Государственное унитарное предприятие Таджикская Алюминиевая Компания ТАЛКО

Тоҷикистон як корхонаи нави алюминий ба андозаи ТАЛКО месозад

245
(Таҷдидшуда 17:03 17.11.2017)
Сохтусози ин корхона, ки 1,6 милёрд дулор арзиш дорад, дар соли 2018 оғоз мешавад ва қарор аст дар яку ним сол сохта шавад

ДУШАНБЕ, 17 ноя — Sputnik. "Ширкати алюминии тоҷик" (ТАЛКО) дар соли 2018 сохтусози корхонаи нави алюминийро оғоз мекунад, гуфт раҳбари дафтари иттилоърасонии ТАЛКО Игор Сатторов.

Ин корхонаро ширкати чинии "Yunnan" хоҳад сохт. Тавофуқ дар ин бора дар раванди охирин сафари раисҷумҳури Тоҷикистон Эмомалӣ Раҳмон ба Чин ҳосил шуда буд.

Игор Сатторов афзуд, ки ширкати чинӣ то кунун баррасиҳои имконсанҷии иқтисодии ин тарҳро анҷом дода ва акнун онро таҳия ва такмил мекунад.

Сохтусози ин корхона, ки 1,6 милёрд дулор арзиш дорад, дар соли 2018 оғоз мешавад ва қарор аст дар яку ним сол сохта шавад. Тавони тавлидии корхонаи нав 503 ҳазор тон алюминии хом дар сол дар назар гирифта шудааст. Ин корхона ҳамчунин коргоҳи рехтагарӣ барои тавлиди 800 ҳазор тон фароварда дар сол ва коргоҳи анодӣ барои тавлиди 300 ҳазор тон фароварда низ хоҳад дошт.

Сатторов ёдоварӣ кард, ки чунин корхона, ки дар онҳо навтарин дастовардҳои фанноварии тавлиди алюминий ба кор гирифта шуда бошанд, дар саросари ҷаҳон танҳо сето аст, ки ҳама дар Чин сохта шудаанд.

Бо роҳандозии корхонаи нави алюминий барои 1100 кас кор офарида хоҳад шуд, ки музди корашон ҳам боло хоҳад буд.

245
Барчаспҳо:
алюминий, ТАЛКО, Игор Сатторов, Тоҷикистон
Мавзуъ
Вазири саноат: ТАЛКО мушкилот дорад ва онро бояд ҳал кард
ТАЛКО: тавлиди алюминий дар соли равон 15% афзоиш ёфт
ТАЛКО тавлиди алюминийро ду баробар зиёд мекунад
Доктор экономических наук, экс-замминистра сельского хозяйства и продовольствия России Леонид Холод

Холод хатари коҳиши ҳосили картошкаро дар Тоҷикистон шарҳ дод

1
Коҳиши ҳосили картошка дар Тоҷикистонро доктори илмҳои иқтисодӣ, собиқ муовини вазири кишоварзӣ ва хӯроквории Федератсияи Русия Леонид Холод шарҳ дод

ДУШАНБЕ, 27 сен — Sputnik. Кишоварзони Тоҷикистон зиёда аз 227 ҳазор тонна картошка ҷамъ оварданд, ки ин нисбат ба ҳамин давраи соли гузашта тақрибан 78 ҳазор тонна (ё 25%) камтар аст, хабар медиҳад Вазорати кишоварзии ҷумҳурӣ.

Коҳиш ёфтани ҳосили картошка дар Тоҷикистонро, доктори илмҳои иқтисодӣ, собиқ муовини вазири кишоварзӣ ва хӯроквории Федератсияи Русия Леонид Холод инро хабари бад номида гуфт, ҷумҳурӣ ба ин сабзавот вобастагии зиёд дорад.

Иқтисодшинос гуфт, ки чунин вазъ метавонад дар дигар кишварҳои минтақаи Осиёи Марказӣ низ ба амал ояд, зеро шароити табиӣ тақрибан якхела буд, сатҳи кишоварзӣ низ ба ҳамин монанд аст. Дар чунин шароит, нархҳо ва имкониятҳои содиротии ҷумҳуриҳои ҳамсоя низ маҳдуд хоҳанд шуд.

