Раисҷумҳури Тоҷикистон Эмомалӣ Раҳмон

Эмомалӣ Раҳмон ба тоҷирони Чин: аз дусаду чил сабукиҳои андозбандӣ дар ҶТ истифода баред

172
(Таҷдидшуда 10:34 04.09.2017)
Дар чорчӯби сафари худ дар шаҳри Пекин Эмомалӣ Раҳмон дар Ҳамоиши иқтисодӣ – сармоягузории Тоҷикистон ва Чин ширкат ва суханронӣ кард

ДУШАНБЕ, 3 сен — Sputnik. Ба гузориши хадамоти матбуоти раисҷумҳури Тоҷикистон, чорабиниро бо сухани муқаддимавӣ вазири тиҷорати Чин Чун Жан ифтитоҳ намуда, ба Раиси Ҷумҳурии Тоҷикистон Эмомалӣ Раҳмон сухан дод.

Раисҷумҳур зимни суханрониаш таъкид кард, ки  ҳукумати Тоҷикистон ба беҳдошти фазои кории соҳибкорон ва фароҳам сохтани шароити хубу мусоид барои сармоягузорони  хориҷӣ тадбирҳои ҳадафмандона андешида, рушди соҳибкорӣ ва ҷалби сармояро  самти афзалиятноки сиёсати иқтисодии кишвар эълон намудааст.

Эмомалӣ Раҳмон бо қанатмандӣ изҳор доштааст, ки тайи солҳои охир Тоҷикистон се маротиба ба рӯйхати  "Даҳ кишвари пешсафи ислоҳотгар" шомил гашта, мавқеи худро дар радабандии "Пешбурди бизнес" аз рӯи нишондиҳандаҳои бақайдгирии бизнес, андозбандӣ, гирифтани қарз ва тиҷорати байналмилалӣ беҳтар кардааст.

"Намояндагони  доираи  соҳибкорӣ  ва ширкатҳои Чин   низ имкон доранд, тақрибан аз  дусаду чил сабукиҳои андозбандӣ ва қариб ҳафтод навъи ҳавасмандгардониҳои сармоягузорӣ   дар Тоҷикистон самаранок истифода намоянд", — гуфт раисҷумҳур.

Тоҷикистон ба Чин роҳандозии ҳамкориҳои дуҷониба дар соҳаҳои иқтисод, энергетика, инфрасохторӣ ва нақлиётию иртиботӣ,  саноати  металлгудозӣ, мошинсозӣ, истихроҷу коркарди канданиҳои фоиданок,аз ҷумла  маъданҳои  кӯҳӣ,  саноати  кимиёвӣ, сабук ва хурокворӣ, истеҳсоли маводи сохтмон, комплекси  агросаноатӣ ва туризм таклифу пешниҳод кард.

Чор минтақаи озоди иқтисодии Ҷумҳурии Тоҷикистон,  имзои  Барномаи ҳамкории миёни Тоҷикистон ва Чин, ҳамчунин  тақвияти тадбирҳо дар роҳи бунёди минтақаи саноатии Тоҷикистону Чин аз имкониятҳои дигари тақвиятбахши муносибатҳои дуҷонибаи доираи тоҷирону соҳибкорони Тоҷикистон ва Чин  маъниндод гардид.

Манбаъ меафзояд, ки дар Ҳамоиши иқтисодӣ — сармоягузории Тоҷикистон ва Чин ҳамчунин доир ба имкониятҳои фарохи сармоягузорӣ ба бахшҳои гуногуни иқтисоди Тоҷикистон, аз ҷумла, дар бахшҳои гидроэнергетика ва нафту газ, саноат, истихроҷ ва коркарди маъданҳои кӯҳӣ, истеҳсол ва коркарду содироти маҳсулоти кишоварзӣ, алюминий, бонкдорӣ ва системаи бонкӣ, сайёҳӣ ва ғайра раиси Кумитаи давлатии сармоягузорӣ ва идораи амволи давлат Файзиддин Қаҳҳорзода муаррифиномаи муфассал пешкаш намуд.

