Вазири рушди иқтисод дар Ню-Йорк

Вазири рушди иқтисод: Тоҷикистон кӯшиш дорад сатҳи бенавоиро коҳиш диҳад

60
(Таҷдидшуда 15:33 19.07.2017)
Вазири рушди иқтисоду бозаргонии Ҷумҳурии Тоҷикистон гуфтааст, давлат барои коҳиши бенавоӣ ду барномаи роҳбурдиро иҷро кардаву яке дигарро ҳамакнун иҷро мекунад

ДУШАНБЕ, 19 июл — Sputnik. Неъматулло Ҳикматуллозода дар Ҳамоиши сиёсии сатҳи баланд барои рушди устувор (HLPF) гуфтааст, ки дар давоми 15 соли ахир Тоҷикистон ба пешрафтҳои чашмгире, аз ҷумла дар заминаҳои иқтисодӣ ва иҷтимоъӣ даст ёфтааст.

Бино ба иттилоъи равобити умуми ВКХ ҶТ, ӯ ёдоварӣ кардааст, ки дар ин давра давлати Тоҷикистон ду барномаи роҳбурдии коҳиши бенавоӣ барои солҳои 2007 то 2009 ва 2010 то 2012-ро иҷро карда ва ҳамчунин Роҳбурди миллии рушд то соли 2030-ро тасвиб кардааст.

Вазири рушди иқтисоду бозаргонии ҶТ ҳамчунин бар зарурати ёрирасонӣ ба кишварҳое, ки дар вазъи хоссе қарор доранд, аз ҷумла кишварҳои тавсеъаёбандае, ки ба дарёҳо роҳ надоранд, таъкид кардааст.

60
Барчаспҳо:
суханронӣ, Вазорати рушди иқтисод ва савдои Тоҷикистон, Неъматулло Ҳикматуллозода, Амрико
Мавзуъ
Ҷалби сармоягузорӣ: ҷаласаи иқтисодии Тоҷикистону Озарбойҷон дар Боку
Экономический рост, архивное фото

“Шохиси озодиҳои иқтисодӣ”: Тоҷикистон 21 зина пешрафт кардааст

44
(Таҷдидшуда 18:21 07.03.2021)
Тоҷикистон дар радабандии нави “Шохиси озодиҳои иқтисоди” миёни кишварҳои дунё нисбати соли гузашта 21 зина пешрафт кардааст

ДУШАНБЕ, 7 март — Sputnik. Ин радбандӣ, ки ахиран аз ҷониби пажуҳишгоҳи Heritage Foundation ва маҷаллаи The Wall Street нашр шуд, 186 кишвари дунёро дар бар гирифтааст, ки Тоҷикистон дар он зина 134-ро ишғол мекунад.

Соли гузашта Тоҷикистон дар рейтинги “Шохиси озодиҳои иқтисодӣ” дар ҷойи 155 ва қабл аз он дар зинаи 122 қарор дошт. Гузоришгарон новобаста аз пешрафт Тоҷикистонро имсол низ аз сабаби сатҳи пасти молиявӣ, озодии соҳибкорӣ ва тиҷорат ба гуруҳи кишварҳои “иқтисодаш ноозод” ворид кардаанд.

Гузоришгарон гуфтаан дар соли ҷорӣ мизони озодиҳои иқтисодӣ дар Тоҷикистон 3 бал афзуда, аз 100 холи имконпазир 55,2 холро соҳиб гаштааст.

Иқтисоди Тоҷикистон ва дигар кишварҳои пасошӯравӣ 

Ҳамчунин гузоришгарон дар шарҳи мавқеи Тоҷикистон гуфтаанд, Тоҷикистон дар байни 40 кишвари минтақаи Осиё ва ҳавзаи уқёнуси Ором ҷойгоҳи 42-юмро ишғол мекунад ва нишондиҳандаҳои умумии он аз нишондиҳандаҳои миёнаи минтақа ва ҷаҳон хеле пасттаранд.

Ба гуфти гузоришгарон дар пайи ҳамагирии коронавирус иқтисоди Тоҷикистон танҳо 1 фисад поин рафт.

Гуфта мешавад, давоми солҳои нашри раддабандӣ нишондиҳандаҳои иқтисодии Тоҷикистон номусод буданд, аммо бо сабаби воридшавии маблағи муҳоҷирон аз Русия, сармоягузорӣ ва содироти канданиҳои фоиданок аз қабили тилло, сурб ва руҳ маҷмӯи маҳсулоти дохилии кишвар афзоиш ёфтааст.

