На территории ташкентского Узэкспоцентра

Тоҷикистон ва Узбакистон Шурои тиҷорӣ ташкил мекунанд

33
(Таҷдидшуда 15:13 12.10.2017)
Дар паи баргузории нахустин намоишгоҳи колоҳои Тоҷикистон ва ҳамоиши бозаргонону коркушоёни тоҷику узбак дар Тошканд қарор шуда, ки Шурои бозаргонии Тоҷикистону Узбакистон бунёд шавад

ДУШАНБЕ, 12 окт — Sputnik. Утоқҳои саноеъву бозаргонии Тоҷикистону Узбакистон дар ҳошияи ҳамоиши бозаргонону коркушоёни тоҷику узбак қарордоди бунёди Шурои бозаргониро имзо карданд.

"11 октябр дар чорчӯби нахустин намоишгоҳи колоҳои Тоҷикистон ва бо пуштибонии ҳукумати Ҷумҳурии Узбакистон ҳамоиши бозаргонону коркушоёни Тоҷикистон ва Узбакистон баргузор шуд, ки ҳадаф аз он густаришу афзоиши ҳамкориҳои тиҷории ду кишвар буд", — гуфта мешавад дар иттилоъияи УСБ ҶТ.

Дар ин ҳамоиш муовини вазири бозаргонии Узбакистон Соҳиб Саидназаров, раиси Кумитаи умури сармоягузорӣ ва идораи амволи давлатии Тоҷикистон Файзиддин Қаҳҳорзода, раиси Утоқи бозаргониву саноеъи ҶТ Шариф Саид ва дигар масъулин ширкат карданд.

Дар ин ҳамоиш ҳамчунин ширкати узбакистонии «Квартс» бо корхонаи консерваҳои тарабору меваии шаҳри Исфара қарордоди хариду фурӯши маҳсулоти кишоварзӣ баста ва ширкати тоҷикии «Ғаюр» бо ширкати узбакии NOVA барои хариду фурӯши масолеҳи сохтмонӣ, ширкатҳои «Элегант» ва «Навинтеркомлюкс» ёддошти тафоҳуми ҳамкорӣ имзо кардаанд. Ҳамчунин ширкатҳои «Кедр» ва UZRADE созишномаву қарордодҳои ҳамкорӣ имзо кардаанд.

Дар маҷмуъ дар ин ҳамоиш беш аз 20 қарордод ва 6 ёддошти тафоҳуми ҳамкорӣ ба маблағи 20 милюн дулор ба имзо расидааст.

33
Барчаспҳо:
ҳамоиши бозаргонӣ, Утоқи бозаргониву саноеъи Тоҷикистон, Тоҷикистон-Узбакистон
Мавзуъ
Тоҷикистон ба Узбакистон пешниҳод дода, ки колоҳояшонро бо як бренд бифурӯшанд
Тоҷикистон ва Узбакистон ба арзиши $20 млн қарордод бастанд
Узбакистону Туркманистон мехоҳанд ҳамкорияшонро бо ИДМ густардатар кунанд
Рӯзҳои фарҳанги Тоҷикистон дар Узбакистон оғоз ёфтанд
Узбакистон нархи билети парвози Душанбе - Тошкандро арзон кард
Пресс-конференция председателя Комитета гражданских инициатив Алексея Кудрина

Кудрин коҳиши рушди иқтисоди Русия ва афзоиши камбизотиро пешгӯӣ кард

96
(Таҷдидшуда 14:58 28.11.2020)
Роҳбари Палатаи ҳисоби Русия коҳиши рушди иқтисодиёти кишварро пешгӯӣ кард, ки афзоиши камбизоатиро дар пай хоҳад дошт

ДУШАНБЕ, 28 ноя — Sputnik. Уфти иқтисоди Русия назар ба оне ки пешгӯӣ мешавад, бештар хоҳад буд, изҳор дошт Алексей Кудрин, роҳбари Палатаи ҳисоб зимни Анҷумани умумимиллии Русия.

Ӯ таъкид кард, ки уфти пешгӯишаванда назар ба кишварҳои Аврупо камтар мебошад, аммо нисбати рақамҳое, ки дар назар дошта шудаанд, зиёдтар хоҳад буд.

“Иқтисоди Аврупо ба андозаи 8 дарсад, ҳатто қариб 9 дарсад кам хоҳад шуд. Дар мо тавре омори расмӣ мегӯяд, ба андозаи 3,9 дарсади ММД коҳиш хоҳад ёфт. Аммо ман фикр мекунам, ки уфт бештар аз 4 дарсад, ҳатто 4,5 фоиз хоҳад шуд”, - гуфт Кудрин.

Ба гуфтаи роҳбари Палатаи ҳисоб, мушкили асосӣ дар он аст, ки дар пайи уфти иқтисод сифати зиндагии шаҳрвандон бадтар хоҳад шуд. Поинравии сифати зиндагии шаҳрвандон бо нишондоди чандсола дар маҷмуъ ҳамвазн хоҳад буд.  Ӯ афзудааст, ки теъдоди шаҳрвандони ниёзманд дар Русия афзоиш хоҳад ёфт.

“Тақрибан ба миллион нафар шумораи камбизоатҳо дар мо афзоиш хоҳад ёфт”, - илова намуд Кудрин.

