Нерӯгоҳи Норак. Акс аз бойгонӣ

Бонки ҷаҳонӣ барои бозсозии бузургтарин нерӯгоҳи ҶТ $225 млн медиҳад

101
Созишнома дар бораи сармоягузории тарҳи таъмири нерӯгоҳи Норак рӯзи ҷумъа аз ҷониби вазири молияи Тоҷикистон Абдусалом Қурбониён ва намояндаи бонк Ян-Петер Олтерс имзо шуд

ДУШАНБЕ, 4 июн — Sputnik. Бонки ҷаҳонӣ тарҳи бозсозии нерӯгоҳи барқи обии Норакро дар Тоҷикистон сармоягузорӣ мекунад.

Созишнома дар бораи сармоягузории тарҳи таъмири нерӯгоҳи Норак рӯзи ҷумъа аз ҷониби вазири молияи Тоҷикистон Абдусалом Қурбониён ва намояндаи бонк Ян-Петер Олтерс имзо гардид. 225, 7 миллиюн дуллори Бонки Ҷаҳонӣ баро бозсозии нергоҳи Норак равона мешавад.

"Бо ин сармоягузорӣ ҳукумати Тоҷикистон се агрегат ва шаш автотрансформаторро иваз хоҳанд кард", — гуфт вазири молияи Тоҷикистон.

Чанде пеш аз Туркия барои нерӯгоҳи Норак трансформатори 450 мегаволт/ампер, ки вазни умумиаш 214 тонна аст оварда шуд. Ин нахустин трансформарори азимҷуссаест, ки дар хориҷи кишвар сохта шудааст. Пеш ивази трансформаторҳо аз ҳисоби захираи дохилӣ амалӣ мешуд.

Ин трансформатор дар доираи лоиҳаҳои таҷдид ва барқарорсозии НБО-и Норак дар ҳамкорӣ бо мутахассисони Олмон ва Фаронса дар шаҳри Габзии Туркия сохта шудааст.

НБО Норак — нерӯгоҳест, ки дар наздикии шаҳри Норак, дар дарёи Вахш сохта шудааст. Нерӯгоҳ дорои яке аз баландтарин сарбандҳои ҷаҳонӣ — 300 метр мебошад.

Иқтидораш 3000 МВт мебошад. Барқистеҳсолкунии миёна дар як сол — 10700 ГВтч (дар солҳои 2007-2013). Аз нӯҳ агрегатҳое, ки ҳоло дар НБО мавҷуд аст аввалинаш соли 1972 ва охиронаш соли 1979 ба истифода дода шуда буд.

101
Барчаспҳо:
225 милюн дуллор, сармоягузорӣ, Бонки ҷаҳонӣ, Тоҷикистон
Мавзуъ
Туркия ба нерӯгоҳи Норак трансформатори 214 тонна овард
Нерӯгоҳи Норак ба панҷгонаи иншооти ғайриоддии ҷаҳонӣ шомил шуд
Умури бозсозии нерӯгоҳи Норак 95% анҷом шудаанд
Национальный банк Таджикистана

Бонки миллӣ иҷозатномаи Фонди қарзии хурди “Шаби Меъроҷ”-ро бозхонд кард

42
Дар ин бора қарори раиси Бонки миллии Тоҷикистон Ҷамшед Нурмаҳмадзода рӯзи гузашта ба тасвиб расидааст

ДУШАНБЕ, 15 июл — Sputnik. Бонки миллии Тоҷикистон аз бозхонди иҷозатномаи Фонди қарзии хурди “Шаби Меъроҷ” хабар дод.

Тибқи иттилои дафтари матбуотии ин ниҳоди молии кишвар, қарор дар бораи бозхонди иҷозатномаи  Фонди қарзии хурди “Шаби Меъроҷ” рӯзи 14 июл аз ҷониби Раёсати Бонки миллии Тоҷикистон содир шудааст.

“Бо қарори навбатии Раёсати Бонки миллии Тоҷикистон аз 14 июли соли 2020, таҳти №93 мутобиқи моддаи 26 Қонуни Ҷумҳурии Тоҷикистон “Дар бораи ташкилотҳои маблағгузории хурд” ва моддаҳои 8,9 ва 12 Қонуни Ҷумҳурии Тоҷикистон “Дар бораи барҳамдиҳии ташкилотҳои қарзӣ” иҷозатномаи Фонди қарзии хурди “Шаби Меъроҷ” бозхонд карда шуд”,-афзудааст манбаъ.

Гуфта мешавад, ҷанбаҳои дигари фаъолияти ФҚХ “Шаби Меъроҷ” дар асоси қарори қабулгардида ва дар доираи қонунгузории амалкунанда баррасӣ карда мешаванд. 

