Раванди мутобиқшавӣ ба талаботҳои Барномаи амнияти истифодабарандаи SWIFT

SWIFT: дар БМТ пешгирии қаллобӣ ва амнияти иттилоотӣ баррасӣ шуд

117
(Таҷдидшуда 15:54 23.12.2017)
Дар Бонки миллии Тоҷикистон амнияти иттилоотӣ ва пешгирии қаллобӣ муҳокима шуд

ДУШАНБЕ, 23 дек — Sputnik. Рӯзи 21 декабр дар Бонки миллии Тоҷикистон бо намояндагони ташкилотҳои қарзӣ — аъзоёни Нуқтаи дастёбии дастаҷамъии SWIFТ БМТ ҷиҳати мутобиқшавӣ ба талаботҳои Барномаи амнияти истифодабарандаи SWIFT вохӯрӣ баргузор гардидааст.

Дар ин бора равобити умумии БМТ хабар медиҳад.

Муовини раиси БМТ  Машрабзода Ҳамидулло гуфтааст, ки бо мақсади пешгирии амалиётҳои қаллобӣ ва таъмини амнияти иттилоот дар низоми SWIFT, бояд ташкилотҳои қарзӣ аз тағйироту талаботҳои ҳамарӯзаи SWIFT огаҳӣ дошта бошанд. 

Дар ин дидор инчунин бобати раванди мутобиқшавӣ ба талаботҳои Барномаи амнияти истифодабарандаи SWIFT (CSP — Customer Security Programm) ва гузаштани аттестатсия сардори бахши дастгирии техникии SWIFT Яҳёев Бахтиёр иттилоъ дод, ки айни замон ҳамаи ташкилотҳои қарзӣ аз раванди аттестатсия бомувафаққият гузашта, худро дар платформаи KYC-SA санҷиданд.

"Мақсади асосии ҷорӣ намудани Барномаи CSP расонидани кӯмак ба истифодабарандагони SWIFT дар самти таъмини амният, ҳифзи инфрасохтори дохилӣ ва мубориза бар зидди қаллобӣ мебошад", — гуфт ӯ. 

Дар идомаи мулоқоти корӣ оид ба масъалаҳои ҳифзи иттилоот дар ҷойи кории нуқтаи дастрасӣ ба низоми SWIFT, ҳифзи ҷойи корӣ, ҳифзи гузарвожаҳо ва соқиту қатъ намудани ҳуқуқу ваколатҳои истифодабарандагон дар ин низом сардори бахши ҳифзи иттилоот — Абдуллоев Шамсиддин нақл кард.

117
Барчаспҳо:
ташкилотҳои қарзӣ, қарз, амнияти иттилоотӣ, баррасӣ, БМТ, Тоҷикистон
Мавзуъ
Шайх Абдулло ба БМТ: бо сармоягузорони Қатар бонки исломӣ бисозед
Намояндагони БОР ба БМТ: пешниҳодатонро ба роҳбариятамон мерасонем
БМТ дар шаҳри Душанбе майдончаи варзишию истироҳатӣ бунёд кард
БМТ нархи расмии арзҳоро муқаррар кард
Мошинҳои боркаш, акс аз бойгонӣ

Савдои хориҷии Хатлон беш аз 217 миллион долларро ташкил додаст

57
(Таҷдидшуда 13:44 25.10.2020)
Қурбон Ҳакимзода, раиси вилояти Хатлон, зимни як ҷаласа натиҷаҳои фаъолияти бахшҳои гуногуни вилоятро тайи 9 моҳи соли равон ҷамъбаст кард

ДУШАНБЕ, 25 окт — Sputnik. Дар нуҳ моҳи соли равон гардиши савдои хориҷӣ ба 217,2 миллион доллари амрикоӣ расид, хабар дод нашрияи “Ҷумҳурият” аз қавли котиботи ҳукумати Хатлон.

Манбаъ афзуд, содироти мол 100,9 миллион долларро ташкил дода, воридоти он ба 116,3 миллион доллар расидааст.

“Аз вилоят ба хориҷи кишвар, асосан, нахи пахта, калобаи ресандагӣ, неруи барқ, семент, шираи камол, ангишт ва маҳсулоти кишоварзӣ содирот гардида, нурии минералӣ, маҳсулоти нафтӣ, гази моеъ, воситаҳои нақлиёт, маҳсулоти кишоварзӣ, тиббӣ, шакар ва дигар анвои маҳсулот ворид шудааст”, - омадааст дар иттилоия.