Дар ҳамоиш Ноиби Президенти Бонки содироту воридот (Эксимбонк) Сун Пинг ва Директори минтақавии ширкати сохтмони роҳу пулҳои Чин Лю Ҷинбао ҳам суханронӣ кардаанд.

172
Барчаспҳо:
имзо, сармоягузорӣ, Эмомалӣ Раҳмон, Чин
Мавзуҳо:
Эмомалӣ Раҳмон дар Чин (16)
День города в Душанбе

БАОР гуфт, Тоҷикистон аз ҳамроҳшавӣ ба Иттиҳоди иқтисодии АвруОсиё чи фоида мебинад

301
(Таҷдидшуда 13:22 24.11.2020)
Коршиносони БАОР мегӯянд, афзоиши рушди иқтисодӣ, афзоиши интиқоли маблағҳои муҳоҷирон ва фароҳам овардани фазои мусоиди сармоягузорӣ - чунин тағйирот Тоҷикистонро пас аз пайвастан ба Иттиҳоди иқтисодии АвруОсиё интизор аст

ДУШАНБЕ, 24 ноя - Sputnik.  Вуруди эҳтимолии Тоҷикистон ба Иттиҳоди иқтисодии АвруОсиё (ИИАО) ба иқтисоди ҷумҳурӣ таъсири назарраси мусбӣ мерасонад, иқтидори тиҷоратӣ ва сармоягузории онро нишон медиҳад, гуфта мешавад дар гузориши таҳлилии Бонки АвруОсиёии Рушд (БАОР).

"Афзалиятҳои асосии Тоҷикистон аз вуруди эҳтимолӣ ба Иттиҳоди иқтисодии АвруОсиё дар се самт ошкор карда мешаванд: татбиқи афзалиятҳои бозори умумии меҳнати ИИАО, ифшои потенсиали тиҷоратӣ ва сармоягузории Ҷумҳурии Тоҷикистон. Тибқи ҳисобу китоби муаллифон, афзоиши суръати солонаи рушди иқтисоди Тоҷикистон метавонад то 3 банди фоизиро ташкил диҳад",- омадааст дар гузориш.

Ба гуфтаи таҳлилгарони БАОР, сатҳи баланди ҳамгироии кунунии тиҷорӣ бо давлатҳои ИИАО яке аз шартҳои асосии вуруди Тоҷикистон ба ассотсиатсияи интегратсионии АвруОсиё мебошад.

"Индекси аҳамияти тиҷорати мутақобила бо ӯ дар соли 2019 39% -ро ташкил дод - ин аз нишондиҳандаҳои бисёр аъзои ҷории иттиҳод баландтар аст", - гуфта мешавад, дар хабар.

Ҳамзамон, коршиносон таъкид мекунанд, ки омили асосии рушди Тоҷикистон дар сурати ҳамгироӣ бо ИИАО бартариҳои марбут ба иштироки он дар бозори ягонаи меҳнат хоҳад буд.

"Агар ҷумҳурӣ ба ИИАО ҳамроҳ шавад, тибқи маълумоти БАОР, метавон на танҳо интиқоли маблағҳои пулӣ, балки музди меҳнати муҳоҷиронро ба ҳисоби миёна то 10-30% афзоиш дод. Ҳамаи ин тағйиротҳо дар тӯли 5 соли пас аз пайвастан ба иттиҳод вуруди иловагии ҷамъшудаи воридоти пули нақд ба кишварро дар ҳаҷми 1,3-1,5 миллиард доллар фароҳам меорад ",-гуфта мешавад дар гузориш.