Таҳиягарони гузориш ҳамчунин гуфтаанд, Тоҷикистон барои даст ёфтан ба озодиҳои иқтисодӣ, бояд қонунгузориро бознигарӣ кунад, ислоҳот дар бозори меҳнат ба вуҷуд оварад ва муҳити мусоиди сармоягузорӣ фароҳам оварад.

Дар раддабандии мазкур мақоми кишварҳои пасошуравӣ ба таври зайл аст: Эстония-8, Гурҷистон-12, Литва-15, Латвия-30, Қазоқистон-34, Арманистон-32, Озарбойҷон-38, Қирғизистон-78, Молдова-87, Белорус-88, Русия-94, Ӯзбекистон-108, Украина-127 ва Туркманистон-167.

Раҳимзода гуфт чаро COVID-19 вазъи иқтисоди Тоҷикистонро муташанниҷ накард

Гузоришгарон иқтисоди Сингапур, Зеландияи нав ва Австралияро озодтарин ва Кубаву Венесуела ва Кореяи шимолиро маҳдудтарин гуфтаанд.

44
Барчаспҳо:
радабандӣ, иқтисод, Тоҷикистон
Дмитрий Голубовский

Голубовский: Русия Тоҷикистон ва тамоми Осиёи Марказиро аз бӯҳрон берун хоҳад овард

270
Агар Русия дар солҳои наздик рушди хуби иқтисодӣ нишон диҳад, пас ба гуфтаи таҳлилгари молиявӣ Дмитрий Голубовский, ҳамаи ҳамсоягон, аз ҷумла тамоми Осиёи Марказиро аз пасаш мекашад

ДУШАНБЕ, 7 мар- Sputnik. Нархи ҷаҳонии маводщои ғизоӣ моҳи нӯҳум пай дар пай афзоиш ёфт, ки бештар аз ҳама шакар ва равғани растанӣ боло мерафт.

Вобаста ба ин дар гузориши ахири Созмони ғизо ва кишоварзии Созмони Милали Муттаҳид (ФАО) ишора шудааст.

"Ин тамоюл акнун солҳои тӯлонӣ идома хоҳад кард",- гуфт Голубовский дар мусоҳиба бо Sputnik Тоҷикистон.

Коршинос таъкид кард, ки аз болоравии нархҳо кишварҳои камбизоат аз ҳама бештар зарар мебинанд.

"Сармоягузорон инро" гардиши олии ашёи хом меноманд. Ин ба қадри кофӣ давом хоҳад кард, ба ёд овардан лозим аст, ки вақтҳои охир чӣ қадар нафт афзоиш ёфт - нархҳо соли 1998 ба афзоиш оғоз карданд ва ҳадди аксар дар соли 2008 ба даст омад, яъне мо метавонем дар бораи 10 сол сӯҳбат кунем", - гуфт таҳлилгар.

Ба гуфтаи ӯ, моро 10-солаи болоравии нархҳои маводи ғизоӣ, металлҳо ва сӯзишворӣ интизор аст, ки ин ба даври коҳиши доллар ва инчунин ба он вобаста аст, ки амрикоиҳо таварруми ҷаҳониро ҳамчун роҳи мубориза бо сарбории йарзӣ оғоз мекунанд.

"Қарзҳо дар ҷаҳон аз ҳад зиёданд, онҳоро беқадр кардан лозим аст" гуфт ӯ.

Барои ин ду роҳ мавҷуд аст. Аввалан, эҷоди бӯҳрони қарз, вақте ки бисёр одамон муфлис мешаванд, дар ин ҳолат сарватмандон чизи зиёдеро аз даст медиҳанд. Роҳи дуюм ташкили инфлятсия мебошад, то ҳама пардохт кунанд.

Ба гуфтаи ӯ, роҳи дуввум иҷро хоҳад шуд, зеро ҳоло миқдори зиёди пул чоп мешавад.

"То ҳол мақомоти ҷаҳонӣ сенарияеро интихоб кардаанд, ки дар он ҳама мушкилот бо пул ҳал карда шаванд, аз ин рӯ нархҳо боло хоҳанд рафт. Принсипе кор хоҳад кард, ки сарватмандон бойтар ва камбизоатон фақиртар хоҳанд шуд, танҳо дар сатҳи байналмилалӣ",-илова кард таҳлилгар.

Кишварҳои камбизоат дар сурати рушд накардан боз ҳам қашшоқтар мешаванд.

