Достопримечательности Республики Узбекистан

Тоҷикистон ва Узбакистон ҳамкорӣ дар заминаи гардишгариро густариш медиҳанд

122
(Таҷдидшуда 14:07 13.10.2017)
Ширкатҳои гаштпардози Тоҷикистон ва Узбакистон ёддошти ҳамкорӣ имзо карданд

ДУШАНБЕ, 13 окт — Sputnik. Тоҷикистон ва Узбакистон дар назар доранд номнамо ё брендҳои миллии гардишгарӣ падид оваранд ва гаштҳои фаромарзӣ дар масири Роҳи бузурги абрешимро ҳамроҳ дар бозорҳои ҷаҳонгардӣ муаррифӣ кунанд.

Ба гузориши Кумитаи давлатии гардишгарии Узбакистон, ёддошти ҳамкорӣ миёни ширкати узбакии "Маркази густариши гардишгарии миллӣ" ва ширкатҳои гаштпардози тоҷикии "Ориент Адвентур", "Скай Тур" ва "Роҳат Тур" имзо шудааст.

Ин бунгоҳҳои гаштпардоз (туроператор) қарор додаанд, ки аз ибтикороти якдигар дар заминаи шиносоӣ, пешбурд ва огаҳирасонӣ аз хадамоти гардишгарӣ, мубодилаи донистаниҳо дар бораи диданиҳои гардишгарии ду кишвар ҳамкорӣ кунанд.

Эмомалӣ Раҳмон. Раисҷумҳури Тоҷикистон
Официальный сайт президента Таджикистана

Ҳамчунин қарор шуда, ки гаштпардозҳои тоҷику узбак гаштҳои фаромарзӣ дар масири Роҳи бузурги абрешимро, ки аз қаламравҳои Тоҷикистону Узбакистон мегузаранд, ҳамроҳ дар бозорҳои ҷаҳонгардӣ муаррифӣ кунанд.

Дар ин росто ҷолиб аст, ки ширкати мусофирбарии ҳавоои "Сомон Эйр" чанде пеш гувоҳиномаи узвият дар IATA — Анҷумани байналмилалии таробарии ҳавоиро дарёфт кард.

Маросими дарёфти ин гувоҳинома 11 октябр дар Душанбе бо ширкати намояндагони ниҳодҳои давлатии Тоҷикистон, сафоратҳои кишварҳои хориҷӣ, ширкатҳои хориҷии мустақар дар пойтахти кишвар баргузор шуд.

Аз пайвастан ба IATA "Сомон Эйр" ин имтиёзҳоро дарёфт мекунад, ки аз ин пас метавонад бо ширкатҳои бузурги ҷаҳон қарордоди мусофирбарии миёнхаттӣ (interline agreement) ва қарордоди намоди муштарак (Codeshare agreement) имзо кунад.

Яке аз раҳбарони ширкати "Сомон Эйр" — Суҳроб Ҷӯраев дар ин бора ба Sputnik гуфт, "узвият дар IATA барои мусофирон осонии сабти ному бор ва хариди билет аз ҳар узви ин Анҷуман барои парвоз ба ҳар гӯшаву канори ҷаҳонро имконпазир мегардонад".

"Ширкат низ аз узвият дар IATA ин имтиёзро ба даст меорад, ки обрӯяш дар миёни ширкатҳои мусофирбарӣ бештар ва ба табъ имкони ҳамкорӣ дар мусофирбарии миёнхаттӣ ва ҳамнамодӣ барояш афзоиш меёбад", — афзуд вай.

Анҷумани байналмилалии таробарии ҳавоӣ (IATA) соли 1945 бунёдгузорӣ шуда ва ҳамакнун 260 ширкати ҳавопаймоиро дар бар мегирад ва 83 дарсад аз таробарии ҳавоии ҷаҳониро дар даст дорад.      