42
Грузовик с газом, архивное фото

Нархи газ бояд 3,2 сомонӣ бошад: шарҳи Муминзод дар бораи монополия, нарх ва санҷиш

359
Абдулмаҷид Муминзод, сардори Хадамоти зиддиинҳисории назди Ҳукумати Тоҷикистон, вуҷуди монополияро дар бозори гази моеъ рад карда, иттилоъ дод, ки барои санҷиши болоравии нархи газ дар кишвар гуруҳи корӣ аллакай сафарбар шудааст

ДУШАНЕБ, 15 июл – Sputnik. Муминзод зимни нишасти матбуотӣ  тавзеҳ дод, ки хароҷоти дохилию андозбандӣ, нархи роҳ ва ғайраро ҳисоб кардаанд, ки тибқи он нархи яклухти гази моеъ набояд зиёда аз 3,2 сомониро ташкил диҳад.

Дар ҳоле, ки феълан нархи гази моеъ дар Тоҷикистон ҳудуди 4,5 сомонӣ мебошад, сардори Хадамоти зиддиинҳисорӣ гуфт, гуруҳи корӣ барои санҷиши асоснокии он ташкил карда шудааст.  Ӯ афзуд, чун гази моеъ шомили молҳои дорои аҳамияти иҷтимоӣ мебошад, дар сурати аз 20 дарсад дар як моҳ беасос боло рафтани нархи он, Хадамоти зидди инҳисорӣ санҷиш мегузаронад.

Дар Ванҷ ду ноболиғи 12 - соларо аз об берун оварданд: яке фавтиду дуюмӣ дар бемористон

Муминзод илова намуд, ки аллакай дар 10 ширкат санҷишҳо оғоз гардиданд ва тайи 20-30 рӯзи оянда натиҷаи санҷиш маълум мешавад.

Сардори Хадамоти зиддиинҳисорӣ таъкид кард, ки агар нархҳо беасос боло бурда шудаанд, маблағи он ҳамчун даромади беасос ҳисоб гардида, ба буҷаи давлат баргардонда мешавад.

Ӯ ҷой доштани мавқеи инҳисории ширкатҳои алоҳидаро дар бозори газ рад карда, тавзеҳ дод, ки ширкати доминанти бозор тибқи қонунгузории Тоҷикистон онеро мегӯянд, ки 35 дарсади бозорро дар ихтиёр доранд.  Ӯ афзуд, дар миёни 15 ширкати воридкунандаи газ ба Тоҷикистон, пешсаф ҶДММ “Аллат” мебошад, ки саҳмаш дар бозор 17,2 дарсадро ташкил медиҳад.  Сипас “Темур Ойл”, “Ғайрат 82”, “Октан сервис” ва панҷум “Газпром нефт” ҷой гирифтааст, ки ба гуфтаи сардори Хадамоти зиддиинҳисорӣ ҳиссаи Газпром дар бозори газ ҳамагӣ 8,4 фоизро ташкил медиҳад.

359
Барчаспҳо:
Тоҷикистон
Чрезвычайный и Полномочный псол Таджикистана Сатторов Имомуддин

Дар бораи қаллобон, парвозҳо ва издиҳом: Сатторов вазъи муҳоҷиронро дар Русия шарҳ дод

0
(Таҷдидшуда 01:23 16.07.2020)
Сафири фавқулода ва мухтори Тоҷикистон дар Русия Имомуддин Сатторов вазъи муҳоҷирини дар сарҳади Қазоқистон бандмонда ва онҳое, ки хоҳиши ба ватан бозгаштро доранд, шарҳ дод

ДУШАНБЕ, 15 июл — Sputnik. Вазъи муҳоҷирон дар марз ва парвозҳои содиротӣ дар гуфтугӯ бо Sputnik Тоҷикистон аз ҷониби сафири фавқулода ва мухтори Тоҷикистон дар Русия Имомуддин Сатторов шарҳ дода шуд.

Як қатор парвозҳои содиротӣ ва хабарҳо дар бораи барқарор шудани парвозҳои байнулмилалӣ аз ҷониби Русия дар байни шаҳрвандони Тоҷикистон боиси изтироб шуданд.

Сафир хоҳиши шаҳрвандон барои тарки Русия карданро шарҳ дода гуфт, маълумотҳо дар ВАО паҳн мешавад, ки мавҷи дуввуми коронавирус ба амал меояд: табиист, ки мардум метарсанд.

"Бале, ин вирус вуҷуд дорад ва он ояндаи наздик нест нахоҳад шуд. Мо бояд бо он зиндагӣ кунем" - илова кард Сатторов.

