Бизнес форум Таджикистан-Узбекистан

Тоҷикистон ба Узбакистон пешниҳод дода, ки колоҳояшонро бо як бренд бифурӯшанд

54
(Таҷдидшуда 15:20 12.10.2017)
Раиси Утоқи саноеъву бозаргонии Тоҷикистон бар ин бовар аст, ки Душанбе ва Тошканд бо фурӯши колоҳои худ бо як бренд ё намоном дар бозорҳои ҷаҳонӣ комёб хоҳанд шуд

ДУШАНБЕ, 12  окт — Sputnik. Шариф Саид, раиси УСБ ҶТ, гуфт ҳарчанд ҳаҷми гардиши коло миёни ду кишвар рӯ ба афзоиш меравад, вале қонеъкунанда нест.

"Барои афзудани ҳаҷми гардиши коло миёни ду кишвар ва дастёбӣ ба бозорҳои ҷаҳонӣ мо бояд аз равишҳои наве чун бозаргонии электронӣ, восупорӣ (лизинг), роҳандозии тавлидоти муштараки навоварона истифода кунем ва аз ин роҳ ба бозорҳои дигар кишварҳо бо бренди муштараки «Тоҷикистон-Ӯзбекистон» ворид шавем ва аз тахфифҳову имтиёзҳои минтақаҳои озоди иқтисодӣ ҳам баҳра бигирем", — гуфт вай дар ҳамоиши бозаргонии тоҷикӣ-узбакӣ дар шаҳри Тошканд.

Ӯ боварманд аст, ки бозаргонони Узбакистон бо баҳрагирӣ аз ин потенсиал метавонанд саҳмашонро дар иқтисоди Тоҷикистон бештар кунанд ва ҳамзамон сармоягузорӣ дар ин кишварро густариш диҳанд.

"Имконот барои ҳамкорӣ бисёр аст, вале ҳанӯз аз онҳо истифода нашудааст. Аз ин рӯ, мо бояд ҳама тавонмандиҳову имконотро ба кор барем, то равобити иқтисодӣ миёни бозаргонҳои ду кишвар беш аз пеш густариш ёбанд», — гуфт Шариф Саид.

Ин ҳамоиш дар ҳошияи намоишгоҳи колоҳои санъатии Тоҷикистон баргузор шуд, ки ҳамакнун дар Маркази намоишгоҳҳои «Uzexpocentre» дар шаҳри Тошканд бар по аст.

Дар ин намоишгоҳ, ки то 14 октябр бар по аст, беш аз 120 ширкат колоҳои худро аз қабили масолеҳи сохтмонӣ, маҳсулоти саноеъи сангин — коркарди маъдан, мошинсозӣ, металлургӣ ва саноеъи сабук — ресмонресиву порчабофӣ, дӯзандагӣ ва ресандагӣ, ҷӯроб, пӯст, фарш, нахи абрешим ва хӯрокворӣ, ба намоишу фурӯш гузоштаанд.

"Ҳарчанд мо ду моҳ барои баргузории ин намоишгоҳ омода шудаем, вале он оғози пӯёиест, ки дар Тоҷикистон ва равобит миёни ду кишвар дида мешавад", — гуфт раиси Утоқи саноеъву бозаргонии Узбакистон Адҳам Икромов дар нишасти бозаргонони тоҷику узбак дар Тошканд.

Бино бар арзёбии вай, аз онҷое, ки аксари колоҳои тавлидии ду кишвар ҳамтову ҳаммонанд ҳастанд, ҳамкории бунгоҳҳои тавлидӣ ва корхонаҳои ду кишвар муҳимтарин шарти ҳамкории иқтисодӣ дониста мешавад.

"Оҳанги мусбати рушде, ки дар гардиши коло миёни ду кишвар мебинем, ва ин ҳайъати пуршуморе, ки дар ин нишаст ширкат дорад, моро ба афзоиши доду ситадҳои тиҷорӣ дар оянда дилгарму умедвор мекунад", — гуфт Файзиддин Қаҳҳоров, раиси Кумитаи сармоягузорӣ ва идораи амволи давлатии Тоҷикистон.

Вай гуфт, ки ду кишвар метавонанд ҳамкориҳоро дар заминаҳои кишоварзӣ, саноеъи хӯрокворӣ, наху порчаву кашбофӣ, масолеҳи сохтмонӣ, ҳамлу нақл ва мошинсозӣ зуд роҳандозӣ ва густариш диҳанд.