122
Барчаспҳо:
туроператор, гаштпардоз, гардишгарӣ, ёддошти ҳамкорӣ, Тоҷикистон-Узбакистон
Мавзуъ
Тағйироти кадрӣ: аз барканорӣ дар Кумитаи варзиш то таъйинот дар Кумитаи гардишгарӣ
Тиҷорат ва гардишгарӣ: дидори Рустам Эмомалӣ бо ҳайъати Узбакистон
Тоҷикистон ба сегонаи машҳуртарин маконҳои гардишгарӣ дар ИДМ ворид шуд
Имтиёзҳои Эмомалӣ Раҳмон барои ширкатҳои гардишгарӣ
Алишер Усмонов дар Бухоро минтақаи гардишгарӣ месозад
Сафири Бритониё: Ландан Тоҷикистонро яке аз беҳтарин кишварҳо барои гардишгарӣ мешуморад
Сомони и доллары, архивное фото

Дар 8 моҳи соли ҷорӣ ба буҷети кишвар ҳудуди 400 миллион сомонӣ камтар ворид шуд

48
(Таҷдидшуда 17:02 18.09.2020)
Вазорати молияи Тоҷикистон эълон доштааст, ки ҳаҷми умумии буҷети давлатии Тоҷикистон давоми 8 моҳи соли ҷорӣ 14 млрд. 352 миллион сомониро ташкил дод, ки 2,6% камтар аз нақшаи тасҳеҳшуда мебошад

ДУШАНБЕ, 18 сен — Sputnik. Тибқи иттилои манбаъ, дар ҳашт моҳи соли равон ба буҷети кишвар ҳудуди 400 миллион сомонӣ ё наздики 39 миллион доллар камтар маблағ ворид шудааст.

Камбудии буҷет ба коҳиши маблағи андоз аз даромад ва андоз аз фоида нисбат дода мешавад. Ҳиссаи андоз дар буҷети давлатӣ 68%-ро ташкил медиҳад.

Гуфта шудааст, ки маблағҳои пешбинишуда қариб ба ҳамаи бахшҳо ҷудо нагардиданд.

Аммо тибқи иттилои манбаъ, аз ҳама бештар маблағгузорӣ ба бахши ҳокимияти давлатӣ ва идоракунӣ, саноат ва сохтмон, фаъолияти дигари иқтисодӣ ва хизматрасониҳо кам шуд.

Дар ҳамин ҳол, ҳаҷми умумии нақшаи тасҳеҳшудаи даромади буҷет бо назардошти ҷалби маблағҳои грантӣ ба ҷойи 26,1 миллиард сомонии қаблан тибқи нақша пешбинигардида 23,6 миллиард сомонӣ муқаррар шуд.

Нақшаи тасҳеҳшудаи хароҷоти умумии буҷети давлатӣ дар ҳаҷми 26 млрд сомонӣ муқаррар шудааст, ки аз нақшаи аввалия 400 миллион сомонӣ камтар аст.

Дар назар буд, ки рӯйпӯш кардани касри буҷет аз ҳисоби ҷалби маблағҳои ниҳодҳои молиявии байнулмлалӣ амалӣ мешавад.

Мувофиқи нақшаи тасҳеҳшудаи Вазорати молия, касри буҷети давлатӣ дар соли равон 3,1 миллиард сомонӣ ё беш аз 300 миллион доллар ё худ 3,7% аз ҳаҷми ММД-ро ташкил хоҳад дод.

48
Барчаспҳо:
миллион, сомонӣ, Вазорати молия, пул, Тоҷикистон
Терминал оплаты банковскими картами и денежные купюры, архивное фото

Бонки марказии Русия аз интиқоли рекордии пул ба кишварҳои ИДМ хабар дод

438
(Таҷдидшуда 00:50 19.09.2020)
Бонки марказии Русия эълон кард, ки нисбат ба соли 2018 интиқоли рекордии пул ба хориҷ аз кишвар мушоҳида шудааст

ДУШАНБЕ, 18 сен — Sputnik. Бонки марказии Русия эълон кардааст, ки нисбат ба ду соли қабл интиқоли рекордии пул ба хориҷ аз кишвар ба қайд гирифта шудааст, иттилоъ додааст рӯзномаи “Ведемости”.