Ғайр аз ин, онҳо метавонанд қисми ягон намуди блокҳои иқтисодӣ гарданд ё бо кишварҳои сарватманд шартномаҳои истисноии тиҷоратӣ банданд.

"Агар Русия рушди хуби иқтисодӣ нишон диҳад, пас ҳамаи ҳамсоягони худро ҷалб хоҳад кард. Ин омили минтақавӣ аст, иқтисоди қавӣ ҳамсояҳои худро ҷалб мекунад", - бовар дорад иқтисоддон.

Ё ҳамсояҳо ба кор меоянд - онҳо пули бештар ба даст меоранд ва ба хона мефиристанд, ё иқтисоди қавӣ ба аутсорсинг ба яке аз ҳамсояҳо каме кор медиҳад, гуфт коршинос.

"Агар нархи нафту металл афзоиш ёбад, Русия метавонад суръати хуби рушди иқтисодиро дошта бошад ва он метавонад тамоми минтақаро ба ҳам кашад", - хулоса кард Голубовский.

270
Барчаспҳо:
бӯҳрон, иқтисод, Тоҷикистон, Русия
Уничтожение наркотических средств, архивное фото

Боздошти аъзои гурӯҳи Ҳоҷӣ Икром бо 102 кило маводи мухаддир: худаш дар пайгард

0
Раёсати кофтукови ҷиноии Вазорати корҳои дохилии Тоҷикистон аз ошкорсозии як гурӯҳи ҷиноӣ хабар дод, ки дар ҳудуди кишвар ба интиқолу паҳнсозии маводи мухаддир даст мезадаанд

ДУШАНБЕ, 7 мар — Sputnik. Бино ба иттилои дафтари матбуотии ин ниҳод, Воҳидулло Валади Мирафғони 29-солаи шаҳрванди Афғонистон ҳангоми интиқоли маводи нашъаовар дар ҳаҷми махсусан калон боздошт шуд.

Манбаъ мегӯяд, ҳангоми кофтуков аз ӯ 79 килою 974 гарм ҳашиш, 20 килою 72 гарм афъюн ва 2 килою 410 грам метаамфитамин кристал, дар умум 102 килою 984 гарам воситаҳои нашъадор дарёфту мусодира гардид.

Худи Воҳидуллоҳ зимни бозпурсӣ гуфт, бо даъвати шариконаш аз Тоҷикистон ба ин кор ҳамроҳ шудааст.

"Ҳоҷифирадвс, ки маро гуфт биё мерем Тоҷикистон ба тоҷикӣ гап мезад. Гуфтанд ҳаминҷо маводи мухаддир аст, як мошини тоҷикӣ меод ва сад доллар медиҳаду бор мекунад. Мошини тоҷикӣ омад маводи мухаддирро бор кард ва ман низ савори мошин шудам, ки пулисо доштанд",-мегӯяд шаҳрванди Афғонистон.

Агентӣ гуфт дар як сол чӣ қадар маводи мухаддир мусодира шудааст

Гуфта мешавад дар пайи кофтуков саркадаи гуруҳи ҷонӣ ва шарикони ӯро низ ошкор шудаанд.

"Муаян шуд, ки роҳбари гуруҳ Каримов Икром бо тахаллуси Ҳоҷӣ Икроми 41-сола сокини ноҳияи Ёвон мебошад ва ин маводи мухаддир бо маслиҳати ӯ ба Тоҷикистон ворид шудааст", - мегӯяд ВКД.

Ба иттилои манбаъ, дигар нафарони паҳнкунанда Шарипов Шералии 56-солам сокини Панҷ, Абдуллозода Худшед бо тахаллуси Ҷамшед сокини Ёвон, Давлатов Саиди 36-сола сокини ноҳияи Ҳамадонӣ ва Яъқуби Абдулмаҷид шаҳрванди Афғонистон мебошад.

Ин ниҳод мегӯяд, дар ҳоли ҳозир ҷор нафар боздошт шуда, саркардаи гуруҳ Ҳоҷӣ Икром ва Яъқуби Абдулмаҷид дар пайгард қарор доранд.

Боздошти афсари нерӯҳои марзбонии КДАМ бо миқдори зиёди маводи мухаддир

ВУД мегӯяд ин гуруҳ талош доштанд маводи мухаддирро дар қаламрави Тоҷикистон ба фурӯш бароранд.

Нисбат ба ҳолати мазкур парвандаи ҷиноӣ оғоз шуда, тафтишот идома дорад.

 

 

0