Вазири иқтисод: паҳлӯҳои мусбату манфии узвият ба Иттиҳодияи иқтисодии АвруОсиё меомӯзем

Инчунин вуруди эҳтимолии Тоҷикистон ба ИИАО дар давраи миёнамӯҳлат ба соддагардонии қоидаҳои пешбурди тиҷорат ва фароҳам овардани шароити мусоид дар ҷумҳурӣ барои ҷалби сармояи мустақим мусоидат мекунад.

"Таъсири пайвастани эҳтимолии Тоҷикистон ба Иттиҳоди иқтисодии АвруОсиё барои бартараф ё кам кардани маҳдудиятҳои сохторӣ ба қадри имкон пурратар амалӣ хоҳад шуд. Инҳо масъалаҳои низоми мусоиди институтсионалӣ, роҳҳои нақлиёт, таъмини дастрасӣ ба бозорҳо ва рушди маҷмӯи обу энергетикаро дар бар мегиранд ",- гуфт Евгений Винокуров, сариқтисодчии БАОР.

Таҳлилгарон қайд мекунанд, ки пайвастани Тоҷикистон ба ИИАО инчунин ба ҳадафҳои суботи макроиқтисодӣ мусоидат мекунад: таваррум дар сатҳи 5% ба эътидол оварда мешавад ва сатҳи қарз нисбати ММД 5-8 банди фоизӣ коҳиш меёбад.

Зубетс гуфт, Тоҷикистон аз ҳамроҳшавӣ ба Иттиҳоди иқтисодии АвруОсиё чи фоида мебинад

БАОР созмони байналмилалии молиявист, ки Русия ва Қазоқистон моҳи январи соли 2006 бо мақсади мусоидат ба рушди иқтисоди бозории давлатҳои узв, рушди устувори иқтисодии онҳо ва тавсеаи робитаҳои тиҷоративу иқтисодии мутақобила таъсис додаанд. БАОР инчунин Арманистон, Белорус, Қирғизистон ва Тоҷикистонро дар бар мегирад.

301
Барчаспҳо:
ҳамкорӣ, даромад, рушд, иқтисод, фоида, пайвастан ба ИИАО, Тоҷикистон
Сомони и рубли, архивное фото

Аз болоравии рублу доллар ва евро то уфти сомонӣ: эълони қурби асъор

510
(Таҷдидшуда 11:03 24.11.2020)
Бонки миллии Тоҷикистон арзиши сомониро нисбат ба асъори хориҷӣ барои имрӯз, 24 ноябр эълон кард

ДУШАНБЕ, 24 ноя — Sputnik. Тибқи нишондоди Бонки миллии Тоҷикистон арзиши 1 рубли русӣ барои имрӯз 0.1472 сомонӣ нишон дода шудааст.

Ин ниҳод қурби миёнаи фурӯши 1 доллари ИМА дар муассисаҳои қарзии Тоҷикистонро аз 11.3000 то 11.3300 сомонӣ арзёбӣ кардааст. 

Бонки миллӣ қурби миёнаи фурӯши 1 евроро 13.4567 то 13.6000 сомонӣ арзёбӣ кардааст.

Хариду фурӯши 1 рублро бошад, Бонки миллӣ имрӯз аз 0.1480 то 0.1500 сомонӣ муқаррар кардааст.

Дар бонкҳои дигари кишвар, аз ҷумла "Бонки Эсхата" нишондоди асъор нисбат ба дигарон каме болотар нишон дода шудааст.

Ин бонк хариду фурӯши 1 рублро имрӯз аз 0,1485 то 0,1505 сомонӣ муқаррар кардааст.

Дар “Спитаменбонк” бошад арзиши 1 рубл аз 0.1485 то 0.1510 ва дар “Алифбонк” бошад 1 рубл аз 0,1485 то 0,1515 сомонӣ нишон дода шудааст.

Пешгӯии коршиносон: қурби доллар ва рубл дар ноябр чанд хоҳад буд?