Бино ба омори Узбакистон, гардиши коло миёни ду кишвар дар соли 2016 нисбат ба соли 2015 17,8 дарсад рушд карда ва 197 милюн дулорро ташкил додааст. Дар нӯҳ моҳи соли 2017 ин рақам ба 178,2 милюн дулор расида, ки 25,2 дарсад рушдро нишон медиҳад. Ҳамакнун дар Узбакистон 24 ширкате кор мекунад, ки бо сармоягузории Тоҷикистон бунёд шудаанд ва дар Тоҷикистон 9 ширкат бо сармояи Узбакистон фаъол аст.

Дар поёни кори нишасти тоҷирон утоқҳои бозаргониву саноеъи ду кишвар созишномаи бунёди Шурои тиҷориро имзо карданд.

Ширкатҳои тоҷикиву узбакӣ дар нахустин рӯзи намоишгоҳ ба арзиши 20 милюн дулор қарордод имзо кардаанд.  

Ёдоварӣ мекунем, ки тавофуқ барои баргузории намоишгоҳҳои колоҳои санъатӣ ва ҳамоишҳои соҳибкорони ду кишвар дар пойтахтҳои кишварҳо дар ҷаласаи Кумисюни байниҳукуматии ҳамкории тиҷориву иқтисодии Тоҷикистону Узбакистон ҳосил шуда буд, ки дар поёни соли 2016 дар Душанбе баргузор шуда буд.

Моҳи апрели соли 2017 дар Душанбе нахустин намоишгоҳи колоҳои санъатии Узбакистон дар Тоҷикистон баргузор шуда буд, ки дар он беш аз 160 ширкат беш аз 1,5 ҳазор намуд колоро ба намоишу фурӯш гузошта буданд.

Дар чорчӯби ин намоишгоҳ ва ҳамоиши тоҷирон, соҳибкорони ҳарду кишвар 20 қарордод ба маблағи умумии беш аз 35 милюн дулор имзо карда буданд.

54
Барчаспҳо:
ҳамкориҳои тиҷорӣ, Намоишгоҳи колоҳои санъатии Тоҷикистон дар Тошканд, Адҳам Икромов, Шариф Саид, Тоҷикистон-Узбакистон
Мавзуъ
Тоҷикистон ҳам дар Тошканд колоҳояшро ба намоиш мегузорад
Узбакистон нархи билети парвози Душанбе - Тошкандро арзон кард
Пресс-конференция председателя Комитета гражданских инициатив Алексея Кудрина

Кудрин коҳиши рушди иқтисоди Русия ва афзоиши камбизотиро пешгӯӣ кард

96
(Таҷдидшуда 14:58 28.11.2020)
Роҳбари Палатаи ҳисоби Русия коҳиши рушди иқтисодиёти кишварро пешгӯӣ кард, ки афзоиши камбизоатиро дар пай хоҳад дошт

ДУШАНБЕ, 28 ноя — Sputnik. Уфти иқтисоди Русия назар ба оне ки пешгӯӣ мешавад, бештар хоҳад буд, изҳор дошт Алексей Кудрин, роҳбари Палатаи ҳисоб зимни Анҷумани умумимиллии Русия.

Ӯ таъкид кард, ки уфти пешгӯишаванда назар ба кишварҳои Аврупо камтар мебошад, аммо нисбати рақамҳое, ки дар назар дошта шудаанд, зиёдтар хоҳад буд.

“Иқтисоди Аврупо ба андозаи 8 дарсад, ҳатто қариб 9 дарсад кам хоҳад шуд. Дар мо тавре омори расмӣ мегӯяд, ба андозаи 3,9 дарсади ММД коҳиш хоҳад ёфт. Аммо ман фикр мекунам, ки уфт бештар аз 4 дарсад, ҳатто 4,5 фоиз хоҳад шуд”, - гуфт Кудрин.

Ба гуфтаи роҳбари Палатаи ҳисоб, мушкили асосӣ дар он аст, ки дар пайи уфти иқтисод сифати зиндагии шаҳрвандон бадтар хоҳад шуд. Поинравии сифати зиндагии шаҳрвандон бо нишондоди чандсола дар маҷмуъ ҳамвазн хоҳад буд.  Ӯ афзудааст, ки теъдоди шаҳрвандони ниёзманд дар Русия афзоиш хоҳад ёфт.

“Тақрибан ба миллион нафар шумораи камбизоатҳо дар мо афзоиш хоҳад ёфт”, - илова намуд Кудрин.

Вай муътақид аст, ки пандемияи коронавирус ва дигар омилҳо имкони барқарорсозии фаврии иқтисодро нахоҳанд дод ва ин ба он маъност, ки давлат  бояд захираҳои бештарро барои дастгирии табақаҳои осебпазири ҷомеа равона кунад.

