Истеҳсолот, акс аз бойгонӣ

Ҳаҷми истеҳсоли маҳсулоти саноатӣ дар вилояти Суғд ба 6 млрд. сомонӣ баробар шуд

31
(Таҷдидшуда 14:16 21.09.2017)
Давоми 8 моҳи соли 2017 дар соҳаи саноати вилоят нишондиҳандаҳои баландтарини макроиқтисодӣ таъмин карда шуд

ДУШАНБЕ, 21 сен — Sputnik. Ҳаҷми истеҳсоли маҳсулоти саноатӣ дар вилояти Суғд ба 6 млрд. сомонӣ баробар шуд, гузориш медиҳад маркази матбуотии Ҳукумати вилояти Суғд.

Бино бар иттилои манбаъ, ба иттилои Озифхон Шарифзода, мудири шуъбаи энергетика ва саноати Мақомоти иҷроияи ҳокимияти давлатии вилояти Суғд, ба таъсири манфии омилҳои беруна нигоҳ накарда, ҳаҷми истеҳсоли маҳсулоти саноатӣ дар вилояти Суғд ба 6 млрд. сомонӣ баробар шуд.

Ҳаҷми истеҳсоли маҳсулоти саноатӣ нисбат ба ҳамин давраи соли гузашта 1,9 млрд сомонӣ зиёд буда, бо нархҳои амалкунанда ба 147,8 фоиз ва бо назардошти индекси нархҳо ба 133,8 фоиз баробар мебошад.

31
Барчаспҳо:
истеҳсолот, ташкилотҳо, Суғд, Тоҷикистон
График на бирже, архивное фото

Холиқзода гуфт,  ба рушди иқтисоди Тоҷикистон чи омилҳо монеа мешаванд

147
(Таҷдидшуда 17:52 05.07.2020)
Рушди иқтисодии Тоҷикистон аз чӣ вобаста аст, гуфт директори Маркази татбиқи лоиҳаҳои шарикии давлат ва бахши хусусӣ Абдухолик Холиқзода

ДУШАНБЕ, 5 июл — Sputnik.  Коҳиши иқтисодиёти ҷаҳонӣ дар соли 2020 ба рушди иқтисодии Тоҷикистон халал мерасонад, гуфт Абулхолиқ Холиқзода, директори Маркази татбиқи лоиҳаҳои шарикии давлат ва бахши хусусии Кумитаи давлатии сармоягузорӣ ва идораи амволи давлатии Тоҷикистон дар сущбат бо “Ховар”.

“Мушоҳида мегардад, ки бо пайдоиш ва шуруъи бемории сироятии СOVID – 19 дар аксарияти кишварҳои ҷаҳон бинобар таъсироти манфии он ба коҳишёбии маҳсулнокии фаъолият дар натиҷаи беморшавӣ, ҳаҷми маҳсулоти истеҳсолнашуда дар корхонаҳои саноатӣ, маҷмуан паст гардидани даромаднокӣ дар ҳамаи соҳаҳо дар паёмади муваққатан ва ё пурра аз даст додани фаъолнокии корӣ оварда расонид”,- гуфтааст ӯ.

Бо ишора ба пешгӯии таҳлилгарон, Холиқзода қайд кард, ки бӯҳрони иқтисодӣ дар ҷаҳон боиси кам шудани 30-40% сармоягузорӣ мегардад.

Директори марказ диққатро ба он ҷалб кард, ки якчанд омилҳо ба рушди иқтисодии Тоҷикистон таъсир мерасонанд.

Ҳушдори БМТ аз хатарҳои коронавирус ба иқтисод: меъёри бозтамвилро кам кард

“Ба рушди иқтисодиёти Тоҷикистон айни замон таназзули иқтисодиёти ҷаҳонӣ дар соли 2020, пӯшидани сарҳадҳо, сустшавии иқтисодиёти Россия ва Чин ба сифати шарикони асосӣ, кам шудани содироти молҳои ватанӣ, кам шудани интиқоли маблағҳои хориҷӣ ва даромади хонаводаҳо, бефаъолӣ дар соҳаҳои тиҷорат ва сайёҳӣ, кам гардидани савдо ва сайёҳон таъсиргузор хоҳанд буд”,-зикр кард ӯ .

