Қатар.

Робитаи мустақими соҳибкорон: Тоҷикистону Қатар созишнома имзо мекунанд

114
(Таҷдидшуда 13:28 14.01.2018)
Тоҷикистон ва Қатар табодули содироти маҳсулоти кишоварзиро баррасӣ карданд

ДУШАНБЕ, 14 янв — Sputnik.  Дар ин бора равобти умумии Вазорати корҳои хориҷии Тоҷикистоон хабар медиҳад.

Гуфта мешавад, ки рӯзи 11 январ сафири Тоҷикистон дар  Қатар Хисрав Соҳибзода бо вазири шаҳрсозӣ ва муҳити зисти Қатар Муҳаммад Абдуллоҳ ал-Румейҳӣ дидор кардааст.

Дар ҷараёни суҳбат ҷонибҳо роҳҳои тавсеаи ҳамкории Тоҷикистон ва Қатар дар соҳаи кишоварзӣ ва амнияти озуқавориро баррасӣ намуданд. Ҳамчунин роҷеъ ба имкониятҳои таъсиси ширкату корхонаҳои муштараки истеҳсолӣ ва содироти маҳсулоти кишоварзии Тоҷикистон ба Қатар табодули назар сурат гирифт.

"Ҷонибҳо бар зарурати дар наздиктарин фурсат ба имзо расонидани созишномаи дуҷониба оид ба ҳамкорӣ дар соҳаи кишоварзӣ таъкид намуда, таҳкими робитаҳои мустақими корӣ миёни доираҳои соҳибкории ду давлат дар арсаҳои кишоварзӣ ва хӯрокворӣ ва иштироки онҳоро дар намоишгоҳҳои маҳсулоти кишоварзӣ, ки дар Тоҷикистон ва Қатар ҳамасола баргузор мешаванд, муҳим арзёбӣ намуданд", —омадааст дар хабарнома.

Вазорати шаҳрсозӣ ва муҳити зисти Қатар яке аз бузургтарин вазоратҳои ин давлат буда, ҳамчунин масъули татбиқи сиёсати давлатии Қатар дар соҳаҳои кишоварзӣ ва таъмини амнияти ғизоӣ мебошад.

Пештар хабар дода шуд, ки сафири Тоҷикистон дар Қатар бо раиси анҷумани соҳибкорони Қатар мулоқт кард. Дар рафти суҳбат масоили таҳкими робитаҳои соҳибкорони ду кишвар ва роҳандозии содироти маҳсулоти ширкату корхонаҳои Тоҷикистон ба Қатар баррасӣ шуданд.

Шайх Файсал Оли Сонӣ изҳор намуд, ки соҳибкорони Қатар ба рушди ҳамкориҳои мутақобилан судманд бо Тоҷикистон, аз ҷумла дар соҳаҳои кишоварзӣ, саноат, нақлиёт, логистика, саёҳат ва сохтмони меҳмонхонаҳо алоқамандии зиёд доранд.
Дар натиҷаи мулоқот ҷонибҳо баргузор намудани вохӯрии соҳибкорони Тоҷикистон ва Қатарро дар наздиктарин фурсат зарур шумориданд.  

114
Барчаспҳо:
гуфтугӯ, дидор, кишоварзӣ, Хисрав Соҳибзода, Қатар
Мавзуъ
Соҳибкорони Тоҷикистону Қатар мулоқот мекунанд
Шайх Абдулло ба БМТ: бо сармоягузорони Қатар бонки исломӣ бисозед
Таджикские сомони и рубли, архивное фото

Бонки миллӣ арзиши рубл, доллар ва евроро барои имрӯз эълон кард

647
(Таҷдидшуда 10:04 25.05.2020)
Бонки миллии Тоҷикистон арзиши сомониро нисбат ба асъори хориҷӣ барои имрӯз ҷумъа охири ҳафтаи равон эълон кард

ДУШАНБЕ, 25  май — Sputnik. Тибқи нишондоди Бонки миллии Тоҷикистон арзиши 1 рубли русӣ то 0.1400 ва дар бозори нақдии кишвар 0.1440 сомонӣ арзиш дорад.

Ин ниҳод қурби миёнаи фурӯши 1 доллари ИМА дар муассисаҳои қарзии Тоҷикистонро аз 10.2685 то 10.2700 сомонӣ арзёбӣ кардааст.

Бонки миллӣ қурби миёнаи фурӯши 1 евроро аз 11.1875 то 11.5000 сомонӣ арзёбӣ кардааст.

Аммо дар бонкҳои кишвар нисбат ба нишондоди БМТ арзиши асъори хориҷӣ каме болост.Дар “Бонки Эсхата” хариду фурӯши 1 рубл аз 0.1430 то 0.1450сомонӣ муқаррар шудааст.

