Маҷлиси миллии Маҷлиси Олии Тоҷикистон бо сафари расмӣ дар Русия қарор дорад. 

Ин нахустин сафари сиёсатмадор ба ҳайси раиси Маҷлиси миллӣ ба ҳисоб меравад. Бар замми ин, сафар дар замони ҳамагирии коронавирус суръат гирифт. Дар замоне, ки бештари мулоқотҳои расмии байналмилаливу хориҷӣ тариқи тамоси видеоӣ анҷом меёбанд.

Тавре пештар иттилоъ дода шуд, дар ин бора раиси Шӯрои Федератсияи Русия Валентина Матвиенко низ махсус қайд кард.

"Ҳоло, аксар мулоқоту вохӯриҳо дар шароити видеоӣ мегузаранд, вале мулоқоти мо на фосилавӣ, балки бевосита рӯбарӯ баргузор мегардад, ки ин барои ман бисёр хуш аст", - гуфт вай.

Тавре аз гузоришҳои аксиву видеоӣ дида мешавад, раиси Маҷлиси миллии Тоҷикистон ҳангоми аҳволпурсӣ даст пеши бар мегирад.

Ӯ ҳангоми фуруд омадан аз ҳавопаймо бо муовини раиси Шӯрои Федератсияи Русия Илёс Умархонов аз саломи тоҷикона истифода мекунад. Рустами Эмомалӣ ҳангоми рӯбарӯ шудан бо Валентина Матвиенко низ даст пеши бар мегирад ва аҳволпурсӣ менамояд.

Корбарони шабакаҳои иҷтимоӣ ин амали раиси Маҷлисро шоистаи таҳсин арзёбӣ намуда, гуфтаанд, дар замони пандемӣ беҳтарин салом аст.

Аз дастфишории Трамп то меҳрубонӣ ба кӯдакон: саломҳои Раҳмон дар 25 соли президентӣ - акс

0