96
Барчаспҳо:
афзоиш, сатҳи камбизоатӣ, Русия
Глава Нацбанка Таджикистана Хоким Холикзода

Раиси наву ваъдаи нав: Бонки миллӣ нархҳоро дар бозори дохилӣ устувор нигаҳдорӣ хоҳад кард

1198
(Таҷдидшуда 13:19 27.11.2020)
Ахиран дар парлумони Тоҷикистон санади Дурнамои сиёсати пуливу қарзии ҷумҳурӣ барои соли 2021 ва дар давраи миёнамуҳлат қабул гардид

ДУШАНБЕ, 27 ноя — Sputnik. Зимни баррасии ин санад Ҳоким Холиқзода, раиси тозатаъйини Бонки миллии Тоҷикистон қайд кард, ки ҳадафи аслии Бонки миллӣ дар таҳияи ин санад дар нигаҳдории нархҳо дар бозори дохилии истеъмолӣ дар сатҳи устувор ифода меёбад, иттилоъ додааст дафтраи матбуоти палатаи поёнии парлумони Тоҷикистон.

Ба гуфтаи Холиқзода, он тавассути истифодаи механизму фишангҳои сиёсати пулию қарзӣ барои пешгирии фишороварии омилҳои монетарӣ ба сатҳи нархҳо амалӣ мегардад.

Вай илова кардааст, ки идомаи ислоҳот дар самти тақвияти сиёсати пулию қарзӣ бо мақсади нигоҳдории сатҳи таваррум пешбинӣ шудааст, ки барои таъмини рушди устувори иқтисодӣ ва баланд бардоштани сатҳи некуаҳволии мардум заминаи мусоид фароҳам меорад.

Сандаи қабулшуда шарҳи мухтасари вазъи молиявӣ-иқтисодӣ ва сиёсати пуливу қарзиро дар соли 2021 дар бар мегирад. Ҳамчунин он аз нишондиҳандаи мақсаднок ва татбиқи механизму абзори сиёсати пуливу қарзии кишвар дар соли 2021 ва дар давраи миёнамуҳлат иборат аст.

Бояд гуфт, ки тибқи иттилои Ожонсии омори Тоҷикистон дар ин давра нархҳо ба маҳсулоти хӯрокворӣ 9,6%, маҳсулоти ғайриозуқа - 4,4% ва хизматрасониҳои пулакӣ - 3,6% боло рафтанд.

Ёдрас мешавем, ки Ҳоким Холиқзода як ҳафта пеш ба ҷойи раиси пешин Ҷамшед Нурмаҳмадзода раиси БМТ таъин шуд. То ин дам ӯ ба ҳайси муовини раиси Бонки миллӣ кор мекард.

1198
Барчаспҳо:
мубориза, нарх, ваъда, Дурнамои нав, санад, Бонки миллӣ, Тоҷикистон

Бадтар аз коронавирус: пизишки рус эмидемияи нави мудҳишеро пешбинӣ мекунад

0
(Таҷдидшуда 21:08 29.11.2020)
Доктор Александр Мясников, пизишки номии рус эпидемияи мудҳишеро, ки бадтар аз коронавирус хоҳад буду ҷони нафарони зиёдеро хоҳад бурд, пешбинӣ мекунад

ДУШАНБЕ, 29 ноя — Sputnik. Ба ҷаҳон хатари эпидемияи нави ҷиддие, ки қурбониёни зиёде хоҳад дошт, таҳдид мекунад, пешбинӣ мекунад пизишк Александр Мясников, хабар медиҳад РИА Новости.

Ба гуфтаи вай, ҳамагирии навбатӣ бадтар аз коронавирус хоҳад буд.

Дар робита бо ин, ӯ даъват кардааст, ки як васкини универсалӣ таҳия шавад.

"Масъалан, ваксинаи универсалӣ аз зуком - ба мо маҳз он (эпидемияи зуком - идора) - зукоми хук ё парранда таҳдид мекунад. Тавре вирусшиносҳо менависанд: эпидемияи ҷиддӣ бо мутатсия шудани вирусҳои мову ҳайвон таҳдид мекнунад", - гуфтааст доктор Мясников.

Ба гуфтаи вай, мутатсияи аввал ин гузаштани вирус аз ҳайвон ба инсон ва сипас аз инсон ба инсон мебошад.

Вай афзуд, ки барои коркарди ваксин вақти зиёде талаб мешавад.

Агар ин вирус зуҳур кунад, марг аз он то 40 дарсадро ташкил хоҳад дод, ки то пайдо шудани ваксина аз он даҳҳо миллион нафар мемиранд.

Мясников: дар Маскав аз COVID -19 бештар қафқозҳо ва осиёиҳо азият кашиданд

Ӯ даъват кардааст, ки тамоми олимони ҷаҳон қувваашонро сарф намудаву маблағи зиёде сармоя карда, ин ваксинро бояд сохт.

0
Мавзуҳо:
Пайомадҳои COVID-19 дар Тоҷикистон ва ҷаҳон