Дар “Спитаменбонк” бошад арзиши 1 рубл аз 0.1400 то 0.1450 ва дар “Алифбон” бошад 1 рубл аз 0,1420 то 0,1455сомонӣ нишон дода шудааст.

БМТ огоҳ менамояд, ки "берун аз сарбонк, филиал, марказҳои хизматрасонии бонкӣ, нуқтаи интиқоли пул ва банкомату терминалҳо анҷом додани амалиёти мубодилавӣ қатъиян манъ аст ва риоя накардани талаботи мазкур аз ҷониби шахсони воқеӣ қонуншиканӣ ба ҳисоб рафта, боиси ба ҷавобгарии маъмурӣ ва ҷиноятӣ кашидан мегардад".

647
Доллары, архивное фото

Танҳо дар 4 моҳ: Тоҷикистон ба маблағи беш аз 7 миллион доллар кумак дарёфт кард

187
(Таҷдидшуда 13:23 23.05.2020)
Аз миёни кишварҳои имдодрасон, ки давоми 4 моҳи ахир ба Тоҷикистон кумаки башардӯстона ирсол намуданд, Ӯзбекистон дар мақоми аввал қарор дорад

ДУШАНБЕ, 23 май — Sputnik. Давоми чор моҳи ахири соли равон ба Тоҷикистон аз ҷониби 43 кишвар, кумакҳои башардӯстона ирсол гардид, хабар медиҳад агентии ТоҷикТа.

Ба иттилои манбаъ, кишварҳои имдодрасон ба Тоҷикистон  ба маблағи 7,7 миллион доллар кумак фиристодаанд.

Дар чор моҳи ахир, Тоҷикистон беш аз 4 ҳазор тонна кумакҳои гуманитариро дарёфт кард. Кумакҳои ирсолшуда аз орду равған, доруворӣ, маводҳои тиббӣ ва дигар маҳсулотҳо иборат буданд.

Кумаки башардӯстона: Тоҷикистон ба маблағи 6 миллион доллар маводи доруворӣ гирифт

Зимнан, аз миёни кишварҳои кумакрасон ба Тоҷикистон, Ҷумҳурии Ӯзбекистон дар мақоми аввал қарор дорад. Зеро танҳо дар чор моҳи ахир, Тоҷикистон аз ҳамсоякишвари Ӯзбекистон ба маблағи 2,5 миллион доллар кумакҳои башардӯстона дарёфт кард.

Дар мақоми баъдӣ Чин қарор дорад. Саҳми ин кишвар дар расондани кумак ба Тоҷикистон ба 2 миллион доллар баробар аст.

Федератсияи Русия дар феҳрасти кишварҳои имдодрасон мақоми сеюмро касб мекунад. Дар давоми 4 моҳ, Русия ба маблағи 865 ҳазор доллар ба Тоҷикистон кумакҳои гуманитарӣ ирсол намудааст.

187
Барчаспҳо:
кумак, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон
Активисты гражданского общества осведомляют о новом коронавирусе в Кабуле

Афзоиши гирифторони коронавирус дар Афғонистон: аз 11 ҳазор гузашт

0
Шабонарӯзи охир дар Афғонистон 591 ҳолати нави сироят ёфтани коронвирус ба қайд гирифта шуда, як нафар аз ин беморӣ ҷон додаст

ДУШАНБЕ, 25 май – Sputnik. Дар Афғонистон, шумораи мубталоён ба коронавирус марзи 11 ҳазор нафар гузашт, хабар медиҳад Tolo News.

Тибқи иттилои Вазорати тандурустии ин кишвар, давоми 24 соати охир дар ҷумҳурӣ 591 ҳолати нави сирояти COVID-19 ба қайд гирифта шудааст.

Ба иттилои манбаъ, теъдоди умумии мубталоён ба ин беморӣ ба 11 582 нафар расид.

 Гузашта аз ин, дар давоми як рӯзи охир танҳо як нафар фавтида ва 22 нафар беморон табобат ёфтанд.

Гуфта мешавад, аз лаҳзаи ворид шудани вирус дар Афғонистон то кунун, 1095 беморе табобат шуданд.

Ёдовар мешавем, ки аввал авҷи сирояти коронавирус ба Эрон расида, сипас ба Афғонистон ҳамсояи он интиқол ёфт.

Аввалин гирифтори беморӣ дар ин кишвар танҳо дар вилояти Ҳирот, ки бо Эрон ҳамсарҳад аст, пайдо шуда буд.

Пас аз чанде, дар Вазорати Тандурустии Афғонистон пешгӯӣ карда шуд, ки тибқи он 80% аҳолии ин кишвар коронавирусро аз сар мегузаронад.

0
Барчаспҳо:
маризон, гирифторон, омор, вирус, Афғонистон