147
Азиатский банк развития. Архивное фото

БОР барои мубориза бо пайомадҳои COVID-19 ба Тоҷикистон 50 миллион доллар медиҳад

139
(Таҷдидшуда 16:01 05.07.2020)
Маҷлиси намояндагони Тоҷикистон дар ҷаласаи ахири парлумон созишнома бо Бонки осиёии рушдро ба тасвиб расонд, ки бар асоси он бонк барои мубориза бо оқибатҳои COVID-19 дар Тоҷикистон 50 миллион доллар ҷудо мекунад

ДУШАНБЕ, 5 июл — Sputnik. Созишномаи грантӣ байни ҷумҳурии Тоҷикистон ва Бонки осиёии рушд оид ба "Барномаи вокуниши фаъол ба пандемияи бемории сироятии COVID — 19 ва дастгирии қисми хароҷоти буҷет"-ро дар парлумон Файзиддин Қаҳҳорзода, вазири молияи кишвар муаррифӣ кард. 

Вазири молия изҳор дошт, ки созишномаи мазкур 23 июни соли ҷорӣ бо риояи расмиёти амалкунанда ва бо мақсади коҳиш додани оқибатҳои манфии пандемияи  COVID-19 ба соҳаҳои иҷтимоию иқтисодии ҷумҳурӣ ба имзо расонида шудааст.

"Ҳаҷми маблағи созишнома 50 миллион доллари амрикоиро ташкил дода, он аз ҳисоби захираҳои Фонди махсуси грантии Бонки осиёии рушд маблағгузорӣ мегардад", - хабар додааст нашрияи парлумонии "Садои мардум" аз қавли вазир.

Манбаъ афзуд, ки маблағи мазкур барои рӯйпӯш намудани хароҷоти давлатӣ ва идоракунии молиявӣ, амалӣ намудани ташаббусҳо вобаста ба ҳифзи иҷтимоии аҳолӣ, инчунин, маблағгузории чорабиниҳо вобаста ба пешгирӣ ва табобати пандемияи бемории сироятии COVID — 19 масраф карда мешавад. Татбиқи созишнома то охири соли молиявии 2020 ба нақша гирифта шудааст.

139
Барчаспҳо:
мубориза, беморӣ, Тоҷикистон
На улице в городе Душанбе, архивное фото

Гармии тоқатфарсо: ҳавошиносон дақиқ гуфтанд имрӯз то чанд дараҷа гарм мешавад

0
(Таҷдидшуда 10:58 06.07.2020)
Маркази обуҳавошиносии Тоҷикистон таъкид доштааст, ки имрӯз дар ҷумҳурӣ ҳавои камабри бебориш дар назар аст

ДУШАНБЕ, 6 июл — Sputnik. Бино бар иттилои Ожонсии обуҳавошиносӣ, имрӯз дар  шаҳри Душанбе ҳаво камабри бебориш мешавад. Ҳаво шабона 15+17 ва рӯзона 36+38 дараҷа гарм мешавад.

Дар ҳамин ҳол, дар шаҳру ноҳияҳои тобеи марказ ҳаво камабр шуда, эҳтимоли бориши нисбатан сусти марҳилавӣ дар назар аст.  Ҳаво  дар водиҳо шабона 15+20 ва рӯзона 34+39 дараҷа гарм мешавад. Дар ноҳияҳои кӯҳӣ ҳаво шабона 12+17 ва рӯзона 27+32 дараҷа  гарм мешавад.

Вилояти Мухтори Кӯҳистони Бадахшон ҳаво камабр  шуда, эҳтимоли боришоти сусти марҳилавӣ дар назар аст. Ҳаво дар ғарби вилоят шабона 10+15 ва рӯзона 25+30 дараҷа гарм  мешавад. Дар  шарқи вилоят  ҳаво шабона аз 0+5 дараҷа гарм ва рӯзона 14+19 дараҷа гарм мешавад.

Ҳаво дар вилояти Суғд камабр шуда, дар баъзе ноҳияҳо эҳтимолияти боришоти нисбатан сусти марҳилавӣ дар назар аст. Ҳаво  дар водиҳо шабона 19+24 ва рӯзона 34+39  дараҷа гарм  мешавад. Дар ноҳияҳои кӯҳӣ ҳаво шабона 8+13  ва рӯзона 22+27 дараҷа гарм мешавад.

Дар вилояти Хатлон ҳаво камабри бебориш мешавад. Ҳаво дар водиҳо шабона 19+24 ва рӯзона 37+42 дараҷа гарм мешавад. Дар доманакӯҳҳо ҳаво шабона 15+20 ва рӯзона 29+34 дараҷа гарм мешавад.

0
Барчаспҳо:
гармӣ, бебориш, камабр, обу ҳаво, Тоҷикистон