Инчунин ҳукумати Хатлон гузориш додааст, ки дар давраи ҳисоботӣ дар ҳудуди вилоят 36 ҳазору 204 ҷойи нави кори доимӣ ва мавсимӣ таъсис ёфт.

“Аз ҳисоби 302 ярмаркаи ҷойҳои кории холии баргузоршуда 3 ҳазору 270 шаҳрванд бо ҷойи кор таъмин гардид. Дар умум, 5 ҳазору 308 нафар бо шуғл фаро гирифта шуд”, - таъкид кардааст манбаъ.

57
Барчаспҳо:
савдо, Хатлон, Тоҷикистон
Ёдгор Файзов, раиси ВМКБ ҳангоми мулоқот бо ризокорон дар Хоруғ

Ташкили колхозу кооператив ба ҷои хоҷагиҳои оилавӣ: пешниҳоди ҳукумати ВМКБ

2073
(Таҷдидшуда 20:58 23.10.2020)
Ҳукумати Вилояти Мухтори Куҳистони Бадахшон аз натиҷаи машварати назоратии назди раиси вилоят гузориш дод, ки хоҷагиҳои деҳқонӣ ё худ оилавӣ дар вилоят таҷдиди сохтор шаванд

ДУШАНБЕ, 23 окт - Sputnik. Ҳукумати ВМКБ теъдоди хоҷагиҳои хурди деҳқонӣ ё худ оилавиро 15 ҳазору 844 адад гуфта, фаъолияти онҳоро ноустувор ва нокифоя хондааст.

Бар асоси иттилоияи нашркардаи мақомоти ВМКБ, гузаронидани ислоҳоти соҳаи кишоварзӣ ва таҷдиди хоҷагиҳо - ташкили кооперативҳои истеҳсолию колхозҳо зарур аст. Манбаъ илова намудааст, ки инчунин зиёда аз 1300 гектар замин солҳои дароз дар зери сохтмон ҳастанд, вале ҳанӯз аз ҳисоботи омори замини кишт бароварда нашудаанд

Ин дар ҳолест, ки қаблан низ Ёдгор Файзов, раиси ВМКБ,  барои истифодаи самараноки заминҳои мавҷуда ва таъмини бозор бо маҳсулоти кишоварзӣ  ташкили ассотсиатсияҳо ва кооперативҳои деҳқониро пешниҳод карда буд.

“Хочагиҳои деҳқонии инфиродӣ имрӯз дар вилоят зиёда аз 16 ҳазор ҳастанд, вале ҳиссаи ҷамъи замин ба ҳар яки онҳо 0,10 ҳисса мерасад. Ба ин хотир ассотсиатсияҳо ё кооперативҳои хоҷагиҳои деҳконӣ таъсис додан зарур аст. Ин омил имкон медиҳад, на танҳо ҳисобу китоби фаъолият, балки тавлиди зиёди ҳосили рӯёнда ва андозбандии онҳо, ҳамзамон хизматрасониҳои дигар ба онҳо беҳтар ба роҳ монда мешаванд", - омада буд дар изҳороти Файзов, ки котиботи ҳукумати ВМКБ нашр карда буд.

2073
Барчаспҳо:
ВМКБ, пешниҳод, Тоҷикистон

Шикори шабона: низомиёни русиягӣ дар Тоҷикистон бо "душман" даргир шуданд - видео

0
(Таҷдидшуда 19:41 26.10.2020)
Низомиёни пойгоҳи 201-уми Русия дар кӯҳҳои Тоҷикистон тамрин карда, душмани шартиро дар паи амалҳои вижа нобуд карданд

Тамриноти низомиёни пойгоҳи 201-ум дар размоишгоҳи Лоҳур шабона баргузор шуд.

Анҷоми тамриноти низомии панҷ ҳазор сарбоз дар Тоҷикистон

Дар тамриноти омӯзишӣ беш аз 500 низомиёни бахши туфангпаронии пойгоҳи 201-ум ширкат карданд.

Бино ба гузориши Округи марказии ҳарбӣ ҳамалот бар "душман" бо ёрии мушаки "Град" анҷом дода шуд.

"Душман нобуд шуд": Тирпарронии чархболи Ми - 24 дар Тоҷикистон - навори диданӣ

Дар баробари ин, дар ин тамринот мошинҳои зиреҳпӯши БТР-82А, АГС-17 ва РПГ-7В ба кор бурда шуданд.

Ба ҳайати шахсӣ даст дод, то душмани шартиро хаста намуда, бо талафоти бузург аз ҷониби душман амалиётро анҷом диҳанд.

0
Барчаспҳо:
пойгоҳи 201, низомиён, тамринот, Тоҷикистон