БМТ огоҳ менамояд, ки "берун аз сарбонк, филиал, марказҳои хизматрасонии бонкӣ, нуқтаи интиқоли пул ва банкомату терминалҳо анҷом додани амалиёти мубодилавӣ қатъиян манъ аст ва риоя накардани талаботи мазкур аз ҷониби шахсони воқеӣ қонуншиканӣ ба ҳисоб рафта, сабаби ба ҷавобгарии маъмурӣ ва ҷиноятӣ кашидан мегардад".

510
Барчаспҳо:
қурби асъор, Бонки Миллӣ, Тоҷикистон
Зима в городе Душанбе

Борону барф меборад: пешбинии обуҳавошиносони Тоҷикистон барои имрӯз

0
(Таҷдидшуда 10:08 25.11.2020)
Имрӯз дар ҷумҳурӣ ҳаво абрнок шуда, дар ноҳияҳо борон ва барф меборад, гузориш медиҳанд обуҳавошиносони Тоҷикистон

ДУШАНБЕ, 24 ноя — Sputnik.  Ба иттилои Агентии обуҳавошиносӣ, имрӯз дар Вилояти Мухтори Кӯҳистони Бадахшон ҳаво абрнок шуда, дар баъзе ноҳияҳо бориши борон ва барф ба амал меояд. Шамол аз самти ғарб бо суръати 3-8 метр дар як сония мевазад. Ҳаво дар ғарби вилоят   шабона 1-6 дараҷа хунук мешавад.

Рӯзона ҳаво аз 2 дараҷа хунук то 3 дараҷа гарм мешавад. Дар  шарқи вилоят  ҳаво шабона 12-17 дараҷа хунук ва рӯзона  2-7   дараҷа хунук мешавад.

Ҳаво дар вилояти Суғд  тағйирёбанда шуда, дар ноҳияҳои алоҳидаи кӯҳӣ бориши борон ва барф дар назар аст. Шамол аз самти ғарб бо суръати 3-8 метр дар як сония мевазад. Ҳаво  дар водиҳо шабона 1-6 дараҷа  хунук ва рӯзона 1+6 дараҷа гарм мешавад.

Дар ноҳияҳои кӯҳӣ ҳаво шабона  3-8 дараҷа  хунук ва рӯзона аз 3 дараҷа  хунук то 2 дараҷа гарм мешавад.

Дар вилояти Хатлон  ҳаво абрнок шуда, борон ва барф меборад.  Шамол аз самти ғарб бо суръати 3-8 метр дар як сония мевазад. Ҳаво дар водиҳо шабона аз 1 дараҷа хунук то 4 дараҷа гарм ва рӯзона 2+7 дараҷа  гарм  мешавад.

Дар  доманакӯҳҳо ҳаво шабона 1-6 дараҷа хунук ва рӯзона аз 2+7 дараҷа гарм мешавад.

Дар шаҳру ноҳияҳои тобеи марказ ҳавои абрнок шуда, боридани борон ва  барф пешбинӣ шудааст. Шамол аз самти ғарб бо суръати 3-8 метр дар як сония  мевазад. 

Сардиву барфу борон: ҳушдори обуҳавошиносон ва тавсияҳои КҲФ Тоҷикистон

Ҳаво  дар водиҳо  шабона аз 3 дараҷа хунук  то 2 дараҷа гарм ва рӯзона 2+7 дараҷа гарм мешавад.  Дар ноҳияҳои кӯҳӣ ҳаво шабона 4-9 дараҷа хунук ва рӯзона аз  1 дараҷа хунук то 4 дараҷа гарм мешавад.

Дар  шаҳри Душанбе ҳаво абрнок шуда, борон ва барф меборад. Шамол аз самти ғарб бо суръати 3-8 метр дар як сония мевазад. Ҳарорати ҳаво шабона аз 1 дараҷа хунук то 1 дараҷа гарм ва рӯзона  3+5 дараҷа гарм мешавад.

 

 

 

0