Таъкид шудааст, ки дар моҳи июли соли 2020 шаҳрвандони Русия ба хориҷ аз кишвар 837 миллион доллар интиқол додаанд. Дар ҳамин ҳол, қисми аксари маблағ аз ҷумла 686 миллион доллар ба кишварҳои ИДМ интиқол дода шудаанд.

152 миллион доллари боқимонда ба кишварҳои хоириҷи дур интиқол дода шудааст.

Ҳангоми таҳияи омор мутахассисони Бонки марказии Русия аз маълумотҳои ширкатҳои Western Union, "Золотая корона", "Юнистрим", Contact, Blizko (то моҳи апрели соли 2020), инчунин интиқол тариқи "Почта России"-ро истифода карданд.

Ёдарс мешавем, ки ҳаҷми интиқоли пул ба хориҷ аз кишвар дар моҳи март коҳиш ёфта буд ва дар моҳи апрели 2020 ба 302 миллион доллар расида буд.

Ба коҳиш ёфтани интиқоли пул пандемияи вируси корона, басташавии марзҳо дар тамоми ҷаҳон, ҷорӣ намудани қарантина ва қатъи фаъолияти баъзе аз корхонаҳо, таъсир расонд.

Ба ҳамин хотир аксари муҳоҷирони меҳнатӣ дар Русия бекор монданд.  

438
Барчаспҳо:
хориҷ, Бонки марказии Русия, рекорд, муҳоҷирон, интиқоли пул, Русия
Парламентские выборы в Таджикистане

Мастчоҳ ба интихоботи президентӣ омодааст: ифтитоҳи 35 участкаи интихоботӣ дар ноҳия

0
(Таҷдидшуда 19:39 18.09.2020)
Мақомоти ноҳияи Мастчоҳ ҷидди ба интихоботи президентӣ омодагӣ гирифтааст. Дар ноҳия 35 участкаи интихоботӣ таъсис дода шудааст

ДУШАНБЕ, 18 сен — Sputnik. Бино бар иттилои дафтари матбуоти мақомоти вилояти Суғд, дар ноҳияи Куҳистони Мастчоҳ ба баргузории интихоботи Президенти Тоҷикистон, ки санаи 11-уми октябри соли 2020 баргузор мегардад, омодагӣ гирифтааст.

Президент Таджикистана Эмомали Рахмон
© Официальная страница пресс-службы президента РТ в Facebook.

Бино ба иттилои​ Ҳотамбек Аҳмадзода, роҳбари дастгоҳи раиси ноҳияи Кӯҳистони Мастчоҳ​ омодагиҳо ба интихоботи президентӣ дар сатҳи зарурӣ ба роҳ монда шуда, маводи иттилоотӣ дастраси аҳолӣ ва шиору овезаҳо дар гӯшаву роҳравҳо ва ҷойҳои ҷамъиятӣ насб гардидаанд.

Гуфта шудааст, ки дар ноҳияи Куҳистони Мастчоҳ як ҳавза ва 35​ участкаи интихоботӣ таъсис дода шудааст.

Шумораи умумии интихобкунандагон дар ҳавзаи №39-и ноҳияи Кўҳистони Мастчоҳ 14987 нафар буда, аз инҳо 429 нафарашон бори аввал дар интихобот ширкат мекунанд.

Мутобиқи қарори муштараки Маҷлиси миллӣ ва Маҷлиси намояндагони Маҷлиси Олии Ҷумҳурии Тоҷикистон аз 6 августи соли 2020 интихобот дар Тоҷикистон 11 октябри соли ҷорӣ баргузор хоҳад шуд.

0
Барчаспҳо:
мақомот, таъсис, участкаҳо, Интихоботи президентӣ, интихобот, Тоҷикистон