"Тибқи қонунҳои муқаррарии бозор, коҳиш ёфтани истеҳсоли ватанӣ ва бад шудани шароити беруна бевосита ба болоравии нархҳо дар бозор оварда мерасонад. Зеро ҳаҷми истеъмоли маҳсулот, ки яке аз маҳсулоти асосӣ мебошад ва маҳсули талаботи сершумор аст, наметавонад хеле кам шавад”, гуфт коршинос ба Sputnik Тоҷикистон.

Тибқи гуфтаи иқтисодшинос, коҳиши ҷиддии ҳосилнокӣ, метавонад ба бемуботии нарх дар бозор ва ҳамзамон ба воҳима оварда расонад, ки чунин ҳолат хавфнок хоҳад буд.

Ба таъкиди ӯ мақомоти давлатиро лозим аст, ки бозор ва динамикаро аз наздик назорат кунанд ва дар сурати болоравии шадиди нархҳо, диққат диҳанд ва тафтишот гузаронанд.

Илченко: Истеҳсоли картошка барои кишвар вазифаи стратегӣ аст

Номбурда гуфт, бо вуҷуди вазъи мавҷуда, мардум набояд ба вохима афтанд ва харидори зиёд кунанд, зеро дар бозор картошкаи нав пайдо мешавад, ки бояд нархҳоро устувор созад.

1
Барчаспҳо:
истеҳсол, бозор, нарх, картошка, Тоҷикистон
Надпись в центре города Худжанд Я люблю Худжанд, архивное фото

Ифтитоҳи “Шаҳри афсонавӣ” дар Хуҷанд

69
(Таҷдидшуда 13:02 27.09.2020)
Дар шаҳри Хуҷанд ба истиқболи ҷашни 30-юмин солгарди Истиқлоли давлатии Тоҷикистон мағозаи бузурги ““Шаҳри афсонавӣ” ифтитоҳ гардид

ДУШАНБЕ, 27 сен — Sputnik. Маркази ҷадиди савдо дар хиёбони Раҳим Ҷалил бо ҳузури раиси шаҳри Хуҷанд Маъруф Муҳаммадзода ва фаъолони шаҳр кушода шуд.

Тибқи иттилои котиботи шаҳрдории Хуҷанд, маркази тиҷоратии “Шаҳри афсонавӣ” бо иқдоми соҳибкори ватанӣ Ёқубҷон Раҳимбоев ифтитоҳ карда шуд, ки дар он асосан молу маҳсулоти ниёзи бачагона фурӯхта мешавад. Мағоза аз таҳхона ва 2 ошёна иборат буда, масоҳати он 450 метри мураббаъро ташкил медиҳад.

“Ба мағоза сармояи дохилию хориҷӣ бо маблағи беш аз 5 миллион сомонӣ сарф карда шудааст. Молҳо истеҳсоли кишварҳои Туркия ва Хитой буда, бинобар дастрасӣ аз дасти аввал нисбатан аз бозор арзон аст. Тамоми намуди бозичаҳо, велосипед, аробача ва дигар таҷҳизоти талаботи наврасон дар мағоза ба фурӯш гузошта шудааст”, - омадааст дар иттилоия.

Зикр шуд, ки маҷмуъан 174 намуди молу маҳсулоти бачагона дар мағозаи ““Шаҳри афсонавӣ” ҷойгир шудааст, ки 10 нафар сокинони маҳаллӣ бо маоши баланд ва ҷойи кори доимӣ таъмин гардиданд.

Шаҳрдор Маъруф Муҳаммадзода ҳозиринро бо Рӯзи шаҳри Хуҷанд шодбош гуфта, ин иқдоми соҳибкорро намунаи ибрат ва пайравӣ дониста, аз ҷумла таъкид дошт, ки ҳамарӯза соҳибкорон ва шахсони эҳсонкор дар шаҳри Хуҷанд дар арсаи созандагию ободкорӣ саҳми арзанда мегузоранд.

69
Барчаспҳо:
мағозаҳо, Хуҷанд, Тоҷикистон