Сафир дар бораи гирифтории кормандони сафорат ба CVID-19

Дипломат инчунин  хабарҳо дар бораи гирифтор шудани кормандони сафоратхона ба коронавирусро шарҳ дод.

"Ин метавонад бо ҳама гуна шахс, аз ҷумла кормандони сафорат рух диҳад. Ҳеҷ гуна хатар вуҷуд надорад, чораҳои эҳтиётӣ андешида шудаанд: сафорат дар ҳолати қаблии корӣ кор мекунад, одамонро қабул мекунад, таҳдиди боздоштан ё пӯшида нест. Мо пурра кор карда истодаем ва кор хоҳем кард." - илова намуд Сатторов.

Дипломат аз ҳамватанон даъват кард, ки ба таври оммавӣ Русияро тарк накунанд ва дар сарҳад ҷамъ наоянд.

Ҳамзамон, Сатторов бори дигар муҳоҷиринро аз қаллобон огоҳ кард, ки дар паси шунидани кушодани сарҳадҳо ба таври назаррас фаъол шудаанд.

"Мо борҳо ба мақомоти ҳифзи ҳуқуқ огоҳ кардаем, ки дар ин ҷо одамон ё ширкатҳое ҳастанд, ки бо интиқоли одамон ба сарҳад машғуланд. Мо огоҳ карда будем, ки вазъ дар Қазоқистон хеле мушкил аст, аз роҳи заминӣ Русияро тарка кардан ғайриимкон аст" гуфт сафири Тоҷикистон дар Русия ва қайд кард, ки вазъ бо ҷамъшавии муҳоҷирон дар вилояти Самара бисёр саволҳоро ба бор меорад.

Вай илова намуд, ки чунин интиқолдиҳандагон, қаллобон ва нафароне, ки ҳуҷҷат омода мекунанд, бояд аз ҷониби мақомоти ҳифзи ҳуқуқи Русия нисбаташон чораҷӯйӣ шавад.

Ҳаракати нақлиётӣ миёни Русия ва Тоҷикистон баста боқӣ мемонад

Сафир инчунин издиҳоми муҳоҷирон дар назди бинои сафоратхонаҳои ҷумҳуриҳои Осиёи Марказиро шарҳ дод.

"Набояд дар маркази Маскав, дар назди бинои сафорат мардум  ҷамъ шавад ва набояд ба корманди сафорат ҳамла шавад. Фаъолияти мӯътадили намояндагии дипломатӣ ба кишвари қабулкунанда вобаста аст. На танҳо муҳофизати сафорат, балки пешгирии чунин қонуншиканӣ низ зарур аст", - афзуд Сатторов.

Вай афзуд, ки сафоратхонаҳо барои ҳалли баъзе масъалаҳо салоҳияти зарурӣ надоранд.

Сафири Тоҷикистон зикр кард, ки вазъи эпидемиологӣ дар Русия мӯътадил аст ва вазифаи асосии ҳоло ин ором кардани мардум, фаҳмондани он аст, ки ҳама фаъолият тадриҷан ба роҳ монда мешавад.

Оғози гуфтушунидҳои Тоҷикистону Русия барои барқарорсозии парвозҳо

"Тоҷикистон ва Русия музокиротро дар бораи барқарор кардани хадамоти ҳавоӣ оғоз кардаанд. Аммо ба ҳар ҳол мо бояд механизмҳоеро таҳия намоем, ки инро дар шароити хатари паҳншавии коронавирус чӣ гуна анҷом додан мумкин аст ", илова намуд Сатторов.
Ҳамчун намуна, дипломат шарҳ дод, ки пеш аз парвозҳои махсус аз Русия озмоишҳои фаврии мусофирон барои коронавирус гузаронида мешаванд.

Сатторов: 3 000 тоҷикистонӣ хоҳиши парвоз аз Русия ба Тоҷикистонро доранд

"Сарҳадҳо то абад баста намешаванд. Аз ин иқтисодиёту дигар соҳаҳо зарар мебинад ва одамон азият мекашанд"-гуфт сафир.

Дипломат гуфт, ки шумораи муроҷиатҳо ба сафорат якбора кам шудааст: парвозҳои ҳамарӯза аз Русия ба Тоҷикистон иҷро карда мешаванд.

"Ҳоло дигар воҳима нест, мо аксари ниёзмандонро баровардем," -илова карда сафири Тоҷикистон дар Русия.

Ҳамзамон, дар бораи одамоне, ки мехоҳанд аз ватан ба Русия баргарданд, набояд фаромӯш кард: онҳо низ дар хориҷа оила ва хешовандони худро доранд, ҳатто агар онҳо зодаи Тоҷикистон бошанд, хулоса кард Имомуддин Сатторов.

0