Вай муътақид аст, ки пандемияи коронавирус ва дигар омилҳо имкони барқарорсозии фаврии иқтисодро нахоҳанд дод ва ин ба он маъност, ки давлат  бояд захираҳои бештарро барои дастгирии табақаҳои осебпазири ҷомеа равона кунад.

96
Барчаспҳо:
афзоиш, сатҳи камбизоатӣ, Русия
Глава Нацбанка Таджикистана Хоким Холикзода

Раиси наву ваъдаи нав: Бонки миллӣ нархҳоро дар бозори дохилӣ устувор нигаҳдорӣ хоҳад кард

1199
(Таҷдидшуда 13:19 27.11.2020)
Ахиран дар парлумони Тоҷикистон санади Дурнамои сиёсати пуливу қарзии ҷумҳурӣ барои соли 2021 ва дар давраи миёнамуҳлат қабул гардид

ДУШАНБЕ, 27 ноя — Sputnik. Зимни баррасии ин санад Ҳоким Холиқзода, раиси тозатаъйини Бонки миллии Тоҷикистон қайд кард, ки ҳадафи аслии Бонки миллӣ дар таҳияи ин санад дар нигаҳдории нархҳо дар бозори дохилии истеъмолӣ дар сатҳи устувор ифода меёбад, иттилоъ додааст дафтраи матбуоти палатаи поёнии парлумони Тоҷикистон.

Ба гуфтаи Холиқзода, он тавассути истифодаи механизму фишангҳои сиёсати пулию қарзӣ барои пешгирии фишороварии омилҳои монетарӣ ба сатҳи нархҳо амалӣ мегардад.

Вай илова кардааст, ки идомаи ислоҳот дар самти тақвияти сиёсати пулию қарзӣ бо мақсади нигоҳдории сатҳи таваррум пешбинӣ шудааст, ки барои таъмини рушди устувори иқтисодӣ ва баланд бардоштани сатҳи некуаҳволии мардум заминаи мусоид фароҳам меорад.

Сандаи қабулшуда шарҳи мухтасари вазъи молиявӣ-иқтисодӣ ва сиёсати пуливу қарзиро дар соли 2021 дар бар мегирад. Ҳамчунин он аз нишондиҳандаи мақсаднок ва татбиқи механизму абзори сиёсати пуливу қарзии кишвар дар соли 2021 ва дар давраи миёнамуҳлат иборат аст.

Бояд гуфт, ки тибқи иттилои Ожонсии омори Тоҷикистон дар ин давра нархҳо ба маҳсулоти хӯрокворӣ 9,6%, маҳсулоти ғайриозуқа - 4,4% ва хизматрасониҳои пулакӣ - 3,6% боло рафтанд.

Ёдрас мешавем, ки Ҳоким Холиқзода як ҳафта пеш ба ҷойи раиси пешин Ҷамшед Нурмаҳмадзода раиси БМТ таъин шуд. То ин дам ӯ ба ҳайси муовини раиси Бонки миллӣ кор мекард.

1199
Барчаспҳо:
мубориза, нарх, ваъда, Дурнамои нав, санад, Бонки миллӣ, Тоҷикистон

Бадтар аз коронавирус: пизишки рус эмидемияи нави мудҳишеро пешбинӣ мекунад

0
(Таҷдидшуда 21:08 29.11.2020)
Доктор Александр Мясников, пизишки номии рус эпидемияи мудҳишеро, ки бадтар аз коронавирус хоҳад буду ҷони нафарони зиёдеро хоҳад бурд, пешбинӣ мекунад

ДУШАНБЕ, 29 ноя — Sputnik. Ба ҷаҳон хатари эпидемияи нави ҷиддие, ки қурбониёни зиёде хоҳад дошт, таҳдид мекунад, пешбинӣ мекунад пизишк Александр Мясников, хабар медиҳад РИА Новости.

Ба гуфтаи вай, ҳамагирии навбатӣ бадтар аз коронавирус хоҳад буд.

Дар робита бо ин, ӯ даъват кардааст, ки як васкини универсалӣ таҳия шавад.

"Масъалан, ваксинаи универсалӣ аз зуком - ба мо маҳз он (эпидемияи зуком - идора) - зукоми хук ё парранда таҳдид мекунад. Тавре вирусшиносҳо менависанд: эпидемияи ҷиддӣ бо мутатсия шудани вирусҳои мову ҳайвон таҳдид мекнунад", - гуфтааст доктор Мясников.

Ба гуфтаи вай, мутатсияи аввал ин гузаштани вирус аз ҳайвон ба инсон ва сипас аз инсон ба инсон мебошад.

Вай афзуд, ки барои коркарди ваксин вақти зиёде талаб мешавад.

Агар ин вирус зуҳур кунад, марг аз он то 40 дарсадро ташкил хоҳад дод, ки то пайдо шудани ваксина аз он даҳҳо миллион нафар мемиранд.

Мясников: дар Маскав аз COVID -19 бештар қафқозҳо ва осиёиҳо азият кашиданд

Ӯ даъват кардааст, ки тамоми олимони ҷаҳон қувваашонро сарф намудаву маблағи зиёде сармоя карда, ин ваксинро бояд сохт.

0
Мавзуҳо:
Пайомадҳои COVID-19 дар Тоҷикистон ва ҷаҳон