Денежные купюры, архивное фото

Чин сармоягузорӣ аслӣ дар иқтисоди Тоҷикистон аст

71
(Таҷдидшуда 21:55 31.07.2017)
Дар се моҳи нахусти соли 2017 кишварҳову ширкатҳои хориҷӣ 131,5 милюн дулор дар иқтисоди Тоҷикистон сармоягузорӣ кардаанд ва 339 ширкати тоҷикӣ аз сармоягузориҳои хориҷӣ баҳраманд шудаанд

ДУШАНБЕ, 31 июл — Sputnik. Раиси Кумитаи давлатии сармоягузорӣ ва идораи амволи давлатии ҶТ Файзиддин Қаҳҳорзода хабар дод, ки Чин дар се моҳи аввали имсол 76,6 милюн дулор дар иқтисоди Тоҷикистон сармоягузорӣ карда, ки 58,2 дарсад аз кулли сармоягузориҳои хориҷӣ дар ҶТ аст.

Ба гузориши хабаргузории ТоҷикТА, вай ҳамчунин гузориш дода, ки дар се моҳи нахусти соли 2017 кишварҳову ширкатҳои хориҷӣ 131,5 милюн дулор дар Тоҷикистон сармоягузорӣ кардаанд. Дар ин муддат 339 ширкати тоҷикӣ аз сармоягузориҳои хориҷӣ баҳраманд шудаанд.

Бино ба додаҳои ин кумита, дувумин кишвари сармоягузор дар Тоҷикистон Русия аст, ки дар ҳамин муддат 20,6 милюн дулор сармоягузорӣ кардааст. Ин рақам 15,7 дарсад аз кулли сармояҳоро ташкил медиҳад.

Файзиддин Қаҳҳорзода Русияро "шарики аслии роҳбурдии Тоҷикистон" дониста ва гуфтааст, ки "сармоягузории ин кишвар дар иқтисоди Тоҷикистон ба зудӣ беҳбуд хоҳад ёфт".

Бино ба иттилоъи раиси Кумитаи давлатии сармоягузорӣ, дар шаш моҳи соли равон Нидерланд 10 милюн дулор (7,6 дарсад), Арабистони Саъудӣ — 6,9 милюн дулор (5,2 дарсад) ва Филипин 3,5 милюн дулор (2,7 дарсад) дар иқтисоди Тоҷикистон сармоягузорӣ кардаанд.

Вай ҳамчунин афзуда, ки Тоҷикистон имсол дар феҳристи солонаи Бонки ҷаҳонӣ "Коргушоӣ ва корофаринӣ" чаҳор рада болотар рафтааст.

71
Барчаспҳо:
сармоягузорӣ, Кумитаи давлатии сармоягузорӣ ва идораи амволи давлатии ҶТ, Файзиддин Қаҳҳорзода, Тоҷикистон-Чин, Русия
Мавзуъ
Коршинос: Саъудиҳо бар асари буҳрони Қатар аз сармоягузорӣ дар ҶТ даст кашиданд
Арабистони Саъудӣ аз сармоягузорӣ барои сохти Маҷлиси Тоҷикистон мунсариф шуд
Ҷалби сармоягузорӣ: ҷаласаи иқтисодии Тоҷикистону Озарбойҷон дар Боку
Сармоягузорон аз раванди сохтусози нерӯгоҳи “Роғун” хушнуд шуданд
Бонки сармоягузории зерсохтории Осиё Тоҷикистонро дар навинсозии НБО “Норак” ёрӣ мерасонад
Сармоягузории 200-милюндулории Арабистони Саудӣ дар сохтмони Маҷлиси Тоҷикистон
Тоҷикикстон ҳамчунон ниёз ба сармоягузории Бонки урупоии бозсозиву тавсеъа дорад
Сармоягузории афзун таъсири Чинро дар Тоҷикистон бештар мекунад