Парвози ҳавопаймо. Акс аз бойгонӣ

Вазири нақлиёт: фикр намекунам, ки барои як парвоз Русия алоқаи ҳавоиро бандад

113
(Таҷдидшуда 17:59 21.12.2016)
Ба қавли вазири вазорати нақлиёти ҷумҳурӣ Шералӣ Ганҷалзода, ҳукумати Тоҷикистон барои пешгирии қатъи парвозҳо аз ҷониби Русия кӯшиш мекунад

ДУШАНБЕ, 21 дек — Sputnik. Ҳукумати Тоҷикистон бо Русия оиди иҷозати парвози ширкати "Ямал" гуфтушунид гузаронида истодааст.

Ба гуфти вазири вазорати нақлиёти ҷумҳурӣ Шералӣ Ганҷалзода, ҳукумати Тоҷикистон барои пешгирии қатъ парвозҳо аз ҷониби Русия дар арафаи соли нав кӯшиш мекунад.

"Дар ҳоли ҳозир мо бо мақомоти авиатсионии Русия гуфтушунид гузаронида истодаем, фикр намекунам, ки онҳо барои як хати парвоз шуда, алоқаи ҳавоиро барои мо банданд",-менависад РИА Ноовсти аз суханони вазири нақлиёти ҶТ.

Вазорати нақлиёти ФР дар навбати худ таҳдид карда мегӯяд, ки дар сурати иҷозат надодан аз 22 декабр алоқаи ҳавоиро хоҳад баст. Онҳо умед доранд, ки ҷониби Тоҷикистон ӯҳдадориҳои худро мувофиқи созишномаи моҳи ноябр ба имзо расида, иҷро мекунад.

Дар ҳоли ҳозир ҳукумати Тоҷикистон ба парвози ширкати ҳавоии "Ямал" иҷозат намедиҳад, ба фикри ҷониби Тоҷикистон ин баробарии паврозҳои ширкатҳои Русия ва Тоҷикистонро вайрон мекунад. Дар баробари ин ҷониби Тоҷикистон шумораи парвозҳои кунуниро аз Маскав ва ба Маскав кофӣ мешуморад.

Бо вуҷуди ин ҷониби Русия таъкид мекунад, ки дар созишнома дар бораи "шумораи баробари парвозҳо"-зикр нашудааст.

113
Барчаспҳо:
иҷозати парвоз, муҳокима, таҳдид, "Ямал", вазорати нақлиёти ҶТ, Шералӣ Ганҷалзода, Тоҷикистон, Русия
Мавзуҳо:
Алоқаи ҳавоии Русия ва Тоҷикистон (13)
Мавзуъ
Тавофуқи “Тоҷик Эйр” ва “Уралские авиалинии” дар бораи код-шеринг
Мусофирони аввалин хатсайри Маскав-Хуҷанд аз фурудгоҳи Жуковский
"Уральские авиалинии" фурӯши чиптаҳоро ба самти Душанбе аз Жуковский оғоз кард
Сомони и рубли, архивное фото

Бонки миллӣ арзиши рубл, доллар ва евроро барои имрӯз эълон кард

438
(Таҷдидшуда 09:11 26.09.2020)
Бонки миллии Тоҷикистон арзиши сомониро нисбат ба асъори хориҷӣ барои имрӯз 26 сентябр эълон кардааст

ДУШАНБЕ, 26 сен — Sputnik. Тибқи нишондоди Бонки миллии Тоҷикистон арзиши 1 рубли русӣ барои имрӯз 0.1324 сомонӣ  нишон дода шудааст.

Коршинос гуфт, ки чигуна устувории хоҷагии қишлоқ дар Тоҷикистон ба иқтисод таъсир мекунад

Ин ниҳод қурби миёнаи фурӯши 1 доллари ИМА дар  муассисаҳои қарзии Тоҷикистонро аз 10.3288 то 10.3300 сомонӣ арзёбӣ кардааст. 

Бонки миллӣ қурби миёнаи фурӯши 1 евроро аз 12.0186 то 12.3000 сомонӣ арзёбӣ кардааст.

Ин бонк хариду фурӯши 1 рублро имрӯз аз 0.1324 то 0.1350 сомонӣ муқаррар шудааст.

Ҳамин тавр, Бонки миллии Тоҷикистон имрӯз қурби асъори хориҷиро нисбат ба сомонӣ (асъори миллии Тоҷикистон) чунин муқаррар кардааст: 1 доллари ИМА — 10.3288 сомонӣ, 1 евро – 12.0186 сомонӣ ва 1 рубли русӣ —0.1324 сомонӣ.

Дурнамои асъор: иқтисоддонҳо гуфтанд, то соли 2023 бо сомонӣ чӣ хоҳад шуд

БМТ огоҳ менамояд, ки "берун аз сарбонк, филиал, марказҳои хизматрасонии бонкӣ, нуқтаи интиқоли пул ва банкомату терминалҳо анҷом додани амалиёти мубодилавӣ қатъиян манъ аст ва риоя накардани талаботи мазкур аз ҷониби шахсони воқеӣ қонуншиканӣ ба ҳисоб рафта, сабаби ба ҷавобгарии маъмурӣ ва ҷиноятӣ кашидан мегардад".

438
Барчаспҳо:
рубл, сомонӣ, доллар, қурби асъор
Ювелирные изделия, архивное фото

Раҳмон коргоҳи заргарии "Одина"-ро ба истифода дод

156
(Таҷдидшуда 20:20 25.09.2020)
Эмомалӣ Раҳмон, раисиҷумҳури Тоҷикистон, дар идомаи сафари корӣ дар ноҳияи Ховалинг бо бардоштани парда аз рӯи лавҳаи рамзӣ ба фаъолияти коргоҳи заргарии “Одина” оғоз бахшид

ДУШАНБЕ, 25 сен - Sputnik. Тибқи иттилои котиботи раисиҷумҳури Тоҷикистон, коргоҳи заргарӣ "Одина" дар мавзеи Чилчанор ҷойгир буда, ба ифтихори 30-солагии Истиқлоли давлатӣ бунёд шудааст.

Манбаъ афзуд, коргоҳи заргарии "Одина" аз ҷониби соҳибкори ватанӣ Абдуқаюм Каримов бунёд гардидааст.

Иттилоъ дода шуд, ки  коргоҳи заргарӣ дар назди Кооперативи тиҷоратии “Артели заршӯии Одина” бунёд гардида, дар он ду утоқи коркарди зар ва ду мағозаи фурӯши ҷавоҳирот фаъолият мекунад.

"Дар ноҳияи Ховалинг барои ноил гардидан ба ҳадафи чоруми миллӣ - саноатикунонии босуръати мамлакат тадбирҳои судманд пеш гирифташуда, тибқи нақша то ҷашни 30-солагии Истиқлоли давлатии Ҷумҳурии Тоҷикистон боз чанд коргоҳи хурду бузурги саноатӣ сохта, мавриди истифода қарор дода мешавад", - омадааст иттилоия.

Котиботи раисиҷумҳур илова намуд, ки иншоот бо тарҳу намои хуб бунёд гардида, корҳои сохтмониро 50 нафар сокинони маҳаллӣ анҷом додаанд.

Бо бунёди сехи заргарии “Одина” наздик ба 35 нафар сокинони  маҳаллӣ, ки аксаран духтарони бешуғл ва хонашин буданд,  пас аз омӯзиши нозукиҳои ин касб соҳиби ҷойи кор ва маоши хуб гардиданд, таъкид шуд дар иттилоия.  

156
Барчаспҳо:
Ховалинг, Тоҷикистон
Работники морга погружают гроб с погибшим от коронавируса, архивное фото

1 фавт ва 43 ҳолати ҷадиди гирифторшави ба коронавирус дар Тоҷикистон: вазорат тасдиқ кард

0
Шабонарӯзи гузашта аз маризии сироятии коронавирус дар Тоҷикистон боз як нафари дигар ҷон супорид. Вазорат низ хабари фавти маризи коронавирусро тасдиқ кард

ДУШАНБЕ, 25 сен - Sputnik. Вазорати тандурустӣ омори як рӯзи ахири гирифторшавӣ, фавт ва шифоёбӣ аз маризии коронавирусро нашр намуд.

Бар хабари котиботи вазорати мазкур, шабонарӯзи гузашта аз ин маризӣ боз як нафар ҷон бохта, ҳамзамон 43 мавриди нави гирифторшавӣ ба қайд гирифта шуд.

Манбаъ меафзояд, дар муддати аз 30 апрел то 26 сентябр шумораи гирифторони коронавируси нав ба 9 605 нафар расид.

Зимнан, аз ин беморӣ то кунун 8385  ё худ 87,3 дарсади гирифторон шифо ёфта, 75 нафар фавтиданд.

"Шабонарӯзи охир 97  нафар гумонбарон зери назорати табибон қарор дошта, 44 нафар баъд аз муолиҷа ба хонаҳояшон рухсат дода шуданд", - таъкид мешавад дар хабари манбаъ.

Феълан Ҳукумати  Тоҷикистон ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ менамояд.

0
Барчаспҳо:
омор, маризӣ, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон